ئه‌ڤرۆ نیوز:
یانا به‌رشه‌لۆنا دێ ژ شیانێن هێرشبه‌رێ خوه‌ یێ ئورگوای لویس سوارێز بێ باربیت بوو ده‌مه‌كێ درێژ ژبه‌ر ئه‌و هنگافتنا توش بوویێ ل یاریا دوهى به‌رامبه‌ر یانا لیڤانتى ژ چارچوڤێ یاریێن گه‌را 12 ژ خۆلا ئیسپانیا.
رۆژناما ئاس یا ئیسپانى ئاشكراكریه‌ راپورتا نوژدارى ل یانا به‌رشه‌لۆنا ئاشكراكریه‌ لویس سوارێز بوو ماوێ سێ حه‌فتیان دێ ژ یاریگه‌هان دوركه‌ڤیت كو نه‌شێت پشكدارى ل هه‌ردو یاریێن بهێت یێن به‌رشه‌لۆنا دا بكه‌ت ئه‌وژى ل گه‌ل سلاڤیا براگ ژ چامپیونس لیگ و سالتاڤیگو ژ خولا لالیگا و پاش خولا ئیسپانیا هێته‌ راوستاندن بوو حه‌فتیه‌كێ ژبه‌ر یاریێن هه‌لبژارتیێن نیڤده‌ولى.

ئه‌ڤرۆ نیوز:
یانا به‌رشه‌لۆنا د گه‌را 12 ژ خۆلا لالیگا ئیسپانیا توشى خوساره‌تیه‌كا گران بوو ل سه‌ر ده‌ستێ یانا لیڤانتى ب سێ گولان به‌رامبه‌ر گوله‌كێ .
پشتى یاریێ راهێنه‌رێ به‌رشه‌لۆنا ڤالڤێردى بوو ده‌زگه‌هێن راگه‌هاندنێ دیاركر یانا لیڤانتى ژ ئه‌وان باشتربوون تایبه‌ت ل نیڤا دوێ و ئه‌و شیابوون كونترولا یاریێ بكه‌ن هه‌تا به‌رى گولا وه‌كهه‌ڤیێ لێ هه‌ردو گولێن ئێكێ و دوێ ل دیڤ ئێك بوو پالده‌ره‌كێ باشتر یاریزانێن لیڤانتى ئاسته‌كێ باشتر پێشكێش بكه‌ن و گولا سێ یا لیڤانتى كارتێكرنه‌كا مه‌زن ل سه‌ر ئاستێ یاریزانێن ئه‌وى كر .
زێده‌تر ناڤبرى سه‌باره‌ت ده‌ست كاركێشانا خوه‌ ژ پوستێ یانێ ناڤبرى دیاركر ئه‌وى هه‌تا نوكه‌ هزر ل وێ چه‌ندێ نه‌كریه‌ و ناكه‌ت ژى ئه‌و دخوازیت یێ به‌رده‌وام بیت ل گه‌ل ڤێ یانێ و پتر خزمه‌تا یانێ بكه‌ت.
ل دووماهیێ سه‌باره‌ت دورخستنا دێمبلى ژ ڤێ یاریێ ناڤبرى دیاركر ئه‌و بریارا وى یه‌ و ئه‌و به‌رپرسه‌ ژ بریارا خوه‌ و ئه‌وان گه‌له‌ك یاریێن گرنگتر ماینه‌ ل قاره‌مانیا ئورۆپا و خولێ.

ئه‌ڤرۆ نیوز:
راپورتێن رۆژنامه‌ڤانى ل ئیتالیا ئاشكراكرینه‌ بریاره‌ ل دووماهیا ئه‌ڤ ساله‌ ستێرا سویدى ئیبراهیموڤیچ پێكهاتیێ یانا خوه‌ لوس ئه‌نجلوس ب جه بهێلت و به‌ر ب یانه‌كا ئنگلیزى ڤه‌ بچیت.
مالپه‌رێ توتو سپورت یێ ئیتالى دیاركریه‌ ئیبراهیموڤیچ نێزیكى ئیمزاكرنا هه‌ڤبه‌ستا یانا مانچێسته‌ر یونایتد بوویه‌ و چاڤه‌رێ دهێته‌كرن ل ڤه‌گوهاستنێن زڤستانا بهێت په‌یوه‌ندى ب وێ یانێ بكه‌ت ل سه‌ر داخوازیا راهێنه‌رێ وێ یانێ یێ نه‌رویجى سولسكایر .
یانا مانچێسته‌ر یونایتد هزر ل ڤه‌گه‌راندنا ستێرا خوه‌ یا به‌رى نوكه‌ ئیبراهیموڤیچ كر پشتى وى ئاستێ بلند ل گه‌ل یانا خوه‌ لوس ئه‌نجلوس ل ماوێ ساله‌كێ دا كو د 58 یاریان دا شیا 53 گولان توماربكه‌ت ل گه‌ل 15 ئه‌سیست.
هه‌ژى گوتنێ یه‌ ل هاڤینا بورى د داخویانیه‌كا خوه‌ دا ئیبراهیموڤیچ دیاركر بوو ئه‌وى شیان هه‌نه‌ ئه‌و ئاستێ دخۆلا ئه‌مریكا دا پێشكێشى بكه‌ت ل خۆلا ئنگلته‌را پێشكێش بكه‌ت و دخوازیت جاره‌كا دى ڤه‌گه‌ریته‌ خۆلا ئنگلته‌را.