ئەڤرۆ نیوز،عەلی حاجی :
بەرپرسێ ئاوارە و پەنابەران ل قاییمقامیا زاخۆ د داخویانیەکێ دا بۆ ئەڤرۆ نیوز دیار کر ب رێیا س رێکخراوان ل زاخۆ د چەندین دەلیڤێن کاری بو ئاوارە و خوە جهێن دەڤەرێ هێنە پەیدا کرن و بریارە دماوەیێ ڤێ حەفتیێ دا ئەو دەلیڤێن کاری دەست پێ بکەن.
زێدەتر خەلات ئوسمان گوت : سێ رێکخراو ل زاخۆ دێ رابن ب نوژەنکرنا هندەک قوتابخانە و بویاخکرنا جاددە و پاقژکرنا باغچەیان و ئەڤ کارە ب هەماهەنگی دگەل جهێن شولەژێ هێنە کرن و ب رێیا وان سێ کاران دێ دەلیڤێن کاری بۆ نێزیکی ٤٠٠ کەسێن خودان بروانامە و بێ بروانامە هێتە پەیدا کرن و ناڤ نڤێسین ژی ب رێیا لینکەکێ و ناڤ نڤیسینێ یە ل قاییمقامیا زاخۆ و ئەڤ ناڤ نڤیسینە دەست پێکری یە و هەر کەسەکێ دخازیت کاربکەت دشێت ناڤێ خوو تومار بکەت و دماوەیێ ڤێ حەفتیێ دا دێ دەست ب کارەکێ هێتە کرن و دێ هندەک دەلیڤێن کاری ژی دەست ب کار بن.
گوت ژی : بریارە پشتی قوناغا ئێکێ کارێ رێکخراوەکێ ب دوماهی دهێت هەر دو رێکخراوێن دیتر دەست ب کاری بکەن و بۆ ماوەیەکێ ئەو کار بەردەوام بیت و ئەو کەسێن ناڤێن خوە تومار دکەن ژبەریا دەست ب کاری بکەن روونشتنەک دگەل وان دا دهێتە ئەنجام دان.
ئەڤرۆ نیوز، عەلی حاجی :
رێڤەبەرێ کوچ و کوچبەران ل پارێزگەها دهوکێ بۆ ئەڤرۆ نیوز دیار کر ژبەر وێ بریارا حکومەتا عێراقێ دەرکری ل دور ڤەگەریانا هاولاتین عێراقی بۆ عێراقێ هەتا نوکە چەندین کەس ل کوردستان و عێراقێ مفادار بوینە ژ قەرەبوکرنێ و هەتا نوکە ئەو قەرەبوکرنە بەردەوامە.
زێدەتر ئەسکەندەر محەمەد گوت : ل دووف بریارا وەزارەتا کوچ و کوچبەران یا حکومەتا عێراقێ هەر هاولاتیەکێ کوردستانێ ژ سالا ١٩٧٠ هەتا سالا ١٩٩١ قەستا ژدەرڤەیی وەلاتی کربیت و دماوەیێ ڤان چەند سالەکێن بوری دا ب ئێکجاری بریارا ڤەگەریانێ دا بیت بۆ کوردستانێ پارچە زەڤیەکێ یان ژی شوققەکێ و کوژمەیەکێ پارەیی ب چار ملیون دیناران پێ دهێتە دان و هەر دیسان هەکە ئەو کەسە فەرمانبەر ژی بیت دێ دوبارە ڤەگەریتە دەواما خوە و ئەو دەمێ ژدەرڤەیی وەلاتی ژی ژیانا خوە دەرباز کری دێ بو وی ب خزمەت هێتە هەژمارتن،بەلێ هەر هاولاتیەکێ ژدەرڤەی هەرێمێ بیت و هەر ژ سالا ١٩٧٠ هەتا نوکە چو بیتە دەرڤەیی وەلاتی دێ هەمان قەرەبویا ب هاولاتیێن هەرێمێ هاتیە دان ب وان ژی هێتە دان و هەتا نوکە ژی ئەڤ بریارە دبوارێ جێبەجێ کرنێ دایە و نەهاتیە راوەستاندن و چو بریارێن راوەستیانا وێ نینن.
گوت ژی: ژبەر وێ بریارێ هەتا نوکە رێژەیەکا باش یا هاولاتیێن کوردستانێ و عێراقێ مفادار بوینە و ب رێیا وێ بریارێ مە گەلەک فەرمانبەر ڤەگەراندینە دەواما وان یا فەرمی و نوکە بەردەوامن ل سەر دەواما خوە و هەر کەسەکێ مەرجێن پێدڤی ل دەف هەبن دێ مفادار بیت ژ ڤێ بریارا تایبەت دەربارەی کوچبەرێن دەرڤەی وەلاتی.
ئه‌ڤرۆ نيوز، نيوار محه‌مه‌د سه‌ليم:
وه‌زاره‌تا دارايى و ئابوورى ل حوكمه‌تا هه‌رێما كوردستانێ خشتێ سوبه‌هى يێ مووچه‌ى به‌لاڤكر و ئاشكه‌را كو سوبه‌هى پتريا وه‌زاره‌تێن مايين دێ مووچه‌ى وه‌رگرن.
ب گۆره‌ى خشته‌كى كو ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ ده‌ركه‌فتيه سوبه‌هى رۆژا ئێكشه‌مبى بڕياره چه‌ندين وه‌زاره‌ت مووچێ هه‌يڤا ته‌باخێ 8 وه‌ربگرن.
ب گۆره‌ى وى خشته‌يى سوبه‌هى هه‌ر ئێك ژ وه‌زاره‌تا ئه‌وقاف و كاروبارێن ئاينى، خواندنا بلند و ڤه‌كۆلينێن زانستى، ناڤخۆ، ره‌گه‌زنامه، ليوا په‌ترۆلێ، زێره‌ڤانى، پێشمه‌رگێ به‌ره‌ڤانى و هه‌وار هاتن، ده‌زگه‌هێ ئاسايشێ، جڤاتا ئاسايشێ، وه‌زاره‌تا باژێرڤانى و گه‌شتوگۆزار، كاره‌با، ڤه‌گۆهاستن، پلاندانان، چاندن، ديوانا چاڤدێريا دارايى، ده‌سته‌يا مافێ مرۆڤى، ده‌ڤه‌رێن ده‌رڤه‌ى ئيدارا هه‌رێما كوردستانێ، ده‌سته‌يا ژينگه‌هێ، ده‌ستپاكيێ، كۆمسيۆنا هه‌لبژارتنان و ده‌زگه‌هێ مينان دێ مووچه‌ى وه‌رگرن.
ژ به‌ر وى كۆژمێ پاره‌ى يێ ژ به‌غدا بڕيار ل سه‌ر دهێته دان، به‌لاڤكرنا مووچێ هه‌يڤا ته‌باخى وه‌كو هه‌ڤبه‌ركى ل گه‌ل يێ هه‌يڤێن به‌رى وان چه‌نده‌كێ گيرۆ بوو.
ئه‌ڤرۆ نيوز، نيوار محه‌مه‌د سه‌ليم:
شانده‌كێ حوكمه‌تا هه‌رێما كوردستانێ گه‌هشته به‌غدا و بڕياره ل سه‌ر چه‌ند پرسان و ب تايبه‌ت په‌ترۆلێ دانوستاندنێ ل گه‌ل به‌رپرسێن به‌غدا بكه‌ن.
نوونه‌رێ حوكمه‌تا هه‌رێما كوردستانێ نووترين پێزانيان ئاشكه‌را دكه‌ت.
د داخۆيانيه‌كێ دا، فارس عيسا، نوونه‌رێ حوكمه‌تا هه‌رێما كوردستانێ ل به‌غدا راگه‌هاند كو شاند بۆ ته‌مامكرنا دانوستاندنێ يه ده‌رباره‌ى بودجه‌ى و ژ ئاوات شێخ جه‌ناب، خالد شوانى، ئومێد سه‌باح و د. ئامانج ره‌حيم پێك دهێت.
بڕياره ده‌مژمێر 11:00 شاندێ هه‌رێما كوردستانێ ل گه‌ل سه‌رۆك وه‌زيرێن عيراقێ كۆم ببيت و به‌حس ل پشكا بوودجا هه‌رێما كوردستانێ بۆ سالا 2020ێ بكه‌ن.
ئەڤرۆ نیوز، رێوار محەمەد رەشید:
موقەدمێ مافپەروەر بێوار عەبدولعەزیز، بەرپرسێ پشکا پەیوەندی و راگەهاندنێ ل رێڤەبەریا بەرەڤانیا باژێری ل دهۆکێ بۆ ئەڤرۆ نیوز دیار کر ژ ئەگەرەکێ نەدیار ئەڤرۆ 22/11/2019 ل دەمژمێر 7:40 شەڤ خانیەک ب تمامی ل تاخێ ماسیکێ یێ د ناڤ باژێرێ دهۆکێ دا هاتە سۆتن و پشتی پەیوەندی ب تیمێن ئاگر ڤەمراندنێ هاتیەکرن ئێکسەر گەهشتنە جهێ روودانێ و شیان ڤی ئاگری کۆنترۆل بکەن و گۆت: “هێشتا ئەگەرێن دروست یێن ڤێ روودانێ نەهاتینە زانینن ، بەلێ د ڤێ روودانێ دا بتنێ زیانێن ماددی هەبوون و چو زیانێن گیانی نەبوون”.
ئه‌ڤرۆ نیوز
هژماره‌كا یانێن به‌رنیاس ل سه‌ر ئاستێ ئورۆپا هه‌ڤركیا ب ده‌ستڤه ئینانا ستێرا هه‌لبژارتیێ جه‌زائێر و یانا نیس یا فره‌نسى یوسف عتال دكه‌ن .
مالپه‌رێ كاتشیو مێركاتو یێ ئیتالى دیاركریه هه‌ردو یانێن چێلسى و میلان گرنگیه‌كا مه‌زن ب ڤه‌گوهاستنا ستێرا نیس و هه‌لبژارتیێ فره‌نسا یوسف عه‌تال دایه و دخوازن بوو ڤه‌گوهاستنێن زڤستانا بهێت هه‌ڤبه‌ستێ ل گه‌ل ئه‌وى یاریزانى ئیمزا بكه‌ن.
هه‌ردیسان هاتیه دیاركرن ژى هژماره‌كا یانێن ئیسپانى و ئه‌لمانى ژى هه‌ڤركیێ ل سه‌ر ده‌ستڤه ئینانا ئه‌وى یاریزانى دكه‌ن لێ هه‌ردو یانێن چێلسى و میلان ژ هه‌ر یانه‌كا دى پتر نێزیكترن بوو ئیمزاكرنا هه‌ڤبه‌ستا ئه‌وى یاریزانى.
ئه‌ڤرۆ نیوز:
رۆژنامه‌یێن نێزیكى یانا به‌رشه‌لۆنا دیاركرینه ستێرا وێ یانێ حه‌زه‌كا مه‌زن هه‌یه به‌رپرسێن وێ یانێ هه‌ڤبه‌ستێ ل گه‌ل وه‌لاتیێ وى و ستێرا یانا ئه‌نتر میلان لاوتارو مارتینیز ئیمزا بكه‌ن هه‌ردیسان هاتبوو دیاركرن ژى میسى ل هاڤینا بورى داخوازى ژ به‌رپرسێن یانا خوه كربوون هه‌ڤبه‌ستێ ل گه‌ل لاوتارو ئیمزا بكه‌ن ژبه‌ركو وى یاریزانى پاشه‌رۆژه‌كا گه‌ش هه‌یه.
ژلایه‌كێ دیڤه رۆژناما “كورییری دیلو سپورت” یا ئیتالى ئاشكراكریه یانا به‌رشه‌لۆنا ئێك ده‌لیڤه هه‌یه بشێت ئارمانجا میسى ب جه بینت بوو ئیمزاكرنا هه‌ڤبه‌ستا لاوتارو مارتینیز ئه‌وژى ل مه‌ها ته‌موز یا هاڤینا بهێت وى یاریزانى ماوێ 15 رۆژان ده‌لیڤه هه‌یه په‌یوه‌ندى ب هه‌ر یانه‌كا دى بكه‌ت لێ ب مه‌رجه‌كى بهایێ هه‌لوه‌شاندنا وى پێشكێشى ئه‌نتر بكه‌ن ئه‌وژى 111 ملیون یورۆنه.
هه‌ردیسان وێ رۆژنامێ دیاركریه ژى بتنێ دێ 15 رۆژ ل به‌ر ده‌ستێ به‌رشه‌لۆنا بن بوو ده‌ستڤه ئینانا وى یاریزانى .
هه‌ژى گوتنێ یه یانا به‌رشه‌لۆنا ل ماوێ چه‌ند حه‌فتیێن بورى گرنگیه‌كا مه‌زن ب شیانێن ئه‌وى یاریزانى دایه تایبه‌ت پشتى ل وه‌رزێ ئه‌ڤ ساله شیاى ئاسته‌كێ بلند ل گه‌ل یانا خوه و هه‌لبژارتیێ ئه‌رژه‌نتین پێشكێشكرى.
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند كو هێشتا حوكمه‌تا عيراقێ ره‌زامه‌ندى بۆ به‌لاڤكرنا مووچێ فه‌رمانبه‌ران ده‌رنه‌بڕيه.
هه‌يڤانه حوكمه‌تا هه‌رێما كوردستانێ ژ پێنج بۆ حه‌فتى هه‌يڤێ ده‌ست ب به‌لاڤكرنا مووچێ فه‌رمانبه‌ران دكه‌ت و ل ده‌سپێكێ ئه‌و وه‌زاره‌ت وه‌ردگرن يێن ب پشت به‌ستن ل سه‌ر داهاتێ ناڤخۆ و پاشان ژى كۆژمه‌كێ پاره‌ى ژ به‌غدا دهێت و مووچێ وه‌زاره‌تێن مايى دهێته به‌لاڤكرن.
ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ بۆ ئه‌ڤرۆ نيوز دياركر كو هێشتا حوكمه‌تا عيراقێ بڕيارا مه‌زاختنا مووچێ هه‌يڤا هه‌شت يێ فه‌رمانبه‌ران نه‌دايه و گۆت: “هه‌ر ده‌مێ ره‌زامه‌ندى هات دێ ده‌ست ب به‌لاڤكرنا مووچه‌ى هێته كرن، بێ گيرۆ بوون”.
ده‌ستپێكا ڤێ حه‌فتيێ وه‌زيرێ دارايى و ئابوورى ل حوكمه‌تا هه‌رێما كوردستانێ د روونكرنه‌كێ دا راگه‌هاند كو مووچێ هه‌رسێ هه‌يڤێن دووماهيێ يێن ئه‌ڤ ساله نابيته پاشكه‌فت و هه‌ر 30 رۆژان جاره‌كێ مووچه دێ هێته به‌لاڤكرن.
نيشاندان