ئەڤرۆ نیوز ، زنار تۆڤی:
موقەدەمێ مافپەروەر ئازاد تاها بەرپرسێ راگەهاندنا رێڤەبەریا گشتی یا هاتنوچوونا پارێزگەها دهۆکێ، بۆ ئەڤرۆ نیوز دیار کر: د روودانەکا ترافیکێ دا کەسەکێ وەغەر کر و زیانێن مادی یێن مەزن ژی گەهشتنە ترۆمبێلێ.
ناڤهاتی زێدەتر گۆت: ئەڤرۆ دوشەمبی ٢٨ ⁄ ٩ ⁄٢٠٢٠ و ل دمژمێر ١١:٤٥ خولەکی نیڤرۆ، ل سەر رێیا سیارەتکا بۆ سەرسنکێ و ل نێزیک تەلوە ترۆمبێلەکا ژ جۆرێ تەکسی کرێ وەرگەریان و د ئەنجامدا شۆفێرێ وێ ترۆمبێلێ وەغەر کر و زیانێن مادی یێن مەزن ژی گەهشتنە وێ ترۆمبێلێ.
ئەڤرۆ نیوز، زنار تۆڤی:
ژ ئەگەرێ ناكۆكیێن ئالیێن سیاسی ل سه‌ر پرسا بازنێن هه‌لبژارتنان، محه‌مه‌د حه‌لبۆسی، سه‌رۆكێ پەرلەمانێ عیراقێ، پرۆسا ده‌نگدانێ بۆ برگا بازنێن هه‌لبژاتنان بۆ روونشتنا رۆژا شه‌مبی ل 10 هەیڤا بهێت پاشخست.
هندرین دۆسكی، ئەندامێ په‌رله‌مانتارێ عیراقێ بۆ ئەڤرۆ نیوز دیار کر: هەبوونا ناكۆكیان وەکریە، کو ئالیێن سیاسی نەشیان بگەهنە چو ئەنجامان، ل سەر بابەتێ بازنێن هەلبژارتنان، لەوما ده‌نگدان بۆ وێ برگێ بۆ 10 هەیڤا بهێت هاتە پاشخستن، هەروەسا د روونشتنا پەرلەمانی دا دێ ئەو پرسە هێتە ئێکلا کرن، دیسان تایبه‌تمه‌ندی بۆ چ پارێزگەهێن عیراقی ژی نابیت.
ئەڤرۆ نیوز:
مستەفا کازمی، سەرۆك وەزیرێن عیراقێ كۆمبوونەك ل گەل هژمارەكا مەزنە بەرپرسێن حكومی یێن پەیوەندیدار ب ئاڤاكرنا قوتابخانان ڤە سازكریە.
دبەیاننامەكێ دا نڤێسینگەها سەرۆك وەزیرێن عیراقێ ئاشكرا كریه: د وێ كۆمبوونێدا دیزاینێ 10 شێوازێن قوتابخانان بۆ كازمی هاتینە بەرچاڤكرن، ناڤبری ژی دەستەیەك راسپاردیە، ژ پێخەمەت دەستنیشانكرنا باشترین دیزاین ب مەرجەكی ل گەل پیڤەر و ستانداردێن جیهانی یێ گونجای بیت، بریاردا پشتی دیاركرنا دیزاینێ ژ هەژی، هزار قوتابخانه ل سەرانسەری عیراقێ بهێنە ئاڤاكرن، نەخاسمە ل گوند و دەڤەرێن دوور دەست، كو كێشا قوتابخانان تێدا مەزن بوویە.
ئەڤرۆ نیوز:
ژ ئەگەرێ هنگافتنا مالا وەلاتیەکێ ب موشەكەكا ژ جۆرێ كاتیۆشا ل نێزیك فرۆكخانا بەغدا، حەفت ئەندامێن وێ خێزانێ گیانێ خۆ ژدەستدا.
ژێدەرێن ئەمنی یێن عیراقێ دیار کرینە: کو موشەكەكا ژ جۆرێ كاتیۆسا ب مالا وەلاتیەكی كەفتیە ل نێزیك فرۆكخانا بەغدا و د ئەنجامدا پێنج زارۆك و دو ژن هاتنە كوشتن.
ئەڤ كریارە د دەمەكی دایە، ژ ئەگەرێ هێرشێن بەردەوام یێن گرۆپێن چەكدار بۆ سەر بالیۆزخانە و نوونەراتیێن دبلۆماسیێن وەااتان ل بەغدا و هێزێن هەڤپەیمانان، لەوما ماتیۆ تۆلەر بالیۆزێ ئەمریكا ل عیراقێ بریاردا كارێن بالیۆزخانێ بهێنە راگرتن و بەغدا بجهـ هێلا و قەستا هەولێرێ كریە.
ئەڤرۆ نیوز:
شیرەتکارا ئەلمانیا راگەهاند کو وەلاتی وەکو پێدڤی پێگیریێ ب رێنمایێن ساخلەمیێ ناکەن و رێژا تووشبوونا وەلاتیان ب کۆرۆنایێ د زێدەبوونێ دایە.
شیرەتکارا ئەلمانیا دیار ژی کریە کو ئەو ژ هندێ دترسن هەتا سەرێ سالێ هەر رۆژێ نێزیکی بیست هزار کەس ل ئەلمانیا تووشی کۆرۆنایێ ببن و وی دەمی دێ کارەساتێن مەزن ل ئەلمانیا روو دەن.
ئەڤرۆ نیوز:
وەزارەتا ساخلەمیا هەرێما کوردستانێ راگەهاند کو د ماوەیێ ٢٤ دەمژمێرێن بۆری دا ٧٣٥ کەسێن دی ل هەرێما کوردستانێ تووشی کۆرۆنایێ بووینە و هەروەسا ٢٢ تووشبوو ژی مرینە.
ل پارێزگەها دهۆکێ ژی ٢٨٣ کەس تووشی کۆرۆنایێ بووینە و چار تووشبوو ژی مرینە.
هەروەسا د ماوەیێ ٢٤ دەمژمێرێن بۆری دا ٢٨٦ نەخوشێن کۆرۆنایێ ژی ب تەمامی باش بووینە.
ئەڤرۆ نیوز، عەلی حاجی :
سەروكێ فراكسیونا زەر ل ئەنجومەنێ پارێزگەها دهوكێ بۆ ئەڤرۆ نیوز دیار كر حكومەتا عێراقێ رێژەیەكا كێم ژ گازا سپی دێ رەوانەی پارێزگەها دهوكێ كەت بەلێ ئەو رێژەیە تێرا پارێزگەهێ ناكەت و پێدڤیە حكومەتا هەرێما كوردستانێ ژی ژلایێ خوەڤە پشكەكێ دابین بكەت دا كو ئەو گاز ب سەر وەلاتیان دا بهێتە بەلاڤ كرن .
زێدەتر هشیار گوللی گۆت : (بریار بوو د ماوەیێ سێ روژێن بوری دا بەهرا گازاس سپی یا یارێزگەها دهوكێ كو ئەوا 7 ملیون و 900 هزار لیتر بۆ پارێزگەها دهوكێ ژلایێ حكومەتا عێراقێ ڤە هاتینە دابین كرن گەهشتبایە پارێزگەها دهوكێ بەلێ هەتا نوكە نەهاتیە رەوانە كرن و ئەم ب هێڤی نە دەمەكێ نێزیك دا بهێتە رەوانە كرن، هەر چەندە ئەو پشكە گەلەك كێمە تا كو هەر خێزانەك بشێت بەرمیلەكا گازا سپی وەربگریت ژبەر كو پارێزگەها دهوكێ پێدڤی ب 54 ملیوت لترایە و بۆ هەر سێ پارێزگەهێن هەرێما كوردستانێ ژی حكومەتا عێراقێ بتنێ 50 هزار لتر دابین كرینە ئەڤجا ژبەر ڤێ چەندێ پێدڤی یە حكومەتا هەرێما كوردستانێ ژلایێ خوە رێژەیەكا دیتر یا یا گازا سپی دابین بكەت ل سەر پشكا پارێزگەها دهوكێ هەتا كو بشێن دەمەكێ نێزیك دا پروشەیا گازا سپی بهێتە دەست پێكرن و زێدەتر وەلاتی سد مەند ببن).
ناڤهاتی ئەو چەندە ژی گۆت: (هەر دەمێ پشكا پارێزگەها دهوكێ گەهشتە دەست ب رێڤەبەریا بەلاڤ كرنا بەرهەمێن نەفتێ د وی دەمی دا دێ چاڤدێریەكا باش ل سەر كەین دا كو د زووترین دەم دا ل دویڤ پلانەكا باش دەست ب بەلاڤ كرنا پروسەیا گازا سپی بۆ مالان بهێتە كرن ژبەر كو ئەم یێ بەرەڤ وەزرێ زڤستانێ ڤە دچین و دێ وەلاتیان پێدڤی ب وێ گازا سپی هەبیت).
ئەڤرۆ نیوز،عەلی حاجی :
رێڤەبەرا رێکوپرا ل پارێزگەها دهوکێ بۆ ئەڤرۆ نیوز دیار کر وان نەخشەیەکێ دەست پێکی ئامادە کری یە بۆ پروژەیێ ئەندەر پاسا دەروازا باژێرێ زاخۆ و دانانا ئەندەر پاسێ ژی ل دویف داخازیا رێڤەبەریا هاتن و چوونا زاخۆ بوو .
زێدەتر خەدیجە محەمەد گۆت : وەکو لەز کرن د کاری دا مە دیزاینەکا دەست پێکی دروست کری یە بۆ ئەندەر پاسا زاخۆ ئەوا دێ ل دەروازا زاخۆ هێتە دانان و نوکە دا ئەو پروژەیە د قوناغا راگەهاندنێ دایە و پشتی وی قوناغێ ژی ئەو پروژەیە وەکو وەکو تەندەرەک دێ ب وەبەرهێنەرەکێ هێتە دان داکو قوناغێن رووتینی ببریت و ئەو پروژەیە بکەڤیتە د وارێ جێبەجێ کرنێ دا و دشێن بێژین هەتا نوکە وی پروژەیی قوناغێن باش دەرباز کرینە ل سەر رێیەکا دروست دچیت و پشتی کارێن رووتینی خلاس دبن دێ د وی دەمی دا ژڤانێ دەست پێکرنا وی پروژەیی هێتە ئاشکەرا کرن و قوناغێن دیترێ دیزاینا دووماهیێ ژی دێ بۆ وەبەر هێنەری ڤەگەریت ژبەر کو ئەو دێ دیزاینا دووماهیێ لدوو رەزامەندیا مە دروست کەت.
ناڤهاتیێ گۆت ژی : ئەو پروژەیە لدووڤ داخوازیا رێڤەبەریا هاتنوچوونا زاخۆ بوو ژبەر کو هەر وان دایە دیار کرن ژبەر نەبونا ئەندەرپاسەکێ ل دەروازەیا زاخۆ روودانێن هاتن چوونێ ل وێ جادێ د زێدەنە و ئەو چەندە ژی ئەگەرێ سەرەکیێ دروست بوونا روودانێن هاتن وچوونێ یە و ب دانانا ئەندەر پاسێ ژی دێ روودانێن هاتن و چوونێ بەرەڤ کێم بوونێ ڤە چن .
نيشاندان