ئه‌ڤرۆ نیوز، ئێقبال عومه‌ر:
وارشین به‌رواری رێڤه‌ره‌رێ ناحیا شێلادزێ بو ئه‌ڤرۆ نیوز گوت: رێكخراوا خاچا سور رابویه ب دابینكرنا كوژمه‌كێ پاره‌ی ب سه‌ر وان وه‌لاتیێن كارێ ئاژه‌لداریێ ل سنورێ ناحیا شێلادزێ دكه‌ن ئه‌و كه‌س ژی ئه‌ون یێن كو رێژه‌كا كێم یا ئاژه‌لان هه‌ی 407 كه‌س ژێ مفادار بون, مه‌ره‌م ژڤێ هاریكاریێ ژی ئه‌وبو كو كه‌سێن كێم ده‌رامه‌ت بشێن به‌رده‌وامیێ بكارێ خوه‌یێ ئاژه‌لداریێ بده‌م, مه‌ره‌ما وان ژ ڤێ ده‌ڤه‌رێ ژی ئه‌و بو كو رێژه‌كا زورا وه‌لاتیا ل ناحیا شێلادزێ دئاكنجینه و نه‌شێن سه‌ره‌دانا گوندێن خوه بكه‌ن ژبه‌ركو روژانه گوندێن ڤێ ده‌ڤه‌رێ دهێنه بومبه‌بارانكرن ژلایێ فروكێن توركیاڤه ب بهانه‌یا هه‌بونا جه‌كدارێن په‌كه‌كێ, و وان ل به‌ره كو به‌رده‌وام هاریكاریا خه‌لكێ ڤێ ده‌ڤه‌رێ بكه‌ن.
گوتژى: هیڤیدارین ژ رێكخراوێن خێرخوازی كو پتر هاریكاریێ دگه‌ل خه‌لكێ ڤێ ده‌ڤه‌رێ بكه‌ن ژبه‌ركو خه‌لكێ ڤێ ده‌ڤه‌رێ خه‌لكه‌كێ هه‌ژاره و شیانێن دابینكرنا به‌رهه‌ڤیێن زڤستانێ نینن و زڤستانا ڤێ ده‌ڤه‌رێ زورا ساره.
ئه‌وس ئه‌حمه‌د كارمه‌ندێ رێخراوا خاچا سورا نیڤده‌وله‌تی بو ئاڤرۆ نیوز دا دیاركرن, به‌ری شه‌ش هه‌یڤان مه سه‌ره‌دانا ناحیا شیلادزێ كربی بو هایداربون ل سه‌ر ره‌وشا ژیانا خه‌لكێ ڤێ ده‌ڤه‌ری مه دیت كو خه‌لكێ ڤێ ده‌ڤه‌رێ نه لسه‌ر جهو وارێن خوه‌نه كو گوندێن وان د ڤالانه ژبه‌ر شه‌ر و ئالوزێن لڤێ ده‌ڤه‌رێ هه‌ی و گوت: بومه دیار بو كو خه‌لكێ ڤێ ده‌ڤه‌رێ یێ هه‌ژار و كێم ده‌رامه‌ته و ده‌لیڤا كاری بو خه‌لكێ ڤێ ده‌ڤه‌رێ نینه له‌وما مه‌ژی ب فه‌ردیت كو ده‌ڤه‌را شێلادزێ هه‌لبژێرین كو هاریكاریا ئاژه‌لدارێن ڤێ ده‌ڤه‌رێ بكه‌ین داكو پتر بشێن كارێ ئاژه‌لداریێ بكه‌ن, مه برێكا ناحیێ و فێترنه‌ریا شێلادزێ و هه‌روه‌سا موخارێن گوندا مه‌شیا 407 سه‌روك خێزانان ناڤ نڤیس بكه‌ین كو پشتی دیفچونه‌كا باش بومه دیاربون كو پێتڤی هاریكاریه نه و خودان ئاژه‌لن له‌وما مه‌ژی ب فه‌ردیت كو هه‌ر ئاژه‌لداره‌كی كوژمه‌كێ پاره‌ی پێشكێش بكه‌ین.
ئه‌وس زێده‌تر گوت: یێ ئێك چێل هه‌ی 540 هزار دینارا وه‌ردگریت یێ دوو چێل هه‌ی ملیونه‌ك و 80 هزار دیناران وه‌ردگریت و ژئێك سه‌رێ په‌زی تاكو پینج سه‌رێن په‌زی پتر ژ 600 هزار دیناران وه‌ردگریت یێن تاكو ده‌ه سه‌رێن په‌زی هه‌ی ملیونه‌ك و 300 هزار دیناران وه‌ردگریت, مه هاریكاری گه‌هاندنه 407 ئاژه‌لداران ل سنورێ ناحیا شێلادزێ ب كوژمێ 344 ملیون دیناران, ل دیف رێنمایێن رێكخراوا ناڤبری ئه‌و ئاژه‌لدار مفادار بون یێن كو ژ دوو چێلێن شیری زێده‌تر نه‌بن و ژ ده‌ه سه‌رێن په‌زی زێده‌تر نه‌بن و خودانێن پروژێن مه‌زن یێن ئاژه‌لان مافێ وه‌رگرتنا ڤی َ هاریكاریێ نه‌بو ژبه‌ركو ئه‌وێن گه‌له‌ك ئاژه‌ل هه‌ی وی شیانێن دارایی دباشن و شیانێن دابینكرنا ئالیكێ ئاژه‌لان یێ هه‌ی مه بتنێ هاریكاری گه‌هاندیه كه‌سێن هه‌ژار و كێم ده‌رامه‌ت.
نيشاندان