ئه‌ڤرۆ نیوز:
یانا ئه‌رسینال هزر ل گوهورینا راهێنه‌رێ خوه‌ كریه‌ تایبه‌ت پشتى ئه‌وان ئه‌نجامێن لاواز ئه‌وێن ل ڤێ دووماهیێ دخۆلا ئنگلته‌را دا توماركرین .
رۆژناما میرو یا برێتانى ئاشكراكریه‌ به‌رپرسێن یانا ئه‌رسینال هزر ل گوهورینا راهێنه‌رێ خوه‌ یێ نوكه‌ یێ ئیسپانى ئێمرى كریه‌ تایبه‌ت پشتى ل سێ یاریێن بورى ل دیڤ ئێك نه‌شیان سه‌ركه‌فتنێ توماربكه‌ت دخۆلا ئنگلته‌را هه‌ردیسان ل گه‌ل یانا لیڤه‌رپول ژى خوساره‌ت بووى د قاره‌مانیا كاسا ئنگلته‌را دا.
هه‌ردیسان وێ رۆژنامێ ئاشكراكریه‌ ژى به‌رپرسێن یانێ سێ راهێنه‌ر به‌ربژاركرینه‌ بوو وه‌رگرتنا پوستێ راهێنه‌ریا یانێ ل جهێ ئێمرى ئه‌وژى هه‌ر ئێك ژ جوزێ مورینهو یێ پورتوگالى و میكایل ئارتیتا یێ ئیسپانى و ماسیمیلیانو ئه‌لیگرى یێ ئیتالى.
ئه‌وێ رۆژنامێ ئاشكراكریه‌ ژى به‌رپرسێن یانا ئه‌رسینال پتر حه‌ز ل سه‌ر ئینانا مورینهوى هه‌یه‌ لێ دبیت داخوازیێن وى راهێنه‌رى بنه‌ ئه‌گه‌ر نه‌ گه‌هنه‌ رێككه‌فتنێ ژبه‌ركو یانا ئه‌رسینال یا به‌رنیاسه‌ هه‌ڤبه‌ستێ ل گه‌ل یاریزانێن بها بلند ئیمزا ناكه‌ن و به‌روڤاژى مورینهو ئێك ژ ئه‌وان راهێنه‌رانه‌ به‌رده‌وام داخوازیا ئینانا ستێرێن به‌رنیاس دكه‌ت ل سه‌ر ئاستێ جیهانێ و ب هه‌مان شێوه‌ یێ ئیتالى ژى داخوازیت به‌ر ب یانه‌كێ بچیت بوو هه‌ڤركیا ناسناڤێ خولێ و كومكرنا ستێران و هه‌لبژارتنا ئه‌وان یا سێ دبیت د به‌رژوه‌ندیا یانێ دا بیت ئه‌وژى ئارتیتا كو هاریكارێ راهێنه‌رێ گواردیولاى بووى ل دو وه‌رزێن بورى و هه‌ردیسان په‌یوه‌ندێن باش ل گه‌ل جه‌ماوه‌رێ یانێ و به‌رپرسێن ئه‌رسینال هه‌یه‌ ژبه‌ركو به‌رى نوكه‌ ماوێ پێنچ سالان یارى ل وێ یانێ كریه‌ و ئێك ژ به‌رنیاسترین یاریزانێن وێ یانێ بوو.

ئه‌ڤرۆ نیوز:
سانت إیتیان.
راهێنه‌رێ یانا ریال مه‌درید دخوازیت ل ڤه‌گوهاستنێن بهێت یان یا هاڤینا بهێت هه‌ڤبه‌ستێ ل گه‌ل به‌ره‌ڤانه‌كێ نوو ئیمزا بكه‌ت بوو ب هێز ئێخستنا هێلا به‌ره‌ڤانیا یانێ.
رۆژناما دیلى ئاكسپریس یا برێتانى ئاشكراكریه‌ زێدان داخوازى ژ به‌رپرسێن یانا ریال مه‌درید كریه‌ هه‌ڤبه‌ستێ ل گه‌ل یاریزانێ فره‌نسى و یانا ئه‌رسینال ویلیام سالیبا ئیمزا بكه‌ن ئه‌وێ نوكه‌ ب شێوه‌یێ خواستن یارى ل یانا سانت ئیتیان یا فره‌نسى دكه‌ت.
ویلیام سالیبا ل هاڤینا بورى ژ یانا ئانت ئیتیان یا فره‌نسى په‌یوه‌ندى ب یانا ئه‌رسینال كر بوو به‌رامبه‌ر 27 ملیون جینێ ئیسترلینى و پاش ئه‌رسینال ب شێوه‌یێ خواستن دا یانا وى یا به‌رى نوكه‌.
وێ رۆژنامێ ئاشكراكریه‌ ژى زێدان سێ به‌ره‌ڤان ده‌ست نیشانكرینه‌ كو كارگێریا یانێ هه‌ڤبه‌ستێ ل گه‌ل ئیمزا بكه‌ن ل ماوێ بهێت ئه‌وژى هه‌ر ئێك ژ ویلیام سالیبا كو هه‌لبژارتنا وى یا ئێكێ یه‌ هه‌ردیسان هه‌ر ئێك ژ ئه‌بو به‌كر كامارا ژ مارسیلیا وبدیاشیلى ژ موناكو .
هه‌ژى گوتنێ یه‌ پێشبێنیه‌كا مه‌زن بوو ویلیام سالیبا یێ 18 سالى دهێته‌كرن كو نوكه‌ ئێك ژ باشترین به‌ره‌ڤانێن خۆلا فره‌نسا .

ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه‌ ل ده‌مژمێر 8:55 یانا به‌رشه‌لۆنا ل یاریگه‌ها خوه‌ مێڤانداریا یانا سلاڤیا براگ یا چیكى بكه‌ت ژ چارچوڤێ یاریێن گه‌را چارێ ژ قوناغا كومان یا قاره‌مانیا چامپیونس لیگا ئورۆپا.
راهێنه‌رێ یانا به‌رشه‌لۆنا ڤالڤێردى به‌رى ڤێ یاریێ بوو ده‌زگه‌هێن راگه‌هاندنێ دیاركر پێشبیانیا یاریه‌كا ب هێز و پرى هه‌ڤركى دكه‌م و تیما به‌رامبه‌ر ئه‌وان ژى یاریێ بكه‌ن تیمه‌كا ب سانه‌هى نینه‌ پێدڤى یه‌ هشیارى ئه‌وان به‌ین كو شێوازێ كرنا ئه‌وان هێرشبه‌رى یه‌ .
ناڤبرى ئاماژه‌ ب وێ چه‌ندێ ژى كر بتنێ سوارێز نه‌شێت پشكدارى ل گه‌ل ئه‌وان بكه‌ت بوو یاریا سوباهى ژبه‌ر هنگافتنێ و دێمبلى دێ بوو ڤێ یاریێ ئاماده‌بیت ، هه‌ردیسان ناڤبرى دیاركر ژى دى یونگ و كرێزمان ل وه‌رزێ ئه‌ڤ ساله‌ هێزه‌كا دى دایه‌ یانێ و ئه‌و د وێ باوه‌ریێ دایه‌ كرێزمان دێ شێت هژماره‌كا باش یا گولان ل وه‌رزێ ئه‌ڤ ساله‌ ل گه‌ل یانێ توماركه‌ت.
رهێنه‌رى به‌رشه‌لۆنا دیاركر ژى ئه‌و بوو ڤێ یاریێ دێ ل بن گڤاشتنێن مه‌زن به‌ن تایبه‌ت پشتى خوساره‌تیا لیڤانتى لێ ئه‌وان باش خوه‌ به‌رهه‌ڤكریه‌ و ئه‌وى باوه‌ریه‌كا مه‌زن ب شیانێن یاریزانێن خوه‌ هه‌یه‌ دێ ئه‌نجامه‌كێ باش توماركه‌ن .
ل دووماهیێ ڤالڤێردى ئاماژه‌ ب وێ چه‌ندێ ژى كر پشتى هه‌ر خوساره‌تیه‌كێ راهێنه‌رى دكه‌نه‌ به‌رپرسێ ئه‌نجامێن لاواز و هه‌كه‌ ئه‌نجامێن سه‌ركه‌فتى ژى توماربكه‌ن خوه‌ بێ ده‌نگ دكه‌ن .