رێبه‌ر روشدى خەلاتێ ئێکێ يێ فیستەڤالا شاريقە ب دەسخوەڤە ئینا

05/12/2019 19:50

110

ئەڤرۆ نیوز ، زنار تۆڤی:

فلمێ دکیومێنتاری The Challenge کو ژ ئامادەکرن و دەرھێنانا رێبەر روشدی یە خەلاتێ ئێکێ د فیستەڤالا شاريقە ل وەلاتێ ئیماراتێ دا ب دەسخوڤە ئینا.

دەرهێنەر رێبەر روشدی بۆ ئەڤرۆ نیوز گۆت: ئەڤ فلمە د فیستەڤالا شاريقە ل وەلاتێ ئیماراتێ ب نوونەراتیا زانکویا دھۆک، کولیژا زانستێن مرۆڤایەتی پشکدارببوو و پتر ژ ٢٢ زانکویێن عەرەبی پشکداری تێداکربوو، ژ ئەنجامێ ٦٦ فلمان ، فلمێ (ئەلتەحەدی) یێ ئێکێ دەرکەت د رێزا فلمێن دکیومێنتاری دا.

ناڤهاتی گۆت ژی: چیرۆکا ڤی فلمی ل دۆر کەسەکێ خودان پێدڤیێت تایبەتە و پەنابەرە و خودان ئیرادەکا ب ھێزە و ب رێکا وێنا دەربرینێ ژ نه‌خوه‌شيێن خوە دکەت و ڤان وێنا ب پیان چێدکەت، ئەڤ فلمە نامەکا مرۆڤایەتیە و پێکڤە ژیانێ د دەتە دیارکرن.

گوهۆڕين كه‌فتنه‌ ره‌وشا دراڤى

05/12/2019 13:20

2189

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى كانوونا ئێكێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

100 دولارێ ئه‌مريكى	120.700 دينار
100 يۆرۆيێ ئه‌ورۆپى	133.000 دينار
100 ليرێ توركى	21.000 دينار

بۆ وه‌رگرتنا نووترين پێزانينان ل سه‌ر ره‌وشا دراڤى ژماره‌ “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه‌.

ره‌وشا زێر و زيڤى ل بازارێن دهۆكێ

05/12/2019 13:18

706

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 5ى كانوونا ئێكێ 2019ێ بهايێ زێر و زيڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

1 گرام زێرێ (ع) 18	42500
1 گرام زێرێ (ع) 21	50000
1 گرام زێرێ (ع) 22	52000
1 گرام زيڤ	3000

وه‌زيرێ پێشه‌سازى دێ ئاماده‌يى روونشتنا بهێت يا په‌رله‌مانى بيت

05/12/2019 12:10

ئه‌ڤرۆ نيوز، نيوار محه‌مه‌د سه‌ليم:

بڕياره‌ رۆژا سێشه‌مبى 10ى كانوونا ئێكێ 2019 په‌رله‌مانێ كوردستانێ كۆم ببيت و د وێ كۆمبوونێ دا خواندنا دويێ بۆ پێشنيازا قانوونا ريكلامێ بازرگانى بكه‌ت.

ب گۆره‌ى پێزانينێن ل به‌ر ده‌ست بڕياره‌ ده‌مژمێر 11:00ى سپێده‌هيا رۆژا سێشه‌مبى 10ى كانوونا ئێكێ 2019 په‌رله‌مانێ كوردستانێ كۆم ببيت و كۆمبوونا په‌رله‌مانى دێ يا تايبه‌ت بيت ب خواندنا دويێ بۆ پرۆژێ قانوونا ريكلاما بازرگانى.

بڕياره‌ د روونشتنا رۆژا سێشه‌مبى يا بهێت يا په‌رله‌مانێ كوردستانێ دا، وه‌زيرێ پێشه‌سازى و بازرگانى يێ حوكمه‌تا هه‌رێما كوردستانێ ژى پشكدار بيت.

ئه‌ز ب پاقژی حه‌زژێ‌ دكه‌م و ئه‌و من ئیستغلال دكه‌ن

05/12/2019 11:54

1160

ئه‌ڤرۆ نيوز:

كچه‌كا 27 سالی، فه‌رمانبه‌ره‌ دلێ‌ خوه‌ بۆ ئه‌ڤرۆ ڤه‌دكه‌ت و دبێژیت: هه‌ر په‌یوه‌ندیه‌كا ئه‌ز ل گه‌ل كه‌سێ‌ به‌رامبه‌ر گرێ‌ دده‌م، ئه‌و كه‌سه‌ بزاڤێ‌ دكه‌ت من ئیستغلال بكه‌ت یان سه‌ردا ببه‌ت، هه‌كو ئه‌ز دبینم كو ئه‌ف كه‌سه‌ دێ‌ ده‌سپێكه‌ت من ئیستغلال كه‌تن ئه‌ز په‌یوه‌ندیێ‌ ب دووماهیك دئینم، بوچی هه‌ر كه‌سێ‌ ئه‌ز دنیاسم ئه‌ڤ تشته‌ ل ده‌ف هه‌یه‌ كو دڤێت من ئیستغلال بكه‌تن، ئه‌رێ‌ كێماسی ل كیڤه‌یه‌ ل ده‌ف منه‌ ئه‌گه‌ر چیه‌، ژبه‌ركو ئه‌ز حه‌زژێكرنێ‌ دده‌مێ‌ به‌س ئه‌و ڤی تشتی ئیستغلال دكه‌ن هیڤیدارم بو من رێیه‌ چاره‌سه‌ریه‌كێ‌ هوون چ دبێژن و ئه‌ز چبكه‌م ؟.

كچا عه‌زیز:
جارێ‌ حه‌زژێكرن چیه‌ بوته‌؟ حه‌زژێكرن دیاره‌ بو ته‌ دانه‌ و وه‌رگرتنه‌، ئانكو تو وه‌رگری یێ‌ دی بده‌ت و تو بده‌ی و یێ‌ دی وه‌رگریت، ئانكو وه‌كی ژیانێ‌ وه‌رگرتن و دانه‌، ژبه‌ر هندێ‌ هه‌كو تو دچیه‌ د په‌یوه‌ندیه‌كێ‌ دا تو حه‌زژێكرنێ‌ بده‌، به‌س نه‌ وه‌رگره‌ ئانكو ل هیڤیا وه‌رگرتنێ‌ نه‌بی، نه‌بێژه‌ من حه‌زژێكرن دایێ‌ دڤێتن ئه‌و ژی بده‌ته‌ من ل هیڤیێ‌ نه‌مینه‌، ئه‌ڤه‌ نیشانا هندێ‌ یه‌ كو ئه‌ڤ كه‌سه‌ هه‌موو یێن وه‌كی ئێك دهێنه‌ د ژیانه‌ ته‌ داكو تو گه‌له‌ك حه‌زژێكرنێ‌ دده‌یێ‌، ژبه‌رهندێ‌ كێم بكه‌ و هه‌كو تو ب كێمی ژی دده‌یێ‌ هه‌ر ل هیڤیا به‌رامبه‌ر نه‌مینه‌، به‌لێ‌ ئه‌ز ڤان هه‌موو په‌یوه‌ندیا و ڤێ‌ رێیا حه‌زژێكرنا ته‌ هه‌موویێ‌ د راستی دا ب حه‌زژێكرن نابینم و ئه‌س نه‌شێم بێژم ئه‌ڤه‌ حه‌ژێكرنه‌.

به‌رسڤدان: ده‌روونناس ئاواز

گۆشا دلێ خۆ ڤه‌ ل سه‌ر فه‌يسبۆكى

كوتینهو هاته‌ ده‌نگ ل سه‌ر چوونا خوه‌ بوو بایرن میونیخ

05/12/2019 11:45

194

ئه‌ڤرۆ نیوز:
ستێرا به‌رازیلى و یانا به‌رشه‌لۆنا ئه‌وێ ل وه‌رزێ ئه‌ڤ ساله‌ ب شێوه‌یێ خواستن هه‌ڤبه‌ستا یانا بایرن میونیخ یا ئه‌لمانى ئیمزاكرى دیاركر بریارا وى بوو چونا یانا باڤارى بریاره‌كا دروست بوو.
زێده‌تر وى یاریزانى بوو رۆژناما سپورت یا كه‌ته‌لونى دیاركریه‌ ئه‌و هه‌ر ژ هاتنا خوه‌ بوو ڤێ یانێ و هه‌تا نوكه‌ هه‌ست ب ئارامیه‌كا باش دكه‌ت و ئه‌و 100% یێ پشت راسته‌ بریارا هاتنا وى بوو ڤێ یانێ یا دروست بوو .
هه‌ردیسان سه‌باره‌ت به‌رده‌وامى دانا خوه‌ ل گه‌ل ڤێ یانا باڤارى كوتینهو دیاركر پلانا وى یا ده‌ستپێكێ ته‌ركیز ل سه‌ر وه‌رزێ ئه‌ڤ ساله‌ بكه‌ت و بشێت ئاسته‌كێ بلند پێشكێش بكه‌ن و ئه‌نجامێن بدلێ جه‌ماوه‌رى توماربكه‌ن.
ل دووماهیى ناڤبرى ئاماژه‌ ب وێ چه‌ندێ ژى كر هه‌كه‌ هه‌ر تشت وه‌كو وى دڤیان ب جه هاتن ئه‌و دخوازیت به‌رده‌وامى بده‌ته‌ كاروانێ خوه‌ ل ڤێ یانێ.
هه‌ژى گوتنێ یه‌ كوتینهو ل وه‌رزێ ئه‌ڤ ساله‌ پشكدارى د 18 یاریان دا كریه‌ ل گه‌ل یانا بایرن میونیخ و شیایه‌ 3 گول توماربكه‌ت ل گه‌ل 5 ئه‌سیستا.

مفایێن گووزێ‌ بۆ ساخله‌میا ژنان

05/12/2019 11:00

268

ئه‌ڤرۆ نيوز:

رێژه‌یه‌كا مه‌زن یا روونێ‌ نه‌تێركه‌ر د ناڤ گووزێ‌ دا هه‌یه‌ و ژێده‌ره‌كێ‌ باشه‌ بۆ پرۆتینی، ب شێوه‌یه‌كێ‌ گشتی وزه‌یه‌كا باش د ناڤ گووزێ‌ دا هه‌یه‌ و روونێ‌ وێ‌ گه‌له‌ك یێ‌ ساخله‌مه‌ و بۆ ساخله‌میا ژنان ئه‌ڤ مفایه‌ تێدا هه‌نه‌:

ئێك: سیسته‌مێ‌ به‌رگرییا له‌ش ب هێز دئێخیت و یا هاریكاره‌ بۆ پاراستنا له‌ش ژ تووشبوونا نه‌خۆشیان.

دو: گووز دبیته‌ ئه‌گه‌ر بۆ كێمكرنا سه‌نگی هه‌كه‌ به‌ری نانخوارنێ‌ چه‌ند كتان بخۆی و وه‌دكه‌ت تو هه‌ست ب تێربوونێ‌ بكه‌ی.

سێ‌: كارتێكرن ل سه‌ر سیسته‌مێ‌ نڤستنێ‌ هه‌یه‌ و نڤستنا مرۆڤی رێكدئێخیت.

چار: گووز ده‌رمانه‌كێ‌ باشه‌ بۆ نه‌هێلانا خه‌مۆكیێ‌ و مرۆڤی ئارام دكه‌ت.

پێنج: یا هاریكاره‌ بۆ پاراستنا دلی و ژ جه‌لتێ‌ دپارێزیت.

شه‌ش: یا هاریكاره‌ بۆ كێمكرنا كولیسترۆلی.

حه‌فت: یا هاریكاره‌ بۆ زێده‌كرنا شیانێن سیكسی.

هه‌شت: یا هاریكاره‌ بۆ كێمكرنا ده‌لیڤا تووشبوونێ‌ ب نه‌خۆشیێن په‌نجه‌شێرێ‌.

سه‌نگێ‌ خوه‌ ل وه‌رزێ‌ زڤستانێ‌ كێم بكه‌

05/12/2019 10:55

349

ئه‌ڤرۆ نيوز:

وه‌رزێ‌ زڤستانێ‌ ئێك ژ وان وه‌رزانه‌ یێن گه‌له‌ك مرۆڤ تووشی زێده‌بوونا سه‌نگێ‌ دبن ئه‌و ژی ژبه‌ر كێمیا لڤینێ‌ و گه‌له‌ك خوارنێ‌ و شرینیان كو گالۆرێن له‌شی زێده‌ دكه‌ن و دبنه‌ ئه‌گه‌رێ‌ كۆمڤه‌بوونا به‌زی.

باشترین چاره‌ ل وه‌رزێ‌ زڤستانێ‌ بۆ كێمكرنا سه‌نكێ‌ ئه‌وه‌ تو سیسته‌مه‌كێ‌ خوارنێ‌ یێ‌ ساخله‌م په‌یره‌و بكه‌ی و باشتره‌ ل دووڤ ڤی سیسته‌می بچی:
یا باش ئه‌وه‌ خوارنا تێشتێ‌ پشتگوه نه‌هاڤێژی ژبه‌ركو له‌شێ‌ ته‌ پێدڤی ب وزێ‌ یه‌.

یا باش ئه‌وه‌ رۆژانه‌ خوارنێن سڤك وه‌كو فێقی و زه‌رزه‌وات بخۆی، ژبه‌ركو ئه‌و خوارنێن همبه‌ری دانه‌كێ‌ ته‌مام یێ‌ خوارنێ‌ نه‌ و هه‌ستا تێربوونێ‌ زوو چێدكه‌ن و ساخله‌میا مرۆڤی دپارێزن.

فێقیێن ده‌وله‌مه‌ند ب ڤیتامین C وه‌كو پرته‌قالێ‌ بخۆن، ژبه‌ركو ئه‌و ناهێلین به‌ز كۆمڤه‌ ببیت و مرۆڤ ژ نه‌خۆشیێن سه‌رمایێ‌ دپارێزیت.

رۆژا خوه‌ ب ڤه‌خوارنا كۆپه‌كێ‌ ئاڤا گه‌رم ده‌ستپێبكه‌ و ب له‌خرینی ڤه‌خۆ، هه‌روه‌سا دو كۆپان به‌ری هه‌ر دانه‌كێ‌ خوارنێ‌ و دو كۆپان به‌ری نڤستنێ‌، ئاڤا گه‌رم دشێت به‌زێ‌ له‌شی بحه‌لینیت، هه‌روه‌سا ب درێژاهیا رۆژی ژی گه‌له‌ك ئاڤێ‌ ڤه‌خۆ خو بلا تو یێ‌ تێهنی ژی نه‌بی.

ل شوونا نانێ‌ سپی نانێ‌ ره‌ش یێ‌ جه‌هی بخۆ.

خوارنێن ب نسا كێم بكه‌ و گه‌له‌ك خوارنێن ده‌ریایی بخۆ وه‌كو ماسیا براژتی و ژ یا قه‌لاندی دوور بكه‌ڤه‌.

خوه‌ ژ خوارنا شرینیان، شۆكۆلاتان، خوێ‌ و ڤه‌خوارنێن غازی و شرینیێن ب شه‌كر دوور بكه‌.

هنده‌ك راهێ،انێ، وه‌رزشی بكه‌ وه‌كو پیاسه‌ بۆ ده‌مێ‌ نیڤ سه‌عه‌تێ‌ د رۆژێ‌ دا.

هه‌روه‌سا ل سه‌ر په‌یره‌وكرنا سیسته‌مه‌كێ‌ خوارنێ‌ یێ‌ ساخله‌م یێ‌ رژد به‌.

ره‌وشا سه‌قايێ رۆژا ئه‌ينى

05/12/2019 10:54

2085

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا ئه‌ينى دهێته‌ پێشبينيكرن ئه‌سمان دێ ئه‌وره‌كێ باراناوى بيت ل پتريا ده‌مان و ل ده‌ڤه‌رێن چيايى ژى به‌فر دێ باريت.

پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه‌ راگه‌هاند كو سوبه‌هى رۆژا ئه‌ينى رێكه‌فتى 5ى كانوونا ئێكێ 2019 دهێته‌ پێشبينيكرن ئه‌سمان ژ ئه‌وره‌كێ باراناوى بيت ل پتريا ده‌مان و ل ده‌ڤه‌رێن چيايى ژى به‌فر دێ باريت.

پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه‌ و ناڤه‌ندى بيت ناڤبه‌را 10 بۆ 20كم ب ره‌نگه‌كى كو دێ ئاراستێ وى د گوهۆڕينێ دا بيت و مه‌ودايێ ديتنێ ژى دێ 7 بو 9كم بيت. نزمترين پلا گه‌رماتيێ دێ 7 پله‌ بيت و بلندترين پله‌ ژى دێ 13 بيت.

گوگل باشترين ئه‌پليكه‌يشنێن 2019ێ به‌لاڤكرن

05/12/2019 10:41

305

ئه‌ڤرۆ نيوز، نيوار محه‌مه‌د سه‌ليم:

گوگل باشترين به‌رنامه‌ و ياريێن ل سه‌ر گوگل پله‌ى دياركرن كو ژ باشترين به‌رنامه‌، باشترين يارى، باشترين فلم و هه‌روه‌سان باشترين پرتووك ژى پێك دهێن دياركرن.

گوگل بۆ ئه‌ڤ ساله‌ ب راپرسيێ ل هه‌ر پشكه‌كێ ب ناڤوده‌نگترين به‌رنامه‌ هه‌لبژارتن كو تێدا به‌رنامێ ده‌ستكاريكرنا ڤيديۆيان Glitch video Effects ب ناڤوده‌نگترين به‌رنامێ سالێ يێ گوگل پله‌ى هاته‌ دياركرن. ياريا ل سه‌ر مۆبايلێ ژى Call of Duty هاته‌ ده‌ستنيشانكرن. Avengers: Endgame باشترین فیلم و ” Scary Stories To Tell In The Dark” وەکو ب ناڤوده‌نگترين پرتووكا گوگل پله‌ى هاته‌ هه‌لبژارتن.

كۆمپانيێ ب خوه‌ ژى ژ لايێ خوه‌ ڤه‌ به‌رنامێ Ablo وه‌كو باشترين به‌رنامێ گوگل پله‌ى دياركر.

باشترین بەرنامە:

Ablo

باشترین بەرنامە بۆ بكارئينانا رۆژانە:

Appy weathe

باشترین بەرنامە بۆ سەرکەوفتنا کەسایەتی:

باشترین بەرنامە بۆ ده‌م بوراندنێ

باشترین بەرنامەکان كو ب ناڤوده‌نگ نه‌بوون:

باشترین ياريێن سالێ:

Call of Duty: Mobile

باشترین یارییەکانی هه‌ڤركيا:

باشترین یاریێن Casual: