ئەڤرۆ نیوز:
لیژنا ١٥٠ کەسی یا ئامادەکرنا دستوورەکێ نوو بۆ سووریێ ل جنێڤ کۆمبوونا خوە یا ئێکێ ئەنجامدا و د کۆمبوونێ دا چو نوونەران کوردان پشکدار نەبوون.
چاڤدێرێن سیاسی ژی دیار دکەن کو نها بەشار ئەسەدی شیایە پرانیا ئاخا سووریێ کۆنترۆل بکەت و د دەمەکێ وەسا دا رژێما سووریێ داخوازیێن هێزێن ئۆپۆزسیۆنێ قەبوول ناکەت و رەنگە ئامادەکرنا دستوورێ نوو یێ سووریێ ب ساناهی نەبیت.
سکرتێرێ گشتی یێ نەتەوێن ئێکگرتی ژی راگەهاند کو ب رێیا ئامادەکرنا دستوورەکێ نوو وان دڤێت قەیرانا نها یا سووریێ بهێتە چارەسەرکرن.
ئه‌ڤرۆ نیوز:
راپورتێن رۆژنامه‌ڤانى ل ئیتالیا ئاشكراكرینه یانا یوڤانتوس هزر ل وێ چه‌ندێ كریه ل هاڤینا بهێت هه‌ڤبه‌ستێ ل گه‌ل چه‌ندین یاریزانێن به‌رنیاس ئیمزا بكه‌ت بوو ب هێز ئێخستنا پێكهاتیێ خوه و برنا ناسناڤێ چامپیونس لیگ.
زێده‌تر ئه‌وان رۆژناما دیاركریه لژنه‌یه‌كا تایبه‌ت ب یاریزانان ڤه ل حه‌فتیا بورى ل یاریا لیڤه‌رپول و توتنهام ئاماده‌بوون و چاڤدێریا چار یاریزانان كرن ل وێ یاریێ دا كو ئه‌وژى هه‌ر ئێك ژ محه‌مه‌د سه‌لاح و سێ یاریزانێن توتنهام ئه‌وژى سون هیونگ مین یێ كورى و ئاریكسن یێ دانماركى و توبی ألدیرفیرلید یێ به‌لجیكى .
هه‌ردیسان هاتیه دیاركرن ژى یوڤانتوس سێ یاریزانێن توتنهام كرینه ئارمانجا خوه كو دخوازیت هه‌ڤبه‌ستێ ل گه‌ل دو ژ ئه‌وان ئیمزا بكه‌ت هه‌ردیسان محه‌مه‌د سه‌لاح ژى ئێك ژ ئارمانجا ئه‌وان یا سه‌ره‌كى یه ژبه‌ركو ئه‌و وه‌سا دبینت پشتى چوونا رونالدوى هه‌ر ده‌مێ هه‌ڤبه‌ستا ئه‌وى ب دووماهیى هات دێ سه‌لاح باشترین پێگوهورێ وى بیت بوو پاشه‌رۆژا وێ یانێ .
یانا یوڤانتوس هزر ل وێ چه‌ندێ ژى كریه ده‌ست ب دانوستاندنان بكه‌ن ل گه‌ل ستێرا فره‌نسى و یانا پاریس سانجێرمان كلیان مباپێ بوو رازیكرنا وى بوو ئیمزاكرنا هه‌ڤبه‌ستا وێ هه‌ر چه‌نده ئه‌و باش دزانن ده‌ستڤه ئینانا ئه‌وى دێ گه‌له‌ك یا ب زه‌حمه‌ت بیت ژبه‌ركو یانا ریال مه‌درید د رێیا ئه‌وان دایه .
ل دووماهیێ هاتیه دیاكرن ژى یانا یوڤانتوس ب ڤه‌گوهاستنێن هاڤینا بهێت كوژمێ 335 ملیون جێنێ ئیسترلینى به‌رهه‌ڤكرینه بوو ده‌ستڤه ئینانا چه‌ند ستێرێن به‌رنیاس ل سه‌ر ئاستێ جیهانێ .
ئه‌ڤرۆ نیوز:
یانا به‌رشه‌لۆنا هزر ل ئینانا هێرشبه‌ره‌كێ نوو كریه وه‌كو پێگوهورێ هێرشبه‌رێ خوه یێ نوكه لویس سوارێز بوو پاشه‌رۆژێ ل یانێ.
رۆژناما سپورت ئیسپانى دیاركریه یانا به‌رشه‌لۆنا كه‌ڤتیه د هه‌ڤركیا ده‌ستڤه ئینانا هێرشبه‌رێ هه‌لبژارتیێ نیچیریا و یانا لیل یا فره‌نسى ڤیكتور ئوسیمین.
هه‌ردیسان وێ رۆژنامێ دیاركریه ژى به‌رپرسێن یانا به‌رشه‌لۆنا وه‌سا دبینن ڤیكتور ل پاشه‌رۆژێ دێ بیته باشترین پێگوهور بوو هێرشیبه‌رێ نوكه یێ یانێ سوارێز كو نوكه ژیێ وى یاریزانى گه‌هشتى یه د 33 سالى دا .
ڤیكتور ئه‌وێ ل هاڤینا ئه‌ڤ ساله ژ یانا روایال شارلوروا یا به‌لجیكى په‌یوه‌ندى ب یانا لیل یا فره‌نسى كرى به‌رامبه‌ر 14 ملیون یورۆیا نوكه بوویه جهێ گرنگیا چه‌ند یانێن به‌رنیاس ل ئورۆپا كو هه‌ر ئێك ژ یانێن میلان و بایرن میونیخ ژى گرنگى ب ئینانا ئه‌وى یاریزانى دایه ژبه‌ر ئه‌و ئاستێ بلند ئه‌وێ ل وه‌رزێ ئه‌ڤ ساله دخۆلا فره‌نسا دا پێشكێشكرى.
هه‌ژى گوتنێ یه ڤیكتور ئوسیمین یێ 20 سالى ل وه‌رزێ ئه‌ڤ ساله پشكدارى د 11 یاریان دا كریه ل گه‌ل یانا خوه دخۆلا فره‌نسا دا و شیایه 7 گولان توماربكه‌ت ل گه‌ل 2 ئه‌سیست و هه‌ردیسان شیایه گوله‌كێ ژى د قاره‌مانیا چامپیونیس لیگ دا ژى توماربكه‌ت .
ئه‌ڤرۆ نیوز:
رۆژنامه‌یه‌كا ئیتالى دیاركریه ل هاڤینا بورى یانا یوڤانتوس داخوازیه‌كا یانا مانچێسته‌ر سیتى ره‌تكر پشتى وێ یانێ كوژمه‌كێ مه‌زن پێشكێشى وى یانا ئیتالى كرى بوو ده‌ستڤه ئینانا ئێك ژ ستێرێن وێ.
رۆژناما كورییرى دیلو سپورت یا ئیتالى دیاركریه یانا مانچێسته‌ر سیتى ل هاڤینا بورى ب فه‌رمى داخوازى ژ یانا یوڤانتوس كر بوو ڤه‌گوهاستنا ستێرا وێ یا ئورگواى رودوریگو بنتانكو به‌رامبه‌ر كوژمه‌كێ مه‌زن یێ پاره‌ى لێ وێ یانا ئیتالى ره‌تكر ژبه‌ركو ئه‌وان دخواست ئه‌و یاریزان بوو ده‌مه‌كێ درێژتر یارى بوو ئه‌وان بكه‌ت مفایه‌كێ باشتر ژ شیانێن ئه‌وى بینن.
بنتانكو یێ ئورگوایى ئه‌وێ ل هاڤینا 2017 ژ یانا بوكا جونیور یا ئه‌رژه‌نتینى په‌یوه‌ندى ب یوڤانتوس كرى نوكه بوویه ئێك ژ ستێرێن وێ یانێ یه و وێ رۆژنامێ دیاركریه ژى دبیت ل هاڤینا بهێت هه‌ر ئێك ژ یانێن مانچێسته‌ر سیتى و به‌رشه‌لۆنا دیسان ده‌ست ب لڤینا بكه‌ن بوو ده‌ستڤه ئینانا ئه‌وى یاریزانى .
ئه‌ڤرۆ نیوز:
رۆژنامه‌یێن نێزیكى یانا ریال مه‌درید وه‌سا دیاركرینه په‌یوه‌ندیێن یانا ریال و ستێرا وێ ئیسكو به‌ر ب لاوازبوونێ ڤه دچن و ئه‌و یاریزان دخوازیت پێكهاتیێ وێ یانێ ب جه بهێلت.
رۆژناما دیپورتیڤو یا ئیسپانى ئاشكراكریه ئیسكو په‌یوه‌ندى ب یانه‌كا دى بكه‌ت بوو پتر ده‌لیڤه‌یا خوه یا كرنا یاریێ بینت داكو راهێنه‌رێ هه‌لبژارتیێ ئیسپانیا پشت به‌ستنێ ل سه‌ر ئه‌وى بكه‌ت و ناخوازیت به‌رده‌وام وه‌كو یاریزانه‌كێ یه‌ده‌گ بیت .
هه‌ردیسان وێ رۆژنامێ دیاركریه ژى هه‌تا نوكه ئیسكو ب فه‌رمى ل گه‌ل به‌رپرسێن یانا ریال نه كومبوویه ل سه‌ر چوونا خوه و یانا ریال مه‌درید ژى چاڤه‌رێ به‌رسڤا وى یاریزانى یا دووماهیێ یه .
وێ رۆژنامێ ئاماژه ب وێ چه‌ندێ ژى كریه ریال مه‌درید نابیته رێگر به‌رامبه‌ر چوونا ئیسكو لێ ب مه‌رجه‌كى ئه‌وژى هه‌ر یانه‌كا حه‌زا ئیمزاكرى ل گه‌ل وى یاریزانى هه‌بیت پێدڤى یه كوژمێ 70 ملیون یورۆیا پێشكێشى ریال مه‌درید بكه‌ت .
هه‌ژى گوتنێ یه نوكه هه‌ر ئێك ژ یانێن مانچێسته‌ر سیتى و ئه‌رسینال و یوڤانتوس هزر ل ڤه‌گوهاستنا ئیسكوى كریه لێ هه‌تا نوكه چ ژ ئه‌وان یانان ب فه‌رمى ده‌ست ب دانوستاندنان نه‌كریه ل گه‌ل یانا ریال مه‌درید.
ئه‌ڤرۆ نیوز:
ستێرا هێلا هێرشبه‌ریا یانا به‌رشه‌لۆنا لویس سوارێز شیا ده‌ستكه‌فتیه‌كا نوو ل گه‌ل یانا به‌رشه‌لۆنا توماربكه‌ت ده‌مێ شیاى گولا پێنچێ بوو یانا خوه ل یاریا شه‌ڤا بورى به‌رامبه‌ر یانا ڤاله‌دل وه‌لید توماربكه‌ت دوێ یاریێ دا ئه‌وا به‌رشه‌لۆنا شیاى سه‌ركه‌فتنێ توماربكه‌ت ب ئه‌نجامێ (5-1) ژ چارچوڤێ یاریێن گه‌را 11 ژ خولێ.
مالپه‌رێ ئوپتا یێ تایبه‌ت ب ئامارێن وه‌رزشى ڤه دیاركر لویس سوارێز ب گولا خوه یا شه‌ڤا بورى ل سه‌ر ڤاله‌دل وه‌لید شیا هژمارا گولێن خوه ب گه‌هینته 137 گولان دخۆلا لالیگا ئیسپانیا دا و هه‌ردیسان گول سه‌ر ئه‌وان هه‌موو یانان توماركریه ئه‌وێن یارى به‌رامبه‌ر كرى ب درێسێ یانا به‌رشه‌لۆنا .
هه‌ژى گوتنێ یه سوارێز هه‌ر ژ سالا 2014 وه‌ره یارى ل یانا به‌رشه‌لۆنا دكه‌ت ل گه‌ل ڤێ یانێ شیایه چه‌ندین ده‌ستكه‌فتیان ب ده‌ستخوڤه بینت و د وى ماوى دا 258 یارى ل گه‌ل وێ یانێ ئه‌نجامداینه و شیایه 185 گولان توماربكه‌ت و ل گه‌ل 97 ئه‌سیست
ئه‌ڤرۆ نيوز، نيوار محه‌مه‌د سه‌ليم:
سه‌رۆكێ ته‌ڤگه‌را سه‌در ئه‌ڤرۆ رۆژا چارشه‌مبى هوشدارى دا، هه‌كه سه‌رۆك وه‌زيرێن عيراقێ ده‌ست ژ كاركێشانا خوه رانه‌گه‌هينيت دێ وه‌كو سوريا و يه‌مه‌ن لێ هێت.
موقته‌دا سه‌در، د تويته‌كى دا ل سه‌ر تۆڕا جڤاكى يا تويته‌رى راگه‌هاند كو ب ده‌ست ژ كارنه‌كێشانا عادل عه‌بدولمه‌هدى خوين رێتن راناوه‌ستيت.
هه‌رديسا هوشدارى دا كو دێ عيراقێ وه‌كو سوريا و يه‌مه‌ن لێ هێت هه‌كه هات و سه‌رۆك وه‌زيرێن عيراقێ ده‌ست ژ كاركێشانا خوه رانه‌گه‌هاند.
دا زانين ژى كو ئه‌و ئێدى چو هه‌ڤپه‌يمانيا ل گه‌ل لايه‌نێن سياسى پێك نائينيت.
— مقتدى السيد محمد الصدر (@Mu_AlSadr) October 30, 2019
ئه‌ڤرۆ نيوز، نيوار محه‌مه‌د سه‌ليم:
جڤاتا وه‌زيرێن هه‌رێما كوردستا،ێ ئه‌ڤرۆ دێ كۆم بيت و تێدا كاودانێن رۆژئاڤايێ كوردستانێ و عيراقێ گه‌نگه‌شه كه‌ت.
ژێده‌ره‌كێ ئاگه‌هدار ل جڤاتا وه‌زيران راگه‌هاند كو بڕياره ئه‌ڤرۆ جڤاتا وه‌زيرێن هه‌رێما كوردستانێ ب سه‌رۆكاتيا مه‌سرۆر بارزانى كۆم ببيت دانوستاندنا كاودانێن نها يێن ناڤه‌راست و باشوورێ عيراقێ بكه‌ت.
هه‌ر د وێ كۆمبوونێ دا، جڤاتا وه‌زيران دێ دووماهى پێشهاتێن ئاوارێن رۆژئاڤايێ كوردستانێ و چاوانيا خزمه‌تكرنا وان گه‌نگه‌شه كه‌ت.
ئه‌ڤرۆ نیوز:
ستێرا شیلى و یاریزانێ یانا به‌رشه‌لۆنا ئه‌رتورو ڤیدال د داخویانیه‌كێ دا دیاركر ئه‌و نه یێ كه‌یفخوشحاله ل یانا به‌رشه‌لۆنا.
زێده‌تر ڤیدال د دیداره‌كێ دا بوو رۆژناما میركوریو دیاركریه ئه‌و نه یێ كه‌یفخوشحاله نوكه ل گه‌ل یانا به‌رشه‌لۆنا ژبه‌ركو ئه‌و وه‌كو یاریزانه‌كێ سه‌ره‌كى یارى ناكه‌ت لێ ئه‌و دێ بزاڤێ كه‌ت ب ئاستێ خوه یێ باش خوه بكه‌ته یاریزانه‌كێ سه‌ره‌كى و راهێنه‌رێ یانێ پشت به‌ستنێ ل سه‌ر ئه‌وى بكه‌ت وه‌كو یاریزانه‌كێ سه‌ره‌كى .
ناڤبرى ئاماژه ب وێ چه‌ندێ ژى كر ل هه‌ر یانه‌كا ئه‌وى به‌رى نوكه یارى لێ كرى ئه‌و شیایه وه‌كو یاریزانه‌كێ سه‌ره‌كى بكه‌ت راسته نوكه ئه‌و نه یێ كه‌یفخوشحاله ل گه‌ل به‌رشه‌لۆنا لێ ئه‌ڤه وێ چه‌ندێ ناگه‌هینت ئه‌و دێ پێكهاتیێ وێ یانێ ب جه هێلت به‌روڤاژى ئه‌و دێ بزاڤێ كه‌ت بشێـت جهێ خوه وه‌كو یاریزانه‌كێ سه‌ره‌كى بكه‌ت ل ناڤا پێكهاتیێ وێ یانێ.
ڤیدال ئه‌وێ ل شه‌ڤا بورى شیاى گوله‌كێ بوو یانا خوه ل یاریا به‌رامبه‌ر ڤه‌لدل وه‌لید توماربكه‌ت ژ چارچوڤێ یاریێن گه‌را 11 دوێ یاریێ ئه‌وا یانا ئه‌وى شیاى ب سه‌ركه‌فیت ب پێنچ گولان به‌رامبه‌ر گوله‌كێ سه‌باره‌ت ئه‌وان ده‌نگوباسێن هاتینه به‌لاڤه‌كرن كو دێ په‌یوه‌ندى ب یانا ئه‌نتر میلان كه‌ت ناڤبرى دیاركر جهێ دلخوشحالیا وى یه ئه‌و یارى ل بن سه‌رپه‌رشتیا راهێنه‌رێ خوه یێ به‌رى نوكه كونتى بكه‌ت ل هه‌ر یانه‌كا ئه‌و راهێنه‌رێ وێ یانێ بیت ژبه‌ركو ئه‌وى بیرهاتنێن خوش ل گه‌ل وى راهێنه‌رى هه‌نه ل ده‌مێ یوڤانتوس و ئه‌و راهێنه‌ر ببو ئه‌گه‌رێ پشكه‌فتنه‌كا مه‌زن بوو ئه‌وى لێ نوكه ئه‌و یاریزانێ یانا به‌رشه‌لۆنا یه و گرێداى هه‌ڤبه‌ستا خوه یه ل گه‌ل ڤێ یانێ .
نيشاندان