ئه‌ڤرۆ نیوز، نه‌وزاد هلۆرى:
ئه‌ڤرۆ سپێدێ ل نێزیك ناحیا چه‌مانكێ ژ ئه‌گه‌رێ ته‌قینا تانكه‌ره‌كێ په‌ترۆلێ كرێكاره‌كێ ئێك ژ كومپانیێن په‌ترۆلێ ل ده‌ڤه‌رێ بناڤێ كامیران حه‌جى گیانێ خوه ژ ده‌ست دا.
نووترين نووچه
- پێدڤییە ئیراق ژ ململانێیێن رۆژهەلاتا ناڤین دوور بكەڤیت
- هیڤیدارم كاربدەست مفای ژ بۆچوون و بڕیارێن كۆڕبەندێ مێپس وەربگرن
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
سهرهكى Twitter
پێنچ تووشبوویێن ئوتیزمێ دخوازن ل قوتابخانێ بخوینن
ئەڤرۆ نیوز، عەلی حاجی:
د داخویانیەکێ دا بەرپرسا سەنتەرێ ژین یێ ئوتیزمێ بۆ ئەڤرۆ نیوز دیار کر دئەڤ سالە دا و دگەل دەست پێکرنا وەرزێ نوویێ خواندنێ مە پێنچ نەخوەشێن ئوتیزمێ ئامادەکرینە دەست ب خواندنا خوە بکەن دناڤ قوتابخانەیان دا و ئەڤە بۆ جار دوویێ یە ئەم ڤی کاری ئەنجام دەین .
زێدەتر پەروین سەعید بۆ بۆ وەرزێ ئەڤ سالەیێ خواندانێ و پشتی وەرگرتنا چارەسەریێن سروشتی ب نەخوەشیا ئوتیزمێ ، پێنچ توشبویێن نەخوەشیا ئوتیزمێ مە بەرھەڤ کرینە کو دەست ب خواندنا تایبەت بکەن دناڤ قوتابخانەیێن دەڤەرا زاخۆدا ئەڤە پشتی وێ یەکێ ھات کو وان کەسان شیانێن بەرسڤ دانێ نەبون و ئەڤە دبیتە بۆ دووەم جار ئەم قوتابیان رەوانە قوتابخانەیان بکەن ،بەلێ ھەتا نوکە سێ قوتابی ھاتینە وەرگرتن بۆ وەرزێ ئەڤ سالە دەست ب خواندنێ بکەن بەلێ مە ئاریشەیا دو توشبویان ھەیە ژبەر مەزنیا ژیێ وان و مە ھەمی ھەولداینە ئەو دو قوتای یە ژی بھێنە وەرگرتن بەلێ ھەتا رازی بون ل سەر نەھاتیە دان .
گوت ژی : رێڤەبەرێ پەروەردا زاخۆ دو رێک داینە بەر مە بۆ وان قوتابیان کو ل خواندنا ئێڤاران ب ھێنە وەرگرتن یان ژی ل قوتابخانەیێن ئەھلی بھێنە وەرگرتن،ئەز دگەل وێ چەندێ نینم ئەو قوتابی ل ئێڤاران بھێنە وەرگرتن ژبەر کو ئەو واستیانا مە ب ڤان زاروویان ڤە بری ھەمی دێ ب ھەروەیی چیت و لەورا ئەم داخاز کەین چارەسەرییەک بۆ وان دو قوتابیان بھێتە دیتن .
دەست ب وەرگرتنا ڤان قوتابیان ھاتە کرن
ئەڤرۆ نیوز، عەلی حاجی:
د داخویانیەکێ رێڤەبەرێ پەروەردا زاخۆ بۆ ئەڤرۆ نیوز دیار کر د نوکە دا وان لژنەیەک ل رێڤەبەریا پەروەردا زاخۆ دروست کری یە بۆ وەرگرتنا قوتابیێن ژ دەرڤە دھێن بۆ وەرگرتنا وان قوتابیان د ناڤ قوتابخانەیێن ھەرێما کوردستانێ دا و ئەو لژنە ژی دەست ب کاربوویە .
زێدەتر نەزیر یوسف گۆت: ئەو لژنە دێ بۆ ماوێ 15 رۆژان بەردەوام بیت و دەست ب وەرگرتنا وان قوتابیان کەت یێ نەشیایین خواندنا خوە بەردەوام بکەن ژ دەرڤەیی کوردستانێ و دڤێن خواندنا خوە بەردەوام بکەن د ناڤ قوتابخانێن کوردستانێ دا، ئەو قوتابی دھێنە وەرگرتن پشتی کو بەلگەنامەیەکا فەرمی رادەستی لژنێ دکەن کو ب سەلمینیت ئەو قوتابی ل پولا چەندێ بوویە، ھەر دیسان لژنە ژ نێزیک ڤە ژی سەحدکەتە ئاستێ وی قوتابی و ھەکە ئاستێ وی نەیێ وێ پولێ بیت ئەو قوتابی دێ بۆ پولەکا دی ھێتە پاشئێخستن و ئەو قوتابیێ دھێتە وەرگرتن ژی ھەر قوتابخانەکا بڤێت دشێت بخوینیت و بەردەوام بیت ل سەر خواندنا خوە د ناڤ قوتابخانان دا.
گۆت ژی: د ناڤ ھەموو قوتابخانێن سنورێ رێڤەبەریا پەروەردا زاخۆ ئاوارە و پەنابەر ھەنە و ب چو رەنگان مە قوتابخانێن وان جودا نەکرینە و ب رێژەیەکا زۆر یا قوتابیێن ئاوارە و پەنابەر د ناڤ قوتابخانەیێن ب زمانێن کوردی و عەرەبی و ئینگلیزیێ بەردەوامیێ ددەنە خواندنا خوە بێ چو ئاریشەیەک و ئەڤ سالە ژی ل گورەی ھاتنا ژمارەیا قوتابیان دێ ھێنە وەرگرتن.
ل دەمێ دیتنا ڤان نیشانا ل دەف زارۆی پێدڤیە ببەیە نوشداری
نۆش نیوز:
زارۆ ھەمی دەما پێدڤی ب گرنگی دانێ ھەیە و پێدڤیە لسەر سەمیانێت زارۆیا دەیک و باب ھەمی دەما چاڤێن وان لسەر زارۆیێن وان بیت و ئاگەھدار بن ژ ھەر گوھرینەکێ لسەر زارۆ دروست دبیت، ل دەمێ دیتنا ڤان نیشانا ل دەف زارۆی پێدڤیە زووترین دەم سەرەدانی نوشدارێ بکەی.
ئێک: ھەر دەمێ تە ھەست کر پنیەک لسەر پیستێ زارۆی ھەی و بەردەوام مەزن دبیت، یان رەنگێ پیستێ زارۆی گوھرین بسەر دا دھێت باشترە سەرەدانی نوشدارێ تایبەتمەند بکەی دا کو بزانیت چ ئاریشە ھەی و چارەسەری بۆ بھێتە کرن.
دو: ئەگەر پرچا زارۆی ب رێژەیەکا زۆر وەریا بێ دیار بوونا ھیچ نیشانەیەکا دی، گەلەکا پێدڤیە زاروی ببەی سەرەدانی نوشدارێ تایبەتمەند بکەی چێ دبیت ئەگەری ڤێ چەندێ کێم بوونا ڤیتامیناتا بیت د لەشێ زارۆی دا.
سێ : گوھرین ژ نیشکەکێڤە ل رەفتارێن زارۆی دا وەکی ژ نیشکەکێ ڤە تورە بیت و ھەست ب ماندیبوونێ بکەت، یان کێشا لەشێ ب رێژەیەکا گەلەک زێدە بیت یان کێم بیت، ئەڤە وێ چەندێ دیار دکەت کو ئاریشەک د ساخلەمیا زارۆی دا ھەی و پێدڤیە ب زووترین دەم نیشانێن ڤی حالەتی بۆ نوشداری دەیە دیارکرن دا چارەسەریا زارۆی بکەت.
چار: ئەو دەمێ زارۆی تە برێژەیەکا زۆر ئاڤێ ڤەدخوت، مەرج نینە ھەمی دەما نیشانێن نەخوشیێ بیت، بەلێ باشترە نیشانێن ڤی حالەتی بۆ نوشداری بێژی، ژبەرکو چێ دبیت نەخوشیا شەکرێ ھەبیت یان ئاریشەیەک د پیستی دا ھەبیت.
پێنج: خرخر یان دەنگێ خرخرا زارۆی دەمێ نڤستنا ئاسایی دان، ئەگەر ھندەک جاران ئەف حالەتە دەف زارۆی پەیدا بوو، ئەو خڕخڕ بشێوەیەکێ بەردەوام بوو ل دەمێ نڤستنێ دا پێدڤیە نوشدارێ تایبەتمەند ڤێ نەخوشیێ زارۆی ببینیت ژبەرکو چێ دبیت ئاریشەک ل دەفنا زاروێ ھەبیت.
ھەڤژینێ من بازرگانە و پەیوەندی ل گەل ژنان ھەنە
ئه‌ڤرۆ نيوز:
ژنەکا 28 سالی دلێ خوە بۆ ئەڤرۆ ڤەدکەت و دبێژیت: د ژیێ 20 سالیێ دا من و کەسەکی حەز ژ ئێکدو دکر، بەلێ ئەز بو خوە نەخواستم، پشتی ھینگێ خوازگینێن من ھاتن و ب بریارا مالباتا خوە من شوو کر، پشتی دو ھەفتی ل سەر شەھیانا من بوری، ئەو کەسێ من حەز ژێ دکر ھاتە مالا زەلامێ من و گۆتێ ھەڤژینا تە دەزگرا منە و بەردە، زەلامێ من ژی گەلەک تورە بو ئەز بەردام، ئەڤیندارێ من خیانەت لمن نەکر و مە ھەڤژینی پێکئینا، ئەو بازرگانە و خودان ھەڤژینە و چار زارۆ ھەنە، لێ ژبەر ڤێ چەندا وی کری خێزانا من تەرکا من کر، زەلامێ من گەلەک حەز ژ من دکەت و من کورەک ژێ ھەیە، ئەز و ھەویا خوە گەلێک ناژین، بەلێ ئاریشا من ئەوە زەلامێ من بازرگانە و دچیتە دەرڤە ھاتن و چونێ زور دکەت و گەلەک پەیوەندیێن ل گەل ژنان ھەین، ھەروەسا گەلەک پەیچ بناڤێ خوە چێکرینە ل فسێسبوکی، ئنستگرامی.. و تێلەفونا خوە ژ من ڤەدشێریت و پاسورد دانایە سەر، ئەز گەلەک دووڤچونا وی دکەم و زور تێلەفونا بو دکەم و ئەز دناخێ خوە دا دسوژم، ژبەرکو دزانم خیانەتێ دکەت، ھەکو ئەز ڤان تشتا دبێژمێ ئەو ب ئاخفتنێن خوش من رازی دکەت و ھەر یێ بەردەوامە ل سەر ڤێ چەندێ، لەوما ھندەک جارا ھزرا بەردانێ دکەم، ئەڤجا ھیڤیدارم ھوون چ دبێژن و ئەز چ بکەم؟
خانما ھێژا
ھزر کرن د بەردانێ دا یا شاشە، ژبەرکو ھێشتا تو بووک بوی دەمێ ھاتیە بەردان و خێزان و کەس و کارێن تە تەرکا تە کریە، دێ چیە کیڤە و چاوا ژی دەمێ دھێیە بەردان، ھزرا کورێ خوە بکە دێ ئەو بیتە قوربانی، لەوما نابیت تو ھزر د ڤێ چەندێ دا بکەی، ژبەرکو د جڤاکێ کوردەواری دا ب زەحمەتە ژنا بەردای بتنێ بژیت حەتا ھەکە کورێ تە ژی ل گەل تە بیت تو نەشێی بتنێ بژی، ژلایەکێ دیڤە مادەم زەلامێ تە حەز ژ تە و کورێ تە دکەت و چ کێماسیا ل ھەوە ناھێلیت و یێ خراب نینە ل گەل تە، بزاڤێ بکە دووڤچونا وی نەکەی و ڤی کاری تەرک بکە، تو وەک ژن دڤێت ب ئەرکێ خوە راببی و گرنگیێ ب کارێن خوە بدەی و کورێ خوە ب باشترین شێوە پەروەردە بکەی، ھەروەسا خوە مژوول بکە ب پەرتوک و روژنامە و گوڤاراڤە، جار جارا دەرکەڤە و ھەرە وەرزشێ و بازاری و ھەرە گەریانا ل گەل ھەڤالێن خوە دا ھزرا تە مژوول ببیت و خوە کونترول بکە، نەک ھەموو فوکس و ھزرا خوە بێخیە سەر ھەڤژینێ خوە، ھەکە تو وەبکەی دێ تووشی ئاریشێن دەروونی بی، زەلامی ھەکە بڤێت خیانەتێ بکەت دێ کەت و چ ھزرا ژی بو تە ناکەت، ئەڤجا تەحەمولێ بکە و گرنگیێ ب ھەڤژینێ خوە بدە و ڤی بابەتی پشتگوە بێخە دا ئەو ژی ھەست ب خەلەتیا خوە بکەت و تو پتر ل بەر شرین ببی رەنگە ھوسا ڤی تشتی بھێلیت نەھێلە ئەڤ چەندە پەیوەندیا ھەوە یا ھەڤژینیێ سار و لاواز بکەت.
شوفێرى گيانێ خوه ژ ده‌ست دا
ئه‌ڤرۆ نيوز، بارزان مزوورى:
موقه‌دمێ ماف، ئازاد تاھا، بەرپرسێ پەیوەندی و راگەھاندنا رێڤەبەریا پولیسێن ھاتنوچوونا پارێزگەھا دھۆکێ بۆ ئەڤرۆ نیوز گۆت: “ئه‌ڤرۆ دەمژمێر 7ى سپێدێ رێکەفتی ۲۳/۹/۲۰۱۹ ل سەر رێيا سەرەکیا دھۆک بۆ شێخان ل نێزیک گوندێ بێتنار ل نێزیک سەنتەرێ شێخان ترۆمبێلەک ژ جورێ قەلاب وەرگەریا د ئەنجام دا شۆفێرێ ترومبێلێ يێ 55 سالى گیانێ خۆ ژ دەست دا و تەرمێ وی بۆ نەخوشخانا تەنگاڤیا شێخان ھات ڤەگوھاستن و پاشان ژى بۆ نوشداریا داد ل پارێزگەھا دھۆک هاته ره‌وانه‌كرن
كلچدار ئوغلۆ: ئازادنه‌كرنا ده‌ميرتاش كاره‌ساته
ئه‌ڤرۆ نيوز:
سه‌رۆكێ گشتى يێ جه‌هه‌پێ راگه‌هاند كو ئازادنه‌كرنا ده‌ميرتاش كاره‌ساته‌كا قانوونى يه ل توركيا و داخواز دكه‌ت كو چاكسازى ل دادگه‌هان و پرۆژێ قانوونا لێبۆرينا گشتى ل توركيا بهێته كرن.
كه‌مال كلچدار ئوغلۆ، سه‌رۆكێ گشتى يێ پارتيا گه‌ل يا كۆمارى (جه‌هه‌په) بۆ رۆژناما جمهوريه‌ت يا توركى گۆت: “پێدڤيه د ماوه‌كێ نێزيك دا، چاكسازى د دادگه‌هـ و پرۆژێن قانوونا لێبۆرينا گشتى ل په‌رله‌مانێ توركيا دا بهێنه كرن و ببنه رۆژه‌ڤ”.
گۆتژى: “ب هزاران له‌شكر و قوتابى ژ به‌ر چه‌ند تۆمه‌تان ل توركيا هاتينه ده‌سته‌سه‌ركرن و نها توركيا بوويه ئێك ژ وه‌لاتێن نه‌يێن دادپه‌روه‌ر”.
ئاماژه ب وێ چه‌ندێ ژى كر كو پێدڤيه سه‌لاحه‌دين ده‌ميرتاش هه‌ڤسه‌رۆكێ به‌رێ يێ هه‌ده‌پێ بهێته ئازادكرن، “ئازادنه‌كرنا ده‌ميرتاش كاره‌ساته‌كا قانوونى يه ل توركيا”.
ئه‌نوه‌ر شێخانى چو به‌ر دلۆڤانيا خودێ
ئه‌ڤرۆ نيوز:
به‌رى ده‌مه‌كێ كێم هۆنه‌رمه‌ندێ ناڤدارێ وارێ شانۆ و دراما و فلمێن كوردى، ئه‌نوه‌ر شێخانى، ل هه‌ولێر چو به‌ر دلۆڤانيا خودێ.
ب گۆره‌ى كه‌سه‌كێ نێزيك هۆنه‌رمه‌ندى، هۆنه‌رمه‌ند ئه‌نوه‌ر شێخانى چه‌ندين سال بوو تووشى نه‌خۆشيا شێرپه‌نجێ بوويى و ئه‌ڤرۆ سپێدێ چو به‌ر دلۆڤانيا خودێ.
ناڤبرى ل سالا 1951ێ ژ دايك بوويه و ل 19 ساليێ ده‌ست ب كارێ شانۆيێ كريه و پشكدارى د زێده‌ترى 60 شانۆگه‌ريان و 10 فلمێن سينه‌مايى دا كريه و خودانێ چه‌ندين خه‌لاتايه.
ئێك بوويه ژ دامه‌زرێنه‌رێن كۆمه‌لا هۆنه‌رمه‌ندێن كوردستانێ/ هه‌ولێر. ديستا ده‌سته‌يا دامه‌زرێنه‌رێن كوردستان تى ڤى بوويه. ئه‌ندامێ ده‌سته‌يا دامه‌زرێنه‌رێن سه‌نيدا هۆنه‌رمه‌ندێ كوردستانێ بوويه و 1998ێ وه‌كو سكرتێرێ گشتى يێ سه‌نديكايێ هاتيه هه‌لبژارتن.
شەش سالە جاددەیەک ل ھیزاوا نەھاتیە تەمام کرن
ئەڤرۆ نیوز، عەلی حاجی :
نێزیکی شەش سالایە جاددەیەک دناڤ تاخێ چەلکێ دا ل کومەلگەھا ھیزاوا نەھاتیە قیرکرن و کێشەیێن مەزن ژی ل وەرزێ زڤستانێ دا بۆ ھاولاتیێن وی تاخی دروست دکەت و چەندین جاران ژی داخازا دروست کرنا وێ جاددەیێ ھاتیە کرن بەلێ دروست کرنا وێ مایە ھەلاویستی .
ل دور ڤێ چەندێ زێرەڤان موسا رێڤەبەرێ ناحیا دەرکارێ بۆ ئەڤرۆ نیوز دیار کر ئەڤ جاددەیە ل تاخێ ھیزاوایە و نێزیکی شەش سالایە کار تێدا ھاتیە راوەستاندن ژبەر ھەبونا قەیرانا دارایی و ھەتا نوکە کومپانیا رادبیت ب دروست کرنا وێ جاددەیی خوە ژکاری نەکێشایە و ھێشتا دروست کرنا پروژەیی گرێدایە ب کومپانیا جێبەجێ کار ڤە ، ئەم ژی چاڤەرێنە کو ئەڤ جاددەیە بۆ سالێن بھێت بھێتە دروست کرن کو چو ب بودجەیا گەشپێدانا ھەرێمێ بیت یان ژی بودجەیەکا دی بیت بۆ دوبارە کار کرن ل سەر ڤی پروژەیی بھێتە کرن،نەبتنێ ئەڤ جاددەیە بتنێ دناڤ سەنتەرێ وێ کومەلگەھێ دا نەھاتیە دروست کرن بەلکو جاددەیەکا دیتر ژی ھەمان کێشە ھەیە .
گوت ژی : خەلک بەردەوام گازندە ژ نەدروست کرنا وێ جاددەیێ دکەت و وەکو کارگێریا ناحیا دەرکارێ مە ئەڤ پروژەیە کری یە دناڤ پلانا خوە یا کاری دا و ئەم ژی چاڤەرێ نە بودجەیەک بۆ بھێتە تەرخان کرن دا کو دوبارە کار تێدا بھێتە کرن و ئێدی ھاولاتی ژی ھەست ب نەخوەشیێ نەکەن ل وەرزێ زڤستانێ دا.
ب وێنه – گه‌نجه‌كێ دهۆكێ ب پێنوسێ رساس وێنێن سه‌یر دروستكرینه
نيشاندان
WP Facebook Auto Publish Powered By : XYZScripts.com