ئەڤرۆ نیوز:
ئەڤرۆ پشتی نیڤرۆیێ ل بارەگایێ مەکتەبا سیاسی یا ئێکەتیێ ل هەولێرێ پارت و ئالیێن سیاسی یێن د ناڤ لیستا هەڤپەیمانیا کوردستانی کۆمبوون و د کۆمبوونێ دا بەحسێ چاوانیا کارکرنێ بۆ پشکداری کرن د هەلبژارتنێن جڤاتا پارێزگەهان هاتە کرن، د کۆمبوونێ دا بەحسێ هەلبژارتنا سەرۆکێ لیستا هەڤپەیمانیا کوردستانی و لۆگۆیێ لیستێ ژی هاتە کرن.
ئەڤرۆ نیوز:
بەرپرسەکێ حوسیێن یەمەنێ راگەهاند کو د دەمێن بۆری دا وان شیاینە هێرشی چەندین بنگەهێن هێزێن هەڤپەیمانیا عەرەبی بکەن و د ئەنجام دا نها ب سەدان سەربازێن سعوودیێ د دەستێ وان دانە و هاتنە دەستەسەر کرن.
حوسیێن یەمەنێ گەفا هندێ ژی ل سعوودیێ دکەن کو هەکە سعوودیێ ل سەر هێرشێن خوە یێن ئەسمانی د بەردەوام بیت ئەو دێ ب چەکێن مودێرن هێرشی بنگەهێن پەترۆلێ و دەڤەرێن دی یێن سعوودیێ کەن.
ئەڤرۆ نیوز:
بەرپرسەکێ ئەفغانستانێ راگەهاند کو د هەلبژارتنێن سەرۆکاتیێ دا تنێ ئێک ملیۆن کەسان پشکداری د هەلبژارتنان دا کرینە کو ئەو یەک ژی دبیتە رێژا ٢٠% و بێگومان زۆر یا کێمە و مەشروعیەتا سەرۆکاتیێ ل ئەفغانستانێ دکەڤیتە ژێر پرسیارێ.
ئەو یەک د دەمەکێ دایە کو د دەمێ هەلبژارتنێن سەرۆکاتیێ ل ئەفغانستانێ دا رێکخراوا تالیبانێ هێرشی چەندین بنگەهێن دەنگدانێ کربوو و چەندین وەلاتی ژ بەر وان هێرشان جانێ خوە ژ دەست دابوون و هندەک ژی بریندار ببوون.
ئەڤرۆ نیوز:
رێکخراوا چاڤدێریا مافێن مرۆڤی یا سووریێ راگەهاند کو چەکدارێن سەر ب لەشکرێ ئازاد یێ سووریێ ل ناڤەندا عەفرینێ و گوندێن وێ د ماوەیێ دو رۆژێن بۆری دا ١٣ وەلاتیێن کورد رەڤاندینە و هەتا نها ژی چارەنڤیسێ وان کەسان دیار نینە.
بەری نها ژی چەندین رێکخراوێن مافێن مرۆڤی ئاماژە ب بنپێکرنا مافێن مرۆڤی ژ ئالیێ گرۆپێن چەکداری ل عەفرینێ کربوون.
ئەڤرۆ نیوز:
ئەڤرۆ نێچیرڤان بارزانی سەرۆکێ هەرێما کوردستانێ ل گەل خالد حەمەد ئەلسلیتی بالیۆزێ قەتەر ل عیراقێ و شاندێ د گەل دا کۆمبوو و د کۆمبوونێ دا بەحسێ پەیوەندیێن هەرێما کوردستانێ و عیراقێ و چارەسەرکرنا ئاریشێن هەی هاتنە کرن، د پشکەکا دی یا کۆمبوونێ دا بەحسێ رەوشا ئاوارێن عیراقێ ل هەرێما کوردستانێ ژی هاتە کرن.
سەرۆکێ هەرێما کوردستانێ دیار کر کو هەرێما کوردستانێ دڤێت پەیوەندیێن خوە یێن ئابووری و سیاسی ل گەل وەلاتێ قەتەر پێش بخینیت و پێشوازی ل هاتنا کۆمپانیێن قەتەر بۆ هەرێما کوردستانێ دکەت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 29ى ئيلونا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.400 دينار |
| 100 يۆرۆيێ ئه‌ورۆپى | 133.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز، نيوار محه‌مه‌د سه‌ليم:
ب ده‌نگێ 91 په‌رله‌مانتاران، راستڤه‌كرنا په‌يره‌وێ ناڤخۆ يێ په‌رله‌مانێ كوردستانێ هاته په‌سه‌ندكرن و ب گۆره‌ى ئێك ژ ماددێ راستڤه‌كرى، په‌رله‌مانتار دشێت ژ فراكسيۆنا خوه جودا بيت، بێ كو ئه‌ندامه‌تيا خوه ژ ده‌ست بده‌ت.
به‌رى نيڤرۆيا ئه‌ڤرۆ رۆژا ئێكشه‌مبى 29ى ئيلۆنا 2019ێ په‌رله‌مانێ كوردستانێ بۆ ده‌نگدان ل سه‌ر راستڤه‌كرنا په‌يره‌وێ ناڤخۆ يێ په‌رله‌مانێ كوردستانێ كۆمبوو، ئه‌ڤه ژى پشتى رۆژا پێنجشه‌مبيا بۆرى خواندنا دويێ بۆ راستڤه‌كرنا قانوونێ كرى، ئه‌ڤرۆ ژى ب ده‌نگێ 91 په‌رله‌مانتاران راستڤه‌كرنا په‌يره‌وێ ناڤخۆ يێ په‌رله‌مانى هاته په‌سه‌ندكرن.
ژ سه‌رجه‌مێ 126 ماددان ژ په‌يره‌وێ ناڤخۆ، 16 مادده هاتنه راستڤه‌كرن، برگا دويێ يا ماددێ 110 ژ په‌يره‌وێ ناڤخۆيێ په‌رله‌مانى هاته لادان، كو تێدا هاتبوو: “هه‌ر په‌رله‌مانتاره‌ك ژ فراكسيۆنه‌كێ جودا ببيت، فراكسيۆنا وى دشێت مافێ ئه‌ندامه‌تيێ ژێ وه‌ربگريت”.
ب گۆره‌ى راستڤه‌كرنا په‌سه‌ندكرى، په‌رله‌مانتار دشێت ژ فراكسيۆنا خوه جودا ببيت يان ژى بچيته ناڤ فراكسيۆنه‌كا دى، بێ كو ئه‌ندامه‌تيا خوه ژ ده‌ست بده‌ت و دشێت ژى فراكسيۆنه‌كا سه‌ربه‌خۆ پێك بينيت.
هه‌ر ب گۆره‌ى راستڤه‌كرنێ لژنا ناڤخۆ و جڤاتێن خۆجهى و ئاڤه‌دانكرن و وه‌به‌رهێنان و دادكۆكى ژ مافێ ژنان وه‌كو لژێن سه‌ربه‌خۆ هاتنه زێده‌كرن و ده‌سته‌لاتێن لژنا قانوونى ژى هاتنه زێده‌كرن، ل گه‌ل چه‌ند گوهۆڕينێن دى د په‌يره‌وێ ناڤخۆ يێ په‌رله‌مانێ كوردستانێ دا هاتنه كرن.
پێشنيازا راستڤه‌كرنا په‌يره‌وێ ناڤخۆ يێ په‌رله‌مانێ كوردستانێ ژ لايێ 29 په‌رله‌مانتارێن فراكسيۆنا پارتى، ئێكه‌تى و گۆڕان هاتبوو كرن بۆ 16 ماددێن په‌يره‌وى.
راستڤه‌كرن يا ئێكێ يه د په‌يره‌وێ ناڤخۆ يێ نوو يێ په‌رله‌مانى دا دهێته كرن كو ل سالا 2018ێ ژ لايێ په‌رله‌مانى ڤه هاتبوو راستڤه‌كرن، د كۆمبوونا بۆرى دا، په‌رله‌مانێ كوردستانێ خواندنا ئێكێ و دويێ بۆ كربوو.
ئه‌ڤ راستڤه‌كرنا په‌يره‌وێ ناڤخۆ يێ په‌رله‌مانى وه‌كو يێ به‌رى يێ راستڤه‌كريێ 2018ێ يه كو ل سالا 2018ێ د به‌رژه‌وه‌نديا گۆڕان و ئێكه‌تيێ دا هاتبوو راستڤه‌كرن، ئه‌وى ده‌مى ژماره‌كا په‌رله‌مانتاران ژ فراكسيۆنان دوورخست بوون، ئه‌ڤه ژى ببوو ئه‌گه‌ر بشێن كه‌سانێن دى ژ حزبا خوه ل جهێ وان ب گۆره‌يى رێزبه‌نديا هه‌لبژارتنان ل جهێ وان بدانن.
ئه‌ڤرۆ نيوز:
رۆژا ئێكشه‌مبى 29ى ئيلۆنا 2019ێ ل سه‌لاحه‌دين، سه‌رۆك مه‌سعود بارزانى پێشوازى ل يۆنيدۆس كۆنتۆڤۆنيسيۆس بالوزێرێ يونان ل عيراقێ كر.
د وێ ديدارێ دا كو ئيفتيميۆس كستۆپۆلۆس قونسلێ يونان ل هه‌ولێر ژى ئاماده ببوو، بالوێزێ يونان ل عيراقێ پێزانين هه‌بوون بۆ خه‌باتا دوور و درێژ و رۆلێ سياسى يێ سه‌رۆك بارزانى ل ئاستێ عيراقێ و ده‌ڤه‌رێ و جيهانێ و ل شه‌رێ دژى تيرۆرستان، هه‌روه‌سا رۆلێ هێزێن پێشمه‌رگه‌يێ كوردستانێ د تێكشكاندنا داعش دا.
سه‌رساميا خوه ژى ب سياسه‌تا سه‌رۆك بارزانى و سه‌ركردێن هه‌رێما كوردستانێ راگه‌هاند د مامه‌له‌كرنا ل گه‌ل هه‌ڤركى و قه‌يران و كاودانێن دژوار دا.
د پشكه‌كا دى يا وێ كۆمبوونێ دا، بيروبوچوون ده‌رباره‌ى كاودانێن سياسى و دووماهى پێشهاتێن ده‌ڤه‌رێ و پرۆسا سياسى يا عيراقێ و په‌يوه‌نديێن ناڤبه‌را هه‌ولێر و به‌غدا و كاودانێن ده‌ڤه‌رێن كێشه ل سه‌ر هه‌يين لێك گوهاڕتن.
هه‌ر د وێ ديدارێ دا، ئاماژه ب و بار و كارگۆزه‌رانيێن جاليا كوردى ل يونان و په‌يوه‌نديێن ناڤبه‌را گه‌لێ كوردستانێ و گه‌لێ يونان كر و ته‌كتس ل سه‌ر وێ چه‌ندێ هاته كرن كو پێشڤه‌چوونێ بده‌نه په‌يوه‌نديێن ناڤبه‌را هه‌رێما كوردستانێ و وه‌لاتێ يونان د وارێن جودا دا.
نيشاندان