ئەڤرۆ نیوز:
ئەڤرۆ تەرمێ گەنجێ هەولێر ل گەلیێ شێرانە هاتە دیتن و ب گۆرەی پێزانینێن دەستپێکی یێ د چیایی دا فری.
مەحمود نهێلی پەیامنێرێ ئەڤرۆ نیوز ل دەڤەرا ئامێدیێ راگەهاند کو خێزانا وی گەنجی هاتە ئاگەهدارکرن کو تەرمێ وی ل گەلیێ شێرانە هاتیە دیتن.
زێدەتر گۆت: نها تەرمێ وی یێ بەر ب نەخۆشخانا دێرالۆک یێ ساخلەمیا دەستپێکی و دهێتە پێشبینیکرن بۆ نوشداریا داد ل دهۆکێ بهێتە رەوانەکرن.
ئه‌ڤرۆ نیوز، زنار تۆڤى:
ده‌رهێنه‌رێ كورد سه‌هیم عۆمه‌ر خه‌لیفه، بۆ ئه‌ڤرۆ نیوز دیار كر: ئه‌ڤ ساله وى ب فلمه‌كێ دكیۆمێنتارى ب ناڤێ ” گۆشه‌كا مۆلێنبێك”، كو پشكه‌كه ژ برۆكسل پشكدارى د فلمه فیسته‌ڤالا دهۆكێ دا كریه، هه‌روه‌سا فلمه فیسته‌ڤالا دهۆكێ ئێكه ژ فیسته‌ڤالێن هه‌ره باش، چونكى ب ڤێ رێكێ ئه‌م هه‌موو ده‌رهێنه‌ر و ئه‌كته‌ر و فلمسازێن كورد و بیانى ئێك دبینین و هه‌ڤنیاسینه‌كا باش ژى دناڤبه‌را مه دا دروست دبیت، ئه‌ڤ باشترین ده‌لیڤه بۆ مه.
ناڤهاتى گۆت ژى: ئه‌ڤه جارا شه‌شێ یه ئه‌و پشكداریێ د فلمه فیسته‌ڤالا دهۆكێ دا دكه‌ت، هه‌روه‌سا ب دیتنا وى د هه‌موو فیسته‌ڤالێن جیهانى ژى دا كێماسى هه‌نه، هه‌ر چه‌نده د یا دهۆكێ ژى دا كێماسى هه‌نه، لێ سه‌ره‌راى هندێ فیسته‌ڤالا دهۆكێ باشترین فلمه فیسته‌ڤالا كوردى یه و ستانداردێن وێ گه‌له‌ك نێزیكى یێن جیهانى نه و تشتێن گه‌له‌ك باش تێدا هه‌نه، چونكى گه‌له‌ك ووركشۆپ و پانێل هه‌نه و گه‌له‌ك ده‌رهێنه‌رێن جیهانى و فلمێن باش تێدا پشكدارن، دیسان د ئالیێ راگه‌هاندنێ ژى دا گه‌له‌ك گرنگى پێ دهێته دان، هه‌روه‌سا ئه‌ڤ ساله وه‌ك رێكخستن و هاتنا مێهڤانان گه‌له‌ك ژ سالا بورى باشتره، سال بۆ سالێ فیسته‌ڤالا دهۆكێ باشتره.
ئه‌و ده‌رهێنه‌رێ كورد زێده‌تر دبێژیت: پێدڤیه د ئالیێ پێشه‌وازیا مێهڤانان دا پتر گرنگى پێ بهێته دان، دڤێت د ڤان فیسته‌ڤالان دا گه‌نجێن مه فێر ببنه سینه‌مایێ و فلمسازیێ و هه‌موو وارێن دیتر و گه‌له‌ك ووركشۆپ بهێنه ئه‌نجامدان، دڤێت ئه‌م خه‌لكێ خوه فێر بكه‌نه چاوانیا چێكرنا فلمان و داهێنانێن سینه‌مایى، هه‌ر چه‌نده سالانه گه‌له‌ك فلم ناهێنه چێكرن، له‌وما ستێرێن سینه‌مایێ یێن باش چێنابن، لێ هه‌كه سالانه گه‌له‌ك فلم بهێنه چێكرن، دێ مه ستیرێن باش ژى هه‌بن، هه‌روه‌سا سینه‌ما كوردى یا باشه، لێ وه‌كو پێدڤى فلمێن كوردى ناهێنه چێكرن، دیسا هه‌تا نوكه وه‌كو پێدڤى هۆلێن سینه‌مایى ژى نینن، دیسان دڤێت بزاڤ بهێنه كرن، كو ئێدى خه‌لكێ مه حه‌ز ژ سینه‌مایێ بكه‌ن و بهێنه به‌رێ خوه بده‌نه فلمان، هه‌روه‌سا هه‌كه ب رێژه‌كا باش فلمێن كوردى بهێنه چێكرن دێ رۆلێ ژنێ ژى پتر هێته نیشاندان و ئه‌كته‌رێن ژن ژى دێ گه‌هنه ئاسته‌كێ هه‌ره بلند د سینه‌ما كوردى دا.
ئه‌ڤرۆ نیوز ، زنار تۆڤى:
ژ چالاكیێن رۆژا پێنجێ یێن فلمه فیسته‌ڤالا دهۆكێ ئه‌ڤرۆ ئه‌ینییێ 13 ئیلۆنا 2019 ل هه‌ر سێ هۆلێن سینه‌ماكس و هۆلا كۆنفرانسان ل دهۆكێ 32 فلم دێ هێنه نیشاندان و پانێله‌ك ژى دێ هێته ئه‌نجامدان.
ل ده‌م ژمێر 11 سپێدێ ئه‌ڤ فلمه دێ ل هۆلێن سینه‌ماكس ل دهۆك مۆل هێنه نیشاندان، ئه‌و ژى فلمێن ” بله‌د ، رێد لاند” و كورته فلمێن جیهانى ” سه‌ن ئۆف ئ دانسه‌ر ، هالف دۆگ ، ئۆن سێرزده‌ى وى ئار فرى ، فێرست ئه‌كت ، كه‌له‌ر بلیند” و هه‌روه‌سا كورته فلمێن كوردى” ئێكسزتێنس ئین نۆسینگ ، زه شیپ هێرد ، كه‌لیمه ، زه ورن بیك ئۆف زه كره‌و، زه ماندارین ترى، كۆماند”، ل هۆلا كونفرانسان ژى دێ پانه‌لێ ” ئه كوردیش نه‌شنال فلم ماركه‌ت” هێته گێران.
ل ده‌مژمێر 3 پشتى نیڤرۆ دێ فلمێن ” ئیزه‌ر” و كورته فلمێن جیهانى ” بیرَد بۆى، ریكونسترێكشن، سالت پیپه‌ر تۆ تێست، مشكۆ ، فاتیا” و فلمێ ” كورنه‌ره‌د ئین مۆلنبێك” ل هۆلێن سینه‌ماكس ل دهۆك مۆل هێنه نیشاندان، هه‌روه‌سا فلمێ درێژ ” ئه بورنینك سیسن” ل هۆلا كۆنفرانسان هێته نیشاندان.
ل ده‌مژمێر 5 ئێڤارى دێ فلمێن درێژ ” ئیڤرى هاوس ئیس ئه سكۆل” و فلمێ ” برازه‌ر ” و فلمێ ” ئین ماى بله‌د ئیت ره‌نس ” ل هۆلێن سینه‌ماكس ل دهۆك مۆل هێنه نیشاندان و فلمێ ” پاسد باى سێنسور” دێ ل هۆلا كونفرانسان هێته نیشاندان.
ل ده‌مژمێر 7 مه‌غره‌ب دێ فلمێن درێژ ” دایان ” و فلمێ ” ئه‌ند زێن وى دانسد” و فلمێ ” هیرۆس” ل هۆلێن سینه‌ماكس ل دهۆك مۆل هێنه نیشاندان، ل هۆلا كۆنفرانسان دێ فلمێ” سه‌ن ئۆف بابلیۆن” هێته نیشاندان.
هه‌روه‌سا ل ده‌مژمێر 9 شه‌ڤ دێ فلمێن ” سمۆك” و فلمێ ” بیردس ئۆف پاسێج” و فلمێ ” وه‌ت یۆ گۆنا دۆ وێن زه وردس ئۆن فایر” ل هۆلێن سینه‌ماكس ل دهۆك مۆل هێنه نیشاندان.
ئەڤرۆ نیوز،عەلی حاجی :
بەرپرسێ لقا زاخۆ یا ئێکەتایا قوتابیێن كوردستانێ، ئه‌حمه‌د سه‌عيد بۆ ئەڤرۆ نیوز دیار کر ھندەک کەس ب فورمێن زانکولاین بازرگانیێ ب قوتابیان دکەن و بەرامبەر پرکرنا فورمان پارە ژ وان دھێتە وەرگرتن،ژبەر ڤێ چەندێ ئەم رابووینە ب پرکرنا فورمان بۆ سیستەمێ زانکۆلاین بێ بەرامبەر.
ئەحمەد سەعید زێده‌تر گوت” پشتی کارا کرنا سیستەمێ زانكۆ لاین،گەلەک کەسان بۆ خوە ب دەلیڤە دیت ب پرکرنا فورمێن زانکو لاین کوژمەیەکێ پارەیی ژ قوتابیان وەربگرن و جورە بازرگانیەکێ ب وان قوتابیان بکەن،لەورا وەکو ئێکەتیا قوتابیێن کوردستانێ ب ھەمی لقێن خوەڤە ل سەرانسەری کوردستانێ رابوینە ب دانانا چەند تیمەکان بۆ پرکرنا فورمێن سیستەمێ زانکولاین بێ بەرامبەر و بۆ ڤێ چەندێ ژی مە چەندین کەسێن شارەزا دەست نیشان کرینە ل باژێرئ زاخۆ داکو خزمەتا قوتابیان بھێتە کرن”.
گۆت ژى” مە دو گروپ بەرھەڤ کرینە و ھەر گروپەک ژی ژ چەند کەسان پێک دھێت و رۆژانە ژ دەمژمێر ٩ی سپێدێ ھەتا پێنچی ئێڤاری د خزمەتا قوتابیان دانە”.
خويا كر ژى” ئەڤ گروپە دێ بەردەوام بن ھەتا دوماھی رۆژ ژ وەرگرتنا فورمێن قوتابیان د ناڤا زانكۆ و پەیمانگەھان دا،رۆژانە ژی رێژەیەکا باش یا قوتابیان قەستا تیمێن مە دکەن ب مەرەما پرکرنا فورمان”.
ئەڤرۆ نیوز، زنار تۆڤی:
دەرهێنەرێ كورد خەمگین سالح، كو خەلكێ رۆژئاڤایێ كوردستانێ یە و نوكە ل وەلاتێ سویسرا دژیت، د دیدارەكێ دا ل حەفتەمین فلمە فیستەڤالا دهۆكێ بۆ ئەڤرۆ نیوز دیار كر: وی ل وەلاتێ سویسرا پشكا دەرهێنەریێ خواندیە، هەروەسا وی دو فلمێن درێژ ب ناڤێن ” باقی نیسكا ، پاسپۆرتا ئێكجاری” چێكرینە و ئەڤان فلمان پشكداری د چەندین فلمە فیستەڤالێن جیهانی دا كریە، دیسان وی هەشت كورتە فلم ژی چێكرینە، دیسان نوكە ئەو مژوولی چێكرنا فلمەكێ درێژە ب ناڤێ ” جۆداكرنا بابێ ژ كور و كچا”، كو بابێ تەیار دێ رۆلێ سەرەكی تێدا گێریت، ناڤەرۆكا ڤی فلمی ل سەر هندێ یە، كو كور ل رۆژئاڤا چوونە دەرڤەی وەلاتی و باب ژی لدووڤ وان را چوون و ب تنێ كچان بەرەڤانی ژ ئاخا خوە كر.
ناڤهاتی گۆت ژی: ئەڤ فلمە دێ 85 خولەكان یێ درێژ بیت، هەروەسا ئەڤ فلمە دێ ل رۆژئاڤا و یۆنان و ئیتالیا سویسرا و ئەلمانیا هێتە وێنەكرن و نوكە كارێ‌ە وێنەگرتنێ ل رۆژئاڤا ب دووماهی هاتیە، دیسان بابێ تەیار و كچەك ب ناڤێ ” بەلالیز”، كو ئەو ژی خەلكا رۆژئاڤایە و نوكە ل ئەلمانیا دژیت، دێ رۆلێ سەرەكی تێدا گێرن، هەروەسا دێ ئەكتەرێن یۆنانی و ئیتالی و ئەلمانی ژی پشكداریێ تێدا كەن، ئەڤە جارا ئێكێ یە پشكداریێ د فلمە فیستەڤالا دهۆكێ دكەت، گەلەك ژ ئاستێ فیستەڤالێ یێ رازیە و د دەتە دیار كرن، فلمە فیستەڤالا دهۆكێ د ئاستەكێ بلند دایە و هەكە وی زانیبا هندە یا پێشكەفتیە دا ب فلمەكێ پشكداریێ تێدا كەت، لەوما ل سالا بهێت ئەو دێ ب فلمەكێ پشكداریێ د فلمە فیستەڤالا دهۆكێ دا كەت.
خەمگین هێشتا دبێژیت: ئەم دخوازین سینەما كوردی چێكەین، هەر چەندە مە فلمێن سینەمایی هەنە، لێ مە سینەما كوردی نینە، دیسان فلمێن كوردی یێن ئنتەرناشیۆنال د كێمن، لێ ئەو یێ ب هیڤی یە، كو دێ سینەما كوردی گەهیتە ئاستەكێ باش، دیسان ئەو یێ بزاڤێ دكەن ب رێیا سینەمایێ دەنگێ كوردان ب گەهیننە هەموو جیهانێ و ئەڤە ئێكە ژ ئەركێن وان یێن سەرەكی د ڤی واری دا.
ئه‌ڤرۆ نیوز، نه‌وزاد هلۆرى:
قه‌یسه‌ر وه‌رده، ل سالا 1969 ل زانكویا به‌غدا ژ پشكا ده‌رمانخانێ ده‌رچویه، ل سالا 1974 ئێكه‌م ده‌رمانخانه ل باژێرێ دهۆكێ و پارێزگه‌ها دهۆك دانا و هه‌تا نوكه به‌رده‌وامه، ب گۆره‌ى ئاخفتنێن وى، ل وى ده‌مى دهۆك يا بچووك بوو و ده‌رمان ب زه‌حمه‌ت بوون، به‌لێ نوكه پترى 100 ده‌رمانخانه يێن هه‌ين.
ئەڤرۆ نیوز ، زنار تۆڤی:
ئەڤە چەندین سالە كۆمەكا خوبەخشێن كچ و كور د فلمە فیستەڤالا دهۆكێ دا كار دكەن و شیاینە خزمەتەكا مەزن د هەموو واران دا پێشكێشی فلمە فیستەڤالا دهۆكێ بكەن.
ئاریانا حاجی كچەكا خوبەشخە بۆ ئەڤرۆ نیوز گۆت: ئەڤە سالا سیێ ل سەر ئێك ئەو وەكو خۆبەخش ل فیستەڤالا دهۆكێ كار دكەت، ئەڤ كارە بۆ وێ وەكو ئەزمۆنەكێ یە، ئەو فێری تشتێن نوو بوویە و دیسا ئەو شیایە ب ڤێ رێكێ گەلەك كەسان بنیاسیت، هەروەسا ب ڤێ رێكێ وێ دڤێت خزمەتا وەلاتێ خوە و هونەرێ باژێرێ دهۆكێ و كوردستانێ بكەت، دیسان ئەڤ سالە ئەو د ناڤا سۆشیال میدیایێ دا كار دكەت و ئەو گەلەك حەز دكەت وێنان بگریت.
گۆت ژی: ئەو فێری هندێ بوویە، كو خزمەتا خەلكێ خوە بكەت و ئەو بووینە هوكار كو ئەڤ فلمە فیستەڤالە سەركەڤیت و بگەهیتە ئاستەكێ هەرە باش، مالێن وان ژی گەلەك هاریكارن ل گەل وانن ژ پێخەمەت ئەو خزمەتا هونەری بكەن.
ئەژین عەبدولرەحمان كچەكا دی یا خۆبەشخە دبێژیت: ئەڤە سێ سالە ئەو ژی كارێ خۆبەخشیێ دناڤا فلمە فیستەڤالا دهۆكێ دكەت، ئەو گەلەك ب ڤی كاری یا دلخۆشە، وێ ڤیایە هەردەم خزمەتا باژێرێ خوە بكەت، ئەو گەلەك حەز ژ كارێ سینەمایێ دكەت و دخوازیت فێری گەلەك تشتان ب بیت و ب ڤێ رێكێ بشێت باشتر خزمەتا سینەما كوردی بكەت، هەروەسا وێ ل بەرە هەردەم خۆبەخش كار بكەت، چونكی ئەو بووینە پالدەر كو ئەڤ فیستەڤالە سەربكەڤیت و ئەو دێ بەردەوام بیت لس ەر كارێن خۆبەخشیێ.
مریەم ئیسماعیل خۆبەخشەكا دی يه، بۆ ئەڤرۆ دبێژیت: ئەڤە ئێكەم سالە ئەو وەكو خۆبەخش دناڤ ل فلمە فیستەڤالا دهۆكێ دا كار دكەت و حەز و ڤیانا وێ بۆ سینەمایێ وەكریە، كو ئەو بهێت دناڤ فیستەڤالێ دا خۆبەخشانە كار بكەت، هەر چەندە ئەو قۆتابیا پشكا ئەندازیاریێ ل قۆناغا سیێ ل زانكۆیا دهۆكێ، هەروەسا ئەو حەز دكەت، خەلكەكێ نوو بنیاسیت و وێ دڤێت دەرهێنەر و ئەكتەرێن بیانی بنیاسیت، هەر چەندە خێزانێن وان ژی ل گە لوان د هاریكارن.
ناڤهاتیێ گۆت ژی: وێ ل بەرە ل سەر ڤی كاری بەردەوام بیت و ئەو كارێ وەرگێرانێ دناڤ فیستەڤالێ دا دكەت ب زمانێ عەرەبی، هەروەسا ل پرانیا وارێن ژیانێ دا ئە خۆبەخش كار دكەت، چونكی دڤی كاری دا دلسۆزیا مرۆڤی دیار دبیت بۆ خەلكێ و ئەم خۆشیێ ژ ڤی كاری دبینین و كچ پتر ژ كوردان پشكدارن د ڤی كاری دا، هەروەسا ئەم خۆشیەكا تەمام ژ ڤی كاری دبینین و فێری ژیان و تشتێن نوو دبین.
ئەڤرۆ ، زنار تۆڤی:
ئەكتەرێ بەرنیاسێ كورد جومعە ئیبراهیم یێ كو ب ” بابێ تەیار”، دهێتە نیاسین، خەلكێ رۆژئاڤایێ كوردستانێ یە و ل باژێرێ قامیشلۆ دژیت، مێهڤانێ حەفتەمین فلمە فیستەڤالا دهۆكێ بوویە، د دیدارەكێ دا بۆ ئەڤرۆ نیوز دبێژیت: بابێ تەیار فلمێ وی یێ ئێكی بوو، كو هەڤالەكێ وی هندەك زنجیرێن درامی چێكرن، وان دڤیا چەندین خەلەكان ژ وێ درامایێ دروست بكەن، لێ دەمێ وان خەلەكا ئێكێ چێكری، هەڤالێ وی وەغەر كر، لەوما وان ئەو زنجیرا درامی راوەستاند و ئەو ب بابێ تەیار هاتە نیاسین، دیسان ئەڤە دەمێ 25 سالانە ئەو د وارێ سینەمایێ دا ل رۆژئاڤا كار دكەت، هەروەسا هەتا نوكە وی پشكداری د 12 فلمان دا كریە.
ناڤهاتی ئەو ژی دیار كر: د فلمان دا ئەو رۆلێ سەرەكی دبینیت، هەروەسا هەر رۆلەكێ ب وی بهێتە دان، هەكە لدووڤ دلێ وی بیت، ئەو دێ ئەنجام دەت، دیسان فلمە فیستەڤالا دهۆكێ ژبۆ كوردان پێنگاڤەكا هەرە مەزنە، ئەو دخوازیت فلمێن كوردی پتر بهێنە نیشاندان و ئەڤ سالە فیستەڤالا دهۆكێ د ئاستەكێ باش دایە، دیسان دڤێت سالانە فلمێن كوردی ب رەنگەكێ مەزنتر بهێنە چێكرن، چونكی نوكە شیانێن باش هەنە، هەر چەندە مە فلمێن سینەمایی هەنە، لێ مە سینەما نینە، لەوما دڤێت ئێدی ئەم بزاڤان بكەین ژ بۆ ئاڤاكرنا سینەما كوری ب رەنگەكێ ب هێز.
ئەڤرۆ نیوز ، زنار تۆڤی:
ئەڤرۆ پێنجشەمبی 12/9/2019 و ل دەمژمێر پێنجێ ئێڤارى فلمێ دکیۆمێنتاری پێشوازیا مرنێ ل حەفتەمین فلمە فیستەڤالا دهۆک یا نێڤدەولەتی ل هۆلا کۆنفرانسان ب بەرهەڤبوونا هژمارەکا مەزن ژ هێزێن پێشمەرگێ کوردستانێ و حەز ژێکەرێن فلمێن کوردی هاتە نشاندان.
ئەڤ فلمە ل سەر قارەمانیا هێزێن پێشمەرگێ کوردستانێ یە ل دژی تیرۆرستێن داعشێ. ده‌رهێنه‌ر نه‌سرین عابدین ده‌رهێنه‌را فلمێ پێشوازیا مرنێ بۆ ئەڤرۆ نیوز دیار کر: ئەڤ سالە حه‌فتەمین فلمه ڤیسته‌ڤالا دهوك یا نێڤدەولەتی گه‌له‌ك باشه و ب جوانى یا برێڤه دچیت، ئه‌ڤ سالە فیستەڤال ژ هه‌موو گه‌رێن دى باشتره و گه‌له‌ك تشتێن جوان هاتینە نیشاندان، فلمێ من ل پشكا پانورامادایه و ئەڤرۆ پێنجشه‌مبى هاتە نیشاندان.
گۆت ژى: ئەڤ فلمه ل سالا 2014 ێ هه‌تا 2017 ل قوناغا وێنه‌گرتنێ دا بوو ئه‌ڤ ساله ب دوماهیك هاتیه و 85 خۆلەکان یێ درێژە و بۆ جارا ئێكێ ئەڤ فلمە ڤیسته‌ڤالا دهۆکێ هاتە نیشاندان، فلمێ من ل سه‌ر قاره‌مانیا پێشمه‌رگێ کوردستانێ یە و ئەڤ فلمە دێ هه‌ڤركیێ لسه‌ر خه‌لاتێن ڤیسته‌ڤالێ كه‌ت. فلمێ پشەوازیا مرنێ هەموو بەرهەڤبوویێن هۆلێ گریاندن.
موقەدەم جەمیل خۆرتی ژ راگەهاندنا لیوا ئێک کۆماندۆ زێرەڤانی کو ئامادەی دیتنا ڤی فلمی بوو، بۆ ئەڤرۆ نیوز گۆت: ئەڤرۆ 700 پێشمەرگێن زێرەڤانی ل هۆلا کۆفرانسان بەرهەڤببوون، د بەر دیمەنێن فلمی دا هەموو پێشمەرگە و ئامادەبوویان کریە گری، د هەمان دەمدا سەیفەدین زکری کو پێشمەرگێ زێرەڤانی یە و د شەرێ دژی تیرۆرستێن داعشێ برینداربوویە و هەردو پیێن خۆ ژ دەستداینە، د وی فلمی دکیۆمێنتاری دا بوویە و ئامادەی دیتنا وی فلمی بوویە هەروەسا دەمێ ئەو برینداربووی دو پێشمەرگێن دی بناڤێن جبرائیل حەجی وەیسی و جەلال تەیب ئاگر گیانێ خۆ ژ دەستدا بوون ل 3.3.2015 ل گوندێ مشەرەف ل وانکێ، هەروەسا پێشمەرگەيه‌كێ دی ژی ل گەل وی بریندار بوویە بناڤێ محیەدین، هەروەسا سریەکا پێشمەرگێن ژن ژی ئامادەی دیتنا فلمی بوون.
نيشاندان