ئه‌ڤرۆ نیوز:
راهێنه‌رێ هه‌لبژارتیێ به‌رازیل لیناردو باتشى تیتى دیاركر ستێرا گه‌نچ یا هه‌لبژارتیێ به‌رازیل و یانا ریال مه‌درید رودریگو شیانێن مه‌زن هه‌نه‌ سه‌ره‌راى یاریزانه‌كێ گه‌نچ نوكه‌ ل ده‌ستپێكا ژیانا خوه‌ یا پێشكه‌ڤتنێ یه‌ لێ نوكه‌ شیانێن ستێره‌كا مه‌زن ل ده‌ڤ وى یاریزانى هه‌نه‌.
زێده‌تر راهێنه‌رێ هه‌لبژارتیێ به‌رازیل پشتى یاریا به‌رامبه‌ر ئه‌رژه‌نتین ئه‌وا ب سه‌ركه‌فتنا هه‌لبژارتیێ تانگو ب دووماهیى هاتى بوو ده‌زگه‌هێن راگه‌هاندنێ دیاركر رودریگو پاشه‌رۆژه‌كا گه‌ش بوو ته‌پا پێ یا هه‌لبژارتیێ به‌رازیلێ هه‌یه‌ و ئه‌و د وێ باوه‌ریێ دا یه‌ ئه‌و دێ بیته‌ ئێك ژ ستێرێن به‌رنیاس ل سه‌ر ئاستێ جیهانێ ل ماوێ بهێت.

رودریگو دوهى یاریا خوه‌ یا ئێكێ ب درێسێ هه‌لبژارتیێ به‌رازیل كر ده‌مێ ل ده‌قیقا 70 هاتیه‌ دناڤ یاریێ دا ل جهێ هه‌ڤالێ خوه‌ ولیامى.

ئه‌ڤرۆ نیوز:
هه‌ردو یانێن به‌رشه‌لۆنا و ریال مه‌درید كه‌ڤتى نه‌ د هه‌ڤركیا ب ده‌ستڤه‌ ئینانا ستێره‌كا ئه‌فریقى دا بوو ڤه‌گوهاستنێن هاڤینا بهێت.
رۆژناما زه‌سه‌ن یا برێتانى ئاشكراكریه‌ هه‌ردو جه‌مسه‌رێن مه‌زن یێن ئیسپانیا به‌رشه‌لۆنا و ریال مه‌درید هه‌ڤركیێ ل سه‌ر ده‌ستڤه‌ ئینانا ستێرا هه‌لبژارتیێ گابون و یانا ئه‌رسینال ئوبامیانگ دكه‌ن بوو ڤه‌گوهاستنا ئه‌وى ل هاڤینا بهێت.
هه‌ردیسان وێ رۆژنامێ ئاشكرا كریه‌ ژى هه‌ڤبه‌ستا ئوبامیانگ دێ ل هاڤینا 2021 ب دووماهیى هێت و هه‌تا نوكه‌ ئه‌وى یاریزانى هه‌ڤبه‌ستا خوه‌ ل گه‌ل وێ یانێ درێژ نه‌كریه‌ و بوو به‌رپرسێن یانێ دیاركریه‌ هه‌كه‌ یانه‌ نه‌ ده‌ربازى قاره‌مانیا چامپیونیز لیگ بوو ئه‌و هه‌ڤبه‌ستا خوه‌ درێژ ناكه‌ت و ب ڤێ چه‌ندێ ترس كه‌تیه‌ دلێ به‌رپرسێن وێ یانێ و دبیت ب رێژه‌كا هه‌ره‌ مه‌زن ل دووماهیا ڤى وه‌رزى ئه‌وى یاریزانێ خوه‌ بفروشن به‌رى ئه‌و یاریزان سالا دویڤدا ب هه‌ڤبه‌سته‌كا سه‌ربه‌ست به‌ر ب یانه‌كا دى بچیت.
وێ رۆژنامێ ئه‌و چه‌نده‌ ژى دیاركریه‌ به‌رى نوكه‌ بابێ وى یاریزانى ئاشكراكربوو خێزانا ئه‌وان پشته‌ڤانێن ریال مه‌درید و كورێ وى گه‌له‌ك جاران بوو ئه‌وان دیاركریه‌ خه‌ونا وى یه‌ رۆژه‌كێ یارى ل یانا ریال مه‌درید بكه‌ت و سوز دابوو باپیرێ خوه‌ ئه‌و یاریێ ل یانا ریال مه‌درید بكه‌ت .
ژلایه‌كێ دیڤه‌ رۆژناما سكاى سپورتس دیاركریه‌ یانا به‌رشه‌لۆنا گرنگیه‌كا مه‌زن ب شیانێن ئه‌وى یاریزانى دایه‌ بوو ئیمزاكرنا هه‌ڤبه‌ستا ئه‌وى كو به‌رپرسێن وێ یانێ وه‌سا دبینن باشترین پێگوهورێ سوارێز ل ماوێ بهێت دێ ئوبامیانگ بیت .

ئه‌ڤرۆ نیوز:
یانا مونتریال ئامباكت یا كه‌نه‌دى ئه‌وا پشكدار دخۆلا ئه‌مریكا یا ته‌پا پێ دا ب فه‌رمى راگه‌هاند هه‌ڤبه‌ستا ستێرا به‌رنیاس یا جیهانى یا به‌رى نوكه‌ و راهێنه‌رێ به‌رى نوكه‌ یێ یانا موناكو تێرى هێنرى ئیمزاكر وه‌كو راهێنه‌رێ نوو یێ وێ یانێ .
سه‌رۆكێ یانا مونتریال ئامباكت بوو ده‌زگه‌هێن راگه‌هاندنێ دیاركریه‌ ئه‌وان ب فه‌رمى هه‌ڤبه‌ستا تێرى هێنرى ئیمزاكر بوو سه‌رپه‌رشتیا یانا ئه‌وان بكه‌ت بوو دو وه‌رزێن بهێت.

ئه‌ڤرۆ نیوز:
پشتى ل شه‌ڤا بورى هه‌لبژارتیێ ئنگلته‌را شیاى سه‌ركه‌فتنه‌كا مه‌زن ل سه‌ر هه‌لبژارتیێ مونتیگرو توماربكه‌ت ب پێنچ گولان بێ به‌رامبه‌ر ژ چارچوڤێ ڤاڤارتنێن یورۆیا 2020 و كابتنێ ئنگلته‌را و ستێرا وێ هارى كین شیاى هاتریك توماربكه‌ت شیا نمره‌كا باش ل گه‌ل هه‌لبژارتیێ خوه‌ توماربكه‌ت .
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ دیاركریه‌ هارى كین بوو یاریزانێ ئێكێ وه‌كو كابتن و یاریزانه‌كێ سه‌ره‌كى یارى بكه‌ت بشێت 24 گولان توماربكه‌ت.
ژلایه‌كێ دیڤه‌ مالپه‌رێ سكواكا ژى یێ تایبه‌ت ب ئامارێن وه‌رزشى ڤه‌ ئاشكراكر هارى كین پێشڤه‌ هاته‌ رێزا شه‌شێ د مێژویا گولكه‌رێن هه‌لبژارتیێ ئنگلته‌را دا پشتى شیاى هژمارا گولێن خوه‌ ب گه‌هینته‌ 31 گولان.
هه‌ژى گوتنێ یه‌ واین رونى نوكه‌ ل سه‌رێ لیستا باشترین گولكه‌رێن مێژوى یێن هه‌لبژارتیێ ئنگلته‌را دهێت ب توماركرنا (54 گولان) و بوبى چهارلتون رێزا دوێ دهێت ب (49 گولان) و گارى لینیكر رێزا سێ دهێت (48 گولان) و جیمى گریڤز رێزا چارێ دهێت ب (44 گولان) و مایكل ئوین رێزا پێنچێ دهێت (49 گولان)

ئه‌ڤرۆ نیوز:
پشتى یانا سالزبورگ یا نه‌مساوى بهایێ فروتنا ستێرا خوه‌ یا نه‌رویجى ئیرلینگ هالاند ئاشكراكرى و وێ یانێ دیاركربوو هه‌ر یانه‌كا حه‌زا ئیمزاكرنا ئه‌وى یاریزانى هه‌بیت پێدڤى یه‌ كوژمێ 100 ملیون یورۆیا پێشكێشى یانێ بكه‌ن كو نوكه‌ چه‌ندین یانێن به‌رنیاس ل سه‌ر ئاستێ ئورۆپا هه‌ڤركیا ده‌ستڤه‌ ئینانا وى یاریزانى دكه‌ن .
رۆژناما زه‌سه‌ن یا برێتانى دیاركریه‌ یانا به‌رشه‌لۆنا ره‌تكر ئه‌و كوژمێ 100 ملیون یورۆیا بده‌ن بوو ده‌ستڤه‌ ئینانا ئه‌وى یاریزانى و خوه‌ ژ هه‌ڤركیا ده‌ستڤه‌ ئینانا ئه‌وى ڤه‌كێشا.
هه‌ردیسان وێ رۆژنامێ دیاركریه‌ ژى به‌رشه‌لۆنا ناخوازیت د ماوێ ساله‌كێ دا هه‌ڤبه‌ستێ ل گه‌ل سێ یاریزانان ئیمزا بكه‌ت ب كوژمێن مه‌زن ئیمزا بكه‌ن تایبه‌ت پشتى ل ده‌ستپێكا ڤى وه‌رزى هه‌ڤبه‌ست ل گه‌ل كرێزمان ئیمزاكرى ب 120 ملیون یورۆیا و دى یونگ یێ هوله‌ندى 75 ملیون یورۆیا .
وێ رۆژنامێ ئاماژه‌ ب وێ چه‌ندێ ژى كریه‌ ب ڤه‌كێشانا به‌رشه‌لۆنا رێك بوو هه‌ر ئێك ژ یانێن ئه‌رسینال و مانچێسته‌ر یونایتد خوشتر لێكر بوو ده‌ستڤه‌ ئینانا ئه‌وى یاریزانێ نه‌رویجى لێ یانا مان یونایتد پتر ده‌لیڤه‌ هه‌یه‌ وى یاریزانى ب ده‌ستخوڤه‌ بینت .

ئه‌ڤرۆ نیوز:
ل چه‌ند رۆژێن بورى په‌یوه‌ندیێن ستێرا پورتوگالى و یانا یوڤانتوس رونالدوى ل گه‌ل راهێنه‌رێ وێ یانێ ماوریسیو سارى به‌ر ب لاوازبوونێ ڤه‌ چووینه‌
مالپه‌رێ كاتشیو مێركاتو یێ ئیتالى دیاركریه‌ په‌یوه‌ندیێن رونالدوى راهێنه‌رێ وى ل یانا یوڤانتوس به‌ر ب لاوازبوونێ ڤه‌ چووینه‌ تایبه‌ت پشتى ل یاریا به‌رامبه‌ر میلان ل ده‌قیقا 55 گوهورتى و ب توره‌بوونڤه‌ ئه‌وى یاریزانى یاریگه‌ها ب جه هێلا به‌رى ب دووماهیى هاتنا یاریێ ب 3 ده‌قیقا .
هه‌ردیسان وى مالپه‌رى ئاشكراكریه‌ ژى رونالدو دخوازیت جاره‌كا دى ڤه‌گه‌ریته‌ یانا خوه‌ یا به‌رى نوكه‌ ریال مه‌درید ئه‌وێ ل ڤه‌گوهاستنێن هاڤینا 2018 پێكهاتیێ وێ ب جه هێلاى و به‌ر ب یوڤانتوس هاتى.