ئه‌ڤرۆ نیوز:
چیڤانوكا به‌رازیلى و ستێرا به‌رى نوكه‌ یا به‌رشه‌لۆنا ریڤالدوى دیاركر نیمار خوه‌ توشى خه‌له‌تیه‌كا مه‌زن كر د ژیانا خوه‌ دا ده‌مێ په‌یوه‌ندى ب یانا پاریس سانجێرمان كرى ژبه‌ركو ئه‌وى باش زانى ئه‌و ل وێ یانێ خه‌شێت خه‌لاتێ باشترین یاریزانێ جیهانێ ب ده‌ستخوڤه‌ بینت.
زێده‌تر ریڤالدوى د داخویانیه‌كێ دا بوو رۆژناما سپورت یا كه‌ته‌لونى دیاركر هه‌كه‌ نیمار به‌رده‌وامى دابا كرنا یاریێ ل به‌رشه‌لۆنا یان یانه‌كا دى ل جهێ پاریس سانجێرمان هه‌لبژارتبا دا وه‌كو ریال مه‌درید یان ئێك ژ یانێن ئنگلیزى یێن مه‌زن دا بوو وى باشتر بیت .
زێده‌تر ناڤبرى دیاركر مه‌زنترین ئاریشا پاریس سانجێرمان ئه‌وه‌ هه‌تا نوكه‌ نه‌شیایه‌ بیته‌ هه‌ڤركه‌كا ب هێز بوو چامپیونس لیگ و هه‌ر یاریزانه‌كێ وێ قاره‌مانیێ ل گه‌ل یانا خوه‌ ب ده‌ستخوڤه‌ ببه‌ت دێ بوو وى یا ب سانه‌هى بیت خه‌لاتێ باشترین یاریزانێ جیهانێ ب ده‌ستخوڤه‌ بینت.
هه‌ردیسان ناڤبرى دیاركر ژى باشترین نمونه‌ كو رونالدینهوى پاریس سانجێرمان ب جه هێلا و په‌یوه‌ندى ب به‌رشه‌لۆنا كر بوو ئێك ژ باشترین یاریزانێن جیهانێ .

ئه‌ڤرۆ نیوز:
یانا میلان یا ئیتالى ده‌رگه‌هێ چوونێ بوو ئێك ژ یاریزانێن خوه‌ ڤه‌كر ل ڤه‌گوهاستنێن بهێت كو یانا ریال مه‌درید نوكه‌ گرنگى بوو وى یاریزانى دایه‌ .
مالپه‌رێ توتو سپورت ئاشكراكریه‌ یانا ریال مه‌درید بوو ڤه‌گوهاستنێن زڤستانا بهێت سێ یاریزانێن هێلا به‌ره‌ڤانیێ ل لایێ راستێ ده‌ست نیشانكرینه‌ كو بریاره‌ هه‌ڤبه‌ستێ ل گه‌ل ئێك ژ ئه‌وانان ئیمزا بكه‌ت كو دناڤا ئه‌وان سێ یاریزانان دا به‌ره‌ڤانێ میلان داڤید كالابریا.
هه‌ردیسان وێ رۆژنامێ دیاركریه‌ ژى یانا میلان دخوازیت ئه‌وى یاریزانى بفروشیت به‌رى هه‌ڤبه‌ستا ئه‌وى ل گه‌ل یانێ ب دووماهیى بهێت كو بریاره‌ ل هاڤینا بهێت هه‌ڤبه‌ستا وى ل گه‌ل وێ یانێ ب دووماهیى بهێت.
هه‌ژى گوتنێ یه‌ ل ماوێ چه‌ند رۆژێن بورى رۆژنامه‌یێن ئیسپانى دیاركر بوو یانا ریال مه‌درید گرنگى ب ئینانا داڤید كالابریا كرینه‌ بوو ب هێز ئێخستنا لایێ راستێ یێ به‌ره‌ڤانیێ .

ئه‌ڤرۆ نیوز:

یانا به‌رشه‌لۆنا چاره‌نڤیسێ ستێرا خوه‌ یا شیلى ئارتورو ڤیدال ئاشكراكر بوو ڤه‌گوهاستنێن زڤستانا بهێت پشتى ل ماوێ بورى چه‌ندین ده‌نگوباس ل سه‌ر هاتینه‌ به‌لاڤه‌كرن كو ل ڤه‌گوهاستنێن بهێت ئه‌و یاریزان دێ په‌یوه‌ندى ب یانا ئه‌نتر میلان كه‌ت.
مالپه‌رێ “ESPN” یێ جیهانى به‌لاڤه‌كریه‌ یانا به‌رشه‌لۆنا هزر ل فروتنا ستێرا خوه‌ ڤیدال نه‌كریه‌ ل ڤه‌گوهاستنێن بهێت .
هه‌ردیسان وى مالپه‌رى دیاركریه‌ ژى یانا ئه‌نتر میلان ل ڤه‌گوهاستنێن هاڤینا بورى چه‌ندین بزاڤكرن بوو ڤه‌گوهاستنا وى یاریزانى لێ یانا به‌رشه‌لۆنا ره‌تكر كو وێ یانا ئیتالى بوو ڤه‌گوهاستنێن زڤستانا بهێت ژى ده‌ست ب لڤیناكربوو ل گه‌ل به‌رپرسێن به‌رشه‌لۆنا لێ وێ یانێ هه‌موو بزاڤێن وێ یانێ ره‌تكرن و بوو دیاركریه‌ ئه‌وان نوكه‌ هزر ل فروتنا ڤیدال دا نه‌كریه‌ .

ئه‌ڤرۆ نیوز:
پشتى یانا ریال مه‌درید ل یاریا شه‌ڤا به‌رى شیاى سه‌ركه‌فتنه‌كا مه‌زن ل سه‌ر یانا لیگانێس توماربكه‌ت ب پێنچ گولان بێ به‌رامبه‌ر ژ چارچوڤێ یاریێن گه‌را 11 ژ خۆلا ئیسپانیا و كابتنێ وێ سێرجیو راموس شیا گولا سێ بوو یانا خوه‌ توماربكه‌ت كو بوو گولا وى یا ئێكێ ل وه‌رزێ ئه‌ڤ ساله‌ دخۆلا لالیگا دا.
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ دیاركر راموس بوو یاریزانێ دوێ د مێژویا خۆلا لالیگا دا بشێت گولێ توماربكه‌ت بوو ماوێ 16 وه‌رزان ل دیڤ ئێك كو به‌رى نوكه‌ لیونێل میسى ژى شیایه‌ وێ نمرێ توماربكه‌ت.