ئەڤرۆ نیوز:
پشتی کۆمبوونا شاندێ هەرێما کوردستانێ ل بەغدا بەری دەمەکێ وەزیرێ پەترۆلێ یێ عیراقێ سامر غەزبان بۆ دەزگەهێن راگەهاندنێ دیار کر کو کۆمبوونا وان و شاندێ هەرێما کوردستانێ ب رەنگەکێ سەرکەفتی ب دووماهی هاتیە و هەر دو ئالی رێککەفتینە.
وەزیرێ پەترۆلێ یێ عیراقێ راگەهاند ل گۆر رێککەفتنێ دڤێت سەرێ سالا نوو رۆژانە حوکمەتا هەرێما کوردستانێ ٢٥٠ هزار بەرمیلێن پەترۆلێ رادەستی کۆمپانیا سۆمۆ بکەت.
ئەڤرۆ نیوز دێ زانیاریێن پتر پاشی بەلاڤ کەت
ئەڤرۆ نیوز، عەلی حاجی:
د روودانەکێ دا کچەکا خەلکا کومەلگەها هیزاوا یا سەر ب قەزا زاخۆ ڤە ژبەریا سێ روژان دسوژیت و ئەڤرۆ ل روژا دوو شەمبێ گیانێ خوە ژ دەست ددەت.
ژێدەرەکێ تایبەت بۆ ئەڤرۆ نیوز گوت : ئەو روودان ژبەریا سێ روژان دروست بوو دەما کچەکا ٢٤ سالی بناڤێ (ر.ئ) هەولدا گازا سپی بکەتە سوپێ بەلێ ژنشکەکێ ڤە ئاگر بەر دبیتە سوپێ و دسوژیت و ئێکسەر دهێتە رەوانە کرن بۆ نەخوشخانا سوتنێ ل باژێرێ دهوکێ،بەلێ ژبەر رێژەیا زێدەیا سوتنا لەشێ وێ کچێ، ئەڤرۆ ل روژا دوشەمبێ گیانێ خوە ژ دەست ددەت.
ئه‌ڤرۆ نیوز، عه‌لی حاجی:
رێڤه‌به‌رێ ناحیا رزگاری د داخویانیه‌كێ دا بۆ ئه‌ڤرۆ نیوز دیار كر ل سنورێ ناحیا رزگاری وه‌كو ناحیێن باتیڤا و ده‌ركارێ ئاریشه‌یێن عه‌ردی نینن به‌لێ بتنێ ئاریشه ل سه‌ر هنده‌ك پارچه زه‌ڤی و سێ كومه‌لگه‌هان هه‌یه پێدڤی ب چاره‌سه‌ر كرنێ یه.
زێده‌تر سه‌روه‌ر سه‌عید گوت: (ئاریشه‌ك ل سنورێ رێڤه‌به‌ریا مه هه‌یه كوژلایێ باژێرڤانیا زاخۆ 168 پارچه زه‌ڤی هاتینه به‌لاڤ كرن و ل سه‌ر ناڤێ وان كه‌سان هاتینه تاپوكرن بێ هیچ كێشه‌یه‌ك به‌لێ خودانێن وان پارچه ده‌ستویریا ئاڤاكرنێ ژلایێ باژێرڤانیا گشتی یا دهوكێ ب وان ناهێته دان ژبه‌ر كو باژێرڤانی وه‌سا دیار دكه‌ت كو ئه‌و پارچه زه‌ڤی دكه‌ڤنه هێلا شه‌مه‌نده‌فرێ دا و ژلایێ خوه‌ڤه ژی مه نڤێساره‌ك بۆ رێڤه‌به‌ریا گشتی یا باژێرڤانیا ل پارێزگه‌ها دهوكێ ره‌وانه كری یه داكو ئه‌ڤ بابه‌ته بهێته چاره‌سه‌ر كرن وان ژی ژلایێ خوه گوتی یه دێ هه‌ولێن چاره‌سه‌ر كرنێ ده‌ین و ئه‌م چاڤه‌رێ نه ئه‌ڤ بابه‌ته بهێته ئێكلا كرن داكو ئه‌ڤ كێشه‌یه به‌رده‌وام نه‌بیت).
زێده‌تر ئەو یەک ژی دیار هه‌ر دیسان هه‌ر سێ كومه‌لگه‌هێن چه‌م كورك و خێله‌خێ و باكرما كو ئه‌و خانییچن ل وان سێ كومه‌لگه‌هان هاتینه ئاڤا كرن ل سه‌ر ئه‌ردێ وه‌زاه‌رتا دارایی هاتینه ئاڤا كرن و ئه‌م نه‌شێن وان چارچه زه‌ڤاین مولكدار بكه‌ین له‌ورا گه‌له‌ك داخازی هه‌نه كو ل ده‌وروبه‌رێن وان سێ كومه‌لگه‌هان خه‌لكه‌ك خانیان ئاڤا بكه‌ت به‌لێ ژبه‌ر كو هه‌تا نوكه ئه‌و چارچه زه‌ڤی و خانی نه‌هاتینه مولكدار كرن ئه‌م ژی نه‌شێن رێكێ ب خه‌لكی بده‌ین بو خوه خانیا ئاڤا بكه‌ن و هه‌ر ده‌ما ئه‌و كێشه‌ه‌ی هاته چاره‌سه‌ر كرن ئه‌م ده‌ستویریا به‌رفه‌رهكرنا وان كومه‌لگه‌هان ده‌ینه هاولاتیان.
ئه‌ڤرۆ نیوز، عه‌لی حاجی :
نوونه‌رێ زاخۆ یا كومه‌لا ئوتیزمێ ل پارێزگه‌ها دهوكێ د داخویانیه‌كێ دا بۆ ئه‌ڤرۆ نیوز دیار كر بلندترین رێژه‌یا توشبویێن نه‌خوه‌شیێن ئوتیزمێ ل زاخۆیه ل پارێزگه‌ها دهوكێ دا و زاخۆ پێدڤی ب ڤه‌كرنا سه‌نته‌ره‌كێ حكومی یێ ئوتیزمێ هه‌یه .
زێده‌تر ئه‌حمه‌د حه‌سه‌ن گوت: (ب شێوه‌یه‌كێ فه‌رمی نێزیكی 150 هه‌لگریچن نه‌خوه‌شێن ئوتیزمێ ل زاخۆ هاتینه تومار كرن و هه‌ر دیسان نێزیكی 280 كه‌سێن دیتر كو هه‌لگرێن خوه‌شێن ئوتیزمێ نه ب رێژه‌یێن جودا هێشتا نه‌هاتینه تومار كرن ژبه‌ر كو هێشتا راپورتا لژنا پزیشكی رێژه‌یا نه‌خوه‌شیا وان نه‌هاتیه دیار كرن و ئه‌ڤه ژی رێژه‌یه‌كا مه‌زن ل زاخۆ هاتیه تومار كرن و ژهه‌می باژارێن دیتر زێده‌تر ئه‌ڤ رێژه‌یه هاتیه تومار كرن و ل پارێزگه‌ها دهوكێ 613 هه‌لگرێن ڤێ نه‌خوه‌شیێ هاتینه تومار كرن كو ڤێ رێژه‌یێ راپورتا لژنا پزیشكی هه‌یه، ل سالا 2013 مه داخازا ڤه‌كرنا سه‌نته‌ره‌كێ تایبه‌ت ب ئوتیزمێ ڤه ل زاخۆ كر و هه‌تا رازی بون ژی ل سه‌ر ڤه‌كرنا وێ هات ژلایێ جهێن شوله‌ژێ ڤه به‌لێ ل سالا 2014 ژبه‌ر هاتنا ئاواره‌یان بۆ زاخۆ ئه‌و بابه‌ته نه‌هاتیه ئێكلا كرن و نه‌هاتیه ڤه‌كرن و جودا ژهه‌م باژارێن دیتر زاخۆ پێدڤی ب ڤه‌كرنا سه‌نته‌ره‌كێ هه‌یه).
ناڤهاتی ئەو یەک ژی دیار کر ئه‌و سه‌نته‌رێن ئه‌هلی نوكه هاتینه ڤه‌كرن هه‌تا راده‌یه‌كێ بازرگانی ب وان نه‌خوه‌شان دهێته كرن ژبه‌ر كو پاره‌یه‌كێ باش ژ كه‌س و كارێن هه‌لگرێن وان نه‌خوه‌شان دهێته كرن و دشیانێن گه‌له‌ك كه‌سان دا نینه كو بشێن پاره‌یه‌كێ ته‌رخان بكه‌ن بۆ زاروویێ خوه ل وان سه‌نته‌رێن ئوتیزمێ له‌ورا هه‌كه سه‌نته‌ره‌ك حكومی بهێته ڤه‌كرن دێ زیچده‌تر خه‌لك شێن زاروویێن خوه ببنه وی سه‌نته‌ری.
ئه‌ڤرۆ نیوز:
هه‌ردو یانێن مانچێسته‌ر یونایتد و پاریس سان جێرمان هه‌ڤركیا ئێك دكه‌ن بوو ده‌ستڤه ئینانا ستێره‌كا ئیتالى .
رۆژناما زه‌سه‌ن یا برێتانى دیاركریه به‌رپرسێن یانا مان یونایتد دخوازن ل ڤه‌گوهاستنێن هاڤینا بهێت هه‌ڤبه‌ستێ ل گه‌ل ستێرا یانا روما و هه‌لبژارتیێ ئیتالیا نیكولو زانیولو ئیمزا بكه‌ن .
هه‌ردیسان وێ رۆژنامێ ئاشكراكریه ژى به‌رپرسێن وێ یانا ئنگلیزى كوژمێ 50 ملیون جینێ ئیسترلینى به‌رهه‌ڤكرینه بوو ڤه‌گوهاستنا ئه‌وى یاریزانى .
هه‌ردیسان هاتیه ئاشكراكرن ژى رێیا ب ده‌ستڤه ئینانا نیكولو زانیولو بوو یانا مان یونایتد یا ب سانه‌هى نابیت ژبه‌ركو یانا پاریس سانجێرمان ژى ئارمانجا خوه كریه ئه‌و یاریزان ل ڤه‌گوهاستنێن هاڤینا بهێت.
ئەڤرۆ نیوز، رێوار محەمەد رەشید:
لژنا دوڤچوونا جوانکاریا و سەنتەر و کلینیکێن جوانکاریا ل قایمقامیا قەزا دهۆکێ هژمارەکا رێنمایان ئاراستەیی جوانکاریا و سەنتەر و کلینیکێن جوانکاریا ل پارێزگەها دهۆکێ کرن.
ژ وان رێنمایێن ئاراستەیی جهێن ناڤهاتی هاتینەکرن نابیت نۆشدارێ پیستی سەرپەرشتیێ ل دو جهێن سەنتەرێ جوانکاریێ بکەت و بەرۆڤاژی دێ سەنتەر هێتە داخستن، هەروەسا دڤێت هەر دو سالان مۆلەتا سەنتەرێ جوانکاریێ بهێتە نووکرن.
د خالەکا دی یا ڤان رێنمایان دا هاتیە کو پێدڤیە ل سەر هەر سەنتەرەکێ جوانکاریێ پێزانینێن خوە ل دۆر ئامیرێن جوانکاریێ دیار بکەن کا کەنگی ئەو ئامیرە هاتیە چێکرن و چارەسەریا چ جورە نەخۆشیان دکەت و نابیت هیچ ئامیرەکێ دی یێ پەیوەندی ب کارێ جوانکاریێ ڤە نەبیت د ناڤ سەنتەری دا بهێتە دانان.
هەروەسا پێدڤیە ئەو کارمەندێن ل کلینیک و سەنتەرێن جوانکاریێ کاردکەن پشکداری د خۆلێن جوانکاریێ دا کربیت و پێدڤیە ل سەر نۆشدارێ سەرپەرشت رێنمایان ئاراستەیی کارمەندێن سەنتەری بکەت و پێزانینان نیشا وان بدەت.
ئەڤ رێنمایە و چەندین رێنمایێن دی یێن گرێدایی ب کارێ جوانکاریێ ڤە ل سەر جوانکاریا و سەنتەر و کلینیکێن جوانکاریا ل پارێزگەها دهۆکێ هاتنە بەلاڤکرن.
ئه‌ڤرۆ نيوز، نيوار محه‌مه‌د سه‌ليم:
جڤاتا پارێزگه‌ها ب تێكرایا ده‌نگێن ئه‌ندامێن جڤاتا پارێزگه‌ها دهۆكێ پێشنیازا به‌رفره‌هكرنا هه‌ردو گۆندێن خه‌لیلكان ل سنورێ قه‌زا ئاكرێ و هژیركێ ل سنورێ قه‌زا سێمێل په‌سه‌ند كرن و بڕیار دا لژنه‌ك ژی بۆ دووڤچوونا ره‌وشا ناحیا مانگێشكێ بهێته پێكئینان.
جڤاتا پارێزگه‌ها دهۆكێ ئه‌ڤرۆ رۆژا دوشه‌مبی رێكه‌فتی 25ی چریا دویێ 2019، ل هۆلا كۆمبوونان ل جڤاتێ كۆمبوونا خوه یا 102ێ ب ئاماده‌بوونا 25 ئه‌ندامێن جڤاتێ كۆمبوو.
د ته‌وه‌رێ ئێكێ یێ كۆمبوونێ دا و هه‌ر وه‌كو د به‌رنامێ كاری ژی دا هاتیه دیاركرن ده‌نگدان بوو ل سه‌ر بڕیارا به‌رفره‌هكرنا هه‌ردو گۆندێن خه‌لیلكان ل سنورێ قه‌زا ئاكرێ و هژیركێ ل سنورێ قه‌زا سێمێلێ و هه‌ردو گۆند ب تێكرایا ده‌نگێن ئه‌ندامێن جڤاتا پارێزگه‌هێ هاتنه په‌سه‌ندكرن.
د ته‌وه‌رێ دویێ ژی دا گه‌نگه‌شه ل سه‌ر نڤیسارا رێڤه‌به‌ریا گشتی یا ره‌گه‌زنامێ هاته كرن كو تێدا داخوازا پێشنیازه‌كێ كربوو ل دۆر هه‌بوونا چار ناحیان ل هه‌رێما كوردستانێ ب ناڤێ رزگاری و تێدا ل سه‌ر وێ چه‌ندێ رازی بوون كو پێشنیازه‌كێ بۆ رێڤه‌به‌ریا گشتی یا ره‌گه‌زنامێ ره‌وانه بكه‌ن و تێدا داخوازێ بكه‌ن كیش كه‌ڤنتره ئه‌و بمینیت و یێن دژی بهێنه گوهۆڕین.
ل سنورێ قه‌زا زاخۆ ناحیه‌ك ب ناڤێ رزگاری هه‌یه كو ل سالا 1970ێ ب هه‌لكه‌فتا به‌یانناما 11ی ئادارێ ب وێ ناڤی هاتبوو ب ناڤكرن.
ته‌وه‌ره‌كێ دی یێ كۆمبوونێ ژی یێ تایبه‌ت بوو ب چوونا ده‌سته‌یا سه‌رۆكاتیێ بۆ دیدارێ سه‌رۆكاتیا وه‌زیران و به‌حس كرن ل وان ته‌وه‌رێن هاتینه به‌حسكرن تێدا فه‌هیم عه‌بدولا سه‌رۆكێ جڤاتێ ئاشكه‌را كر كو ئه‌وان ب روونی به‌حس ل كێشێن پارێزگه‌ها دهۆكێ كرن و ب تایبه‌ت ژی ئه‌و بڕیارێن ژ وه‌زاره‌تان دهێنه دان ب ره‌نگه‌كێ ئێكسه‌ر پارێزگه‌هان ب بجهئینانا وان پابه‌ند دكه‌ن كو وه‌لاتی گه‌له‌ك گازندان ژێ دكه‌ن و جڤاتێن پارێزگه‌هان ژی نه‌شێن چ بكه‌ن.
به‌حسكرنا ره‌وشا لاوازا كاره‌بێ د حه‌فتیا بۆری دا، بابه‌ته‌كێ دی یێ كۆمبوونێ بوو كو عه‌بدولسه‌مه‌د تێلی، سكرتێكرێ جڤاتێ روونكرن دانه سه‌ر بابه‌تی و دا زانین كو ژ ئه‌گه‌رێ كاركرن د ویستگه‌هێن خه‌بات و به‌رده‌ره‌ش دا، كاره‌ب ژ وان هه‌ردو پرۆژان هاتبوو راوه‌ستاندن دا كو گیانێ ئه‌و كه‌سێن ل وێرێ كار دكه‌ن یێ پاراستی بیت.
دا زانین ژی كو ل دووڤ وان پێزانینێن وان وه‌رگرتین دهێته پێشبینكرن هه‌تا 25ی كانوونا ئێكێ پرۆژێ پێكڤه‌گرێدانا كاره‌با دهۆكێ ب یا هه‌رێمێ ڤه ب ته‌مامی ب دووماهی بهێت و ئێدی ئه‌و غه‌درا به‌ری نها ل دهۆكێ دهاته كرن نه‌مینیت و گۆت: “پشتی ئه‌و كار ب دووماهی دهێت، كاره‌با نشتیمانی ل سه‌ر هه‌رێمێ هه‌موویێ وه‌كو ئێك دێ هێته به‌لاڤكرن”.
نه‌ڤه‌شارت ژی كو نها 570 میگاواتێن كاره‌بێ بۆ دهۆكێ دهێنه دابینكرن و ژ به‌ر كو بوویه سه‌رما و خواست ل سه‌ر كاره‌بێ زێده بوویه، نها نێزیكی 12 ده‌مژمێران كاره‌با نشتیمانی بۆ وه‌لاتیان دهێته دابینكرن و گۆت: “كۆنترۆلا كاره‌بێ ئاگه‌هدار كرینه كو نها خواستا دهۆكێ بۆ كاره‌بێ هزار و 350 مێگاواتن”.
ته‌وه‌رێ دووماهیێ یێ كۆمبوونێ ژی یێ تایبه‌ت بوو ژ پێكئینانا لژنه‌كا حه‌فت كه‌سی بۆ دووڤچوونا گازندێن خه‌لكێ ناحیا مانگێشكێ كو د ماوێ كێمتر ژ هه‌یڤه‌كێ دا، راپۆرته‌كێ ل سه‌ر ئاریشێن وان گۆندان به‌رهه‌ڤ بكه‌ن ب مه‌ره‌ما دووڤچوونێ.
ئه‌ڤرۆ نيوز:
گه‌له‌ك ژن دوه‌رزێ زڤستانێ دا گازندێ ژ هشكاتیا سه‌رۆچاڤێن خوه دكه‌ن و دبێژن ئه‌و مكیاژێ ئه‌م بكار دئینین هه‌ر چ جورێ بیت وه‌كو قه‌لبه‌كی یان رادبیته ڤه و هه‌می دوه‌ریێت و كرێت دبیت.
ژبه‌ر هندێ پێدڤی یه رۆژاه سرۆچاڤ ژ تشتێ ب زیان بهێته پاراستن و نه‌هێلن هودان تێدا په‌یدا بن، به‌لكو ئێك ژوان رێكا كه‌فچكه‌كێ قه‌هوێ و زه‌یتا باهیڤێ و ئاڤا گۆلا تێكه‌ل بكه‌ن و دسه‌رۆچاڤا بده‌ن به‌لێ نهێلن نێزیكی چاڤی بن و ئه‌ڤ چه‌نده حه‌فتیێ دوو جار دڤێت بهێته ئه‌نجامدان دێ سه‌رۆچاڤ ژ وێ هشكاتیێ هێته پاراستن.
ئه‌ڤرۆ نيوز:
د ڤه‌كولنیه‌كێ دا هاتیه تشتێ زه‌لام زوو پێ توره دبیت و پێ دهه‌رشیت ئه‌وه ده‌مێ ژن ده‌ڤێ خوه دبه‌نه بن گۆهێ ئێك و ئاخفتنا دئینن و دبه‌ن، ئه‌ڤ جورێ ژنان گه‌له‌ك ل پێش چاڤێن زه‌لاما كێم دبن دبیت گۆهداریێ بو دكه‌ن به‌لێ هه‌ر دوی ده‌می ئه‌و ژنه ژلایێ كه‌سایه‌تیێ ڤه دهێنه دیتن ژنێن یێ رۆمه‌ت ژبه‌ر هندێ خوه ژ گۆتگۆتكا و ئاخفتن ڤه‌گۆهاستنێ بده‌نه پاش چونكی مه‌زنترین ئاریشه‌یان ژن تووش دبنێ ئه‌ڤه ده‌مێ ژن ئاخفتنا دئینن دبه‌ن.
ئه‌ڤرۆ نيوز:
هه‌ر مرۆڤه‌ك دبیت دبورینا ژیانا خوه‌دا جاره‌كی یان دوو جار عاشق دبیت و دگه‌ل بو سێ جار ئه‌و نابیته عشق چونكی دبیته به‌رژه‌وه‌ندی و ده‌م بوراندن، ژبه‌ر چ دل بێ ئه‌گه‌ر بو چ كه‌سا خو لیناده‌ت، دگه‌ل ڤێ چه‌ندێ ژی دڤه‌كولینه‌كێ دا هاتیه عشقی ژی مفایێن خوه هه‌نه وه‌كو هێزه‌كێ ده‌ته دل و مێشكی كو ڤه‌ژینه‌كێ په‌یدا بكه‌ت دژیانا هه‌ر مرۆڤه‌كی و شیانێن مرۆڤی به‌ره‌ڤ ئارسته‌كێ گه‌شتر ڤه دبه‌ت، ئه‌ڤه ده‌مه‌كی د اكو گه‌له‌ك سه‌رگێژی ژێ په‌یدا نه‌بن، به‌لكو عشق ئه‌و هورمونێ دمێشكێ مرۆڤی دا دبێژنێ سیرۆتین ئه‌و پتر بو لایێ كه‌یف خوشیێ مرۆڤی ده‌ته رێ و ئه‌ڤ چه‌نده ئامرازه‌كه كو پتر به‌خته‌وه‌ری ل ده‌ڤ مرۆڤی په‌یدا دبیت و ئه‌و نه‌خوشی و ئالوزیێن هه‌ین به‌ره‌ڤ نه‌مانێ دبه‌ت، هه‌تا ژ ئالیێ نه‌خوشیێن جه‌سته‌یی ڤه ئێش و ئازارا وی كه‌سی كێمتر دكه‌ت و هزرا مرۆڤی پتر به‌ره‌ڤ ئارسته‌یێ ئه‌رێنی ڤه دبه‌ت.
نيشاندان