ئه‌ڤرۆ نیوز:
پشتى ل یاریا شه‌ڤا بورى ستێرا ئه‌لمانى و یانا ریال مه‌درید تونى كروس شیاى گولا سه‌ركه‌فتنێ بوو یانا خوه‌ ل سه‌ر یانا گه‌لاته‌سه‌راى توماربكه‌ت ژ چارچوڤێ یاریێن قاره‌مانیا چامپیونس لیگ ئه‌و یاریزان شیا نمرا هژماره‌كا ستێرێن به‌رنیاس دوباره‌ بكه‌ت.
مالپه‌رێ ئوپتا یێ تایبه‌ت ب ئامارێن وه‌رزشى ڤه‌ دیاركر یاریا به‌رامبه‌ر گه‌لاته‌سه‌راى بوو یاریا 100 بوو تونى كروس د قاره‌مانیا چامپیونس لیگ دا كو كروس بوو یاریزانێ 5 د مێژویا وێ قاره‌مانیێ دا ل یاریا 100 بشێت گولێ توماربكه‌ت .
هه‌ژى گوتنێ یه‌ به‌رى نوكه‌ 4 ستێرێن به‌رنیاس ل یاریا 100 شیابوون گولێ توماربكه‌ن د وێ قاره‌مانیێ دا ئه‌وژى هه‌ر ئێك ژ تێرى هێنرى یێ فره‌نسى و ئیبراهیموڤیچ یێ سویدى و رونالدو یێ پورتوگالى و پێرلو یێ ئیتالى.

ئه‌ڤرۆ نیوز:
ستێرا ئنگلیزى و یانا مانچێسته‌ر سیتى ره‌حیم ستيرلینگ پشتى ل شه‌ڤا بورى شیاى سێ گولان(هاتریك) ل سه‌ر یانا ئه‌نتلانتا توماربكه‌ت دوێ یاریێ ئه‌وا ئه‌وا یانا ئه‌وى ب سه‌ركه‌فتى ب پێنچ گولان به‌رامبه‌ر گوله‌كێ ژ چارچوڤێ یاریێن گه‌را سێ ژ قوناغا كومان یا قاره‌مانیا چامپیونیس لیگ و ب وێ هاتریكى ئه‌و یاریزان شیا نمره‌كا نوو د مێژویا وێ یانێ دا توماربكه‌ت.
مالپه‌رێ سكواكا یێ تایبه‌ت ب ئامارێن وه‌رزشى ڤه‌ ئاشكراكر ستيرلینگ ب توماركرنا هاتریكا ل سه‌ر یانا ئه‌نتلانتا بوو یاریزانێ ئێكێ یێ ئنگلیزى د مێژویا وێ یانێ دا هاتریك توماربكه‌ت د قاره‌مانیا چامپیونیس لیگ دا .
مالپه‌رێ سكاى سپورت ژلایێ خوڤه‌ دیاركریه‌ ره‌حیم سترلینگ د مێژویا خوه‌ دا شیایه‌ 5 هاتریكا توماربكه‌ت كو 4 ژ ئه‌وانان ل 35 یاریێن وى یێن ڤێ دووماهیێ بوون.

ئه‌ڤرۆ نیوز:

چاڤه‌رێ دهێته‌كرن ب رێژه‌یا هه‌ره‌ مه‌زن ل هاڤینا بهێت ستێرا ئه‌لمانى و یانا مانچێسته‌ر سیتى لیرو سانى په‌یوه‌ندى ب یانا بایرن میونیخ یا ئه‌لمانى بكه‌ت كو ئه‌و یانا باڤارى ئه‌و یاریزان كریه‌ ئارمانجا خوه‌ یا سه‌ره‌كى بوو وه‌رزێ بهێت به‌رامبه‌ر یانا مان سیتى ژى چه‌ند یاریزان به‌ربژاركرینه‌ بوو ده‌ستڤه‌ ئینانا ئه‌وان ل جهێ ئه‌وى یاریزانێ خوه‌ یێ ئه‌لمانى.
مالپه‌رێ كاتشیو مێركاتو یێ ئیتالى ئاشكراكریه‌ یانا مانچێسته‌ر سیتى ستێرا یانا ریال سوسیداد یا ئیسپانى مایكل ئویارزابال وه‌كو پێگوهورێ سه‌ره‌كى یێ وى یاریزانێ خوه‌ یێ ئه‌لمانى دانایه‌ هه‌كه‌ لیرو سانى هه‌ڤبه‌ستا خوه‌ نوونه‌كرل گه‌ل وێ یانێ و په‌یوه‌ندى ب یانا بایرن میونیخ كر .
ئویارزابال ئه‌وێ ل وه‌رزێ ئه‌ڤ ساله‌ د 9 یاریێن ده‌ستپێكێ ژ خۆلا لالیگا شیایه‌ 4 گولان توماربكه‌ت ل گه‌ل سێ ئه‌سیست بوویه‌ ئارمانجا سه‌ره‌كى یا گواردیولاى وه‌كو پێگوهورێ سانى كو ئه‌وى به‌رپرسێن وێ یانێ ئاگاداركرینه‌ ده‌ست ب لڤینا بكه‌ن بوو ده‌ستڤه‌ ئینانا ئه‌وى یاریزانى هه‌كه‌ لیرو سانى په‌یوه‌ندى ب یانا بایرن میونیخ كر.
هه‌ژى گوتنێ یه‌ مایكل ئویارزابال گرێداى هه‌ڤبه‌ستا خوه‌ یه‌ ل گه‌ل یانا ریال سوسیداد هه‌تا 2024 و نوكه‌ بهایێ فروتنا وى 80 ملیون یورۆنه‌ كو هژماره‌كا یانێن دى ژى ل ئورۆپا ئه‌و یاریزان كریه‌ ئارمانجا خوه‌.

یێ 22 سالى نوكه‌ یاریزانێ هه‌لبژارتیێ ئیسپانیا یێ ئێكێ یه‌ و یارى بوو ژ وه‌رزێ 2016 -2017 بوو تیما ئێكێ هاتیه‌ سه‌رئێخستن و هه‌تا نوكه‌ 160 یارى ل گه‌ل وێ یانێ كرینه‌ و شیایه‌ 42 گولان توماربكه‌ت و ل گه‌ل 26 ئه‌سیست.

ئه‌ڤرۆ نیوز:
رۆژنامه‌یێن نێزیكى یانا به‌رشه‌لۆنا دیاركرینه‌ یانا به‌رشه‌لۆنا دخوازیت ل ڤه‌گوهاستنێن بهێت ده‌ستا ژ سێ یاریزانێن خوه‌ به‌رده‌ت و تایبه‌ت یاریزانێن هێلا ناڤین كو نوكه‌ رێژه‌كا مه‌زن یا یاریزان ل وى جهى نه‌.
رۆژناما سپورت یا كه‌ته‌لونى ئاشكراكریه‌ یانا به‌رشه‌لۆنا ل سه‌ر داخوازیا راهێنه‌رێ خوه‌ دێ ده‌ستا ژ سێ یاریزانێن خوه‌ به‌رده‌ت ل ڤه‌گوهاستنێن بهێت كو ئێك ژ ئه‌وان به‌ربژارێ سه‌ره‌كى یاریزانێ كرواتى ئیڤان راكیتچ ئه‌وێ نوكه‌ بوویه‌ جهێ گرنگیا چه‌ندین یانێن ئورۆپى یێن مه‌زن و دبیت ب رێژه‌یا هه‌ره‌ مه‌زن ئه‌و یانه‌ ده‌ستا ژ ئه‌وى یاریزانى به‌رده‌ت تایبه‌ت پشتى هه‌ر ئێك ژ یانێن پاریس سانجێرمان و ئه‌نتر میلان و مانچێسته‌ر یونایتد ده‌ست ب لڤینا كرى بوو ده‌ستڤه‌ ئینانا ئه‌وى .
یاریزانێ دوێ كارلیس ئه‌لینا كو ڤالڤێردى دخوازیت ده‌ستا ژ ئه‌وى یاریزانى به‌رده‌ت و ل جهێ وى هه‌ڤبه‌ستێ ل گه‌ل ئاریكسن ستێرا توتنهام ئیمزا بكه‌ت و یاریزانێ سێ ئه‌وژى یاریزانێ گه‌نچ یێ یانێ ریكى بوینگ ئه‌وێ نوكه‌ ل تیما دوێ یا وێ یانێ یارى دكه‌ت كو ئه‌و راهێنه‌ر پشت به‌ستنێ ل سه‌ر شیانێن ئه‌وى ناكه‌ت.

ئه‌ڤرۆ نیوز:
چاڤه‌رێ دهێته‌كرن ئه‌ڤ شه‌ڤه‌ ل ده‌مژمێر 10:00 یانا به‌رشه‌لۆنا بیته‌ مێڤانا یانا سلاڤیا براگ یا چیكى ژ چارچوڤێ یاریێن قوناغا كومان ژ گه‌را سێ ژ قاره‌مانیا چامپیونیس لیگا و به‌رى ڤێ یاریێ راهێنه‌رێ یانا به‌رشه‌لۆنا دیاركر كرنا یاریێ به‌رامبه‌ر یانه‌كا وه‌كو سلاڤیا یا ب سانه‌هى نینه‌ ل ناڤ ئه‌رد و جه‌ماوه‌رێ وێ و سێ خالێن ڤێ یاریێ بوو ئه‌وان گه‌له‌ك گرنگ و دێ رێیا ئه‌وان خوشتر لێكه‌ت بوو ده‌ربازبوونێ .
زێده‌تر ڤالڤێردى راهێنه‌رێ به‌رشه‌لۆنا دیاركر ئه‌و دێ ب رێژه‌یا هه‌ره‌ مه‌زن ل هێلا پێشیێ پشت به‌ستنێ ل سه‌ر هه‌ر ئێك ژ سوارێز میسى كرێزمان كه‌ت ژبه‌ركو ئه‌و پێدڤى ب هێرشبه‌ریێ یه‌ دڤێ یاریێ دا و ده‌لیڤه‌ هه‌یه‌ ئه‌و یارى ب فانتى و دێمبیلى ژى بكه‌ت .
سه‌باره‌ت هنگافتنا ئومتێتى ناڤبرى دیاركر ئه‌وى یاریه‌كا ب هێز به‌رامبه‌ر ئیبار كر و ئه‌و دخوازن بێنڤه‌دانێ بده‌ته‌ ئه‌وى یاریزانى ژبه‌ركو ئه‌و یاریزان بوو ئه‌وان یێ گرنگه‌ و وه‌رز یێ درێژه‌ ئه‌و ناخوازن مه‌ترسى بێخنه‌ سه‌ر ئه‌وى یاریزانى ل پاشه‌رۆژێ.
سه‌باره‌ت پائێخستنا یاریا كلاسیكو راهێنه‌رێ به‌رشه‌لۆنا دیاركر ئه‌و دخوازن نێزیكترین ده‌م یاریێ ئه‌نجام بده‌ن نوكه‌ ئه‌و د گه‌رما گه‌رما هه‌ڤركیا لالیگا دا نه‌ و ئه‌و نزانیت بوو ئێكه‌تیا ته‌پا پێ یا ئیسپانیا ئه‌و یارى پاشئێخست و دخوازیت ب زیترین ده‌م ئه‌و یارى بهێته‌كرن.
ل دووماهیێ سه‌باره‌ت ئه‌وان گوتنێن رۆژنامه‌ڤانى بوو هاتنا رونالد كومان بوو پوستێ راهێنه‌ریا وێ یانێ ناڤبرى دیاركر گوت گوتنێن رۆژنامه‌ڤانى دێ هه‌ر هه‌بن و ئه‌و پشت به‌ستنێ ل سه‌ر ئه‌وان ئاخفتنا ناكه‌ن .