ئەڤرۆ نیوز:
ئەڤرۆ ل باژێرێ ئامەدێ یێ باکورێ کوردستانێ د کۆنفرانسەکێ دا هەڤسەرۆکێ هەدەپێ سەزایی تەمەللی راگەهاند کو ئەم داخواز ژ دەستهەلاتا تورکیا و پارتێن ئۆپۆزسیۆنێ دکەین کو بزاڤێ بکەن ب رێیێن سیاسی و ب ئاشتیێ هەموو پرسێن تورکیا ب تایبەتی ژی پرسا کوردی چارە بکەن، چونکو ب شەری چو پرسەک ناهێتە چارەکرن.
ناڤهاتی راگەهاند کو دو رێ ل پێشبەری تورکیا هەنە، یان دێ پرسێن خوە ب رێیا ئاشتیێ چارە کەت یان ژی دێ رەوشا نها یا ئالۆز بەردەوام بیت.
به‌رده‌ره‌ش، ڕەزوان رۆژبەیانی:
چاڤدێریا بازرگانی ل قەزا بەردەڕەش ئاشکراکر ل ماوێ دو حەفتیان دا شیاینە سێ هزار كه‌ره‌سته‌یێن خارنێ یێن ئێکسپایەر ل قەزا بەردەرەش کوم ڤەبکەن و ب سەرپەرشتییا لژنا ناف بازاری ژناف ببەن.
کامیران نورەدین موحەمەد، بەرپرسێ چاڤدێریا بازرگانی ل قەزا بەردەڕەش بۆ ئەڤرۆنیوز خویاکر ژ پێخەمەت ساخلەمیا وەلاتین و پاقژکرنا بازاری ژ کەل و پەلێین دەم ب سەر ڤە چووی ل ماوێ دو حەفتیان دا ل قەزا بەردەڕەش ئەم شیاینە سێ هەزار کەل وپەلێن خارنێ یێن ئێکسپایەر ل دوکان و مارکێتێن ناف بازاری دەست ب سەر دا بگرین و هەموو پێکڤە کومڤە بکەین و ژلایێ لژنا ناف بازاری هاتینە ژناڤبرن.
ئاشکرا ژی كر کو ل ماوێ هەیڤەکێ دا پێنچ دوکان ژ ئەگەرێ نەپێگیری ب رێنماییان هەبوونا و کەل و پەلێین دەم ب سەر ڤەچووی دناف دوکانێیت وان هاتینە دائێخستن
گوت ژی هەندەک دوکان ب پارەی هاتینە سزادان و 85 دوکان ژی هاتینە ئاگەهدارن وەکی هۆشداری و 105بەلێننامە ژی ژ خودیێ دوکانان هاتینە وەرگرتن داكو پێگیریێ ب رێنمایێن ساخله‌میێ بكه‌ن.
ئەڤرۆ نیوز:
ئاژانسا فارس نیوز و چەندین رۆژنامێن دی یێن ئیرانێ ئەڤرۆ بەلاڤکرن کو شەرەکێ دژوار ل باکورێ سووریێ د ناڤبەرا یەپەگێ و هێزێن تورکیا دا دەستپێکریە و هەر دو ئالی ب چەکێن گران و سڤک هێرشی هەڤدو دکەن.
ئەو یەک د دەمەکێ دایە کو دەزگەهێن راگەهاندنا تورکیا ژی دیار دکەن ئامادەکاریێن تورکیا بۆ هێرشەکا سەربازی ل سەر رۆژهەلاتێ فراتێ ب دووماهی هاتینە.
ئه‌ڤرۆ نيوز:
وه‌زاره‌تا دارايى و ئابوريا هه‌رێما كوردستانێ ژڤانێ به‌لاڤكرنا مووچێ وه‌زاره‌تا په‌روه‌ردێ دياركر.
ل دووڤ وێ ليستا بۆ گه‌نجينيه‌يا وه‌زاره‌تا دارايى هاتيه هنارتن دياركريه رۆژا سێشه‌مبى 6-8-2019 دێ مووچێ هه‌يڤا گۆلانا 2019 هێته به‌لاڤ كرن، كوژمێ مووچێ وه‌زاه‌رتا په‌روه‌ردێ ژى حوكمه‌تا هه‌رێمێ پێدڤى ب كوژمێ زێده‌تر ژ 158 مليار دينارايه.
هه‌ژى گۆتنێ يه ئه‌ڤرۆ رۆژا ئێكشه‌مبى 4-8-2019 وه‌زاره‌تا دارايى ده‌ست ب به‌لاڤكرنا مووچێ وه‌زاره‌تا پێشمه‌رگه‌ى كريه يێ هه‌يڤا 5.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى ته‌باخا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 134.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
نێچيرڤان بارزانى، سه‌رۆكێ هه‌رێما كوردستانێ و جێنين پلاسخارت هنارتيا تايبه‌ت يا نه‌ته‌وێن ئێكگرتى ل عيراقێ، سه‌قامگێريا ده‌ڤه‌رێ و چاره‌يا كێشێن ئاواران ل شنگال گه‌نگه‌شه كر.
د كۆمبوونه‌كێ نێچيرڤان بارزانى سه‌رۆكێ هه‌رێما كوردستانێ ل گه‌ل جێنين پلاسخارت هنارتيا تايبه‌ت يا نه‌ته‌وێن ئێكگرتى ل عيراقێ كۆمبوو و د ديدارێ دا، پلاسخارت به‌حس ل سه‌ره‌دانا مه‌يدانى يا خوه بۆ ده‌ڤه‌را شنگال كر ديسا ئه‌و كاره‌ساتا ب سه‌رێ وێ ده‌ڤه‌رێ هاتى، بنه‌جهكرنا سه‌قامگێريێ ل ده‌ڤه‌رێ و ڤه‌گه‌راندنا ئاواران و چاره‌كرنا كێشه‌يان ژى گه‌نگه‌شه كر.
د كۆمبوونه‌كێ دا سپێده‌هيا ئه‌ڤرۆ ئێكشه‌مبى 4ى تيرمه‌ها 2019ێ ل دهۆكێ ب رێڤه چوو، سه‌رۆكێ هه‌رێما كوردستانێ ته‌كست ل سه‌ر وێ چه‌ندێ كر كو هه‌رێما كوردستانێ هه‌موو بزاڤان دكه‌ت كو بڕينا قوربانيێن خه‌لكى شنگال و ده‌وروبه‌ران سارێژ بكه‌ت و د ڤێ ده‌ربارێ دا رۆلێ كۆمه‌لگه‌ها نێڤده‌وله‌تى د بنياتنان و ئاڤه‌دانكرن و فه‌راهمكرنا ئاسايشێ ل وان ده‌ڤه‌ران ب پێدڤى زانى.نێ
ئەڤرۆ نیوز، عەلی حاجی:
دداخویانیەکێ دا رێڤەبەریا ناحیا دەرکاێ بۆ ئەڤرۆ نیوز دیار کر ژبەر کو زوربەیا زوری یا ئاوارەێین کەمپێن بێرسڤێ و دەرکارێ کاریچ چاندنێ کرینە ، ب درێژاھیا رێیا دناڤبەرا زاخۆ ھەتا باتیڤا ، بازارەکێ نوویێ فێقی ھاتیە دروست کرن .
زێدەتر زێرەڤان موسا گوت : دنوکە دا زێدەتری 150 کەپران ژلایێ ئاوارەیان ھاتینە دروست کرن ل سەر رێیا زاخۆ – دورکار – باتیڤا ، ئەڤ کەپرە دماوەیێ ھاڤینێ داد ھێنە دانان ، ئەڤە ددەمەکێ دایە کو کارێ چاندنێ ل وان دەڤەران زێدەبونێ ڤە چوویە و ئاوارەیان ب خوە ب دەلیڤە دیتی یە ، پشتی بەرھەمێ وان یێ چاندنێ بەرھەڤ دبیت ل سەر وێ جاددەیا گشتی دفروشن ، ئێدی ڤی َچەندێ وەکری یە خەلکێ سەنتەرێ باژێرێ زاخۆ،قەستا وی بازاری بکەن بۆ کرینا فێقیێ روژانە و ب بھایەکێ باش ل دووڤ خاستەکا خوە ، بۆ خەلکەکێ ژی دیار بویە کو بەھەمێ وان جوتیاران یێ باشە و جوانترە .
ناڤھاتی گوت ژی : وەکو رێڤەبەریا دەرکارێ،ھەڤکارین دکەل وان ئاواران و ئەو رێ خوەشکرنە بۆ وان دروست کری یە کو بشێن ڤی کاری بکەن،ھەر دیسان ھەتا ژیانا وان ژی باشتر بویە پشتی ئەڤ کارە ئەنجام دایی ، ب راستیژبەریا ھانا ئاوارەیان ، پرانیا خەلکێ ئەردێ خوە کربونە بەیارە و چول بون، ئەڤا نوکە دا دھێتە کرن دێ بیتە رێیەک پشتی چوونا ئاوارەیان ، خوە جھێ دەڤەرێ ھەمان کار ئەنجام بدەن و ب ڤی رەنگی کەرتێ کشتوکالی دێ بەەرڤ باشتر بونێ ڤە چیت ، دشێن بێژین ژی وان ئاوارەیان پێدڤیێن بازاری پر کرینە .
ئەڤرۆ نیوز، عەلی حاجی:
دداخویانیەکێ دا رێڤەبەرێ کەمپا چەمشکو ل زاخۆ بۆ ئەڤرۆ نیوز راگەھاند سەرەرای ھندێ خزمەتگوزاری گەھشتنیە دناڤ کەمپێ دا ، بەلێ دنوکە دا کەمپا چەمشکو پێدڤی ب رێژەیەکا زور یا خزمەتگوزاریان ھەیە و ددەمەکێ نێزیک ھەمی خیڤەتگەھێن دناڤ کەمپێ دا دێ ھێنە گھورین .
زێدەتر مەئمون خەیری دیار کر کەمپا چەمشکو ژلایێ جاددە و ئاڤرێژ و پێدڤیێن تەندروستی، مە پێدڤییەکا مەزن پێ ھەیەو ئاریشەیا سەرەکی نوکە دا نێزیکی 10 کێلو مەترێن ئاڤرێژان نەھاتینە دروست کرن و وێ چەندێ ئاریشە بۆ مە دروست کرینە ، زێدەباری وێ چەندێ ژی مە پێدڤییەکا مەزن ب سەخبێریکرنا جاددەیێن دناڤ کەمپێ دا ھەنە و ئەڤە دەمەکێ درێژە نەھاتینە سەخبێریکرن ، ھەر دیسان دوەرزێ ھاڤینێ دا مە ئاریشەیا کێمیا ئاڤێ ھەیە و ب دروستی ناگەھیتە ھەمی ھاولاتیێن دناڤ کەمپێ دا ، زێدەتری 80% ئەو سیمێ دبیتە پەرژانێ کەمپێ پێدڤی ب نووژەنکرنێ یە، سەرەرای ھندێ بۆ ماوەیێ دو جاران یێ ھایتە گھورین،بەلێ خەلکێ دناڤ کەمپێ دا یێ ھاریکار نینە و ناپارێزیت.
ناڤھاتی ئەو چەندە ژی گوت :چەندین رێکخراو ھەبوینە کارێ راکرنا گلێش و بەرمایکان و ئاڤا گران کرینە و ھەتا نوکە مە ئەو ئاریشە نەبویە ،پشتی بۆ جاران چادر ئانکو خیڤەتگەە ھاتینە دانان ،ھەر دماوەیێ ڤێ ھەیڤێ دا ھەمی خیڤەتگەە دێ ھێنە گھورین و دنوکە دا ئەو خیڤەتگ ل پارێزگەھا دھوکێ نە و پشتی دگەھنە دەستێ مە ئێکسەر دێ ھێنە بەلاڤ کرن ، جھێ مخابنیێ یە ئەوا پێدڤی ددەرحەقێ ڤان ئاوارەیان دا ژلایێ حکومەتا عێراقێ ڤە نەھاتیە ئەنجام دان ، لەروا ئەم داخاز دکەین زێدەتر حکومەتا عێراقێ بھێتە سەر خەت و خوە دبیاڤێن خزمەتگوزاریان دا ببینیت و ھاریکاریان بگەھینیت
ئەڤرۆ نیوز، نەوزا ھلۆری:
رێڤەبەریا گشتی یا کونترولا کارەبا ھەرێما کوردستانێ دیارکر کو ئەڤ سالە ھەمبەری سالا بوری کارەبا نیشتمانی رۆژانە شەش دەمژمێرا زێدەتر و ل ھەیڤا تەموزا ئەڤ سالە رۆژانە دناڤبەرا 16 بو 17 دەمژمێرا کارەبا نیشتمانی ب وەلاتیان دھێتەدان.
ئومێد ئەحمەد، رێڤەبەرێ رێڤەبەریا گشتی یا کونترولا کارەبا ھەرێما کوردستانێ دیارکر کو دھەیڤا تەموزا ئەڤ سالە رۆژانە دناڤبەرا 16 بو 17 دەمژمێرا رۆژانە کارەبا نیشتمانی بو وەلاتیان دھاتەدان و گۆت: (بو ھەیڤا ئاب ژی ب ھەمان شێوە دێ رۆژانە دناڤبەرا 16 بو 17 دمژمێرا کارەبا نیشتمانی بو وەلاتیان ھێتەدان، ئەڤ سالە ھەمبەری سالا بوری رۆژانە شەش دەمژمێرا کارەبا نیشتمانی ژ سالا بوری باشتربویە).
زێدەتر بو رووداو گۆت: (ئەگەرا زێدەبوونا کارەبا نیشتمانی دزڤریت بو زێدەبوونا بەرھەمئینانا گازێ ل زەڤیێن کورمور و چاکسازی ل ھێلێن وێستگەھێن کارەبێ، زێدەبوونا ئاڤا بەنداڤا دوکان و دەربەندیخان کو بویە ئەگەر رۆژانە پتری 450 مێگاواتێن کارەبێ زێدەبن).
حوکمەتا ھەرێما کوردستان و وەزارەتا کارەبێ پێدڤی ب چوار ھزار و 700 مێگاواتێن کارەبێ یە ھەتاکو کارەبا ھەرێما کوردستانێ شیانێن ھندێ ھەبن کارەبا نیشتمانی بکەت 24 دەمژمێری، بەلێ وێستگەھێن کارەبا ھەرێما کوردستانێ، نوکە تنێ سێ ھزار و 250 مێگاواتێن کارەبێ دھێنە بەرھەمئینان.
نيشاندان