ئەڤرۆ نیوز،بارزان مزووری:
بەرپرسێ پەیوەندی و راگەهاندنا رێڤەبەریا بەرەڤانیا پارێزگەها دهۆكێ بۆ ئەڤرۆ نیوز گوت:ئەڤرۆ مەغرەب ل گوندێ گرفەقیر سەر ب ناحیا کەلەکچی کچەکا سێ سالی د ناڤ رووبارەکێ ل نێزیک گوندی خەندقی.
بێوار عەبدالعزیز،بەرپرسێ پەیوەندی و راگەهاندنا رێڤەبەریا بەرەڤانیا پارێزگەها دهۆكێ بۆ ئەڤرۆ نیوز خویاکر ئەو کچا د ناڤ ئاڤێ دا خەندقی ب ناڤێ “دیما بشار ” ژیێ وێ سێ سالە د گەل کومەکا زارویان دچیتە سەر رووباری ودکەڤیتە دئاڤێ دا و ئێکسەر تەرمێ وێ دهێته ده‌رئينان.
ئه‌ڤرۆ نیوز:
یانا یوڤانتوس یا ئیتالى دخوازیت هه‌ڤبه‌ستێ ل گه‌ل ستێرا هێلا ناڤینا یانا بریشیا یا ئیتالى ساندرو تونالى ئیمزا بكه‌ت ئه‌وێ ل وه‌رزێ ئه‌ڤ ساله شیاى ئاسته‌كێ بلند ل گه‌ل یانا خوه پێشكێش بكه‌ت.
رۆژناما لاگازیتا دیللو سپورت یا ئیتالى دیاركریه تونالى پشتى ل شه‌ش حه‌فتیێن بورى ئاسته‌كێ بلند ل گه‌ل یانا خوه پێشكێش بكه‌ت كو ژبه‌ر وى ئاستێ بلند نوكه ئه‌و یاریزانێ ناڤبرى بوویه جهێ گرنگیا هژماره‌كا یانێن به‌رنیاس ل سه‌ر ئاستێ ئورۆپا و تایبه‌ت یێن ئیتالى.
هه‌ردیسان وێ رۆژنامێ دیاركریه ژى به‌رپرسێن یانا یوڤانتوس ب فه‌رمى ده‌ست ب لڤینا كریه بوو دانوستاندنان ل گه‌ل سه‌رۆكێ یانا بریشیا ماسیمو تشیللینو كو یانا یوڤى دخوازیت رێككه‌فتنێ ل گه‌ل وێ یانێ بكه‌ت كو ل هاڤینا بهێت ئه‌و یاریزان په‌یوه‌ندى ب یانێ بكه‌ت .
هه‌ردیسان وێ رۆژنامێ ئاشكراكریه ژى یانا پاریس سانجێرمان ژى ده‌ست ب لڤینا كریه بوو ده‌ستڤه ئینانا ئه‌وى یاریزانى و وه‌كو داخوازیا ئێكێ 25 ملیون یورۆ پێشكێشى به‌رپرسێن بریشیا كرینه.
ساندرو تونالى یێ 19 سالى ل وه‌رزێ ئه‌ڤ ساله پێنچ یاریان دا پشكدارى ل گه‌ل یانا بریشیا كریه و ل وه‌رزێ بورى ل گه‌ل یانا خوه 34 یاریان دا پشكدارى كر دخۆلا پلا دو یا ئیتالیا دا و یارى بوو هه‌ردو هه‌لبژارتیێن ئیتالیا یێن 19 سالى و 21 سالى كریه و نوكه ژى هاتیه داخوازكرن بوو هه‌لبژارتیێ ئێكێ.
ئه‌ڤرۆ نيوز:
هه‌رێما كوردستانێ و به‌غدا ل سه‌ر نه‌خشه رێيه‌كێ بۆ چاره‌سه‌ركرنا كێشێن گرێداى ب په‌ترۆلێ ڤه رێككه‌ڤتن و كۆمه‌كا پرنسيبێن هه‌ڤپشك ديار كرن بۆ وێ چه‌ندێ هه‌موو كێشه ل سه‌ر وى بنه‌مايێ بهێنه چاره‌سه‌ركرن.
سامر غه‌زبان، جێگرێ سه‌رۆك وه‌زيران بۆ كاروبارێن وزێ و وه‌زيرێ په‌ترۆلا عيراقێ بۆ كوردستان 24 راگه‌هاند” مه نه‌خشه رێيه‌ك دياركريه بۆ وێ چه‌ندێ هه‌ولێر و به‌غدا كێشێن گرێداى په‌ترۆلێ چاره‌سه‌ر بكه‌ن”.
گۆت ژى” ئه‌و نه‌خشه رێيه هه‌ردو لايه‌نان پێگير دكه‌ت ب مادێن 111 و 112 يێن دستوورى، كو دبێژيت په‌ترۆل و غاز مولكێ هه‌موو عيراقيانه، هه‌روه‌سا پێگير دكه‌ت ب قانوونا بودجێ و كۆمه‌كا رێنمايێن دى، كو ل دووماهيێ دێ كێشان به‌ر ب چاره‌سه‌ريێ به‌ت”.
غه‌زبان دياركر” چه‌ند هه‌يڤه‌كه هه‌ولێر و به‌غدا رێككه‌فتينه كو كۆمه‌كا پرنسيبێن هه‌ڤپشك ديار بكه‌ن، تاكو هه‌موو كێشه ل سه‌ر وى بنه‌ماى بهێنه چاره‌سه‌ركرن”.
وه‌زيرێ په‌ترۆلا عيراقێ ئاماژه كر” ب ديتنا من پرس دێ هێنه چاره‌سه‌ركرن و بنه‌مايێن وان پێك دهێن ژ ئێكگرتنا عيراقێ و زڤرين بۆ دستوورى و قانوونا بودجا عيراقێ” خوياكر ژى” ئه‌م يێن رێككه‌فتنين ئه‌م هه‌موو د به‌رهه‌مئينانێ دا پشكدار بين و هه‌موو مفاى ژ خێر و بێران وه‌رگرن”.
ئه‌ڤرۆ نيوز:
جڤاتا وه‌زيرێن عيراقێ راگه‌هاند، ل ده‌مه‌كێ نێزيك گه‌له‌ك ژ كێشێن د ناڤبه‌را هه‌رێما كوردستانێ و به‌غدا دێ ئێكلا بن.
حه‌ميد غه‌زى، ئه‌ميندارێ گشتيێ جڤاتا وه‌زيرێن عيراقێ د داخۆيانيه‌كا رۆژانامه‌ڤانى دا گۆت” شاندێ دانوستاندكارێ هه‌رێمێ و به‌غدا ل دۆر كێشان يێن د گفتوگۆيێ دا”.
گۆت ژى” كه‌ركووك و په‌ترۆل و ده‌ڤه‌رێن ناكۆكى ل سه‌ر و ده‌رگه‌هێن سنوورى و چه‌ند پرسێن دى، خالێن سه‌ره‌كى يێن ناكۆكيێ نه د ناڤبه‌را هه‌ولێرێ و به‌غدا”.
دووپاتكر ژى” ل ڤان نێزيكان گه‌له‌ك ژ وان كێشێن دێ هێنه ئێكلا كرن”.
ئه‌ڤرۆ نیوز:
پشتى یانا لیڤه‌رپول د یاریا خوه یا ئه‌ڤرۆ دا شیاى سه‌ركه‌فتنێ ل سه‌ر یانا شیفلد یوناید توماربكه‌ت ب گوله‌كێ بێ به‌رامبه‌ر ژ چارچوڤێ یاریێن گه‌را حه‌فتێ ژ خۆلا ئنگلته‌را كو ئه‌و سه‌ركه‌فتنا لیڤه‌رپول د بوو سه‌ركه‌فتنا حه‌فتێ ل دیڤ ئێك ل وه‌رزێ ئه‌ڤ ساله كو نوكه ل سه‌رێ لیستا خولێ دهێت ب 21 خالان.
مالپه‌رێ ئوپتا یێ تایبه‌ت ب ئامارێن یانێن وه‌رزشى ڤه دیاركر ئه‌ڤه بوو جارا دوێ یه یانا لیڤه‌رپول د مێژویا خوه دا دشێت ل حه‌فت یاریێن ده‌ستپێكێ ل دیڤ ئێك سه‌ركه‌فتنێ توماربكه‌ت كو ل جارا ئێكێ ل وه‌رزێ 1990-1991 شیابوو د هه‌شت یاریێن ده‌ستپێكێ دا سه‌ركه‌فتنێ توماربكه‌ت و یانا لیڤه‌رپول پێدڤى ب دو سه‌ركه‌فتنێن دى یه بوو وه‌كهه‌ڤیا نمرا به‌رى نوكه یا ل سه‌ر ناڤێ یانا چێلسى ئه‌وا ل وه‌رزێ 2005-2006 كو ئه‌و یانا له‌نده‌نى شیابوو 9 سه‌ركه‌فتنا ل دیڤ ئێك ل ده‌ستپێكا خولێ توماربكه‌ت
ئه‌ڤرۆ نیوز:
یانا به‌رشه‌لۆنا شیا سه‌ركه‌فتنا ئێكێ ل وه‌رزێ ئه‌ڤ ساله ژ ده‌رڤه‌ى یاریگه‌ها خوه دخۆلا لالیگا ئیسپانیا دا توماربكه‌ت پشتى به‌رى ده‌مه‌كێ كێم شیاى سه‌ركه‌فتنێ ل سه‌ر یانا خیتافى توماربكه‌ت ب دو گولان بێ به‌رامبه‌ر ژ چارچوڤێ یاریێن گه‌را حه‌فتیێ ژ خۆلا ئیسپانیا.
هه‌ژى گوتنێ یه یانا به‌رشه‌لۆنا به‌رى ڤێ یاریێ شه‌ش یارى دخۆلا ئیسپانیا دا ئه‌نجامدابوون كو سێ یارى ژ ده‌رڤه‌ى یاریگه‌ها خوه كربوون كو دو یاریان خوساره‌ت بوو ئێكێ ژى وه‌كهه‌ڤبوو .
ئەڤرۆ نیوز، مەحمود نهێلی:
ئه‌ڤرۆ 28-9-2019 پێشمەرگێ هەردوو شورەشێن ئیلون و گولانێ و ئەندامێ جڤاتا باژێرڤانیا قەدش ، غه‌نی موحەمەد مەحمود تیلەری ژ ئەگەرێ راوەستیانا دلی مالئاڤاهی کر و د رێ و رەسمەکی دا ل گورستانا قەدش ب خاک هاتە سپاردن.
د رێ و رەسمێن خاک سپاردنێ دا عومەر ئورەیی بەرپرسێ لقێ ١٨ یێ پارتی دیموکراتی کوردستانێ دپەیڤەکێ دا، سەرەخوشی ل خوە و مالباتا خودێ ژێ رازی کرن وهەڤخەمیا خوە بو دەربری و گۆت : خودێ ژی رازی ژ مالباتەکا کوردپەروەر هاتیە سەر دونیایێ و ل سالا ١٩٧٤ێ پەیوەندی ب شوەرشا ئیلونێ کریە وەک پێشمەرگەیەکی چاڤنەترس و ل دووڤدا بویە پێشمەرگەیێ شوەرشا گولانێ.
زێدەتر گوت ” غەنی تیلەری” کەسەکی دلسوزێ وەلات و مللەتێ خوە بوو و هەر ل دەستپێکا دامەزراندنا باژێرڤانیا قەدش وەک ئەندامێ جڤاتا باژێرڤانیێ ژلایێ خەلکێ کومەلگەها قەدش ڤە هاتیە هەلبژاراتن و تا رۆژا وەغەر کری بەردەوام بوویە لسەر کارێ خوە ژ بو خزمەتا دەڤەرێ.
ئەڤرۆ نیوز:
سەرۆک مەسعود بارزانی ئەڤرۆ پێشوازی ل بالیۆزێ قەتەر ل عیراقێ خالد حەمەد کر و د هەڤدیتنێ بەحسێ پەیوەندیێن د ناڤبەرا هەرێما کوردستانێ و قەتەر دا هاتنە کرن.
بالیۆزێ قەتەر راگەهاند کو وەلاتێ وی بەرهەڤە د بیاڤێن ئابووری دا پەیوەندیێن خوە ل گەل کوردستانێ باشتر لێ بکەت و سەرۆک بارزانی ژی پشتەڤانیا خوە بۆ هندێ دیار کر.
ئه‌ڤرۆ نيوز:
ئاخفتنكه‌رێ وه‌زاره‌تا ده‌رڤه يا وه‌لاتێ ئه‌مريكا داخواز دكه‌ت زوو شاندێ ئيرانێ وه‌لاتێ وان بجه بهێلن ژ به‌ركو پێدڤى ناكه‌ت ل ئه‌مريكا بمينن.
مورگان ئورتيگا زێده‌تر دياركر چ دى پێدڤى ناكه‌ت حه‌سه‌ن روحانى و شاندێ وه‌لاتێ ئيرانێ ل ئه‌مريكا بمينن ژ به‌ركو ده‌مێ دياركرى بۆ كومبوونا نه‌ته‌وه‌يێن ئێكگرتى ب دووماهى هاتيه له‌ورا داخواز كر زوو شاندێ ئيرانێ ڤه‌گه‌رنه وه‌لاتێ خوه.
نيشاندان