ئەڤرۆ نیوز:
سەرۆکێ گشتی یێ پارتیا سەعادەتێ تەمەل کەرەموللا ئوگلۆ راگەهاند کو وی د هەڤدیتنا خوە یا ل گەل سەرۆک کۆمارێ تورکیا دا داخوازا ئازادکرنا سەلاحەدین دەمیرتاش هەڤسەرۆکێ بەرێ یێ هەدەپێ کریە.
ناڤهاتی راگەهاند کو دڤێت دادگەه بریارێن سەربخوە بدەن و ئازادکرنا دەمیرتاشی د بەرژەوەندیا هەموو تورکیا دایە و ئەم نها چاڤەرێین دا بزانین کا دێ بریارا دووماهیێ یا دادگەهێ چ بیت.
ئەڤرۆ نیوز، عەلی حاجی :
ل گوره‌ی راگەھاندنەکێ ژ دەروازا نێڤدەولەتیا ئیبراھیم خەلیل ھاتنا ھنگڤینی ژ دەرڤەی کوردستانێ بۆ ناڤ کوردستانێ ب رێیا دەروازا ناڤبری ڤە ھەر ژ رێکەڤتی ٢٥/٩/٢٠١٩ ھاتە قەدەغە کرن و نابیت ئێدی ھنگڤین بھێتە دناڤ ئاخا ھەرێما کوردستانێ دا.
ھەر ل وێ راگەھاندنێ دا ھاتیە ئەڤ بریارە ل گوری نڤێسارەکا وەزارەتا کشتولی و ژێدەرێن ئاڤێ یە بۆ ھنگڤینێ شەما و بێ شەما و ئەڤ بریارە ژبەر وێ چەندێ یە کو زێدەتر پشتەڤانی ل بەرھەمێن ناڤخویی بھێتە گرتن.
ئەڤرۆ نیوز:
سەرۆکێ حوکمەتا هەرێما کوردستانێ مەسرور بارزانی پێشوازی ل ماتیۆ تولەر بالیۆزێ ئەمریکا ل عیراقێ کر و د هەڤدیتنێ دا بالیۆزێ ئەمریکا دیار کر پێشڤەچوونێن باش د ناڤبەرا هەولێرێ و بەغدایێ هەنە و ئەمریکا پشتەڤانیێ ل چارەسەرکرنا ئاریشان دکەت.
ژ ئالیێ خوە ڤە سەرۆکێ حوکمەتا هەرێما کوردستانێ ژی دیار کر کو مە چەندین بژاردە بۆ چارەسەرکرنا ئاریشان دیار کرینە و مە دڤێت ئاریشێن خوە ل گەل عیراقێ ب رێیا دستووری چارەسەر بکەین.
ئەڤرۆ نیوز ، زنار تۆڤی:
شەڤا بوری وه‌رزێ نوویێ چامپیۆنزلیگێ ده‌ستپێكر و 8 یاری برێڤە‌چوون، کو هندەک ژ وان یاریان گەلەک ب هێزبوون، ئه‌ڤ شەڤە ژی 8 یاریێن دیتر دێ هێنە ئەنجامدان، ئه‌ڤ شەڤە پتریا سه‌رنجان دێ بەرێ خوە دەنە یاریگه‌ها واندا میترۆپۆلیتانۆ ل مه‌دریدا پایته‌ختێ ئیسپانیا، كو یانا ئەتلەتیكۆ مه‌درید دێ ل سه‌ر وێ یاریگه‌هێ مێهڤانداریا یانا یوڤێنتوس یا ئیتالی کەت، دیسان یاریا پاریس سانجێرمان و ریال مەدرید ژی دێ یاریەکا گەلەک خۆش و ب هێز بیت، یاریێن ئەڤ شەڤە ب ڤی رەنگینە: كلۆب برۆج ـ گا‌لاتا سارای 19:55 ئۆلمپیاكۆس ـ تۆتنهام 19:55 ئەتلەتیكۆ مه‌درید ـ یوڤێنتوس 22:00 بایر لیڤه‌ركۆزن ـ لۆكۆمۆتیڤ مۆسكۆ 22:00 بایرن میونشن ـ سرڤینا زڤیدا 22:00 پاریس سانجێرمان ـ ریال مه‌درید 22:00 دینامۆ زاگرب ـ ئه‌تلانتا 22:00 شاختار ـ مانچێسته‌ر سیتی 22:00
ئەڤرۆ نیوز، زنار تۆڤی:
ب فەرمانا مه‌سرور بارزانى سەرۆک وەزیرێن هەرێما کوردستانێ، خالد شوانی بۆ برێڤەبرنا دۆسیا دانوستاندنێن د ناڤبەرا حوکمەتا هەرێما كوردستانێ و حوکمەتا عێراقێ هاتە دەستنیشانكرن. خالد شوانی ئەڤرۆ چارشەمبی 18-9-2019 د کۆمبوونا جڤاتا وەزیران و ب فەرمانا مەسرور بارزانی، سەرۆک وەزیرێن هەرێما کوردستانێ ئەو پۆستە نوو وەرگرت. هەروەسا خالد شوانی دێ ڤی کاری کەت، ب هەماهەنگی ل گەل سەرۆکێ دیوانێ و سکرتێرێ جڤاتا وەزیران، دیسان سەرۆکاتیا حوکمەتێ راگەهاندیە، ئەم فەرمانە ل رێکەفتا دەرچوونێ دێ هێتە جێبەجێ کرن.
ئەڤرۆ نیوز:
ئەڤرۆ سەرۆک مەسعود بارزانی پێشوازی ل د. بەرهەم سالح سەرۆک کۆمارێ عیراقێ و شاندێ د گەل دا کر کو ژ د. فوئاد حسێن جێگرێ سەرۆک وەزیران و وەزیرێ دارایێ و هژمارەکا شیرەتکاران پێکهاتبوو.
د کۆمبوونێ دا بەحسێ ئاریشێن د ناڤبەرا هەولێرێ و بەغدایێ و چاوانیا چارەسەرکرنا وان هاتە کرن، هەروەسا مەترسیا داعشێ و گرۆپێن دی یێن تیرۆرستی ل عیراقێ ژی بابەتەکێ دی یێ کۆمبوونا سەرۆک بارزانی ل گەل سەرۆک کۆمار و شاندێ حوکمەتا عیراقێ بوو.
ئەڤرۆ نیوز ، زنار تۆڤی:
د. دارا ڕەشید وەزیرێ پلاندانانا حكومەتا هەرێمێ دیارکر: کو كێشێن دناڤبەرا هەرێم و بەغدا ل سەر بودجەی و كێشا وێ نەفتێ بوو كو 250 هزار بەرمیل بوو، لدووڤ پرۆژەقانوونا بودجێ سالا 2019 نەفتێ ڤرێکەت یان نەڤرێکەت، پێدڤیە بودجە بهێتە رەوانە کرن بەلێ دشێت پارێ وان 250 هزار بەرمیلان ڤەگەرینیت د بودجێ سالا 2019 ب ڤی رەنگی هاتە جێبەجێ كرن.
دەربارەی بزاڤێن هەرێمێ د پرۆژە قانوونا بودجێ سالا داهاتی دا، د. دارا ڕەشید ئاماژێ ب هندێ ددەت، کو ئەم یێ نێزیکی سالا 2020 دبین و هەموو كۆمبوون ژی بۆ هندێ نە کو بشێین د بودجێ سالا 2020 كێشەیان چارەسەر بکەین ب تەمامی بۆ هندێ بگەهینە رێكکەفتنێ و خۆشبەختانە نێزیك بونەکا زۆر باش هەیە دناڤبەرا هەردو ئالیان ب رەنگەکێ کو د بودجا سالا 2019 رێكکەفتنەک هەبوو دناڤبەرا مە و وان دا، كێشە ژ 250 هزار بەرمیلێن نەفتێ بوو، کو هەرێمێ نەفت نە هنارت.
وەزیرێ پلاندانانێ گۆت ژی: بۆ تێپەراندنا پرۆژە قانوونا بودجێ سالا 2020 هەموو بزاڤان دکەین کو ئەڤ كێشە نەمینن، ب رەنگەکێ نەفت بهێتە هنارتن، یان ژی ب تەمامی ئەڤ کێشە بهێتە چارەسەر کرن، بۆ هندێ پارە ب تەمامی بهێتە هنارتن، کو مووچێ پێشمەرگە و بودجێ گەشەپێدانێ و شایستێن دارایی یێن هەرێما كوردستانێ ب خوەڤە دگریت.
هەروەسا د.دارا رەشیدی دیار کر ژی: هەر ل دەستپێکا كابینا نەهێ، هەرێم یا جدی بوو ل سەر هندێ کو ل گەل بەغدا بگەهیتە چارەسەریێ، د ئێکەم كۆمبوونا جڤاتا وەزیران و پاشی وەفدەکێ بلند ب سەرۆكاتیا سەرۆكێ حوکمەت و جێگرێ سەرۆكێ حوکمەتێ سەرەدانا بەغدا كر و مە نیازپاکیا خوە بۆ وان نیشاندا، وەك حوکمەتا هەرێمێ د ئامادەینە بۆ رێكکەفتنێ.
دەربارەی چوونا وەفدێ هەرێمێ بۆ بەغدا د ڤێ حەفتیێ دا، وەزیرێ پلاندانانێ ئاماژێ ب هندێ دکەت، کو بریاربوو دوهی وەفدەک كو ئەو ژی ئەندام بوو سەرەدانا بەغدا بكەت، بەلێ بەغدا دەستپێشخەر كر و سەرۆك كۆمار و جێگرێ سەرۆك وەزیران و وەزیرێ دارایی یێ عیراقێ سەرەدانا هەرێمێ كریە و بریارە سەرۆكێ جڤاتا نوونەران ژی سەرەدانا هەولێرێ بكەت، ئەڤە ژی وێ چەندێ دیار دکەت، کو لێک نێزیك بوونەکا باش هەیە و بزاڤێن جددی دهێنە دا بۆ رێكکەفتنێ.
ئەڤرۆ نیوز:
هێزێن ئەمریکا ل باژێرێ قامشلۆ یێ رۆژئاڤایێ کوردستانێ بنگەهەکێ مەزن یێ ئەسمانی ئاڤا کرینە و بریارە فرۆکێن شەری و کۆپتەر تێدا بهێنە بجهکرن.
بەرپرسەکێ یەپەگێ ژی دیار کریە کو هەبوونا ئەمریکا ل دەڤەرێ بۆ پاراستنا کوردان گرنگە و ئاڤاکرنا وان بنگەهان ژی بۆ مە باشە و هەتا ئەمریکی ل رۆژئاڤایێ کوردستان بن چو هێزەک نەشێت ب ساناهی هێرشی کوردان بکەت.
نيشاندان