ئەڤرۆ نیوز:
عەبدوللا گویل سەرۆک کۆمارێ بەرێ یێ تورکیا و ئێک ژ دامەزرێنەرێن ئاکپارتیێ راگەهاند کو چو دەستهەلاتەک هەتا هەتای نامینیت و هەکە دەستهەلاتەک د ناڤا خوە دا گوهۆرینان نەکەت و ژ خەلکی دوور کەڤیت دێ ژناڤ چیت.
چاڤدێرێن سیاسی ژی دیار دکەن کو ئاخڤتنێن گویلی هەموو بۆ ئەردۆگانی هاتینە گۆتن و ئەو نها ل گەل چەند هەڤالێن خوە بەرهەڤیان بۆ راگەهاندنا پارتەکا نوو ل تورکیا دکەن.
ئەڤرۆ نیوز:
نێچیرڤان بارزانی سەرۆکێ هەرێما کوردستانێ ئەڤرۆ ل بەغدا ل گەل بەرهەم سالح سەرۆک کۆمارێ عیراقێ کۆمبوو و د کۆمبوونێ دا بەحسێ رەوشا سیاسی یا عیراقێ و دەڤەرێ و پرسا مادێ ١٤٠ و هەروەسا پرسا تیرۆرێ هاتە کرن.
د کۆمبوونێ دا هەر دو ئالیان دیار کرن کو دڤێت هەماهەنگیەکا تەمام د ناڤبەرا هەرێمێ و بەغدایێ دا بۆ ژناڤبرنا تیرۆرێ هەبیت.
ئەڤرۆ نیوز:
سەرۆکێ ئەمریکا دۆنالد ترامپ راگەهاند کو تورکیا بزاڤ دکرن هێرشێ کوردان ل باکورێ سووریێ بکەت، لێ من ئاستەنگی بۆ هندێ دروست کر و من نەهێلا تورکیا هێرشی کوردان بکەت.
سەرۆکێ ئەمریکا ئەو یەک ژی دیار کر کو تورکیا ٦٥ هزار سەرباز و چەکێن گران بۆ هێرشا ل سەر کوردێن سووریێ بەرهەڤ کربوو لێ من نەهێلا و ئەردۆگانی ژی هێرشا ل سەر کوردان دا راگرتن.
ئه‌ڤرۆ نیوز، على حاجى:
وارس كۆچه‌ر ئێك ژ كه‌سوكارێن وێ خێزانا پێنج كه‌سى ئه‌وێن د خابیرى دا خه‌ندقین ل ده‌ڤه‌را دوكه‌رێ ل باتیفا بۆ ئه‌ڤرۆ نیوز دیاركر كو ل ده‌ستپێكێ ته‌رمێ سێ كه‌سان هاتبوو ده‌رئینان ئه‌و ژى ژنه‌كا 45 سالى وكچا وێ یا 17 سالى و كورێ وێ یێ 9 سالى.
گۆت ژى” به‌رى ده‌مه‌كێ كێم ته‌رمێ چارى ژى هاته ده‌رئینان”.
ئەڤرۆ نیوز،بارزان مزووری:
کومیسەر ئامر نامق، ژ پشکا ھاتنوچوونا شێخان بۆ ئەڤرو نێوز دیارکر کۆ ل ئێڤاریا ئه‌ڤرۆ ئه‌ینیێ ٢٨/٦/٢٠١٩ ل سەر رێیا سەرەکی یا شێخان بۆ دھۆك، روودانەك د ناڤبه‌را دو ترومبێلان دا ژ جۆرێ تەکسی کوردستان و دۆج تایبەت روودا د ئەنجامدا پێنج کەس بریندار بوونو بۆ نەخوه‌شخانا تەنگاڤیا ل دهۆكێ ھاتن ڤەگوھاستن.
ئەڤرۆ نیوز، رێوار مزیری:
بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ بۆ ئەڤرۆ نیوز دیار کر کو پشتی ل رۆژا ٢٥/٦/٢٠١٩ێ ل باژێرێ ڤییەنا ل وەلاتێ نەمسا، د.شەونم ئەحمەد وەیس، نۆشدارا تایبەتمەند یا نەخۆشیێن ژنان و زارۆبوونێ وەغەر کری و ئەڤرۆ جەنازێ وێ ب رێیا فرۆکخانا هەولێرێ یا نێڤدەولەتی گەهشتیە هەرێما کوردستانێ ژڤانە پشتی دەمەکێ کێم ل گۆرستانا شاخکێ بهێتە ڤەشارتن.
حەمزە رەزیکی، بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ ئاشکرا کر کو د.شەنم ئەحمەد وەیس، ل سالا ١٩٦٥ ێ ل باژێرێ بەغدا ژدایکبوویە و ل سالا ١٩٨٨ باوەرناما بەکالوریوس ب نۆشداریا گشتی ل زانکۆیا مووسل ب دەستڤە ئینابوو.
ناڤھاتی ئاماژە دا وێ چەندێ کو دامەزراندنا وێ یا ئێکێ وەکو نۆشدار ل سەر میلاکێ رێڤەبەریا گشتی یا ساخلەمیا پارێزگەھا کەرکووکێ بوویە و پاش ل سالا ١٩٩٧ێ ھاتیە ڤەگوھاستن بۆ پارێزگەھا دھۆکێ وەکو مامۆستا ل کۆلیژا پزیشکی یا زانکۆیا دھۆک و نۆشدارا تایبەتمەند یا نەخۆشیێن ژنان و زارۆبوونێ ل نەخۆشخانا ئازادی یا گشتی یا فێرکرنێ و پشکێن نەخۆشیێن ژنان و زارۆبوونێ درێژی ب خزمەتا خوە دایە و خزمەتەکا مەزن پێشکێشی نەخۆشێن ژن ل پارێزگەھێ ب گشتی کریە.
بەرپرسێ راگەھاندنێ ل رێڤەبەریا گشتی یا ساخلەمیا پارێزگەھا دھۆکێ خویا کر کو پشتی ژ لایێ کۆمەلا جیھانی یا نەخۆشیێن ژنان و زارۆبوونێ ھاتیە داخوازکرن بۆ پشکداریکرنێ د کونفرانسەکێ نێڤدەولەتی دا ل وەلاتێ نەمسا، ل رۆژا ٢٥/٦/٢٠١٩ ب مخابنیڤە ژ نشکەکێڤە گیانێ خوە ژدەست ددەت
ئەڤرۆ نیوز ، عەلی حاجی :
زێدەتر ژ7 رۆژایە لێگەریان ل تەرمێ (مێهڤان ئاڤدەل)ی ژلایێ تیمێن نقومەڤانی ڤە ل پارێزگەها دهوكێ و كەسوكارێن وی يا بەردەوامە وهه‌تا نوكه نەشیاینە تەرمێ وی ببینن ، شیلی بوونا ئاڤێ بوویە ریگر كو لێگەریان ب زەحمەتر بكەڤیت.
ئه‌ڤرۆ نيوز:
جێگرێ سه‌رۆكێ په‌رله‌مانێ عيراقێ داخوازيه‌ك ئاراسته‌ى حوكمه‌تا هه‌رێما كوردستانێ كر كو فرۆكه وترومبێلێن هاوارهاتنێ زێده‌تر بهنێريت بۆ پشكداريێ د ڤه‌مراندنا ئاگرێه‌كارگه‌ها كبريتا مشراق ل مووسلێ.
نڤيسينگه‌ها جێگرێ سه‌رۆكێ په‌رله‌مانێ عيراقێ به‌شير حه‌داد به‌لاڤكر كو پشتى ئاگر به‌ربوويه كۆمپانيا گشتى يا كبريتا مشراق وده‌ڤه‌رێن ده‌وروبه‌ر ل باشوورێ مووسلێ، به‌شير حه‌داد به‌رده‌وام د په‌يوه‌نديێ دا بوو ل گه‌ل حوكمه‌تا هه‌رێما كوردستانێ وداخواز ژ جهێن په‌يوه‌نديدار كر به‌رده‌وام بن د هنارتنا فرۆكێن ئاگرڤه‌مراندنێ
ئه‌ڤرۆ نيوز:
سه‌رۆك مه‌سعود بارزانى ئه‌ڤرۆ پێنجشه‌مبى 27/6/2019 ل گه‌ل سه‌رۆك وئه‌ندامێن فراكسۆنا پارتى ديموكراتى كوردستان ل په‌رله‌مانێ كوردستانێ كۆمبوو.
سه‌رۆك بارزانى د وێ كۆمبوونێ دا دياركر كو نوونه‌رێن پارتى ل په‌رله‌مانێ كوردستانێ نوونه‌رێن ديرۆك وبها وئارمانجێن پارتى نه، پێدڤيه نوونه‌رێن پارتى ل په‌رله‌مانى ل ئاستێ وێ به‌رپرسياره‌تيێ بن و برگريكارێن خواست وئازارێن خه‌لكێ كوردستانێ بن.
گۆت ژى” دڤێت ئه‌ندام ونوونه‌رێن پارتى د راستگۆ بن ل گه‌ل خه‌لكى وداخوازيێن خه‌لكى بگه‌هيننه جهێن مه‌به‌ستێ وچو ده‌مه‌كى ژى نێزيكى موزايه‌دێ وئاخڤتنێن بێ كريار نه‌بن”.
نيشاندان