ئه‌ڤرۆ نيوز، نيوار محه‌مه‌د سه‌ليم:
شێڤ ئه‌ڤين يا به‌رنياس ب دايكا عه‌بدولره‌حمانى كافێيه‌ك ل دهۆكێ ڤه‌كر و ب تنێ بۆ خێزان و ژنايه و ئه‌و ستافێ ل به‌ر كار دكه‌ن ژى هه‌موو ژنن.
نووترين نووچه
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
- كەسایەتییەكێ ئێزدی: چو جاران ئێزدیان جهێ خوە د ناڤا لەشكەرێ ئیراقێ دا نەدیتییە
- سەرۆك بارزانی و فالح فەیاز رەوشا سیاسی و ئەمنی یا ئیراقێ و دەڤەرێ گەنگەشە كر
- چاڤدێرەكێ سیاسی: سەرۆك بارزانی بڕیاردەرێ چارەسەرییا پرسا كوردی یە ل دەڤەرێ
- وەزارەتا دەرڤەیا ئیراقێ: پەیاما عەبدوللا ئۆجەلانی بۆ ئیراقێ و هەرێما كوردستانێ یا گرنگە
سهرهكى Twitter
ئێدی به‌هی ل شێلادزێ ل مزگه‌فتان ناهێنه‌كرن
ئه‌ڤرۆ نیوز، نه‌وزاد هلۆری:
وه‌لاتیه‌كێ شێلادزێ لسه‌ر كیسێ خوه رابویه ب دروستكرنا هوله‌كا مه‌زن و مودرێن، وه‌كو خزمه‌ت بو به‌هیێن ده‌ڤه‌را شێلادزێ، د نوكه دا به‌رده‌وام كار لسه‌ر هولێ دهێته‌كرن و دهێته پێشبینیكرن ناڤه‌راستا سالا داهاتی بكه‌ڤیته د خزمه‌تا وه‌لاتیان دا، ئه‌ندازیارێ سه‌رپه‌رشتێ پرۆژه‌ی ژی بۆ ئه‌ڤرۆ نیوز دیاركر كو به‌هی دێ بێ به‌رامبه‌ر هێنه وه‌رگرتن.
بێوار رێكانی، ئه‌ندازیارێ سه‌رپه‌رشتێ پرۆژه‌ی بۆ ئه‌ڤرۆ نیوز گۆت: (ب مه‌ره‌ما خزمه‌تكرنا خه‌لكێ ده‌ڤه‌را شێلادزێ و دێره‌لووك و بالندا و ده‌وروبه‌ر، به‌نگین رێكانی ده‌ست ب دروستكرنا هوله‌كا مه‌زن بو پێشوازیكرنا به‌هیان و كومبوون و سمیناران كریه، هه‌موو خزمه‌تگوزاریێن هولێ دێ بێ به‌رامبه‌ر بن بو خه‌لكی).
زێده‌تر گۆت: (ده‌ما پرۆژه‌ی هه‌شت هه‌یڤ ماینه و پشتی دوماهی هاتنا پرۆژه‌ی، ئێكسه‌ر دێ ده‌ست ب خزمه‌تكرنا خه‌لكێ ده‌ڤه‌رێ هێته‌كرن و هه‌ر چه‌نده خه‌لك ئازاده ل كیڤه به‌هیان بكه‌ت، به‌لێ ب تمام بوونا ئه‌ڤێ هولێ ئێدی به‌هی ل مزگه‌فتان ناهێنه‌كرن ژبه‌ركو ئه‌ڤ هوله دكه‌ڤیته جهه‌كێ ستراتیجی و گرنگ و لسه‌ر رێیا گشتی و ب گوره‌ی ستاندارێن جیهانی و رێك و پێك هاتیه دروستكرن و سیسته‌مێ گه‌رمێ و سه‌رمایێ بخوڤه دگریت، پێشتر لسه‌ر ئه‌ركێ مالا به‌هیان گه‌رم و ته‌زیكرنا هولێن به‌هیان لسه‌ر خه‌لكی بو و زور مه‌زاختن دچون، رێك و پێكی نه‌بو، دیسان ل هولا شێلادزێ بهایێ كاره‌ب، ئاڤ، هه‌مو لسه‌ر ئه‌ركێ هولێ یه، ئه‌ڤه زێده‌باری كو خه‌لك دشێن كومبوون و سمینارێن خوه ژی ل هولێ بكه‌ن و هه‌ر بێ به‌رامبه‌ره).
ناڤبری دیاركر ژی كو ژبلی هولێ، دهه‌مان ده‌م دا پاركه‌كا راوستاندنا ترومبێلان ژی هاتیه دروستكرن و زێده‌تر گۆت: (ل هولا به‌هیان ل شێلادزێ جهێ نڤێژ و شوتنا مری و چه‌ند خزمه‌ته‌كێن دن ژی هه‌نه).
گوهۆڕين كه‌فتنه ره‌وشا دراڤى
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 3ى چريا ئێكێ 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.400 دينار |
| 100 يۆرۆيێ ئه‌ورۆپى | 132.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
زێر هاته خوار
ئه‌ز نه‌شێم دایكا خوه خودان كه‌م
ژنه‌كا خودان هه‌ڤژین كو خودانا سێ زارۆیانه دلێ خوه بو ئه‌ڤرۆ ڤه‌دكه‌ت و دبێژیت: زه‌لامێ من ژ ماله‌كا مه‌زن و زه‌نگینه، ئه‌م هه‌شت خووشك و براینه و هه‌مویان ژیانا هه‌ڤژینیێ پێك ئینایه، بابێ مه د ژیانێ دا نه‌مایه و مه دایك هه‌یه، دایكا مه یا دانعه‌مره و خووشك و برایێن من كه‌س خوه لێ ناكه‌ته خودان، ئه‌و ژی یا هاتیه ده‌ف من داكو چاڤێ خوه بده‌مێ، لێ ئه‌ز نه‌شێم خودان كه‌م و وه‌ك پێدڤی چاڤدێریا وێ بكه‌م، ژبه‌ركو ئه‌ز و زه‌لامێ من بازرگانین و كارێ مه به‌هرا پتر ل ده‌رڤه‌ی ماله حه‌تا مه ده‌م بو زارۆیێن خوه ژی نینه، مه خزمه‌تكار ژی هه‌نه، لێ خزمه‌تكار ژی نه‌شێن چاڤێ خوه بده‌نێ، ژبه‌ركو گه‌له‌ك جارا وان ژی بێهنڤه‌دان هه‌نه، ئه‌ڤجا هیڤیدارم هوون چ دبێژی و ئه‌ز چ بكه‌م ئه‌رێ هه‌كه ببه‌مه مالا دانعه‌مرا خه‌له‌ته، ئه‌ز دترسم ببه‌م و هه‌ست ب گونه‌هێ بكه‌م و ووژدانا من من ب ئێشینیت و بێژم ئه‌ز نه‌شیام دایكا خوه خودان كه‌م؟
خانما هێژا:
ماده‌م تو خودان كاری و ته ده‌م نینه و خزمه‌تكارێن هه‌وه ژی به‌رده‌وام ل مالا هه‌وه نینن و نه‌شێن چاڤدێریا وێ بكه‌ن، ب دیتنا من چ شه‌رم و گونه‌ه تێدا نینه، هه‌كه تو دایكا خوه ببه‌یه مالا دانعه‌مرا، بو وێ ژی دێ گه‌له‌ك خوشتر بیت، ژبه‌ركو ل وێره ب باشترین شێوه چاڤدێریا دانعه‌مران دهێته كرن و چالاكیان بو ئه‌نجام دده‌ن و دێ ل گه‌ل وان كه‌سان ده‌مێ خوه بورینیت یێن د ژیێ وێ دا و بڤی ره‌نگی دێ هه‌ست ب خوشیێ كه‌ت و خوه ژبیرڤه كه‌ت دێ هه‌ڤال هه‌بن و سوحبه‌تا كه‌ن و دێ سه‌برا وێ پتر ل ده‌ف وان هێت، ئه‌ڤجا پێدڤی ناكه‌ت هه‌ست ب گونه‌هباریێ و خه‌له‌تیێ بكه‌ی، به‌لكو گونه‌هباری ئه‌وه هه‌كه تو دایكا خوه بهێلبه مالا خوه و چاڤدێریا وێ نه‌كه‌ی.
به‌رسڤدان: ده‌روونناس ئاواز
قه‌ده‌غه‌يا هاتنوچوونێ ل به‌غدا هاته راگه‌هاندن
ئه‌ڤرۆ نيوز:
سێ رۆژه خوه‌نيشاندان و خرڤه‌بوون ل به‌غدا يا پايته‌خت و پشكه‌ك ژ پارێزگه‌هێن دى يێن عيراقێ ڤه‌گرتين، ژ ئه‌گه‌رێ وێ چه‌ندێ ژى عادل عه‌بدولمه‌هدى سه‌رۆك وه‌زيرێن عيراقێ و فه‌رماندێ گشتى يێ هێزێن چه‌كدار قه‌ده‌غه‌يا هاتنوچوونێ ل به‌غدا ژ ده‌مژمێر 05:00ى سپێده‌هيا ئه‌ڤرۆ و هه‌تا ده‌مه‌كێ نه‌ديار راگه‌هاند.
موقته‌دا سه‌در داخوازا مانگرتنا سه‌رتاسه‌رى دكه‌ت
ئه‌ڤرۆ نيوز:
رێبه‌رێ ته‌ڤگه‌را سه‌در راگه‌هاند گوهۆڕينا خوه‌نيشاندانان كو ل چه‌ند پارێزگه‌هه‌كا ده‌ستپێكريه بۆ خوه‌نيشاندانێن ده‌ستگه‌ريێ و به‌رژه‌وه‌ندى تێدا نينه و داخوازا مانگرتنا گشتى دكه‌ين.
موقته‌دا سه‌در، رێبه‌رێ ته‌ڤگه‌را سه‌در د تويته‌كێ گۆت: “وه‌سان دبينم كو گوهۆڕينا خوه‌نيشاندانێ، مللى بۆ خوه‌نيشاندانان ده‌ستگه‌رى و به‌رژه‌وه‌ندى تێدا نينه، ئه‌گه‌ر نه دا فه‌رمانێ ده‌ينه شوره‌شگێرێن چاكسازيێ ل گه‌ل وان خوه‌نيشاندانێ بكه‌ن. به‌لێ مه دڤێت پارێزگاريێ ل خوه‌نيشاندانێن ملله‌تى بكه‌ين، داخواز ژى دكه‌ين خوه‌نيشاندان د ئاشتيانه بن. هه‌كه ب مانگرتنا گشتى ب ئاشتيانه ژى بهێنه پشته‌ڤانيكرن كو هه‌موو گه‌ل پشكداريێ تێدا بكه‌ت (تشته‌كێ باشه)، هه‌روه‌سا ده‌ستدرێژيكرنه سه‌ر خوه‌نيشانده‌ران بێ چه‌ك ره‌ت دكه‌ين؛ ئه‌و دژى گه‌نده‌لى و توندوتيژيێ نه”.
جڤاتێن باژێرڤانيان ب هنده‌ك ده‌سته‌لاتێن نوو دكه‌ڤنه كارى
ئه‌ڤرۆ نيوز، نيوار محه‌مه‌د سه‌ليم:
پشتى ل هه‌يڤا بۆرى وه‌زاره‌تا باژێرڤانى و گه‌شتوگۆزار ل هه‌رێما كوردستانێ بۆ رێكخستنا ده‌سته‌لاتێن وان، كارێ جڤاتێن باژێرڤانيان هاتبوو هه‌لپساردن، جڤاتا باژێرڤانيان ل هه‌رێما كوردستانێ جاره‌كا دى ب كۆمه‌كا ده‌سته‌لاتێن دياركرى دێ هێته كارا كرن.
كاراكرنا وێ جڤاتێ ب گۆره‌يى بڕياره‌كا وه‌زاره‌تا باژێرڤانى بوويه كو گشتاندنه‌ك بۆ كريه و تێدا هاتيه، جڤاتا باژێرڤانيان ده‌سته‌لاتێن وان دياركرينه كو پێكهاتينه ژ: “ته‌رخانكرنا ئه‌ردى بۆ وه‌لاتيان، گوهۆڕينا ره‌گه‌زێ ئه‌ردى، گوهۆڕينا بكارئينانا جهى و په‌سه‌ندكرنا نه‌خشێ ئه‌ردى.
ل سالا 2017ێ وه‌زاره‌تا باژێرڤانى و گه‌شتوگۆزار پرۆژه‌كێ په‌سه‌ندكريه، بۆ شێوازێ هه‌لبژارتنا جڤاتا باژێرڤانيان ب دامه‌زراندن، ب ره‌نگه‌كى 40% ژ ئه‌ندامان فه‌رمانبه‌رێن حوكمه‌تێ بن، 60% ژى نوونه‌رێن رێكخراوا كۆمه‌لگه‌ها مه‌ده‌نى بيت.
ئه‌ندامێن جڤاتا باژێرڤانيا هه‌ولێر 18 كه‌سن، سلێمانى و دهۆك هه‌ر ئێك 17 ئه‌ندامن، به‌لێ هنده‌ك ژ وان نها د ژيانێ دا نه‌ماينه، مووچه و ده‌رماله‌يێن ئه‌ندامه‌تيێ ژى ل سه‌ر فه‌رمانگه‌هێن خوه نه نه‌كو باژێرڤانيێ.
جڤاتێن باژێرڤانيێن هه‌رێما كوردستانێ ل سالا 2000ێ هاتينه هه‌لبژارتن و ماوێ 19 سالايه هه‌لبژارتن بۆ وێ جڤاتێ نه‌هاتينه كرن.
هاريكارى ل سەر ئاوارەیان هاتنە بەلاڤ کرن
ئەڤرۆ نیوز،عەلی حاجی :
د داخویانیەکێ دا بەرپرسێ ئاوارەیان ل قایممقامیا زاخۆ دیارکر ژسەرجەمێ ٩ هزار ئاوارەیان ل زاخۆ رێکخراوا قەندیل ل پارێزگەها دهوکێ کوژمەیەکێ پارەی ب سەر دو هزار خێزانێن ئاوارە بەلاڤن وەکو هاریکاریێن زڤستانی بۆ وان خێزانان.
زێدەتر خەلات ئوسمانی ئەو چەندە ژی گوت : بۆ هەر خێزانەکێ ٢٤٠ هزار دینارێن عێراقی هاتنە دان ب رێیا کارتەکا سیم کارتی کو ئەڤە دبیتە پشکا ئێکێ یا بەلاڤ کرنا هاریکاریێن ماددی یا ڤێ رێکخراوێ بۆ ڤان خێزانێن ئاوارە.
گوت ژی : ئەو خێزانێن سود مەند بوین ژ ڤان هاریکاریان کو ئەو ئاوارەێن دناڤ سەنتەرێن باژێرێ زاخۆ دا دژین نەک دناڤ کەمپان دا و دبیت ژی پشکا دووێ ژی یا هاریکاریان ب سەر هەژمارەکا دی یا خێزانێن ئاوارە بهێتە بەلاڤ کرن بەلێ هێشتا یا دیار نینە و ئەم چاڤەرێ نە و خزان ژی ژلایێ رێکخراوا ناڤبری ڤە هاتینە هەلبژارتن .
ژڤانێ ڤەکرنا نڤێسینگەها پاسپورتان ل زاخۆ ئاشکرا بوو
ئەڤرۆ نیوز،عەلی حاجی :
قایممقامێ زاخۆ د داخویانیەکێ دا بۆ ئەڤرۆ نیوز ئاشکرا ماوێ سێ روژایە کار ل سەر نوژەنکرنا ئاڤاهیێ نڤێسینگەها پاسپورتان ل زاخۆ دهێتە کرن و لژنەیەکا تایبەت ژ ئەندازیاران چاڤدێریێ ل سەر نوژەنکرنا وی ئاڤاهی دکەن و پارەیێ پێدڤی ژی بۆ نووژەنکرنا وێ هاتیە تەرخان کرن.
زێدەتر بوتان محسن گوت : ل دووف وێ بریارا هاتیە دەرکرن پێدڤی د ماوێ ٢٠ روژان دا ئەو ئاڤاهی ب تەمامی بهێتە نووژەنکرن لێ ژبەرکو ئەو ئاڤاهی گەلەک یێ کەڤنە و بێ سەروبەر ببوو و پێشبینی دکەم دماوێ هەیڤەکێ دا ئەو ئاڤاهی بهێتە نووژەنکرن لێ دێ هەمی هەولا دەین دماوێ خوەیێ دەست نیشان کری دا نووژەنکرنا وێ ب دوماهی بهێت و ژنێزیک ڤە من ئاگەهی ژ رەوشا وێ هه‌يه دا کو لەزێ د نووژەنکرنێ دا بکەن، هەر دیسان هەتا کو ئاڤاهی ب دوماهی دهێت دڤی ماوه‌ی دا دێ داخوازا ژ رێڤەبەریا پاسپورتان ل دهوکێ کەین ستافێ نڤیسینگەها پاسەپورتان ل زاخۆ ئامادە بکەت دا کو هەر دەما ئاڤاهی ب دوماهی هات ئەو ستافە دەست ب کارێ خوه بکەت.
گوت ژی : ئەو ئاڤاهی دکەڤیتە تاخێ فرقێ ل زاخۆ و پێشتر ئاڤاهیەکێ بنگەهێ پولیسان بوو، دەست نیشان کرنا بەرپرسەکێ بو وێ نڤێسینگەهێ ژی دێ ژلایێ رێڤەبەریا پاسەپورتان ل دهوکێ ڤە بیت و پشتی ڤەکرنا نڤیسینگەها پاسەپورتان ل زاخۆ ئێدی پێدڤی ناکەت هاولاتیێن دەڤەرا زاخۆ قەستا باژێرێ دهوکێ بکەن بۆ دەرئینانا پاسپورتێ.
نيشاندان
WP Facebook Auto Publish Powered By : XYZScripts.com