ئه‌ڤرۆ نیوز:
پشتى یانا ریال مه‌درید ل شه‌ڤا بورى شیاى سه‌ركه‌فتنا ئێكێ ل وه‌رزێ ئه‌ڤ ساله د قاره‌مانیا چامپیونیس لیگ دا توماربكه‌ت ده‌مێ ب سه‌ركه‌فتى ل سه‌ر یانا گه‌لاته‌سه‌راى یا توركى ل یاریگه‌ها وێ یانا توركى ب گوله‌كێ بێ به‌رامبه‌ر ئه‌وا ژ لایێ یاریزانێ وێ تونى كروس ل نیڤا ئێكێ هاتیه توماركرن.
پشتى وێ یاریێ زێدان راهێنه‌رێ یانا ریال مه‌درید بوو ده‌زگه‌هێن راگه‌هاندنێ دیاركر هه‌كه تو نه‌شى گولا دوێ توماربكه‌ى ئه‌كید ل دووماهیا توشى زه‌حمه‌ت بوونێ به‌ى و ل دووماهیا وێ یاریێ ژى یانا خودانا یاریگه‌هێ گڤاشتن ل سه‌ر ئه‌وان كرن لێ ئه‌وى دڤێ یاریێ دا باوه‌ریه‌كا مه‌زن ب یاریزانێن خوه هه‌بوو دێ ب ئه‌نجامه‌كێ سه‌ركه‌فتى ژ یاریگه‌هێ ده‌ركه‌ڤین و ده‌رفه‌ت هه‌بوو ئه‌و ژ گوله‌كێ زێده‌تر بكه‌ن لێ به‌خت دڤێ یاریێ دا ل گه‌ل هژماره‌كا یاریزانان نه‌بوو.
سه‌باره‌ت گولچیێ یانێ كورتوا ناڤبرى دیاركر ئه‌و دڤێ یاریێ دا ل ئاسته‌كێ بلند دا بوو تایبه‌ت ل نیڤا ئێكێ ئه‌وى ئه‌و قورتالكرن.
هه‌ردیسان زێدان سه‌باره‌ت ئه‌و ئاخفتنێن به‌رى یاریێ دیاركر ره‌خنه‌گرتن دێ هه‌ر هه‌بیت و پێدڤى یه ئه‌و ته‌ركیز ل سه‌ر یاریێن بهێت بكه‌ن و هه‌كه ئه‌وان دڤێ یاریێ دا ئه‌نجامه‌كێ نه چاڤه‌رێكرى توماركربا دا ره‌حنه‌گرتن ل سه‌ر ئه‌وان زێده‌تر لێهن له‌ورا یا دروست ئه‌وه ئه‌و گوهداریا گوتنێن راگه‌هاندنێ و ده‌رفه‌ى یاریگه‌هێ نه‌بن .
ناڤبرى سه‌باره‌ت یانا گه‌لاته‌سه‌راى دیاركر سه‌ركه‌فتن ل سه‌ر یانه‌كا وه‌كو گه‌لاته‌سه‌راى ل ناڤا وى جه‌ماوه‌رێ مه‌زن یا ب سانه‌هى نینه و سه‌ركه‌فتنه‌كا گه‌له‌ك گرنك بوو لێ د راستى دا ئه‌و هه‌ژى سه‌ركه‌فتنێ بوون كێمتر ئه‌نجام 3-0 ژبه‌ركو ئه‌وان گه‌له‌ك ده‌لیڤه‌یێن مسوگه‌ر ژ ده‌ستدان.
ل دووماهیێ راهێنه‌رێ ریال ئاماژه ب وێ چه‌ندێ ژى كر یا گرنگ ئه‌و شیان ب سه‌ركه‌فتنێ به‌رسڤا هه‌موویان بده‌ن ئه‌وێن ره‌خنه ل ئه‌وان كرن و سوپاس بوو هه‌موو یاریزانان كو دوێ یاریێ دا ل ئاسته‌كێ بلند بوون نوكه پێدڤى یه ئه‌ڤێ یاریێ ژبیر بكه‌ین و هزر ل یاریا بهێت بكه‌ین.
بزانه زێدان پشتى یاریا گه‌لاته‌سه‌راى چ گوت
نيشاندان