ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى كانوونا ئێكێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.800 دينار |
| 100 يۆرۆيێ ئه‌ورۆپى | 133.000 دينار |
| 100 ليرێ توركى | 21.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئەڤرۆ نیوز ، زنار تۆڤی:
د. هاڤین کەمال شاهـ محەمەد شارەزا د زانستێ ئازار و به‌نجێ دا، شاره‌زا د چاره‌سه‌ریا فه‌قه‌رات و نه‌خۆشیا هەستیان بێ نشته‌رگه‌ری، ئه‌نداما پڕۆفشنال ل ئه‌کادیمیا ئه‌مریکی بۆ شکاندنا ئازاران، بۆ ئەڤرۆ نیوز گۆت: له‌رزین ئێکه ژ حالەتێن کۆئه‌ندامێ ده‌ماران، ره‌نگه بۆ ماوه‌کێ دەمکی بیت، یان ژی ببیته دیارده‌کا درێژخایه‌ن، ل دەستپێکێ ب تنێ دێ ده‌ست له‌رزیت، بەلێ ره‌نگه لدووڤدا سه‌ر و پێ و جهێن دیتر یێن لەشی ڤەگریت.
گرنگترین ئەگەرێن وێ:
. هۆکارێن دەمکی: ب ئەگەرێ تێکچوونەکێ ژ جینه‌یان روو ددەت و نه‌خۆشی نینه، هەکە ئێکێ ژ دایکێ یان بابی هه‌بیت، ئەگەرەکا زێدە هەیە کو زارۆیێن وان ژی تۆش ببن.
. توشبوون ب نه‌خۆشیا غوودا سام یان ژه‌هراوی.
. کێمبوونا ڤیتامین B12.
. نه‌خۆشیا پارکنسۆن.
.دابه‌زینا ئاستێ شه‌کرێ دناڤا خوینێ دا.
.سستی و تێکچوون و ژناڤچوونا ده‌ماران: ئەگەرەکێ زۆره وه‌ک نه‌خۆشیا شه‌کرێ، جه‌لتا مێشکی ، ژه‌هراوی بوون ب ڤیتامین B 6 ، هتد.
. نه‌خۆشیا ره‌قبوونا شانه و خانێن جۆدا.
. ب کارئینانا هندەک ده‌رمانان کو ماددێ دۆپامینی تێدایه.
. گەلەک فشارا ده‌روونی یان جه‌سته‌یی و دو دلیا به‌رده‌وام.
. ڤەخوارنا رێژەکا زۆر ژ وان ڤەخوارنێن مادێ کافاینێ تێدا وه‌ک چایێ و قەهوێ.
. پشتی دەستبەردان ژ ڤەخوارنێن کحولی: بۆ ماوەکێ دەمکی و لدووڤدا نامینیت.
.پیسبوونا ژینگەهێ و ئاڤ و هه‌وای.
.ته‌مه‌ن: پشتی ژیێ ٤۰ سالیێ دا زێدەتر‌ە.
ئەڤرۆ، نیوز، مەحمود نهێلی:
پرا کەلیا یا شوونەواری ئێک ژ جهێن گەشتیاری یێن سنورێ ناحیا دێرەلۆکێ یە و رۆژ بو رۆژێ بەرڤ خراب بوونێ دچیت ژ بەر وێ یەکی پێدڤی ب نووژەنکرنێ و چاڤدێریەکا پتر هەیە.
سەردار هێتوتی بەرپرسێ پشکا شوونەواران ل سەنتەرێ قوبەهان یێ ڤەکولین و دەست نڤیسان بو ئەڤرۆ نیوز دیار کر، کو ئەڤ پرە ئێک ژ جهێن شوونەوەری یێن گرنگە ل دەڤەرێ کو ل بەری سەر دەمێ حسێن والی میرێ بەهدیان هاتیە چێکرن . و گۆت : دیروکا وێ گەلەک یا کەڤنارە.
و تەکەز کر، کو پێدڤیە ئەڤ پرە ب رەنگی شوونەوەری بهێتە چێکرن کو دبیتە جهەکی باش کو گەشتیار و شوونەوار ناس قەس بکەنێ کو ژلایێ ئابوری ڤەژی دێ مفایەکی باش هەبیت بو خەلکی دەڤەرێ.
ناڤهاتی دیار ژی کو ب دەهان جهێن دی یێن گەشتیاری لدەڤەرێ هەنە و بارا پترێ ژی بەرەڤ نەمانێ چوونە و هەکە چاڤدێریەکا باش نەبیت چێدبیت مەترسیا ژناڤچونێ ل سەر هەموویان هەبیت.
ئه‌ڤرۆ نیوز،عه‌لی حاجی:
د داخویانیه‌كێ رێڤه‌به‌رێ ناحیا رزگاری بۆ ئه‌ڤرۆ نیوز دیار كر ل سنورێ ناحیا رزگاری مه كێماسیه‌كا زور د میلاكی دا هه‌یه ب تایبه‌تی ژی دته‌خێن په‌روه‌رده و ته‌ندروستی و ئه‌منی دا و ژبه‌ر نه‌بونا دامه‌زراندنێ هه‌تا نوكه ئه‌ڤ كێشه‌یه نه‌هاتیه چاره‌سه‌ر كرن .
زێده‌تر سه‌روه‌ر سه‌عید گوت : دفه‌رمانگه‌هێن میری دا ل سنورێ ناحیا مه ژ روویێ میلاكی ڤه گه‌له‌ك كێماسی هه‌نه و ژ سه‌رجه‌مێ چار بنگه‌هێ ته‌ندروستی ل سنورێ ناحیا مه بتنێ ئێك نوشدار هه‌یه و زێده‌باری وێ چه‌ندێ قوتابخانه‌یه‌كا نو یا 18 رێزی دئه‌ڤ ساله دا هاتیه ڤه كرن ژسه‌رجه‌مێ 20 ماموستایا بتنێ پێنچ ماموستا دامه‌زراندنی نه و ژماره‌یا دی هه‌می وانه‌بێژن و ئه‌ڤ چه‌نده ژی بوشاهیه‌كا مه‌زنه دكه‌رتێ په‌روه‌ردێ‌دا و پێدڤی ب چاره‌سه‌ر كرنێ یه .
و گوت ژی : مه كێماسی دمیلاكێ پولیس و ئاسایشێ دا هه‌یه ل ناحیێ مه چه‌ه‌ندین جاران داخاز كری یه به‌لێ ژبه‌ر نه‌بونا دامه‌ڤراندنێ و نه‌بونا هه‌ڤبه‌ستا هه‌تا نوكه ئه‌ڤ كێشه‌یه نه‌هاتیه چاره‌سه‌ر كرن و دگه‌ل ده‌ست ب كار بونا كابینه‌یا نوویا حكومه‌تا هه‌رێما كوردستانێ و چاره‌سه‌ر كرنا كێشه‌یێن دناڤبه‌را كوردستانێ و به‌غدا دبیت ده‌رگه‌هێ دامه‌زراندنێ بهێنه ڤه‌كرن و ئه‌م ژی بشێن میلاكێ خوه ته‌مام بكه‌ین و دێ دهه‌ولێن به‌رده‌وام ژی دا بم داكو ئه‌ڤ كێشه‌یه بهێته چاره‌سه‌ر كرن .
ئه‌ڤرۆ نيوز:
كچه‌كا 17 سالی دلێ خوه بو ئه‌ڤرۆ ڤه‌دكه‌ت و دبێژیت: ئه‌ز و گه‌نجه‌ك گه‌له‌ك حه‌ز ژ ئێكدو دكه‌ین، ڤیانا من بو وی یا بێ سنوره، ئه‌وی داخواز ژ من كر كو بهێته ده‌ف من ل مال، ده‌ستپێكێ ئه‌ز رازی نه‌بوم، به‌لێ ب ئاخفتنێن خوش شیا من، شه‌ڤه‌كێ خێزانا مه ژ مال چون ئه‌ز و خوشكا خوه یا سێ سالی بتنێ ماینه مال و من گوته ده‌زگرێ خوه وه‌ره كه‌س مال نینه، ئه‌و هات و دڤیا كریارا سكسی ل گه‌ل من بكه‌ت ئه‌ز رازی نه‌بوم، به‌لێ گوته من تو هه‌ر یا منی و دێ هه‌ر ته خوازم و تشته‌كێ نورماله، هه‌رچاوا بیت ئه‌ز رازی كرم و كریارا سكی ل گه‌ل من ئه‌نجام دا و ئه‌ز ژ كچینیێ ئێخستم، یا گوتیه من هه‌یڤه‌كا دی دێ ته خوازم، به‌لێ ئه‌ز دترسم ژ هندێ كو ئه‌و من نه‌خوازیت یان مالا مه رازی نه‌بن من بده‌نێ و هه‌كه مالا مه بزانن كو وی ئه‌ڤ كاره یێ ل گه‌ل من كری ئه‌و بخو دێ من كوژن، ئه‌ز چ بكه‌م هیڤی دكه‌م رێیه‌كێ نیشا من بده، سه‌رێت رێیا ل به‌ر من به‌رزه بوینه و من دڤێت خوه بكوژم؟.
كچا عه‌زیز:
ئه‌ڤ ئاریشا ب سه‌رێ ته هاتی دڤێت تو قه‌بیل بكه‌ی، به‌س رامان ژ قه‌بیلكرنێ ئه‌و نینه كو تو خوه بێ ده‌نگ بكه‌ی و چ بزاڤا نه‌كه‌ی یان هزرا خوه‌كوشتنێ بكه‌ی، ژ مالا خوه نه‌ترسه و ئه‌ز پشت راستم ته ناكوژن و دێ ل ته گه‌هن كو تو هێشتا یا بچووكی و كه‌فتیه ڤێ خه‌له‌تیێ و دێ هاریكاریا ته كه‌ن كو ژ ڤێ ئاریشێ بهێیه ده‌ر باشترین رێك ئه‌وه تو ل گه‌ل كه‌سه‌كا نێزیكی خوه باخڤی كو باوه‌ریا ته پێ بهێت وه‌ك دایك یان هه‌كه ته خووشكه‌كا مه‌زن هه‌بیت، ئه‌ڤ هه‌ردو كه‌سه گه‌له‌ك د گرنگن به‌لكی ئه‌و بشێن هاریكاریا ته بكه‌ن و ته ژ ڤێ ئاریشێ بیننه ده‌ر.
ئه‌ز ته پشت راست دكه‌م كو ئه‌ڤ گه‌نجه ته بخو نابه‌ت و ل هیڤیا ڤی تشتی نه‌به و ددانێن وی بهاڤێژه و هه‌روه‌كی ته نه‌دیتی و هزرا خوه بكه كو تو خوه ژ ڤێ ئاریشێ رزگار بكه‌ی، به‌س هزر د خوه‌كوشتنێ دا نه‌كه ژبه‌ركو خوه‌كوشتن چاره‌سه‌ری نینه و نابیت ئه‌م ژ ئاریشێن خوه ب ره‌ڤین دڤێت خوه ل به‌ر بگرین و چاره‌سه‌ر بكه‌ین، ژبه‌ركو كه‌سێ زیره‌ك ئه‌وه خه‌له‌تیا خوه چاره‌سه‌ر كه‌ت و و هیڤیدارم ئه‌ڤه ببیته وانه‌ك بو ته د ژیانێ دا و تو بو خوه ژێ فێر ببی و ببیته سه‌ربوره‌ك بو ته.
به‌رسڤدان: ده‌روونناس ئاواز
ئه‌ڤرۆ نيوز، نيوار محه‌مه‌د سه‌ليم:
رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ راگه‌هاند كو سوبه‌هى رۆژا چارشه‌مبى دهێته پێشبينيكرن باران ل هه‌موو ده‌ڤه‌ران بباريت و ل ده‌ڤه‌رێن چيايى ژى ده‌ليڤا به‌فر بارينێ يا هه‌ى.
پشكا پێشبينيان ل رێڤه‌به‌ريا گشتى يا سه‌قاناسى و بيڤه‌له‌رزێ ل هه‌رێما كوردستانێ د نڤيساره‌كێ دا كو دانه‌ك ب ده‌ست ئه‌ڤرۆ نيوز كه‌فتيه راگه‌هاند كو سوبه‌هى رۆژا چارشه‌مبى رێكه‌فتى 4ى كانوونا ئێكێ 2019 دهێته پێشبينيكرن باران ل هه‌موو ده‌ڤه‌ران بباريت و به‌فر ژى ل ده‌ڤه‌رێن چيايى يێن پارێزگه‌هێ و ب شه‌ڤ ئه‌ڤ كارتێكرنه دێ ب هێزتر بن.
پشكا پێشبينيان ئاشكه‌را ژى كر كو له‌زاتيا بايى دێ ب ره‌نگێ ل سه‌رخوه و ناڤه‌ندى بيت ناڤبه‌را 5 بۆ 15كم ب ره‌نگه‌كى كو دێ ئاراستێ وى د گوهۆڕينێ دا بيت و مه‌ودايێ ديتنێ ژى دێ 6 بو 8كم بيت. نزمترين پلا گه‌رماتيێ دێ 7 پله بيت و بلندترين پله ژى دێ 16 بيت.
ئه‌ڤرۆ نيوز، نيوار محه‌مه‌د سه‌ليم:
بڕياره ئه‌ڤرۆ رۆژا چارشه‌مبى په‌رله‌مانێ كرودستانێ كۆم ببيت و دانوستاندنێ ده‌رباره‌يى چه‌ند پرۆژه قانوونا بكه‌ت و بێخيته ده‌نگدانێ، راستڤه‌كرن ژى دێ بۆ پرۆژێ قانوونا زه‌ڤيێن زێده‌گاڤ هێته كرن.
ب، زنار تۆڤی:
لدووڤ ڤەکۆلینەکێ یاکو ژ لایێ نۆشدارێن وەلاتێ لوبنانێ ڤە هاتیە ئەنجامدان، ب کارئینانا لێنزێ جوانکاریێ عەدەسا چاڤی کاریگەریەکا گەلەک خراب ل سەر دیتن و کێمبوونا چاڤان هەیە. مالپەرێ هێلس یێ ساخلەمیێ بەلاڤکریە ب کارئینانا عەدەسا جوانکاریێ د بیتە ئەگەرێ کێمبوونا چاڤی و توشبوون ب کولبوونا چاڤی، ئەڤە ژ بلی هندێ کو ب کارئینانا وێ بۆ دەمەکێ درێژ دێ وەکەت کو ئۆکسجینێ پێدڤی نەگەهیتە چاڤان، لەوما دێ بیبلکا چاڤی و دەمارێن چاڤی هیلاک کەت. ژ دیارترین وان زیانێن روو ب روو وان كه‌سان دبن، یێن کو عه‌ده‌سا چاڤی ب كار دئینن، نۆشداران ئه‌ڤ خالە بەرچاڤ کرینە: – کولبوونا چاڤان. – چاڤ دێ تووشی میكرۆبان بیت. – برینداركرنا چاڤی. – نزمبوونا ئاستێ دیتنا چاڤی، دبیت ل دووماهیێ بگەهیتە ئاستێ كوورەبوونا وی کەسی ژی.
ئه‌ڤرۆ نيوز:
پشتى ده‌ست ژ كاركێشانا عادل عه‌بدولمه‌هدى ژ پۆستێ سه‌رۆك وه‌زيرين عيراقێ و سه‌ره‌راى ئالۆزيا پرسا جهگرتنا وى، په‌رله‌مانتاره‌كێ عيراقێ دياردكه‌ت كو هێزێن سياسى به‌حسێ سێ كه‌سايه‌تيان دكه‌ن بۆ وه‌رگرتنا پۆستێ سه‌رۆكاتيا حوكمه‌تا داهاتى ل عيراقێ و دووپاتكر كو هێزێن سياسى يێن عيراقى گرنگيێ ب ده‌ستنيشانكرنا كه‌سه‌كێ حزبى ناده‌ن، به‌لكو بزاڤا رازيكرنا خه‌لكى دكه‌ن.
حه‌نين قه‌دۆ، ئه‌ندامێ په‌رله‌مانێ عيراقێ ژ ليستا (فه‌تح) ب سه‌رۆكاتيا هادى عامرى ،راگه‌هاند، هه‌تا نوكه ئه‌و ناڤێن به‌حس لێ دهێته كرن بۆ وه‌رگرتنا پۆستێ سه‌رۆك وه‌زيران هه‌ر ئێك ژ فه‌ريق روكن عه‌بدولوه‌هاب ساعدى فه‌رماندێ به‌رێ يێ هێزێن دژه تيرۆرا عيراقێ و ئيبراهيم به‌حرلعلوم په‌رله‌مانتارێ به‌رێ و وه‌زيرێ په‌ترۆلێ يێ به‌رێ و محه‌مه‌د شياع په‌رله‌مانتارێ به‌رێ.
نيشاندان