ئه‌ڤرۆ نیوز:
ستێرا هێلا به‌ره‌ڤانیا هه‌لبژارتیێ هوله‌ندا و یانا لیڤه‌رپول ڤیرگیل ڤان دایك پشتى ل شه‌ڤا بورى نه‌شیاى خه‌لاتێ ته‌پا زێرى ب ده‌ستخوڤه بینت بوو خه‌لاتێ باشترین یاریزانێ جیهانێ بوو سالا 2019 پشتى شیاى رێزا دوێ بهێت ل پشت میسى ئه‌وێ شیاى رێزا ئێكێ بهێت .
ڤان دایك د داخویانیه‌كێ دا دیاركر ئه‌و نێزیكى برنا خه‌لاتێ ته‌پا زێرى بوو لێ وى هه‌ڤركه‌كێ وه‌كو میسى هه‌بیت گه‌له‌ك یا ب زه‌حمه‌ته ئه‌و بشێت وى خه‌لاتى ب ده‌ستخوڤه بینت و ئه‌وى به‌رى نوكه ژى باش زانى بوو ئه‌وى یا ب زه‌حمه‌ته ئه‌و رێزا ئێكێ ب ده‌ستخوڤه بینت .
هه‌ردیسان ناڤبرى دیاركر ژى ئه‌و یێ رازى یه شیاى رێزا دوێ ب ده‌ستخوڤه بینت بوو باشترین یاریزانێن جیهانێ و شانازى ب خوه دبه‌ت بوو هه‌بوونا وى ل ڤێرێ.
ناڤبرى ئاماژه ب وێ چه‌ندێ ژى كر ئه‌و دبینت ساله‌كا گه‌له‌ك سه‌ركه‌فتى بوو د مێژویا وى دا كو شیان ئه‌نجامێن باش ل گه‌ل یانا خوه لیڤه‌رپول و هه‌لبژارتیێ هوله‌ندا توماربكه‌ن .
ل دووماهیێ سه‌باره‌ت میسى دیاركر ئه‌و گه‌له‌ك ب كه‌ساتیا وى یاریزانى داخباره و هه‌ردیسان دبینت ئێك ژ باشترین یاریزانێن جیهانێ یه.
ئه‌ڤرۆ نيوز، قائید میرۆ::
ل گوره‌ی ئاماره‌كێ ل هه‌رێما كوردستانێ رێژه‌كا زۆر یا وه‌لاتیان سه‌ره‌دانا مالپه‌ڕێن سكسی دكه‌ن، نڤیسه‌ره‌ك ژی هۆشداریێ دده‌ت ل دور ئه‌ڤێ ئامارا زۆر و دا زانین كو چه‌ندین ئاریشێن جڤاكی په‌یدا بووینه و ئه‌گه‌رێ وان ژی به‌رێ خوه دانا مالپه‌ڕێن سكسیه و دبێژیت: عێراق و هه‌رێما كوردستانێ ل رێزا پێشیێ دهێن بو به‌رێ خوه دانا مالپه‌رێن سكسی.
سالار ته‌حسین، نڤیسه‌رێ په‌رتووكا ئاسایشا جڤاكی بۆ ئه‌ڤرۆ دیار كر، ل هه‌رێما كوردستانێ چه‌ندین پرس و ئاریشێن جڤاكی هه‌نه كو مه‌ترسینه بۆ سه‌ر ئاسایشا جڤاكی، چونكی تێكچوونا ره‌وشا جڤاكی بێگومان كاریگه‌ری هه‌یه ل سه‌ر هه‌موو پرسێن دیژی ئێك ژ وان ئاسایشا جڤاكیه و گۆت: مخابن ل گوره‌ی دووڤچوونا من كری چه‌ندین ئامارێن تژی مه‌ترسی كه‌فتینه به‌ر ده‌ستێ من ئێك ژ وانا بینه‌رێن مالپه‌ڕێن سكسی نه ل هه‌رێما كوردستانێ، وه‌لاتێن رۆژهه‌لاتا ناڤین ژ وان ولاتانن یێن ل رێزا پێشیێ بۆ ڤه‌كرن و سه‌ح كرنا مالپه‌ڕێن سكسی و ژ وان ژی عێراقه، به‌لێ ئه‌ڤا بۆ مه گرنگ و جهێ داخێ هه‌رێما كوردستانێ یه، كو رۆژانه 400 هزار كه‌س ل هه‌رێما كوردستانێ سه‌ره‌دانا مالپه‌ڕێن سكسی دكه‌ن و به‌رێ خوه دده‌نه كریارا سكسی ب رێیا ئه‌ڤان مالپه‌ڕێن جیهانی یێن تایبه‌ت بڤی بیاڤی.
سالار ته‌حسین ئاماژه پێ كر كو به‌رێ خوه دانا مالپه‌ڕێن سكسی چه‌ندین زیان بۆ مرۆڤی هه‌نه، ژ وان ژی دبیته ئه‌گه‌رێ گیرو كرنا ئه‌نجامدانا پڕۆسا هه‌ڤژینیێ و بلندبوونا رێژا به‌ردانێ، هه‌روه‌سا شیرازێ خێزانێ تێك دده‌ت و ئاریشان دناڤبه‌را ژن و زه‌لامان په‌یدا دكه‌ت و گۆت: هه‌روه‌سا ژلایێ ساخله‌می ڤه كاریگه‌ریێن خراب ل سه‌ر زه‌لامی و ژنێ هه‌نه، چونكی ئه‌و فیلم و به‌رهه‌مێن سكسی یێن دهێنه به‌لاڤكرن ل مالپه‌ڕێن ئینته‌رنێتێ و تۆڕێن دی یێن گه‌هاندنێ ب تنێ بۆ مه‌ره‌مێن بازرگانینه و دبنه ئه‌گه‌رێ لاوازیا سكسی و په‌یدابوونا ئاریشێن سكسی.
نڤیسه‌ری دیار كر ژی كو پێدڤیه حوكمه‌ت و جهێن په‌یوه‌ندیدار ئه‌ڤان مالپه‌ڕێن سكسی سنوردار بكه‌ن، یان ژی قه‌ده‌غه بكه‌ن، هه‌روه‌كی ل هژماره‌ك ولاتێن جیهانێ هاتینه قه‌ده‌غه كرن یان ژی سانسۆر ل سه‌ر هاتیه دانان، بۆ نموونه هێلا خێزانی یا ئینته‌رنێتێ ئێكه ژ چاره‌سه‌ریان، ژبه‌ركو ئه‌ڤان مالپه‌ڕ و په‌یجێن مه‌ترسی هه‌ی نا ڤه‌كه‌ت، بتایبه‌تی بۆ كه‌سێن سنێله و زارۆ كو ب چو شێوه‌یه‌كی نابیت ئه‌و به‌رێ خوه بده‌نه ئه‌ڤان مالپه‌ڕێن سكسی و هنده‌ك بابه‌تێن دی یێن مه‌ترسی ل سه‌ر ده‌روونێ وان هه‌ی و گۆت: له‌وڕا داخوازێ ژ حوكمه‌تێ دكه‌ین له‌زێ بكه‌ت بۆ دانانا سنوره‌كی، ژبه‌ركو به‌ر به‌لاڤبونا ئه‌ڤان تۆڕێن جڤاكی و مالپه‌رێن سكسی مه‌ترسیه‌كا مه‌زن ل سه‌ر پاشه‌ڕۆژا تاكه‌كه‌سی و جڤاكی هه‌یه.
ئه‌ڤرۆ نیوز:
ستێرا ئه‌ژه‌نتینى و یانا به‌رشه‌لۆنا لیونێل میسى كه‌یفخوشحالیا خوه دیاركر بوو خه‌لاتێ باشترینێ جیهانێ یێ ته‌پا زێرى پشتى ل شه‌ڤا بورى شیاى بوو جارا شه‌شێ ب ده‌ستخوڤه بینت .
میسى پشتى شیاى بوو جارا شه‌شێ وى خه‌لاتى ب ده‌ستخوڤه بینت د داخویانیه‌كێ دا بوو ده‌زگه‌هێن راگه‌هاندنێ سه‌باره‌ت پاشه‌رۆژا خوه ل گه‌ل به‌رشه‌لۆنا دیاركر به‌رپرسێن به‌رشه‌لۆنا باش د زانن ئه‌وى چ ئاریشه ل گه‌ل وێ یانێ نینه و ئه‌وى هزر ب جه هێلانا یانێ چ جاران نه‌كریه و ئه‌و دخوازیت بوو چه‌ند سالێن دى ژى خزمه‌تا ڤێ یانێ بكه‌ت و نوكه د ژیێ 32 سالى دا یه ئه‌وى باوه‌رى ب شیانێن خوه هه‌یه بوو ماوه‌كێ دى ژى دشێت ب باشترین ئاست خزمه‌تا ڤێ یانێ بكه‌ت و ئه‌و شانازى ب خوه دبه‌ت ئه‌و یاریێ ل یانه‌كا وه‌كو به‌رشه‌لۆنا دكه‌ت كو ئێك ژ باشترین یانێن جیهانێ یه.
وى یاریزانى ئاماژه ب وێ چه‌ندێ ژى كر یا گرنگ ده‌ستپێكێ ل ده‌ڤ وى ناسناڤ بوو هه‌لبژارتیێ وه‌لاتێ خوه و یانا خوه به‌رشه‌لۆنا و پاش هزرێ ل ده‌ستكه‌فتیێن كه‌ساتى دكه‌ت بوو خوه.
ل دووماهیێ سه‌باره‌ت برنا خه‌لاتێ شه‌شێ یێ باشترین یاریزانێ جیهانێ (ته‌پا زێرى) ناڤبرى دیاركر ئه‌و گه‌له‌ك یێ كه‌یفخوشحاله و ئه‌و سوپاسیا ئه‌وان هه‌موویان دكه‌ت ئه‌وێن ئه‌و هه‌ژى وى خه‌لاتى دیتى .
ئه‌ڤرۆ نيوز، نيوار محه‌مه‌د سه‌ليم:
كۆمبوونا ئه‌ڤرۆ يا جڤاتا نوونه‌رێن عيراقێ بۆ ده‌مه‌كێ نه‌يێ ديار هاته پاشخستن.
بڕيار بوو ئه‌ڤرۆ رۆژا سێشه‌مبى جڤاتا نوونه‌رێن عيراقێ كۆم ببايه و ده‌نوستاندن ل دۆر هه‌لبژارتن و كۆمسيۆنا هه‌لبژارتنان بكه‌ت و ميكانيزمه‌كێ بۆ ئارامكرنا خوه‌نيشاندانان بدانيت، به‌لێ ئه‌ڤ كۆمبوونه هاته پاشخستن.
ئەڤرۆ نیوز ، زنار تۆڤی:
وه‌زیرێ پلاندانانێ یێ هه‌رێما كوردستانێ راگەهاند، کو پرۆژێ چاكسازیێ یێ ئاماده‌یه و د زووترین دەمدا دێ بۆ په‌رله‌مانێ كوردستانێ هێتە رەوانەکرن ب مەرەما په‌سه‌ندكرنێ.
ئەڤرۆ دوشه‌مبی 2-12-2019 دکتۆر دارا رە‌شید وه‌زیرێ پلاندانانێ یێ هه‌رێما كوردستانێ د كۆنفرانسەکێ رۆژنامه‌ڤانیدا ل هه‌ولێرێ گۆت : مە پڕۆژه‌کێ گشتگیر بۆ چاكسازیێ ئاماده كریه و ب زووترین دەم دێ بۆ په‌رله‌مانێ كوردستانێ هێتە رەوانەکرن و ل سالا 2020 دێ چیته وارێ جێبه‌جێكرنێ و د وی پڕۆژه‌ی دا دێ گرنگیەکا زێدەتر ب كه‌رتێ چاندنێ و په‌روه‌رده و ساخلەمیێ هێتە دان.
دەربارەی دانوستاندنێن دناڤبەرا هه‌رێمێ و به‌غدا گۆت ژی: د نوکە دا هه‌رێم و به‌غدا ڕێككه‌فتینە و چو كێشه نه‌ماینه و هه‌روه‌سا ئاماژه ب هندێ دا ک دێ به‌رده‌وام بن، بۆ ئاماكاریێن برێڤەبرنا سه‌رژمێریا گشتی.
ئەڤرۆ نيوز:
سەرۆك مەسعود بارزانی ئه‌ڤرۆ دوشه‌مبى 2/12/2019 پێشوازی ل شاندەكێ حزبا زەحمەتكێشێن كوردستانێ كر كو پێكهاتبوو ژ بەلێن عەبدوللا سكرتێر و سەعد خالد جێگرێ سكرتێرێ حزبا زەحمەتكێشێن كوردستانێ.
د دیدارەكێ دا، سەرۆك بارزانی پیرۆزباهی ل گێرانا كۆنگرێ دەهێ یێ حزبا زەحمەتكێشان كر و هیڤیا سەركەفتنێ بۆ سەركرداتیا نوو یا وێ حزبێ خواست. ژ ئالیێ خوڤە حزبا زەحمەتكێشێن كوردستانێ سوپاسیا سەرۆك بارزانی كر و رێز بۆ رۆلێ سەرۆك بارزانی هەبوون د پشتەڤانیكرنا فرەلایەنی و سەقامگیریا سیاسی ل هەرێما كوردستانێ.
ئەڤرۆ نیوز ، زنار تۆڤی:
شێوەكار روەیدا حسێن، د دیدارەكێ دا بۆ ئەڤرۆ نیوز دیار كر: ل سالا 2016 وێ پەیمانگەها هونەرێن جوان پشكا شێوەكاریێ ل دهۆكێ ب دووماهی ئینایە، پاشی وێ وێ دەست ب كارێ هونەرێ گرافیكێ كریە، كو شێوازەكێ تایبەت یێ شولكرنێ یە، هەروەسا كارێن وێ دەربرینێ ژ توندوتیژیا ل دژی ژنان دكەن، دیسان لدووڤ گۆتنا وێ هێشتا ل كوردستانێ نان ب هونەری ڤە ناهێت.
روەیدایێ گۆت ژی: هەموو هیڤیا من ئەوە ئەز بشێم خزمەتا گەلێ خوە بكەم و ب تایبەتی خزمەتا ژنان بكەم و من دڤێت پەیاما خوە یا هونەری بگەهینمە دەرڤەی وەلاتی، هەروەسا ل رۆژا چاشەمبی 4/12/2019 دێ پێشانگەها خوە یا ئێكێ یا گرافیكێ ڤەكەم، كو ئەڤ پێشانگەهە ژ 36 كەڤالان پێك دهێت، هەموو كەڤالێن ڤێ پێشانگەهێ دەربرینێ ژ ئێش و ئازارێن ژنان دكەن، كو چەندین سالە كچ و ژنان قوربانیەكا مەزن دایە ب تایبەتی ژی د شەرێ داعشێ دا، كو ب هزاران كچ و ژنێن كوردێن ئێزدی كەفتنە دەستێ داعشان و وان ب رەنگەكێ درندانە سەرەدەری ل گەل وان كچ و ژنان دكر، من ڤیایە هندەك ژ وان ئازاران نیشا خەلكێ كوردستانێ و جیهانێ بدەم.
ئه‌ڤرۆ نيوز:
نڤيسينگه‌ها راگه‌هاندنا سه‌رۆكێ حوكمه‌تا هه‌رێما كوردستانێ ئه‌ڤرۆ دوشه‌مبى 2/12/2019 به‌لاڤكر، جهنشينێ وه‌لاتێ سعوديێ ب ئاماده‌بوونا خالد بن سه‌لمان وه‌زيرێ به‌رگريا سعوديێ و شێخ ته‌حنوون بن زايد شيره‌تكارێ ئاسايشا نيشتمانى يا وه‌لاتێ ئيماراتێ، پێشوازى ل مه‌سرور بارزانى سه‌رۆكێ حوكمه‌تا هه‌رێما كوردستانێ كر.
ئه‌ڤه د ده‌مه‌كى دايه كو دوهى 1/12/2019 نێچيرڤان بارزانى سه‌رۆكێ هه‌رێما كوردستانێ و مه‌سرور بارزانى سه‌رۆكێ حوكمه‌تا هه‌رێما كوردستانێ سه‌ره‌دانا وه‌لاتێ ئيماراتێ كربوو و پشكدارى د رێوره‌سمه‌كێ سالانه يێ وى وه‌لاتى كربوو.
ئه‌ڤرۆ نيوز:
ل سه‌ر داخوازا په‌رله‌مانێ كوردستانێ، لژنا وزێ و سامانێن سروشتى و بازرگانى و پيشه‌سازى ل گه‌ل هژماره‌كا سه‌نديكا و ژۆرێن بازرگانى ل هه‌رێما كوردستانێ كۆمبوو ب مه‌ره‌ما دانوستاندنێ ل سه‌ر قانوونا هژمار 11 يا سالا 2010 ل عيراقێ، لژنا ناڤبرى داخواز ژ حوكمه‌تا هه‌رێمێ كر كارى بۆ پاراستن و پێشڤه‌برنا به‌رهه‌مێ ناڤخوه‌يى بكه‌ت.
د كۆمبوونێ دا چه‌ندين بۆچوون و پێشنياز پێشكێشى لژنا په‌يوه‌نديدار هاتنه كرن، ب تايبه‌تى يه‌كخستنا پێناسا گومركى ل هه‌موو ده‌رگه‌هێن سنورى ل هه‌رێما كوردستانێ، هه‌روه‌سا ب مه‌ره‌ما گرنگيدانێ ب به‌رهه‌مێ ناڤخوه‌يى، په‌رله‌مانێ كوردستانێ داخواز ژ حوكمه‌تا هه‌رێما كوردستانێ كر كار ب قانوونا هژمار 11 يا سالا 2010 كو ژ په‌رله‌مانێ عيراقێ هاتيه ده‌ركرن، بكه‌ت.
نيشاندان