ئەڤرۆ نیوز، نەوزاد هلوری:
هەرسال ب هەلکەفتا جەژنێن ئاینی و نەتەوەی و جڤاکی، رێژەیەکا زورا چەرەز و شیریناهیان دکەڤیتە بازاری و داخوازی ل سەر زێدەدبیت، خودانێ ئێک ژ بازارێن چەرەزان ل بازارێ دهۆکێ دیارکر کو نوکە بازارێ چەرەزان گەرم بویە و گرانترین چەرەز د بازاری دا چەرەزێن کوردی نە کو ئەو ژی کەنگرە و بهایێ وێ 30 هزار دینارە.
ئه‌ڤرۆ نیوز:
وه‌زاره‌تا كاروبارێن شه‌هید وئه‌نفالكریان ل هه‌رێما كوردستانێ راگه‌هاند، حوكمه‌تا هه‌رێمێ رازیبوونا خوه دیاركریه بۆ مه‌زاختنا پارێ دو سالێن دى یێن خواندنێ بۆ كه‌سوكارێن شه‌هید وئه‌نفالكریان كو ل زانكۆ وپه‌یمانگه‌هێن ئه‌هلى دخوینن.
فوئاد عوسمان، په‌یڤدارێ وه‌زاره‌تا كاروبارێن شه‌هید وئه‌نفالكریان راگه‌هاند” حوكمه‌تا هه‌رێمێ رازیبوونا خوه دیاركریه كریا خواندنا هه‌ردو سالێن 2017 و 2018 یا كه‌سوكارێن شه‌هید وئه‌نفالكریان ب مه‌زێخیت كو ل هه‌رێما كوردستانێ ل زانكۆ وپه‌یمانگه‌هێن ئه‌هلى دخوینن”.
ناڤبرى گۆت ژى” چاڤه‌رێ دهێته كرن گه‌نجینه پارێ پێدڤى دابین بكه‌ن وده‌ست ب مه‌زاختنا پاره‌ى بهێته كرن، چونكى وه‌زاره‌تا دارایى وئابوورى بریار یا داى و تنێ یا ماى بهێته مه‌زاختن”.
ئەڤرۆ نیوز، نەوزاد هلۆری:
پەیکەرسازەکێ باژێرێ دهوکێ گروپەکێ 12 کەسی کو ژ پەیکەرسازێن هەر چار پارچێن کوردستانێ ب خوه‌ڤە دگرن پێکئینایە و چەندین پەیکەر و کارێن جوان ل کوردستان و دهۆکێ دروستکرینە، ب گورەی وی پەیکەرسازی، وان پەیکەرێ مەزنترین دیکلێ کوردی ل عیراق و کوردستانێ ل دهۆكێ چێکریە و بهایێ وی پێنج هزار دۆلارە، کەره‌ستەیێ چێکرنا دیکلی ژی هەموو ئاسنە.
ئه‌ڤرۆ نیوز:
به‌رپرسێ ده‌زگه‌هێ هه‌لبژارتن یێ پارتى دیموكراتى كوردستان راگه‌هاند، ل دادگه‌ها فیدرالى یا عیراقێ سكالا تۆماركریه، پشتى كو جڤاتا نوونه‌رێن عیراقێ بریار داى ل ده‌مێ ئه‌نجامدانا هه‌لبژارتنێن جڤاتێن پاریزگه‌هێن عیراقێ،ئه‌و هه‌لبژارتنه ل كه‌ركووكێ ژى بهێنه ئه‌نجامدان.
جڤاتا نوونه‌رێن عیراقێ ب پتریا ده‌نگدان بریار دابوو ل ده‌مێ ئه‌نجامدانا هه‌لبژارتنێن جڤاتێن پارێزگه‌هان، پرۆسا هه‌لبژارتنان ل پارێزگه‌ها كه‌ركووكێ ڤه‌گریت، پارتى دیموكراتى كوردستان ب فه‌رمى سكالا ل دادگه‌ها فیدرالى یا عیراقێ تۆماركریه.
خسرۆ گۆران، به‌رپرسێ ده‌زگه‌هێ هه‌لبژارتن یێ پارتى دیموكراتى كوردستان د داخۆیانیه‌كێ دا بۆ مالپه‌رێ فه‌رمى یێ پارتى گۆت” پارتى ب فه‌رمى سكالا ل دادگه‌ها فیدرالى یا عیراقى تۆماركریه”. هه‌ڤده‌م ئه‌و ده‌نگوباس ژى ره‌تكرن یێن به‌حسێ دیاركرنا پارتى بۆ به‌ربژاران بۆ جڤاتا پارێزگه‌ها كه‌ركووكێ.
بریاره ل هه‌یڤا نیسانا 2020 هه‌لبژارتنێن جڤاتێن پارێزگه‌هێن عیراقێ ب كه‌ركووكێ ژى ڤه بهێنه ئه‌نجامدان.
بەردەڕەش، ڕەزوان ڕۆژبەیانی:
پشتی نیڤرۆیا ئەڤرۆ رۆژا چارشه‌مبى سێنلەک ل ناحیا روڤیا د گومەکا ئاڤێ دا دخەندقیت.
ناڤێ وى سنێله‌ى احمد سردار و ئاکنجیێ ناحیا روڤیە یە د گومەکا ئاڤێ دا دخەندقیت پشتی روودانێ تەرمێ دهێتە رەوانە کرن بۆ نەخۆشخانا تەنگاڤیا ل قەزا ئاکرێ پشتی کو نوژدار ژمرنا وی پشت راست دبن دهێتە ڕەوانەکرن بۆ نوشدارێ داد هەر ل ئاکرێ.
ئەڤرۆ نیوز:
شیلدۆن وایتهاوس سیناتۆرێ کۆماریان ل ئەمریکا راگەهاند کو ئەردۆگان مرۆڤەک گەلەک مەترسیدارە و ل گەل رێکخراوێن هشكباوەر کار دکەت و ژ بەر هندێ ژی دڤێت ئەمریکا سنورەکێ بۆ زێدەگاڤیێن ئەردۆگانی دانێت.
ناڤهاتی راگەهاند کو کورد هەڤپەیمانێن هەری باش یێ ئەمریکا نە و دڤێت ترامپ نەهێلیت ئەردۆگان هێرشی رۆژئاڤایێ کوردستانێ بکەت و دڤێت رێگری ل ئەردۆگانی بهێتە کرن.
ئه‌ڤرۆ نیوز ، عه‌لى حاجى:
د داخویانیه‌كێ دا رێڤه‌به‌رێ شینوارێن زاخۆ بۆ ئه‌ڤرۆ نیوز ئاشكه‌را كر ئێدى ب هیچ ره‌نگه‌كێ قه‌بیل ناكه‌ین پرا ده‌لال تێكده‌ن و هه‌لكرنا ئاگرى و چه‌ندین تشتێن دى پێدڤى یه بهێنه قه‌ده‌غه‌كرن .
محه‌مه‌د یوسف ئه‌و چه‌نده ژى گوت: د پارچه ڤیدیویه‌كێ دا دیار بیت كو هنده‌ك كه‌س ل ته‌نشت پرا ده‌لال ئاگرى هه‌لدكه‌ن، ب راستى وان دیمه‌نا ئه‌م ئێشاندین ژبه‌ركو پرا ده‌لال جهه‌كێ دیروكیێ ڤى باژێرى یه و دڤێت ژنێزیك ڤه چاڤدێرى لێ بهێته كرن، زێده‌بارى وێ چه‌ندێ ژى ماوه‌كه كومپانیا راكرنا گلێشى به‌رمایك و گلێشێ ل نێزیك پرا ده‌لال بۆ ماوێ چه‌ند روژه‌كا دهێلیت و ناراكه‌ت و ئه‌ڤ چه‌نده ژى دیمه‌نه‌كێ كرێت ده‌ته پرا ده‌لال و هاتنا گه‌شتیاران بۆ وى جهى دزێده‌بونێ دایه.
ناڤبرى گوت ژى : بو ڤێ چه‌ندێ دێ دو نڤیساران ره‌وانه‌ى كه‌ین ، ئێك بۆقاممقامیا زاخۆ و یا دى ژى بۆ باژێرڤانیا زاخۆ،ژبه‌ر كو دا ژنێزیك ڤه چاڤدێرى ل پرا ده‌لال بهێته كرن یان ژى خاله‌كا پولیسان ل لایێ دیێ پرێ بهێته دان دا كو رێگرى ل خراب كارا بهێته گرتن و هه‌ر كه‌سه‌كێ ب وى كارى رابیت ژى دێ سكالایێ ل سه‌ر تومار كه‌ین.
ئه‌ڤرۆ نيوز:
ئه‌ڤرۆ رۆژا چارشه‌مبى رێكه‌فتى 7/8/2019 هه‌ردو سه‌رۆكاتيێن په‌رله‌مانێ كوردستانێ ز جڤاتا وه‌زيران كومبوونه‌ك ئه‌نجامدا و دوپاتى ل وێ چه‌ندێ كر پێخه‌مه‌ت خزمه‌تا وه‌لاتيان پێدڤيه هه‌ماهه‌نگى و هاريكارى ل ناڤبه‌را هه‌ردولايان دا هه‌بيت.
د ڤێ كومبوونێ دا رێواز فايه‌ق سه‌رۆكا په‌رله‌مانێ كوردستانێ ئاماژه دا گرنگيا هه‌ماهه‌نگيا ناڤبه‌را ده‌ستهه‌لاتا په‌رله‌مانى و حوكمه‌تا هه‌رێما كوردستانێ هه‌بيت بۆ جێبه‌جێكرنا ئه‌و قانونێن دهێنه ده‌ركرن و بريار له‌سه‌ر دهێنه ده‌ركرن.
سه‌رۆكێ حوكمه‌تا هه‌رێمێ ژى ئاماژه دا گرنگى و رێزگرتن ل هه‌رسێ ده‌ستهه‌لاتێن ياسادانان و جێبه‌جێكرن و دادوه‌رى هه‌بيت پێخه‌مه‌ت گه‌شه‌پێدانا زێده‌تر يا پروسا ديموكراسى ل هه‌رێما كوردستانێ.
ئەڤرۆ نیوز:
بالیۆزخانا ئەمریکا ل ئەنقەرە د داخۆیانیەکێ دا دیار کریە کو ژ ئەنجاما دانوستاندنێن چەند رۆژێن بۆری ل گەل تورکیا گەهشتینە وێ ئەنجامێ کو پێکڤە دەڤەرا ئارام ل سووریێ دروست بکەن، ئەو دەڤەر ژی دێ بیتە ژێدەرێ ئاشتیێ بۆ سووریێ.
ل ئالیێ دی وەزیرێ بەرەڤانیێ یێ تورکیا هولوسی ئاکار ژی دیار کر کو ل گەل ئەمریکا گەهشتینە رێککەفتنێ کو پێکڤە بۆ دروستکرنا دەڤەرا ئارام ل سووریێ کار بکەن.
ئه‌ڤرۆ نیوز، عه‌لى حاجى :
ژ ئه‌گه‌رێ شه‌ره‌كى دناڤبه‌را دو بنه‌مالان دا ل گوندێ متیفێ سه‌ر ب قه‌زا زاخۆ ڤه، دو كه‌سان گیانێ خوه ژده‌ست دایه و سێ كه‌سێن دیتر ژى بریندار بوینه و برینا كه‌سه‌ك ژوان یا گرانه .
ل گور ژێده‌ره‌كێ تایبه‌ت یێ ئه‌ڤرۆ نیوز دیار كر ئه‌ڤ روودانه ل ده‌مژمێر 3:00ى پشتى نیڤرو روودایه ل گوندێ متیفا ، ئه‌ڤ شه‌ره دناڤبه‌را دو بنه‌مالا دابویه و كه‌س و كارێن ئێكن و ژئه‌گه‌رێ ئه‌ردى ئه‌ڤ ئاریشه مه‌زنتر بویه و هه‌تا گه‌هشتیه وى راده‌یى چه‌ك بهێته بكار ئینان،ژئه‌گه‌رێ وى شه‌رى ژى هه‌تا نوكه دو كه‌سان گیانێ خوه ژده‌ستدایه و سێ كه‌س ژى بریندار بوینه و برینا كه‌سه‌ك ژوان یا كویره و د نوكه دا دبن چاڤدێریا نوشدارێن نه‌خوشخانا هاوار هاتنێ نه ل زاخۆ.
نيشاندان