ئەڤرۆ نیوز:
سەرۆک مەسعود بارزانی پێشوازی ل نوونەرێ تایبەت یێ سەرۆکێ ئەمریکا بۆ کاروبارێ سووریێ کر و د روونشتنێ دا بەحسێ رەوشا دەڤەرێ و ب تایبەتی ژی شەرێ ل دژی داعشێ هاتە کرن.
د هەڤدیتنێ دا بەحسێ پاشەرۆژا کوردان ل سووریێ هاتە کرن و جێفری پشتەڤانیا ئەمریکا بۆ رێککەفتنا هەر دو جڤاتێن کوردی یێن رۆژئاڤایێ کوردستانێ دیار کر.
ئەڤرۆ نیوز:
رێڤەبەریا گشتی یا ساخلەمیا پارێزگەها دهۆکێ راگەهاند کو 126
نەخۆشێن دی یێن کۆرۆنایێ covid-19 ل دهۆکێ ب تەمامی چارەسەربوون.
(126) نەخۆشێن دی یێن ڤایرۆسێ کۆرۆنایێ covid-19 ل دهۆکێ کو ل ژێر چارەسەریێ دا بوون ب تەمامی چارەسەربوون.
ب ڤێ چەندێ هژمارا گشتی یا نەخۆشێن چارەسەربووین گەهشتنە 3836 کەسان و نوکە 5751 نەخۆش ماینە ل ژێر چارەسەریێ دا.
ئه‌ڤرۆ نیۆز، عه‌زیز هه‌ورامی
حكوومه‌تی عێرق و كوردستان به‌رده‌وامن له گفتوگۆ بۆ ڕێكه‌وتنی كۆتایی له‌سه‌ر بوودجه و مووچه و كێشه هه‌ڵپسێردراوه‌كانی تر،سه‌رۆكی فڕاكسیۆنی پارتی ده‌ڵێ، گفتووگۆكان به‌رده‌وامن و گه‌شبینین هه‌ردوو حكوومه‌ت بگه‌نه ڕێكه‌وتنێكی زۆر باش.
د.فیان سه‌بری سه‌رۆكی فڕاكسیۆنی پارتی له ئه‌نجوومه‌نی نوێنه‌رانی عێراق به ئه‌ڤرۆ نیۆزی ڕاگه‌یاند:” له ئێسته‌دا وه‌فێكی حكوومه‌تی هه‌رێمی كوردستان له به‌غداییه بۆ گفتوگۆكردن له‌سه‌ر بوودجه‌ی ساڵی 2021 حكوومه‌تی عێراق و به‌شه بوودجه‌ی كوردستان.
هه‌روه‌ها ئاماژه‌ی به‌وه‌كرد:” له ڕۆژانی ئاینده وه‌فێكی باڵای حكوومه‌تی هه‌رێمی كوردستان ده‌گاته به‌غدا بۆ درێژه‌دان به گفتووگۆكانی نێوان هه‌ردوو حكوومه‌ت له‌سه‌ر بوودجه و كێشه‌كانی هه‌ڵپسێدراوه‌كانی تری نێوان هه‌ردوو حكوومه‌ت”.
زیاتر وتی:” له پێوه‌ندییه ته‌له‌فۆنییه‌كه‌ی نێوان سه‌رۆك وه‌زیران مه‌سروور بارزانی و مسته‌فا كازمی و وه سه‌ردانی مسته‌فا كازمی بۆ هه‌رێمی كوردستان و كۆبوونه‌وه‌ی له‌گه‌ڵ به‌رپرسانی باڵای كوردستان، لێكتێگێشتنی باش هه‌یه له نێوان هه‌ردوو حكوومه‌ت بۆ ڕێكه‌وتن”.
وتیشی:” ئه‌و ڕێكه‌وتنه‌ی هه‌یه بۆ سێ مانگ له‌سه‌ر ناردنی مانگانه 320 ملیار دینار بۆ كوردستان وه‌ك خۆی جێبه‌جێ ده‌كرێت”.
سه‌رۆكی فڕاكسیۆنی پارتی ده‌ڵێ:” گه‌شبینین هه‌ردوو حكوومه‌ت بگه‌نه ڕێكه‌وتنێك قاجانزی بۆ هه‌ردوو لاهه‌بێت به‌رده‌وامیش ده‌درێت به ڕێكه‌وتنه‌كه.
ئه‌ڤرۆ نیوز:
ئه‌ندامه‌كا جڤاتا نوونه‌رێن عیراقێ دیاركر لایه‌نێن عیراقی دێ بۆ رێكه‌تنا ل سه‌ر یاسایا هه‌لبژارتنان كۆم بن و ئه‌گه‌ر هه‌یه رێك نه‌كه‌ڤن، پاشی دشیان دا نابیت هه‌لبژارتن بهێنه كرن.
مه‌یاده نه‌جار ئه‌نداما جڤاتا نوونه‌رێن عیراقێ راگه‌هاند ل كۆمبوونا شه‌ڤا بوری یا هه‌ر سێ سه‌رۆكاتیێن عیراقێ ته‌ئكید ل سه‌ر ئه‌نجامدانا هه‌لبژارتنێن پێشوه‌خت ل عیراقێ هاته‌كرن، یاسایا هه‌لبژارتنێن عیراقێ ئاریشه‌یێن زۆر هه‌نه و دڤێت یاسا بهێته راستڤه‌كرن و بریاره ژی هه‌فته‌یا بهێت لایه‌نێن عیراقی ل سه‌ر راستڤه‌كرنێ كۆم بن.
ئه‌نداما جڤاتا نوونه‌رین عیراقێ ئه‌و چه‌نده ژی راگه‌هاند ب پێدڤی دزانین پرسا یاسایا هه‌لبژارتنان و بازنه‌یێن وێ بهێنه ئێكلایكرن، چونكو هه‌كه ئه‌و پرس ئێكلای نه‌بیت ئه‌ڤه هه‌لبژارتن ل ده‌مێ خو یێ دیاریكری دا ناهێنه‌كرن، چونكو پرانیا لایه‌نێن سیاسی بوچون ل سه‌ر بازنه‌یین هه‌لبراتنان هه‌نه، پرسا كوتایا ئافره‌تان و چه‌وانیا هژماركرنا ده‌نگان و ته‌كنیكا هه‌لژارتنان جودایه.
ناڤبریێ ئه‌و چه‌نده ژی دازانین هه‌لبژارتنێن بهێت یێن جڤاتا نوونه‌رین عیراقێ ب بایومه‌تریێ بیت و هه‌موو لایه‌ن ل سه‌ر ئه‌ڤێ د رازی نه.
ئەڤرۆ نیوز، زنار تۆڤی:
ئێکگرتوویا ئیسلامی دا دیار کرن، کو رێککەفتنا پارتی و ئێکگرتوو ل سەر حوکمەتا خۆجهی ل دھۆکێ هاتیە هەلوەشاندن، سەباح عەلی بابیری، سەرۆکێ فراکسیۆنا ئێکگرتوو ل جڤاتا پارێزگەها دهۆکێ بۆ ئەڤرۆ نیوز دیار کر: پارتی ئەو ئاگەهدارکرینە کو دەست ژ پۆستێن خوە ل حوکمەتا خۆجهی یا دهۆکێ بەردەن.
ناڤهاتی گۆت ژی، ل سالا 2016 رێککەفتنەک دناڤبەرا ئێکگرتوویا ئیسلامی و پارتی دیموکراتی کوردستان ل سەر حوکمەتا خۆجهی یا دهۆکێ هاتیە ئیمزا کرن، کو پارتی 25 پۆستێن ئیداری دابوویە ئێکگرتوو، ژ وان ژی ئێکگرتوو 19 پۆست وەرگرتبوون و شەش پۆستێن دیتر مابوون، هەروەسا ئێکگرتوو پۆستێ جێگرێ پارێزگارێ دهۆکێ، دو رێڤەبەرێن گشتی و سێ رێڤەبەرێن ناحیان و چەندین پۆستێن وی وەرگرتبوون.
ناڤهاتی گۆت ژی: مە گەلەک بزاڤ کرن، کو ئەڤ رێککەفتنە نەهێتە هەلوەشاندن و مە حەز دکر ڤێ خولێ تەمام بکەین، هەتاکو هەلبژارتن دهاتنە ئەنجامدان، لێ نوکە ئەڤ رێککەفتنە هاتیە هەلوەشاندن و ئەم ژی دێ هەموو وان پۆستان رادەستی پارتی کەین.
ئەڤرۆ نیوز:
وەزارەتا دەرڤە یا ئەمریکا راگەهاندیه: کو جەیمس جێفری، هنارتیێ تایبەت یێ سەرۆکێ ئەمریکا بۆ هەڤپەیمانیا نێڤدەولەتی ل دژی داعش و نوونەرێ تایبەت یێ ئەمریکا بۆ کاروبارێن سووریێ دێ ل هەولێرێ ل گەل نێچیرڤان بارزانی، سەرۆکێ هەرێما کوردستانێ کۆم بیت.
وەزارەتا دەرڤە یا ئەمریکا د راگەهاندنەکێ دا دەربارەی سەرەدانا جێفری نڤێسیە، کو جەیمس جێفری و بەرپرسێن بلند یێن هەرێما کوردستانا عیراقێ دێ بەحسێ ل هەماهەنگیەکا بەردەوام بۆ دلنیابوون ژ تێکشکاندنا ب ئێکجاری یا داعشێ ل عیراق و سووریێ و بزاڤێن بەردەوام بۆ سەقامگیریێ ل دەڤەرێن هاتینە ئازاد کری کەن.
ئەڤرۆ نیوز، زنار:
غالب محەمەد ئەندامێ پەرلەمانێ عیراقێ دیار کریە: کو حوکمەتا عیراقێ رازیبوویە 50 ملیۆن لیترێن نەفتا سپی بۆ هەرێما كوردستانێ رەوانە بكەت.
ناڤهاتی د مالپەرێ خوە یێ تۆرا فێسبووكی دا بەلاڤكریە: پشتی دانوستاندنان ل گەل كەریم حەتاب جێگرێ وەزیرێ نەفتێ بۆ كاروبارێن دابەشكرنا نەفتێ، ناڤهاتی رازیبوویە ل گەل هاتنا وەرزێ زڤستانێ 50 ملیۆن لیترێن نەفتێ بۆ هەرێما کوردستانێ رەوانە بكەت، دێ بهایێ ئێك لیترا نەفتێ بۆ وەلاتیان (150) دینار بن، بهایێ ئێك بەرمیل دێ 31 هزار و 500 دینار بن.
ئەڤرۆ نیوز، زنار تۆڤی:
پۆلیسێن پارێزگەها دهۆکێ راگەهاندیە: وان شەش کەس دەستەسەرکرینە کو هژمارەکا پارەی و چەک و مۆبایلان ژ خەلکێ دزینە.
هێمن سلێمان پەیڤدارێ پۆلیسێن پارێزگەها دهۆکێ، بۆ ئەڤرۆ نیوز دیار کر: پۆلیسێن نەهێلانا گۆنەهباریان ل پشکا نڤیسینگەها دۆمیز شەش تاوانبار دەستەسەرکرینە کو کارێ دزینا پارەی و چەکی و مۆبایلان د ناڤا مال و مارکێت و جهێن جۆدا دا کرینە.
ناڤهاتی گۆتیە ژی: ئەو تاوانبارە ئاکنجیێن کۆمەلگەها دۆمیز یا سەر ب قەزا سێمێلێ ڤەنە و پرانیا وان سنێلە و گەنجن، لدووڤ مادێن تاوانێن وان دێ سەرەدەری ل گەل دا هێتە کرن.
هەروەسا ئاشکرا کریە: ئەو هەموو پارە و چەک و کەلوپەلێن وان کەسان دزین، ژێ هاتنە وەرگرتن و بۆ خودانێن وان هاتنە ڤەگەراندن.
ئەڤرۆ نیوز:
وەزیرێ هەرێما کوردستانێ بۆ کاروبارێ دانوستاندنان ل گەل بەغدا راگەهاند: هەتا نوکە 320 ملیارێن بەغدا نە خستیە سەر هەژمارا بەنکی یا هەرێمێ، دەربارەی دەڤەرێن ئاریشە ل سەر ژی دبێژیت، پارێزگارێ کەرکوکێ ئاسانکاریان بۆ داگیرکرنا زەڤیێن کوردان ل وێ پارێزگەهێ دکەت.
ناڤهاتی گۆتیه ژی: ئەم ل رێککەفتنا خوە ل گەل حوکمەتا عیراقێ د پێگیرین و ئەو پێگیربوون ژی هەتا پرۆژە قانوونا بۆدجێ ٢٠٢٠ دێ یا بەردەوام بیت، کو چێدبیت د چەند رۆژێنن داهاتی دا بچیتە پەرلەمانێ عیراقێ، هەروەسا هەتا نوکە چ ئاماژە نینە کو حوکمەتا عیراقێ ل دژی شاندنا وی کوژمێ پارەی بیت، لێ هەتا نوکە عیراقێ ئەو پارە نەخستیە سەر هژمارا بانکی یا هەرێمێ.
خالد شوانی دیار کر ژی: پارێزگارێ سەپاندیێ کەرکوکێ رۆلەکێ مەزن دگێریت ژ بۆ تەعریبکرنا وان زەڤیان و ئینانا عەرەبێن هاوردە بۆ سەر وان زەڤیێن جوتیارێن کورد و کارئاسانیێ بۆ دکەت.
ئەڤرۆ نیوز:
رێڤەبەریا پۆلیسێن هەولێرێ دیار کریە: كو خوازوكەك ژ ئالیێ پۆلیسان ڤە هاتیە دەستەسەركرن، ب تنێ د سێ رۆژان دا 13 ملیۆن دینارێن عیراقی ژ خەلكی چێكرینە، هەروەسا هژمارەكا زۆر ژ وان كەسێن خوازوكیێ دكەن، ب هەموو رێیان هەست و سوزێن خەلكی بۆ خوە رادكێشن دا پارەی ژێ چێكەن.
رێڤەبەریا پۆلیسێن هەولێرێ ئامارا شەش هەیڤێن بوری دەربارەی رێژا ئەنجامدانا تاوانان دسنورێ وێ پارێزگەهێدا بەلاڤكر و گۆتیە: د شەش هەیڤان دا پێنچ هزار و 995 تاوانێن جۆدا ل پارێزگەها هەولێرا هاتینە تۆمار كرن، هەروسا 751 خوازوك هاتینە دەستەسەر كرن و هژمارەكا زۆر ژ وان خوازوكان پەنا دبرە بەر هەموو رێیان بۆ راگێشانا هەست و سوزێن خەلكێ دا پارەی ژێ چێكەن، دیسان ئێك ژ وان خوازوكێن هاتینە دەستەسەركرن ب تنێ د دەمێ سێ رۆژان دا 13 ملیۆن دینار ژ خەلكێ چێكرینە.
نيشاندان