ئه‌ڤرۆ نيوز:
وه‌زاره‌تا دارايى و ئابوريا هه‌رێما كوردستانێ ئاشكرا كر سوباهى رۆژا ئێكشه‌مبى 8-9-2019 دێ ده‌ست ب به‌لاڤكرنا مووچێ هه‌يڤا شه‌ش (خزه‌يرانێ) 2019 به‌لاڤ كه‌ت.
گه‌نجينه‌يا وه‌زاره‌تا دارايى ل دووڤ نڤيساره‌كا وه‌زاره‌تا دارايى يا هه‌رێمێ سوبه‌هى دێ مووچێ وه‌زاره‌تا پێشمه‌رگه‌ى و ليوايێن ب سه‌ر ڤه به‌لاڤ كه‌ت.
برياربوو ژ 4/9/2019 ده‌ست ب به‌لاڤكرنا مووچه‌ى بهێته كرن لێ ژ ئه‌گه‌رێ كێشه‌يێن ته‌كنيكى هاته پاشخستن.
ئەڤرۆ نیوز:
بریارە سپێدێ مەسرور بارزانی سەرۆکێ حوکمەتا هەرێما کوردستانێ ل گەل شاندەکێ ژ حوکمەتا هەرێما کوردستانێ ل گەل فراکسیۆنێن کوردی یێن پەرلەمانێ عیراقێ کۆم بیت، د کۆمبوونێ دا دێ بەحسێ رەوشا نها یا عیراقێ و ئاریشێن د ناڤبەرا هەولێرێ و بەغدایێ دا هێتە کرن.
ل گۆر زانیاریێن ئەڤرۆ نیوز سەرۆکێن هەموو فراکسیۆنێن کوردی یێن ل پەرلەمانێ عیراقێ دێ د کۆمبوونا سپێدێ دا بەرهەڤ بن.
ئه‌ڤرۆ نیوز ، زنار تۆڤى:
ره‌نج جه‌عفه‌ر ئه‌حمه‌د نوونه‌رێ راگه‌هاندنێ ل وه‌زاره‌تا پێشمه‌رگێ كوردستانێ، بۆ ئه‌ڤرۆ نیوز دیار كر: ب نڤێساره‌كا فه‌رمى كو ئیمزا وه‌زیرێ پێشمه‌رگێ كوردستانێ ل سه‌ره، تێدا داخوازى هاتیه كرن كو ده‌رماله‌یێن باوه‌رنامێ و پله‌یان بۆ هه‌موو ئه‌فسه‌ر و پله‌دار و پێشمه‌رگه‌یان بهێنه مه‌زاختن، هه‌تا راده‌كێ ئه‌ڤه دێ دۆخێ پشكه‌كێ ژ هێزێن پێشمه‌رگێكوردستانێ خۆش كه‌ت، ل ده‌مێ كو ئه‌ڤ بریاره دكه‌ڤیته د وارێ بجهئینانێ دا، هه‌ر چه‌نده ئه‌ڤ داخوازیا وه‌زاره‌تا پێشمه‌رگه‌ى رادوه‌ستیت ل سه‌ر به‌رسڤدانا جڤاتا وه‌زیران و وه‌زاره‌تا دارایى و هه‌كه ئه‌و ل سه‌ر ڤێ بریارێ رێككه‌فتن و هه‌كه بوودجه‌كێ تایبه‌ت بۆ هاته ته‌رخانكرن، پشتى هنگێ ئه‌ڤ بریاره دێ كه‌ڤیته د قۆناغا بجهئینانێ دا، هه‌تا نوكه ئه‌ڤ بریاره هاتیه پێشكێش كرن، لێ هێشتا نه‌هاتیه جێبه‌جێ كرن، هه‌روه‌سا د وێ نڤێسارا وه‌زاره‌تا پێشمه‌رگه‌ى دا هه‌موو رێژێن ده‌رمالان تێدا هاتینه دیار كرن.
ئەڤرۆ نیوز، عەلی حاجی:
ل روژا ئەینیێ رێکەڤتی ٦/٩/٢٠١٩ د چەند روودانێن جودا دا ، دو گەنجێن زاخۆ گیانێ خوە ژ دەستدان و نەھـ کەسێن دیتر ژی بریندار دبن.
حەمزە رەزیکی، بەرپرسێ راگەھاندنا رێڤەبەریا گشتی یا ساخلەمیا پارێزگەھا دھوکێ بۆ ئەڤرۆ نیوز دیار کر دوھی ل روژا ئەینیێ کچەکا ١٦ سالی بناڤێ فاتیما خشمان،کو خەلکا باژێرێ زاخۆ،د روودانەکا سوتنێ دا،ژبەر رێژەیا سوتنا زێدە یا لەشێ وێ،کو ٨٠٪ سوت بوو،دناڤ نەخوشخانەیا تایبەت ب سوتنێ ڤە ل باژێرێ دھوکێ گیانێ خوە ژدەستدا.
رائید بێوار عەبدولعەزیز بەرپرسێ راگەھاندنا بەرەڤانیا باژێری ل پارێزگەھا دھوک بۆ ئەڤرۆ نیوز گوت: د روودانەکا خەدقینێ دا ل نێزکیک گوندێ سەر ب قەزا زاخۆ ڤە،گەنجەکێ ١٩ سالی بناڤێ ئەحمەد عەبدی کو خەلکێ دەڤەرا زاخۆ بوو،ژ ئەگەرێ نەزانینا مەلەڤانیان ل دەمژمێر ٥:٣٠ خەندقیت،پشتی تیمێن مەیێن نقومەڤانی ل جھێ روودانێ ئامادە بووین،شیان ل دەمژمێر ٦:٠٠ێ ئێڤاری یا ھەمان روژ تەرمێ وی ژ ئاڤێ بیننە دەر و ھاتە رەوانە کرن بۆ پزیشکیا داد ل نەخوشخانا زاخۆ.
ژلایێ خوەڤە ئەمیر عەلی، بەرپرسێ راگەھاندنا ساخلەمیا زاخۆ گوت : شەڤا دەرباز بویی ل روژا ئەینیێ ل نێزیکی دەمژمێر ١٢:٠٠ی شەڤ،ژ ئەگەرێ شەرەکێ دناڤبەرا دو مالان د ب کێر و چەکی،سێ زەلام و ئاڤرەتەک بریندار دبن و دنوکە دا رەوشا وان یا ساخلەمیێ باشتر بویە ،پشتی نوشدارێن نەخوشخانا ھاوار ھاتنێ چارەسەریا پێدڤی بۆ وان برینداران ئەنجام دایی،ئەگەرێن وی شەری ژی بۆ ئاریشەیەکا خێزانی ڤەدگەریت.
ل دور ئامارەکا رێڤەبەریا ھاتن و چوونێ ل قەزا زاخۆ ،د دو روودانێن ھاتن و چوونێ دا ل باژێرێ زاخۆ نەھ کەس بریندار دبن و برینا سێ ژ وان برینداران ژی یا کویرە و ھاتینە رەوانە کرن بۆ نەخوشخانا ھاوار ھاتنێ ل زاخۆ،ھەر دیسان زیانێن مەزن ژی بەر ب ترومبێلێن وان کەڤتن.
ئەڤرۆ نیوز، عەلی حاجی :
سەرەرای ھندێ کو جاددەیەکا نێڤ دەولەتی یە،ل جاددەیا ئیبراھیم ھەتا نوکە رێژەیەکا گەلەک کێم یا ھێمایێن ھاتن و چوونێ ھاتینە دانان، داخازا زێدە کرنا ھێمایان و دانانا کامێرەیان دھێتە کرن.
ل دور ڤێ چەندێ موقەدەم ئازاد تەھا،بەرپرسێ راگەھاندنا ھاتن و چوونا پارێزگەھا دھوکێ بۆ ئەڤرۆ نیوز دیار کر راستە ھێمایێن ھاتن و چوونێ ل سەر وێ جاددەیا نێڤ دەولەتی گەلەک دکێمن،ئەڤ چەندە ژی بۆ چەند ئەگەرەکان ڤەدگەریت،کو ئەو ژی پرانیا وان ھێمایان ژبەر روودانێن ھاتن و چوونێ ھاتینە ژناڤبرن،ھەر دیسان بریارە جاددەیەکا رێک و پێک ژنوو ل جھێ جاددەیا نوکە یا ئیبراھیم خەلیل بھێتە دروست کرن و نەخشە و پلان ژی بۆ ھاتیە دارێشتن،ل دووف وێ نەخشەیێ ژی فێ بیتە جاددەیەکا دوو سایدی،سایدێ ھاتن و چوونێ بھێتە راکرن و دروست کرن،پشتی ئەو جاددەیە ب دوماھی دھێت ژنوو ب شێوەیەکێ بەرفرەھ دێ ھێمایێن ھاتن و چوونێ ھێنە دانان و ئەو کێماتیا ھەیی دھێمایان دا نامینیت.
گوت ژی: ھەر دیسان دو کامیرەێن ھاتن و چوونێ بو وێ جاددەیێ ژی ھاتینە بەرھەڤ کرن،بەلێ ژبەر دروست کرنا وێ جاددەیێ مە نەشیایە وان کامیرەیان دانین،ھەر دیسان ل حەفتیا بوری ژی مە ئاڤاھیەکێ تایبەت یێ ھوبا ئەندازیاری ل سەر جاددەیا ئیبراھیم خەلیل ڤەکری یە و تیمێن مە دێ بەردەوام چاڤدێریا وێ جاددەیێ کەن .
ئەڤرۆ نیوز، مەحمود نهێلی
بنگەهێ بەرەڤانیا باژێری ل دێرەلۆکێ دیار کر، کو ئەو هاتینە ئاگادارکرن لسەر بەرزەبوونا گەنجەکی ل هاڤینگەها گەلیێ شێرانە.
جیدارێ ئێکێ ئیحسان سەنعان بەرپرسێ بنگەهێ بەرەڤانیا باژێری ل دێرەلۆک ئاشکرا کر، کوئەڤرۆ تیمێن وان و نقومڤانێن شێلادزێ و دێرەلۆک و پولیس و ئاسایش ل جهێ لێ بەرزەبووی بەرهەڤ بووینە دەست ب لێگەریان و ڵێکولیان کریە و گۆت : تا نوکە چ شوونەوارەک لێ دیار نەبوویە کو ئایا کەفتیە د ئاڤێ دا یان ژی ب رەنگەکی دی بەرزەبوویە.
دوهی٦/۹/۲۰۱۹ هەژمارەکا گەنجێن خەلکێ هەولێرێ بو مەرەما گەشت و سەیرانان سەرا گەلێ شێرانە دابوو هەر دوهی ب شەڤ ئێک ژ وانا بناڤێ عیماد عوسمان کو د ژیێ ۲۲ سالیێ دایە بێ سەرووشون بوویە.
ئه‌ڤرۆنیۆز، سالار دۆسكی:
ل دووڤ گۆتنا ئه‌ندامه‌كا لژنا په‌روه‌ردێ ل په‌رله‌مانێ كوردستانێ، پرۆژه قانوونه هاتیه به‌رهه‌فكرن ژلایێ ئه‌ندامێن په‌رله‌مانی ڤه كو مامۆستا ئێدی دێ پارێزبه‌ندی هه‌بیت وه‌ك ئه‌ندامێن په‌رله‌مانی و سه‌رده‌ریه‌كا جودا دێ ل گه‌ل هێـته‌كرن.
هه‌لز ئه‌حمه‌د ئه‌نداما لژنا په‌روه‌ردێ ل په‌رله‌مانێ كوردستانێ بۆ ئه‌ڤرۆ نیۆز ئاشكراكر كو پرۆژه‌ك بۆ سه‌رۆكاتیا په‌رله‌مانێ كوردستانێ هاتیه پێشكێشكرن كو دڤێت مامۆستا پارێزبه‌ندی ئانكو(حصانه) وه‌ك ئه‌ندامێن په‌رله‌مانێ كوردستانێ هه‌بیت، هه‌كه لژنا قانوونی چ تێبینی ل سه‌ر ئه‌ڤی پرۆژه‌ی نه‌بن و بكه‌ڤیته به‌رنامێن كاری دا ل سه‌رۆكاتیا په‌رله‌مانێ كوردستانێ و بهێته په‌سه‌ندكرن ئه‌ڤ پرۆژه قانوونه دێ گه‌له‌ك خزمه‌تا مامۆستان كه‌ت. هه‌لزێ ئه‌و ژی ئاشكراكر كو ناڤه‌رۆكا پرۆژه‌ی نه‌هاتیه ئاشكراكرن بتنێ ئه‌ڤ پێشنیاره هاته به‌رچاڤكرن وه‌ك پرۆژه كو بكه‌ڤیته خزمه‌تا مامۆستان دا ل كه‌رتێ په‌روه‌ردێ، ل دووڤ پاربَزبه‌ندیێ مامۆستا ناهێته ده‌سته‌سه‌كرن و هه‌تا ناهێـته ده‌سته‌ركرن ل ناڤه‌ندێن خواندنێ، هه‌ر ده‌ما هێرش ل سه‌ر بهێته‌كرن ژلایێ قوتابیان ڤه یان كه‌س و كارێن قوتابیان ڤه ب قانوونه‌كێ رێگری ل ئه‌ڤان كارێن نه جوان دهێته‌كرن، دیسا دێ مافێن مامۆستایی هێنه پاراستن و دێ رێز ل مامۆستایی هێته گرتن.
هه‌مان ئه‌نداما په‌رله‌مانی ئه‌و ژی دیاركر كو نوكه سه‌ندیكا یاساناسان ژی پارێزبه‌ندی هه‌یه و چ پارێزه‌ر ناهێنه‌گرتن هه‌تا پارێزبه‌ندی ل سه‌ر دهێته راكرن وه‌ك پارێزبه‌ندی یا په‌رله‌مانی.
ناڤبریێ ئه‌و ژی دیاركر كو هه‌تا نوكه چاڤه‌رێی وه‌زاره‌تا په‌روه‌ردێ كه‌ن بۆ ره‌وانه‌كرنا هنده‌ك پرۆژێن په‌روه‌ردێ بۆ په‌رله‌مانی و كاركرن ل سه‌ر ئه‌وان پرۆژه قانوونا و هه‌تا نوكه ئه‌ڤه ژی نه‌هاتیه‌كرن.
ئەڤرۆ نیوز،عەلی حاجی :
به‌رىدەمەکێ كێم ژ ئەگەرێ شەرەکێ د ناڤبەرا دو مالان دا ل تاخێ فرقێ ل زاخۆ، چار کەس بریندار دبن و رەوشا وان یا باشە.
ژێدەرەکێ ژنه‌خوه‌شخانا زاخۆ بۆ ئەڤرۆ نیوز دیارگۆت” به‌رى دەمەکێ کێم ل تاخێ فرقێ ژ ئەگەرێ شەرەکێ د ناڤبەرا دو مالان دا،سێ زەلام و ژنەک بریندار دبن، نوکە دا ئەو چار بریندارە ھاتینە ڤەگوھاستن بۆ پشکا ھاوارھاتنێ ل نەخوه‌شخانا زاخۆ و رەوشا یا وان یا ساخلەمیێ باشە و ل بن چاڤدێریا نوشداران دانه”.
وی ژێدەری گوت ژی” شەرێ وان ھەردو مالان ب کێران بوو و ھەتا نوکە ئەگەرێن وی شەری نەھاتینە زانین، رەوش ژلايێ پولیسێن زاخۆ ڤە ھاتیە کونترۆلكرن”.
ئەڤرۆ نیوز،نەوزاد هلوری:
هاڤینگەها بەنداڤا ئاشەوا ل سنورێ ناحیا سەرسنک ئێکە ژ وان هاڤینگەهێن ئامێدیێ و پارێزگەها دهۆكێ کو جودا ژ هاڤینگەهێن دی، خزمەتەکا بەرچاڤ د شەڤێن هاڤینێ دا بۆ گەشتیار و وەڵاتیان دکەت، ئەڤرۆ نیوز چەند دیمەنێن شەڤێن ئاشەوا بەلاڤ دکەت.
نيشاندان