ئه‌ڤرۆ نیوز:
ستێرا هه‌لبژارتیێ ئنگلته‌را و یانا لیسته‌ر سیتى ڤاردى شیا بوو یاریا هه‌شتێ ل دیڤ ئێك گولێ توماربكه‌ت كو دبیته‌ جارا دوێ د مێژویا وى یاریزانى دا بشێت بوو هه‌شت یاریان ل دیڤ ئێك د خۆلێ دا گولێ توماربكه‌ت پشتى ل وه‌رزێ 2015-2016 شیاى به‌رى نوكه‌ توماربكه‌ت و ب ڤێ چه‌ندێ ئه‌و یاریزان بوو یاریزانێ دوێ د مێژویا خۆلا ئنگلته‌را دا هه‌شت یاریان ل دیڤ ئێك گولێ توماربكه‌ت پشتى به‌رى نوكه‌ ل هه‌ردو سالێن 2002 و سالا پاشتر 2003 رود ڤان نێستلررو شیاى دو جاران هه‌شت یاریان ل دیڤ ئێك گولێ توماربكه‌ت.

هه‌ژى گوتنێ یه‌ نوكه‌ ڤاردى ل سه‌رێ لیستا خولا ئنگلته‌را دهێت ب توماركرنا 16 گولان و ب جوداهیا 5 گولان ژ نێزیكترین هه‌ڤركێ خوه‌ دوره‌.

ئه‌ڤرۆ نیوز:
یانا لیسته‌ر سیتى به‌رده‌وامى دا ئه‌نجامێن خوه‌ یێن سه‌ركه‌فتى ل وه‌رزێ ئه‌ڤ ساله‌ پشتى دوهى شیاى سه‌ركه‌فتنا خوه‌ یا 12 ل وه‌رزێ ئه‌ڤ ساله‌ و هه‌شتێ ل دیڤ ئێك توماربكه‌ت ده‌مێ ڤێ جارێ شیاى سه‌ركه‌فتنێ ل سه‌ر یانا ئه‌ستون ڤێلا توماربكه‌ت ب چار گولان به‌رامبه‌ر گوله‌كێ ژ چارچوڤێ یاریێن گه‌را 16 ژ خۆلا ئنگلته‌را .
ب وێ سه‌ركه‌فتنێ یانا لیسته‌ر سیتى شیا نمره‌كا مێژوى د مێژویا پشكداریێن خوه‌ دا دخۆلا پرێمێرلیگا ئنگلته‌را دا توماربكه‌ت پشتى شیاى هه‌شت سه‌ركه‌فتنا ل دیڤ ئێك توماربكه‌ت كو ئه‌و یانه‌ ل وه‌رزێ وێ یێ مێژوى یێ 2015-2016 ده‌مێ شیاى ناسناڤێ خولێ ب ده‌ستخوڤه‌ توماربكه‌ن نه‌شیابوو هه‌شت یاریان ل دیڤ ئێك سه‌ركه‌فتنێ توماربكه‌ت.

ئه‌ڤرۆ نیوز:
پشتى بورینا 15 حه‌فتیان ژ خۆلا لالیگا ئیسپانیا هه‌تا نوكه‌ هه‌ڤركیا گولكه‌رێن خۆلێ یا گه‌رمه‌ دناڤبه‌را هژماره‌كا ستێرێن وێ خولێ كو ل رێزا ئێكێ ستێرا ئه‌رژه‌نتینى و یانا به‌رشه‌لۆنا لیونێل میسى دهێت و كه‌ریم بنزیما ستێرا ریال مه‌درید ل رێزا دوێ دهێت.

هه‌لویستێ گولكه‌رێن خولێ ب ڤى شێوه‌یێ خوارێ یه‌

1- “لیونێل میسى ” به‌رشه‌لۆنا: 12 گول

2- “كه‌ریم بنزیما” ریال مه‌درید : 11 گول

3- “جیرارد مورینو” ڤیاریال : 8 گول

4- “لویس سوارێز” به‌رشه‌لۆنا: 8 گول

5- “لورین مورون” ریال بیتیس: 8 گول

6- “لوكاس بیرێز” ئالاڤێس: 8 گول

7- “ئه‌نجیل رودرێگز” خیتافی: 7 گول

8- “ویلیان خوسی” ریال سوسییداد: 7 گول

9- “ماكسیملیانو گومێز” ڤالنسیا: 6 گول

10- “روجر مارتی” لیڤانتى: 6 گول

ئه‌ڤرۆ نیوز:
ستێرا دانیمارى و یانا سالزبورگ یا نه‌مساوى نوكه‌ بوویه‌ جهێ گرنگیا هژماره‌كا یانێن مه‌زن ل ئورۆپا پشتى وى ئاستێ بلند ل وه‌رزێ ئه‌ڤ ساله‌ ل گه‌ل یانا خوه‌ د خۆلا نه‌مسا دا و قاره‌مانیا چامپیونیز لیگ پێشكێشكرى.
رۆژناما كوریرى دیللو سپورت یا ئیتالى ئاشكراكریه‌ یانا یوڤانتوس ل ده‌ستپێكا ڤێ حه‌فتیێ ب فه‌رمى ده‌ست ب دانوستاندنان ل گه‌ل یانا سالزبورگ كر بوو ڤه‌گوهاستنا ستێرا وان یا گه‌نچ ئیرلینگ هالاند بوو ڤه‌گوهاستنێن زڤستانا بهێت.
هه‌ردیسان وێ رۆژنامێ ئاشكراكریه‌ ژى هالاند به‌نده‌ك د هه‌ڤبه‌ستا خوه‌ دا هه‌یه‌ ل گه‌ل یانا سالزبورگ هه‌ر ده‌مێ وى بڤێت دشێت پێكهاتیێ یانێ ب جه بهێلت به‌رامبه‌ر كوژمێ 30 ملیون یورۆیا هه‌ردو لایه‌ن ل سه‌ر وێ به‌ندێ پێكهاتبوون ل ده‌مێ ئیمزاكرنا هه‌ڤبه‌ستا وى یاریزانى ل وه‌رزێ بورى.
هه‌ردیسان وێ رۆژنامێ ئاشكراكریه‌ ژى یانا یوڤانتوس هه‌ڤبه‌سته‌ك پێشكێشى هالاند كریه‌ وه‌كو موچه‌یێ وى یێ سالانه‌ 3 ملیون یورۆ ل گه‌ل پاداشێن مه‌زن هه‌ردیسان ده‌رفه‌تا زێده‌كرنا موچه‌یێ وى .
ئیرلینگ هالاند یێ 19 سالى ل وه‌رزێ ئه‌ڤ ساله‌ پشكدارى د 20 یاریان دا كریه‌ ل گه‌ل یانا خوه‌ د هه‌موو قاره‌مانیان دا و شیایه‌ 27 گولان توماربكه‌ت ل گه‌ل 7 ئه‌سیست.
هه‌ژى گوتنێ یه‌ هه‌ر ئێك ژ یانێن مانچێسته‌ر یونایتد و بروسیا دورتموند و بایرن میونیخ ژى به‌رهه‌ڤیا خوه‌ دیاركریه‌ بوو ئیمزاكرنا هه‌ڤبه‌ستا وى یاریزانى و چاڤه‌رێ دهێته‌كرن ل ڤێ حه‌فتیا هه‌تا حه‌فتیا بهێت ئه‌و یانه‌ ژى ب فه‌رمى ده‌ست ب دانوستاندنان بكه‌ن ل گه‌ل وى یاریزانى و یانا وى.

ئه‌ڤرۆ نیوز:
رۆژنامه‌یێن نێزیكى یانا به‌رشه‌لۆنا دیاركرینه‌ هه‌ردو ستێرێن یانا به‌رشه‌لۆنا جوردى ئه‌لبا و سێمێدو ژ هنگافتنێ ب دووماهیى هاتى نه‌ و ل دووماهیى یه‌كا راهێنانى یا یانێ پشكدارى ل گه‌ل راهێنانێن یانێ كرینه‌ ب شێوه‌كێ سروشتى.
هه‌ردیسان هاتیه‌ دیاركرن ژى بوو یاریا به‌رامبه‌ر ئه‌نتر میلان ب رێژه‌یا هه‌ره‌ مه‌زن هه‌ردو یاریان دێ د به‌رهه‌ڤبن و چاڤه‌رێ دهێـته‌كرن راهێنه‌ر ب چه‌ند خوله‌كا یاریێ ب ئه‌وان یاریزانان بكه‌ت بوو لێ ب رێژه‌یا هه‌ره‌ مه‌زن راهێنه‌ر پشت به‌ستنێ ل سه‌ر هه‌ردو یاریزانان ناكه‌ت ب شێوه‌كێَ سه‌ره‌كى ژبه‌ركو ڤالڤێردى راهێنه‌رێ به‌رشه‌لۆنا دخوازیت هه‌ردو یاریزان بوو یاریا كلاسیكو یا 18 ڤێ هه‌یڤێ به‌رامبه‌ر ریال مه‌درید د به‌رهه‌ڤبن.