ئه‌ڤرۆ نيوز:
جوتيار عادل، په‌يڤدارێ حوكمه‌تا هه‌رێما كوردستانێ راگه‌هاند، ب هه‌لكه‌فتا ژ دايكبوونا پێغمبه‌رێ ئيسلامێ محه‌مه‌د، پيرۆزباهيێ ل هه‌موو موسلمانێن كوردستانێ و عيراقێ و جيهانێ دكه‌ين و ب ڤێ هه‌لكه‌فتێ رادگه‌هينين كو رۆژا شه‌مبيێ 9/11/2019 بهێنڤه‌دانا فه‌رمى يه”.
گۆت ژى” ل رۆژا ئێكشه‌مبى 10/11/2019 ل هه‌موو داموده‌زگه‌هێن حوكمه‌تێ ده‌واما فه‌رمى يه”.
ئه‌ڤرۆ نیوز:
پشتى یانا به‌رشه‌لۆنا ل یاریا شه‌ڤا بورى نه‌شیاى سه‌ركه‌فتنێ توماربكه‌ت ده‌مێ ل یاریگه‌ها خوه ل گه‌ل یانا سلاڤیا پراگ یا چیكى وه‌كهه‌ڤبووى راهێنه‌رێ یانا به‌رشه‌لۆنا ڤالڤێردى دیاركر ئه‌وان پێشبینیا یاریه‌كا ب زه‌حمه‌تكر به‌رى یارى ل گه‌ل وێ یانێ بكه‌ن ژبه‌ركو ئه‌و یانا به‌رامبه‌ر ئه‌وان تیمه‌كا ب هێزه و خوساره‌تیا وێ دا وێ ژ هه‌ڤركیا ده‌ربازبوونێ بوو قوناغا 16 یا چامپیونز لیگ و هه‌ردیسان پلێتا ده‌ربازبوونێ بوو یورۆپا لیگ ژى دا ژ ده‌ست ده‌ت .
هه‌ردیسان ناڤبرى دیاركر ژى ئه‌وان ئێك ژ باشترین یارى پێشكێشكر ئه‌و ژ ئاستێ هه‌موو یاریزانێن خوه یێ رازیبوو هه‌ر تشت د یاریێ دا كر لێ بتنێ بوو توماركرنا گولان نه سه‌ركه‌فتى بوون به‌رى یاریا لیڤانتى ئه‌و شیابوو حه‌فت سه‌ركه‌فتنا ل دیڤ ئێك د قاره‌مانیا چامپیونیز لیگ و خۆلا لالیگا دا توماربكه‌ت و دو یاریا ل دیڤ ئێك نه‌شیاینه سه‌ركه‌فتنێ توماربكه‌ن د ته‌پا پێ دا سه‌ركه‌فتن و خوساره‌تى هه‌یه پێدڤى یه ئه‌و ب ڤێ چه‌ندێ د رازیبن .
ڤالڤێردى دیاركر ژى ئه‌وان به‌رى نوكه دیاركر بوو كوما ئه‌وان د قاره‌مانیا چامپیونیز لیگ دا كومه‌كا ب هێزه و هه‌ر چار یانه هه‌ڤركیا ده‌ربازبوونێ كه‌ن لێ هه‌تا نوكه ره‌وشا ئه‌وان گه‌له‌ك باشه و بتنێ ل یاریا بهێت سه‌ركه‌فتنێ توماربكه‌ن ئه‌و دێ ده‌ربازى قوناغا 16 به‌ن.
مه‌سرور بارزانى گۆت ژى” سه‌رۆكايه‌تيا حوكمه‌تێ وه‌كو ئه‌رك و ئه‌مانه‌ت من وه‌رگرتيه نه‌كو بۆ ده‌ستكه‌فتێ كه‌سايه‌تى”.
هه‌روه‌سا راگه‌هاند” دژى گه‌نده‌ليێ مه و ب هه‌موو شيانين خوه دێ بزاڤا بنبركرنا وێ كه‌م”.
سه‌باره‌ت كۆمپانێن په‌ترۆلێ و غازێ راگه‌هاند” حوكمه‌ت دێ كۆمپانيان نه‌چار كه‌ت ژينگه‌هێ بپارێزن و پێدڤيه وه‌لاتيان ژى رۆل هه‌بيت”.
ل دۆر كه‌رتێ وه‌به‌رئينانێ ژى، سه‌رۆكێ حوكمه‌تێ گۆت” هه‌موو بزاڤان دێ كه‌ين بۆ راكێشانا وه‌به‌رهێنه‌رێن بيانى، د هه‌مان ده‌م دا وه‌به‌رئێنه‌رێن ناڤخوه ژى ب هێز بكه‌ين”.
خوياكر ژى” ژ نوكه و وێڤه دڤێت حوكمه‌ت بريارێ بده‌ت چ پرۆژه‌كێ پێدڤيه نه‌كو وه‌به‌رئێنه‌ر ب خوه ب دلێ خوه برۆژان ئه‌نجام بده‌ت”.
ئەڤرۆ نیوز، عەلی حاجی:
رێڤەبەرێ هوبا ئاڤدانێ ل زاخۆ د داخویانیوکێ دا بۆ ئەڤرۆ نیوز دیار کر سێ وێستگەهێن پێشکەفتی یێ هایدولوجیێ ل سەر رووبارێ زاخۆ و دیجلە دێ هێنە دانان بو زانین بلن بوون و نزمیا ئاڤێ ل زاخۆ.
سەلمان سندی زێدەتر گوت: (دنوکە دا وێستگەهەک ل پروژێ ئاڤا زاخۆ هاتە دانان وەکو تێست و بریارە دو وێستەگەهێن دیتر یێن هایدرولوجیێ ل سەر رووبارێ دیجلە بهێنە دانان و ئەڤ وێستەگە زور پێشکەڤتینە و هاتینە کونتاکتکرن دگەل هەیڤا دەستکرد و هەر ب رێیا وێ دێ زانین کو ئاستێ ئاڤا خابیرێ زاخۆ چەندە، ئەڤ وێستگەهە ل دووڤ بەرنامێ رێڤەبەریا ئاڤدانێ ل پارێزگەها دهوکێ و ب هەڤکاری دگەل حکومەتا عێراقێ دێ هێنە دانان و حکومەتا سوێسرا تێچوویێ وان وێستگەهان ب ستویێ خوە ڤە گرتیە).
و گوت ژی وێستگەهەک کەڤتیە کاری دا و ئەو وێستەگەهە ب ئامادەبوونا نوونەرەکێ حکومەتا سوێسرا هاتە دانان، ئەڤ وێستگەهە دێ هاریکار بن دا کو ب شێوەیەکێ ساناهی بزانین رێژەیا بلندبوون و نزمبوونا ئاڤا خابیری و دیجلەی ل زاخۆ چەندە.
ئەڤرۆ نیوز:
رەجەب تەیب ئەردۆگان سەرۆک کۆمارێ تورکیا راگەهاند کو هێزێن وان شیاینە هەڤژینا ئەبوبەکر بەغدادی خەلیفێ بەرێ یێ داعشێ کو بەری دەمەکێ ژ ئالیێ ئەمریکا ڤە هاتبوو کوشتن، دەستەسەر بکەن و گۆت: (ئەم وەکو سەرۆکێ ئەمریکا ڤی بابەتی مەزن ناکەین، لێ من دڤێت بۆ رایا گشتی یا جیهانێ ئاشکرا بکەم کو هێزێن مە شیان هەڤژینا بەغدادی دەستەسەر بکەن).
ئه‌ڤرۆ نیوز:
رێڤه‌به‌رێ ته‌نفیزى ل یانا ئه‌نتر میلان پیپى ماروتا ئاشكراكر یانا به‌رشه‌لۆنا ل ماوێ بورى بزاڤێن ده‌ستڤه ئینانا ستێرا ئه‌وان یا ئه‌رژه‌نتینى لاوتارو مارتینیز كرن بوو ڤه‌گوهاستنا ئه‌وى یاریزانێ ئه‌وان.
مارتێنیز ئه‌وێ ل وه‌رزێ ئه‌ڤ ساله شیاى ئاسته‌كێ بلند ل گه‌ل یانا ئه‌نتر میلان پێشكێشكرى كو بوویه جهێ گرنگیا چه‌ند یانێن به‌رنیاس ل سه‌ر ئاستێ ئورۆپا كو ئێك ژ ئه‌وانان یانا به‌رشه‌لۆنا.
زێده‌تر ماروتا بوو مالپه‌رێ “سپورت میدیاست” دیاركر ئه‌و ئه‌نتر میلان و پێدڤى ناكه‌ت ئه‌و قاره‌مان و ستێرێن خوه بفروشن و ئه‌و یێ بزاڤێ دكه‌ن یاریزانێن ستێر ب ده‌ستخوڤه بینن دا هه‌ڤركیێ ل سه‌ر قاره‌مانیێن نافخوى و ئورۆپا بكه‌ن.
سه‌باره‌ت هه‌لوه‌شاندنا هه‌ڤبه‌ستا یاریزانى ناڤبرى دیاركر بوو بهایێ هه‌لوه‌شاندێ یا گرنگ نینه ژبه‌ركو هه‌تا نوكه یاریزان یێ ئارامه ل گه‌ل ئه‌وان و هه‌ر یاریزانه‌كێ نه خوازیت به‌رده‌وام بیت ل گه‌ل یانێ وى ده‌مى ئه‌و دێ كومبوونێ ل گه‌ل وى یاریزانى كه‌ن و گه‌هنه رێككه‌فتنێ.
ئه‌ڤرۆ نیوز:
پشتى یانا به‌رشه‌لۆنا ل یاریا شه‌ڤا بورى نه‌شیاى سه‌ركه‌فتنێ ل سه‌ر یانا سلاڤیا پراگا توماربكه‌ت ده‌مێ وه‌كهه‌ڤبووى ل ناڤ ئه‌رد و جه‌ماوه‌رێ خوه ستێرا هێلا به‌ره‌ڤانیا وێ یانێ جیرارد پیكیه دیاركر تیما ئه‌وان شیا هه‌ر تشته‌كێ بكه‌ت بتنێ گول ژ ئه‌وان یا كێم بوو ل یاریا به‌رامبه‌ر سلاڤیا پراگ لێ ته‌پێ نه دخواست بچیته دناڤ گولێ دا.
زێده‌تر پیكیه بوو رۆژناما ماركا دیاركر دو یارى یه تیم نه‌شیایه سه‌ركه‌فتنێ توماربكه‌ت و گڤاشتن ل سه‌ر ئه‌وان زێده‌تر لێ هاتینه ژلایێ جه‌ماوه‌رێ یانێ ڤه و پێدڤى یه ل سه‌ر ئه‌وان هزر ل یاریێن بهێت بكه‌ن و بزاڤێ بكه‌ن ئاسته‌كێ باشتر پێشكێش بكه‌ن و سه‌ركه‌فتنا پێشكێشى جه‌ماوه‌رێ خوه بكه‌ن.
ناڤبرى ئاماژه ب وێ چه‌ندێ ژى كر وه‌كهه‌ڤیا به‌رامبه‌ر سلاڤیا نابینت ئه‌نجامه‌كێ لاوازه ژبه‌ركو هێشتا ئه‌و سه‌ركێشێن كومێ نه و ئه‌وان یارى به‌رامبه‌ر یانه‌كا مه‌زن و ب هێز كر .
ل دووماهیێ ئه‌وى یاریزانى دیاركر ژى ب ڤى ئاستێ ئه‌و نوكه پێشكێش بكه‌ن یا ب زه‌حمه‌ته ئه‌و ناسناڤێ چامپیونیز لیگ ب ده‌ستخوڤه بینن لێ دێ بزاڤێ كه‌ن باشتر بن و گه‌له‌ك جاران ژى ئه‌و توشى ره‌وشا ب ڤى ره‌نگى بووینه و ل دووماهیێ ئه‌و شیاینه سێ ناسناڤان ب ده‌ستخوڤه بینن بوو نمونه ل ده‌مێ لویس ئه‌نریكى ل گه‌ل ئه‌وان كو ده‌ستپێكێ ره‌وشا یانێ نه یا باش بوو لێ ل دووماهیێ شیان سێ ناسناڤێن گرنگ ب ده‌ستخوڤه بینن .
ئەڤرۆ نیوز، مەحمود نهێلی:
ژ بەر نەپێگری کرن ب رێنمایان لژنا دووڤچوونا بازاری ل دێرەلۆکی کافیەک داخست .
سامی ئوشانە رێڤەبەرێ ناحیا دێرەلۆک بو ئەڤرۆ نیوز دیارکر، لژنا وان بەردەوام دووڤچوونا بازاری ل سنورێ ناحیا دێرەلۆک دکەن. و گۆت: (لژنا مە یا دووڤچونا بازاری ل شەڤا پێنج سەر شەشێ ڤێ هەیڤێ سەرا کافیێن سنورێ ناحیا دێرەلۆک دا و پشتی لێگەریانێ چەند کافیەکان کێماسی تێدا هەبوون و هاتنە ئاگەهدارکرن کو هەکە ل دووف رێنمایان کار نەکەن دێ هێنە سزادان).
ناڤهاتی دیار ژی کر، ژ بەر نە پێگری کرن ب رێنمایان بریار هاتە دان کافیەک ل سەنتەرێ ناحیا دێرەلۆک بهێتە داخستن، و دێ یا داخستی بیت تا هەموو رێنمایان بجه دئینیت.
ئه‌ڤرۆ، نیوار محه‌مه‌د سه‌لیم:
جڤاتا پارێزگه‌ها دهۆكێ هنده‌ك رێنمایێن تایبه‌ت بۆ ب كرێ گرتنا فرۆشگه‌هێن قوتابخانان ده‌ركرن و ئاشكه‌را كریه كو بۆ سالا نوو یا خواندنێ 2019-2020 كار پێ بهێته كرن.
جمبه‌د شوكری، سه‌رۆكا لژنا په‌روه‌رده و خواندن و ئه‌وقاف و كاروبارێن ئاینی ل جڤاتا پارێزگه‌ها دهۆكێ د داخۆیانیه‌كێ دا بۆ رۆژناما ئه‌ڤرۆ دیاركر كو ب مه‌ره‌ما به‌رژه‌وه‌ندیا گشتی و ل دووڤ بڕگا (8) یا ماددێ (6) ژ قانوونا ژماره (3) یا سالا (2009) و ژ پێخه‌مه‌ت رێكخستن و باشتركرنا كارێ ب رێڤه‌برنا فرۆشگه‌هێن قوتابخانان و پاراستنا ساخله‌میا قوتابیان چه‌ندین رێنمایێن تایبه‌ت ب كرێكرنا فرۆشگه‌هێن قوتابخانان ده‌ركرن.
ب گۆره‌ی نڤیساره‌كا جڤاتا پارێزگه‌ها دهۆكێ كو دانه‌ك ب ده‌ست رۆژناما ئه‌ڤرۆ كه‌فتیه چه‌ندین رێنمایێن تایبه‌ت بۆ ب كرێكرنا فرۆشگه‌هێن قوتابخانان ده‌ركرینه.
ب گۆره‌یی ڤان رێنمایان، پێدڤیه كارێ سه‌رزێده‌كرنا ئاشكه‌را بۆ كرێكرنا فرۆشگه‌هێن قوتابخان ل دووڤ قانوونا ژماره (32) یا سالا (1986)ێ بهێته كرن و ژبلی ڤێ قانوونێ چ رێ بۆ كرێكرنا فرۆشگه‌هێن قوتابخانا نه‌هێنه كرن و رێڤه‌به‌رێ قوتابخانێ ئه‌ندامێ لژنا خه‌ملاندنا كریا فرۆشگه‌هان بیت. دیسا بجهئینانا خالا ئێكێ ژ ئیمزاكرنا گرێبه‌ستا هه‌تا 1ی ته‌باخێ ل هه‌موو سالان بهێته بجهئینان.
هه‌ر د ڤان رێنمایان دا هاتیه كو هه‌رسال پشتی ب دووماهی هاتنا سالا خواندنێ و ب پشكداریا لایه‌نێن په‌یوه‌ندیدار و ل گه‌ل لژنا په‌روره‌ده و فێركرنێ ل جڤاتا پارێزگه‌ها دهۆكێ پێشنیازێن نوو بهێنه بلندكرن بۆ وه‌زاره‌تێ دا كو ئاشنا بیت ب تایبه‌تمه‌ندیا پارێزگه‌ها دهۆكێ به‌ری یێن دی ده‌ركه‌ڤن.
هه‌ر د وێ نڤیسارێ دا ئاماژه ب وێ چه‌ندێ ژی كریه كو هه‌كه ل سه‌ر كه‌سه‌كی دیار ببیت كو فرۆشگه‌هـ یا فرۆتیه كه‌سه‌كێ دی، رێكارێن قانوونی بهێنه وه‌رگرتن و فرۆشگه‌هـ ژێ بهێته وه‌رگرتن و دوسالان ماف نه‌بیت پشكداریێ د ته‌نده‌ران دا بكه‌ت. داخواز ژی كریه كو هه‌ر كه‌سێ ته‌نده‌ر بۆ دكه‌ڤیت ژی پێدڤیه پشته‌ڤانیا ده‌زگه‌هێن ئه‌منی ل گه‌ل خوه ببه‌ت.
دایه زانین ژی كو دڤێت پتر راگه‌هاندن بۆ سه‌رزێده‌كرنێن فرۆشگه‌هان بهێته كرن و د پتر ژ ده‌زگه‌هه‌كێ راگه‌هاندنێ دا بهێنه به‌لاڤكرن دا كو ئه‌وێن حه‌ز هه‌یین پشكدار ببن زووتر بهێنه ئاگه‌هدار كرن.
ته‌كست ل سه‌ر وێ چه‌ندێ ژی هاتیه كرن كو ئه‌ڤ رێنمایه ل جهێن دیار بهێنه هه‌لاویستن دا كو بۆ قوتابیان روون و ئاشكه‌را بیت. دایه دیاركرن ژی كو بۆ سالا خواندنێ یا 2019- 2020 دێ كار پێ هێته كرن.
جمبه‌د شوكری، سه‌رۆكا لژنا په‌روه‌رده و خواندن و ئه‌وقاف و كاروبارێن ئاینی ل جڤاتا پارێزگه‌ها دهۆكێ، داخواز ژ په‌روه‌رده‌یێن پارێزگه‌ها دهۆكێ كر كو پێگریێ ب ڤان رێنمایان بكه‌ن ژ بۆ به‌رژه‌وه‌ندیا گشتی و قوتابیان.
نيشاندان