ئەڤرۆ نیوز، نەوزاد هلۆری:
رێکخراوا 88 یا ناساندنا تاوانێن ئەنفالان ب هەڤکاری ل گەل رێڤەبەریا کاروبارێن شەهید و ئەنفالکریان ل پارێزگه‌ها دهۆکێ، رابوو ب ساخکرنا 31 سالیا ئەنفالکرنا بەهدینان ل پارکا نەورۆز ل سەنتەرێ باژێرێ دهۆکێ ب چەند چالاکیان.
ئه‌ڤرۆ نیوز:
جێگرێ سه‌رۆكێ په‌رله‌مانێ عیراقێ به‌شیر حه‌داد راگه‌هاند، ل ده‌مه‌كێ نێزیك شانده‌كێ حوكمه‌تا هه‌رێما كوردستانێ دێ سه‌ره‌دانا به‌غدا كه‌ت و ل گه‌ل به‌رپرسێن حوكمه‌تا عیراقێ كۆمبیت.
حه‌داد گۆت ژى” ئومید یا هه‌ى د ده‌مێ هه‌یڤه‌كێ هه‌تا دو هه‌یڤان دانوستاندنێن هه‌ولێرێ وبه‌غدا بگه‌هنه ئارمانجه‌كێ، چه‌نكى نوكه ل به‌غدا كار ل سه‌ر بودجا سالا 2020 دهێته كرن وهه‌تا هه‌یڤا 12 دڤێت بودجه بهێته هنارتن بۆ په‌رله‌مانى، له‌وما هه‌كه د ڤى ده‌مى دا هه‌رێما كوردستانێ و به‌غدا نه‌گه‌هنه رێككه‌فتنێ، ده‌ربازكرنا بودجێ ل په‌رله‌مانێ عیراقێ دێ گه‌له‌ك یا ب زه‌حمه‌ت بیت”.
ئه‌ڤرۆ نیوز ، عه‌لى حاجى:
ئه‌ڤرۆ ل گوندێ تویكا یێ سه‌ر ب قه‌زا زاخۆ ڤه سالڤه‌گه‌را 31 سالیا كێمیا بارانكرنا 14 پێشمه‌رگان هاته ساخ كرن كو ئه‌وا ژ لایێ رژێما دكتاتوریا به‌عس ڤه هاتینه شه‌هید كرن.
ئه‌حمه‌د ئه‌حمه‌د مه‌لا ، ئێك ژ كه‌س و كارێن شه‌هیدان بۆ ئه‌ڤرۆ نیوز ئاشكه‌را كر بۆ ماوێ دو سالایه كێمیا بارانكرنا 14 شه‌هیدێن پێشمه‌رگه ل گوندێ تویكا ب سستى دهێته ساخكرن، ئه‌ڤرۆ ل روژا ئێك شه‌مبێ رێكه‌ڤتى 25/8/2019 بتنێ ب ئاماده‌بوما چه‌ند به‌رپرسه‌كێن ده‌ڤه‌را باتیڤا ئه‌ڤ یاده هاته ساخكرن و نوونه‌رێ رێڤه‌به‌ریا شه‌هید و ئه‌نفالكریان ل زاخۆ پشكدار ببون، نێزیكى دو سالایه ئه‌ڤ یاده وه‌كو پێدڤى ناهێته ساخ كرن، زێده‌بارى وێ چه‌ندێ ژى هه‌تا نوكه جادده‌یا وى گوندى ژكاركه‌فتى یه و ئه‌م نه‌شێن ب دروستى بچینه سه‌ر گورێ شه‌هیدێن خوه.
ناڤهاتى گوت ژى : بۆ كاره‌ساته‌كا ب ڤى ره‌نگى پێدڤى یه ب ڤى ره‌نگى نه‌بیت و زێده‌تر گرنگى ب ساخكرنا وێ بهێته دان،ئه‌وا دهیچته كرن ژى گه‌له‌ك یا بێ سه‌روبه‌ره و وه‌كو پێدڤى ژى خزمه‌تگوزاریێن بچیك نه‌گه‌هشتینه وان و ئه‌ڤه بۆ ماوه‌یێ چه‌ند سالایه ئه‌م داخاز ژى دكه‌ین،به‌لێ هه‌تا نوكه هاتینه پشت گوه خستن .
ئه‌ڤرۆ نيوز:
راهێنه‌رێ ئه‌لمانى يێ يانا پاري سان جێرمان يا فره‌نسى تومار توخێل بۆ ياريا ئه‌ڤ شه‌ڤه يا يانا وى به‌رامبه‌ر يانا تولوز ژ گه‌را دويێ يا خولا فره‌نسا ستێرا يانێ يێ به‌رازيلى نيمار داسێلڤا ژ پێكهاتيێ تيمێ هاته دورخستن.
ب ڤێ بريارێ چاره‌نڤيسێ ياريزانێ به‌رازيلى نيمارى دگه‌ل يانا پاريس سان جێرمان هه‌تا راده‌يه‌كێ مه‌زن مژه‌وى بوويه ئه‌وێ چه‌ندين جاران راگه‌هاندى حه‌زدكه‌ت يانا خوه پاريس سان جێرمان بجه بهێليت.
د كونگرێ رۆژنامه‌ڤانى به‌رى ده‌مه‌كێ كێم توماس توخێل راهێه‌رێ پاريس سان جێرمان دياركر هنگافتنا نيمارى ب دووماهى هاتيه و راهێنانێن بكوم ئه‌نجامداينه لێ هێشتا چاره‌نڤيسێ وى دگه‌ل كارگێريا يانێ ئێكلا نه‌بوويه.
پێكاهتيێ يانا پاريس بۆ ياريا ئه‌ڤه شه‌ڤه ب ڤى شێوه‌يه:
ئه‌ڤرۆ نيوز:
د چارچوڤێ ئه‌نفالا دژى خه‌لكێ سڤيل يێ هه‌رێما كوردستانێ كو سالا 1988 ژ لايێ رژێما به‌عس يا عيراقێ ڤه هاتيه ئه‌نجامدان تێدا 180 هژار كه‌س هاتنه ئه‌نفالكرن و شه‌هيدكرن و بهزاران گوندێن كوردستانێ تێدا هاتنه وێران كرن، و ئه‌ڤرۆ سالروژا ئه‌نفالا بادينانه.
ئه‌نفالا بادينان دووماهيا ئه‌نفالا هه‌رێمێ بوو كو ژ 25 هه‌يڤا ته‌باخێ ده‌سپێكر هه‌تا شه‌شى ئه‌يلولا سالا 1988 به‌رده‌وام بوو كو هه‌موو ده‌ڤه‌رێن بادينان ڤه‌گه‌رتبوو تێدا كێميا باران و گرتن و كوشتن، ڤه‌گوهاستن و وێرانكرنا گوندێن ده‌ڤه‌را بادينان برێيا پێنج فرقێن سه‌ربازى ڤه هاته ئه‌نجامدان و تنێ ئه‌و كه‌س ژ ڤێ هه‌وا ئه‌نفالێ رزگابوون يێن ئاواره‌ى وه‌لاتێن توركيا و ئيرانێ بووين.
ل ڤێ بيره‌وه‌ريێ سه‌رێ رێزێ بۆ هه‌موو شه‌هيد و ئه‌نفالكريێن بادينان د چه‌مينينن و داخوازێ ژ حوكمه‌تا عيراقێ دكه‌ين ل دووڤ بريارا دادگه‌ها بلندنا تاوانێن عيراقێ ڤێ ئه‌نفالێ ب تاوانا دژى مروڤايه‌تى و جيونسايد و جه‌نگ بده‌ته نياسين و ئه‌ركێ ئه‌خلاقى و قانوونى يێن خوه بكاربينت و قوربانيێن ئه‌نفالێ قه‌ره‌بوو بكه‌ت ديسان حوكمه‌تا هه‌رێمێ ژى دێ هێته راسپاردن زێده‌تر خزمه‌تا قوربانيێن ئه‌نفالێ بكه‌ت و دووڤچونا چاره‌نڤيسێ وان بێ سه‌روشينا بكه‌ت.
سه‌رۆكاتيا هه‌رێما كوردستانێ
25/8/1988
ئەڤرۆ نیوز، رێوار مزیری:
بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ دیار کر کو پشتی پۆلیسێن ھەوارھاتنێ ل دھۆکێ ئەڤرۆ رۆژا ٢٥/٨/٢٠١٩ێ ل سەر دیتنا تەرمێ زەلامەکی ل تاخێ مالتایێ یێ باژێرێ دهۆکێ ھاتینە ئاگەھدارکرن ئێکسەر گەھشتنە جھێ روودانێ و دیاربوو کو بەری چەند رۆژان وی زەلامی د مالا خوە ڤە خوە کوشتیە.
موقەدمێ مافپەروەر ھێمن سلێمان، بەرپرسێ پشکا پەیوەندی و راگەھاندنێ ل رێڤەبەریا پۆلیسێن پارێزگەھا دھۆکێ بۆ ئەڤرۆ نیوز خویا کر کو پشتی پۆلیسێن ھەوارھاتنێ ل سەر دیتنا تەرمێ زەلامەکێ د ژیێ ٧٨ سالیێ دا ل تاخێ مالتایێ یێ باژێرێ دھۆکێ ھاتینە ئاگەھدارکرن ئێکسەر گەھشتنە جھێ روودانێ و د ڤەکۆلینێن دەستپێکی دا دیاربوو کو وی زەلامی بەری چەند رۆژان خوە د مالا خوە ڤە کۆشتیە و کەسێ ئاگەە ژێ نەبوویە.
ناڤھاتی ئاماژە دا وێ چەندێ کو ئەڤ زەلامە خەلکێ پارێزگەھا دھۆکێ یە و گۆت: “نوکە پەرێن ڤەکۆلینێ ل نڤیسینگەھا کوشتن یا نەھێلانا گونەھباریان ھاتینە ڤەکرن بۆ تمامکرنا ڤەکۆلینێ”.
ئه‌ڤرۆ نیوز، عه‌لى حاجى :
ئه‌ڤرۆ ل روژا ئێك شه‌مبێ د سه‌ره‌دانه‌كێ دا بێگه‌رد ته‌له‌بانى وه‌زیرا كشتولا حكومه‌تا هه‌رێما كوردستانێ سه‌ه‌ردانا ده‌روازه‌یێ نێڤده‌وله‌تى یا ئیبراهیم خه‌لیل كرن و ژ نێزیك ڤه ژى لێنێرینه‌ك ل تاقیگه‌هێن ناڤ ده‌روازا ناڤبرى داكر.
د كونگره‌یه‌كێ روژنامه‌ڤانى بێگه‌رد تاله‌بانى دیاركر مه‌ره‌م ژ سه‌ره‌دانا وێ بۆ كومه‌لگه‌هێ ئه‌وه كو ژ نێزیك ڤه دیتنه‌كێ ل وان كه‌لو په‌لێن بكه‌ین ب وه‌زاره‌تا كشتوكالێ ڤه گرێدایى و هه‌ر دیسان شێوازێ ئینانا وان به‌رهه‌مان ئه‌وێن ب رێیا ڤێ كومه‌لگه‌هێ دهێنه ناڤ ئاخا كوردستانێ دا و هه‌ر دیسان شێوازێ هنارتنا وان به‌رهه‌مێن ناڤخو بۆ ژده‌رڤه، ژبه‌ركو ئه‌و به‌رهه‌مێن دهێنه ناڤ كوردستانێ و عێراقێ دا ب رێیا ڤێ ناڤه‌ندى یه و ئێكه‌م وێستگه‌هه بو زانینا جورێ وان به‌رهه‌مێن دهێته ناڤ بازارێن مه‌دا، ب خوه‌شحالى ڤه ئه‌وا یا من دیتى كو جهێ ده‌ست خوه‌شیێ یه كو ئه‌و هوشیارى و ستافێ ئه‌كادیمى یا لبه‌ر ده‌ست هه‌یى و كاره‌كێ باش دهێته كرن .
دا زانین ژى : ژلایێ مه ڤه زور یا گرنگه دووڤچونێ ل سه‌ر وان كومپانیان یا ژى وان ده‌رگه‌هێن سنورى بكه‌ین یێ كه‌ل و په‌لێن گرێدایى ب وه‌زاره‌تا مه‌ڤه ب تایبه‌تى ژى كونترولا جورى و گوت: مه وه‌كو وه‌زاره‌ت بریار دایه ب شێوه‌یه‌كێ مه‌یدانى دووڤچونا وان كێشه‌یان بكه‌ین یێ كو دكه‌ڤنه رێیا رێڤه‌به‌ریێن سه‌ر ب وه‌زاره‌تا مه‌ڤه و له‌ورا دێ ماوه‌یێ دو روژان ئه‌ڤ سه‌ره‌دانا یا به‌رده‌وام بیت ژبو زانینا وان كێشه‌یان ب شێوه‌یه‌كێ گشتى داكو ئه‌و كێشه‌یه دگه‌ل ئه‌نجومه‌نێ وه‌زیران بهێنه چاره‌سه‌ر كرن و ل سه‌ره‌دانا مه ژى دا دیار بوو كو مه پێدڤى ب هه‌مانگه‌هیه‌كا باش هه‌یه دگه‌ل وه‌زاره‌تا ته‌ندروستى و دگه‌ل وه‌زاره‌تێن دیتر هه‌یه دا كو بشێن كێشه‌یان چاره‌سه‌ر بكه‌ین.
ل دوماهیێ گوت ژى : پشتى دیفچوونا مه بۆ ل رێڤه‌به‌ریێن مه و ژبه‌ر باشتر كرنا ره‌وشا جوتیاران و ل دووڤ وى به‌رهه‌مێ جوتیار دئیننه ناڤ بازارى دا مه بریارا قه‌ده‌غكرنا هنده‌ك به‌رهه‌مان ده‌ركرى یه و ل سه رمه پێدڤى یه ئه‌م ئه‌م مافێ جوتیارى و بكارهێنه‌رى پارێزین، مه بریار نه‌جایه بو راكرنا بریارێ ل سه‌ر قه‌ده‌غكرنا وان به‌رهه‌مان به‌لێ هه‌ر ده‌ما مه زانى به‌رهه‌مێ ناڤخویى كێم بویه، د وى ده‌مى دا دێ بریار هیچته راگرتن،بو ئینان به‌رهه‌مێت وه‌لاتێن دیتر مه پێدڤى ب هه‌ما هه‌نگیێ هه‌یه دگه‌ل وه‌لاتان و عێراقێ ،ژبه‌ر كو حكومه‌تا عێراقێ رێنما و بریارێن خوه هه‌نه،مه هه‌ما هه‌نگه‌یكا باش دگه‌ل حكومه‌تا عێراقێ هه‌یه و ئه‌م ب ئومێدین دگه‌ل وه‌لاتێن دیتر ژى دروست بكه‌ین دا كو به‌رهه‌مێن مه ژى باشتربن.
ئه‌ڤرۆ نيوز:
پشتى كومپانيا (Infor) ل جهێ كارێ ئه‌رزوحالچيان ده‌ستبكاربووى و بوويه جهێ نه‌رازيبوونا وه‌لاتيان تايبه‌ت برێيا تورێن جڤاكى ره‌خنه ل بهايێ گرانبوونا عه‌ريزه‌يان ژ سێ هزاران بۆ 25 هزار ديناران و زێده‌تر گرتى، سه‌نديكا پارێزه‌رێن كوردستانێ دژى ڤێ بريارێ هاته ده‌نگ و ب فه‌رمى نڤيساره‌ك پێشكێشكى وه‌زيرێ داد كريه.
د ڤێ نيڤسارێ دا هاتيه ئه‌و ل گه‌ل وێ چه‌ندێ نه بوو ئه‌لكرونيكرنا كارێن حوكمه‌تێ لێ نه ل سه‌ر كيستێ خه‌لكێ فه‌ير و كێم ده‌ره‌بات و ئه‌ڤ كاره بيته بارگرانى بۆ خه‌لكێ له‌ورا داخوازێ ژ وه‌زيرێ داد دكه‌ين پێداچونه‌كێ د گرێبه‌ستێ دابكه‌ن بۆ به‌رژه‌وه‌نديا گشتى.
ئه‌ڤرۆ نيوز، نيوار محه‌مه‌د سه‌ليم:
سپێدەھیا ئەڤرۆ، بەرێز فەھیم عەبدولا، سەرۆکێ جڤاتا پارێزگەھا دھۆکێ پێشوازی ل بەرێز ئالان حەمە سەعید وەزیرێ پەروەردێ ل حوکمەتا ھەرێما کوردستانێ و شاندێ ل گەل دا کر.
د پەیڤەکێ دا، بەرێز فەھیم عەبدولا، سەرۆکێ جڤاتا پارێزگەھا دھۆکێ وێرای پیرۆزباھیکرنێ ل ناڤری د ئەرکێ وی یێ نوو دا و داخواز ژێ کر کو چارەکێ ل ئاریشێن قوتابخانێن سێ دەوامی بکەن و وێ ئاریشێ نەھێلن ژ بەر کارتێکرنا وێ یا خراب ل سەر سیستەمێ خواندنێ.
د لایەکێ دی یێ پەیڤا خوە دا تەکست ل سەر سیستەمێ خواندنێ کر و دا زانین کو گوھۆڕینا سیستەمێن پەروەردەیی نەیا ب ساناھی یە و دەم پێ دڤێت و ل کوردستانێ ھەر کەسێ بۆ وەزیر کارێ وی یێ ئێکێ یێ بوویە گوھۆڕینا سیستەمێ پەروەردی و گۆت: “ل دنیایێ ھەموویێ سیستەمێ پەروەردەیی ب زەحمەت دھێتە گوھۆڕین و کەسانێن شارەزا پێ دڤێن. گوھۆڕینا سیستەمێ پەروەردەی وەکو گوھۆڕینا دستووری یە”.
ھەردیسا سەرۆکێ جڤاتا پارێزگەھا دھۆکێ داخواز ژ وەزیرێ پەروەردێ کر کو چارەکێ بۆ میلاکی ببینن و وەکھەڤیەکێ پەیدا کەن.
ژ لایێ خوە ڤە، بەرێز ئالان حەمە سەعید وەزیرێ پەروەردێ سۆپاسیا سەرۆکێ جڤاتا پارێزگەھا دھۆکێ کر و دا زانین کو ژ بەر گرنگیا جڤاتێ و پەیوەندیا وێ ب ھەموو سێکتەرێن پارێزگەھێ ڤە ئەوان سەرەدانا وان کریە.
دا زانین ژی کو پەروەردە ژ بەر کو پشکەکە ژ ژیانا پتریا خەلکی، ب کەرتەکێ گەلەک گرنگ دھێتە دانان و یا بێ کێماسی ژی نینە. ئاشکەرا ژی کر کو دێ بزاڤێ کەن وان ئاریشان چارەکەن.
د پشکەکا دی یا ئاخفتنا خوە دا، ئیشارەت ب وێ چەندێ کر کو ھەتا نھا ل ھەرێما کوردستانێ قانوونەکا تایبەت ب پەروەردێ ڤە نینە، قانوونا وەزارەتا پەروەردێ یا ھەی، بەلێ ئەو بزاڤێ دکەن قانوونەکا سەردەمانە بۆ کەرتێ پەروەردێ ل ھەرێما کوردستانێ ب دارێژن و بەرھەڤ کەن.
دەربارەیی سیستەمێ پەروەردی ژی دا زانین کو ئەو بزاڤێ دکەن پشت بەستنێ ل سەر زمانێ کوردی و ناڤخۆ بکەن کو پێشتر خەلکەکی سیستەم بۆ پەروەردێ ددانا، د دەمەکی دا کو ژمارەکا زۆر یا کەسانێن شارەزا یێن ناڤخۆ یێن ھەین.
ئەڤرۆ نیوز، نەوزاد ھلۆری:
پشتی کو بەرەڤانیا باژێری ل بلێ تەرمێ کەسەکێ د رووبارێ زێ مەزن دا ل نێزیک بلێ دیتیەڤە و بو نوژداریا داد ل دھۆکێ ھاتیە رەوانەکرن، دەرکەفت تەرمێ ئەوێ کچا بەری دوو ھەیڤان ل دێرەلووکێ خوە ھاڤێتیە د رووباری دا.
فەرھاد باقی نھێلی، بابێ ئەوێ کچێ بۆ ئەڤرۆ نیوز گۆت: (پتری دوو ھەیڤایە کچا من ل دێرەلووکێ خوە ھاڤێتیە د رووباری دا و ھەتا نوکە چارەنڤیسێ وێ نەدیارە و مە بەھیا وێ ژی دانابو، پشتی کو دوھی تەرمێ کەسەکێ ل نێزیک بلێ ھاتیە دیتن و مە ژ نێزیک سەرەدان بو کری، دەرکەفت تەرمێ کچا من ب ناڤێ ھنداڤ).
زێدەتر گۆت: (نوکە ئەم یێ بەرھەڤیان دکەین داکو تەرمێ کچا خوە ل نوژداریا داد ل دھۆکێ وەربگرین و ل دێرەلووکێ ڤەشێرین، سوپاسیا ھەموو وان کەسان دکەین کو ھاریکاریا مە کری بو لێگەریانا کچا من).
دھێتە زانین کو ژیێ ھنداڤێ 16 سالە و ل ناحیا دێرەلووکێ دژیت و قوتابی بویە، ب گورەی ئاخفتنێن کەسوکارێن وێ، ئەو چەندەک بو توشی نەخوشیا دەرونی بویی، لەورا خوە ھاڤێتیە رووباری.
نيشاندان