ئەڤرۆ نیوز، نەوزاد ھلۆری:

سێ رۆژ بەری نوکە گەشتیارەکێ ھەولێرێ ب مەرەما گەشتوگۆزار سەرا ھاڤینگەھا گەلیێ شێرانەکر و پاشان بەرزە دبیت، ئەڤرۆ چارەنڤیسێ وی دیاربو، ژێدەرەکێ ژ ھاڤینگەھا گەلیێ شێرانە بۆ ئەڤرۆ نیوز دیارکر کو ئەو گەشتیار د چیایی دا فریە و یێ ساخە.

ئەوی ژێدەری نەڤیا ناڤێ خوە بێژیت زێدەتر بۆ ئەڤرۆ نیوز گۆت: (ب مەرەما گەشتوگۆزار گەنجەکێ سەرەدانا گەلیێ شێرانە ل سنورێ ناحیا دێرەلووکێ کربوو، بەلێ پاشان بەرزە دبیت، پشتی سێ روژێن لێگەریانێ ئەڤرۆ چارەنڤیسێ وی ھاتە دیتن و یێ ساخە).

زێدەتر گۆت: (ئەو گەشتیار دچیای دا فریە و نوکە ژلایێ پەکەکێ دھێتە دەرمانکرن).

ئەڤرۆ نیوز،‎ ‎عەلی حاجی :‏

پ. د. تەھا زوبێر، راگرێ پەیمانگەھا تەکنیکی یا زاخۆ بۆ ئەڤرۆ نیوز دیار کر دئەڤ سالە دا چەند پشمەک ‏ھاتینە راگرتن و پشکەکا دی ھاتینە ب دوماھی ئینان و بۆ ئەڤ سالە ژی دێ دو پشکێن نوو ھێنە ڤەکرن و بۆ ‏سالێن بھێت ژی دێ داخازا ڤەکرنا ھندەک پشکێن نوو کەن.‏

زێدەتر تەھا زوبێر بۆ ئەڤرۆ نیوز گوت ژی : ژ‎ ‎بەر نەبونا جھی ل پەیمانگەھا تەکنیکی یا زاخۆ و زێدەباری ‏وێ چەندێ ژی چەند ئاڤاھیەکێ پەیمانگەھێ ماینە نیڤەرو ،ئەم نەچار بوینە ب بریارا جڤاتا پەیمانگەھا ‏تەکنیکی یا زاخۆ ، دو پشکان راگریت و دو پیشکێن دیتر ژی ھاتینە راگرتن،مە داخاز ژ وەزارەتا خواندنا بلند و ‏ڤەکولینێن زانستی کری یە بۆ سالا بھێت دو پشکێن نوو بھێنە ڤەکرن،بۆ ئەڤ سالە دێ بتنێ پێنچ پشک ھێنە ‏ڤەکرن ل پەیمانگەھا تەکنیکی یا زاخۆ،ھەر دیسان دێ چاڤەرێ بین ل دووڤ رێژەیا وەرگرتنا قوتابیان،ھەکە بۆ ‏ئەڤ سالە رێژەیا وەرگرتنا قوتابیان زێدە بوون،ئەم دوی دەمی دا نەچارین ئێک ھەتا دوو پشکێن ھاتینە ‏ھەلاویستن ڤەکەین ڤە،داکو ئاریشەیا نەوەرگرتنا قوتابیان نەمینیت.‏

دا زانین ژی پەیمانگەھا تەکنیکی یا زاخۆ نەبتێ پەیمانگەھەکە،ژبەر کو ژھەمی پەیمانگەھیچن دەڤەرێن ‏دیتر زێدەتر ئاوارە ھاتینە وەرگرتن و مە ئاریشویا کیمیا ھولێن خواندنێ ھیەە،ھەر چەندە ئەو ھولێن ھاتینە ‏دانان نە تایبەتن ب ھولێن خواندنێ ڤە وەکو کابینەیانە،بەلێ نەچارین دڤی دەمی دا قوتابیێن مە بەردەوامیێ ‏بدەنە خواندنا خوە .‏

گوت ژی : ھەر ژ سالا 2014 ئاڤاھیەکێ دناڤ پەیمانگەھێ دا مایە نیڤەرو،ژبەریا نوکە 50% ھاتبوو ئاڤا ‏کرن بەلێ جھێ مخابنیێ یە نێزیکی پێنچ سالایە ئەو ئاڤاھی مایە نیڤەرو و نەھاتیە ئاڤا کرن،ھەکە ئەو ئاڤاھی ‏بھێتە ئاڤا کرن،دێ خزمەتەکا مەزن ل پەیمانگەھێ کەت و ھەتا رادەیەکێ دێ کێشەیا کیچمیا جھی چارەسەر ‏کەت،مە چەندین جاران داخازا تەمام کرنا وی ئاڤاھیێ نیڤەرو کری یە،بەلێ یا مفا بوو و ھێشتا وەکی خوە ‏مایە،مە ب داھاتێ خوە ئێک ھەتا دو ئاڤاھیان ئاڤا کرینە و نوکە دخزمەتا پەیمانگەھێ دانە .‏