ئەڤرۆ نیۆز، هەرهین محەمەد:
سترانبێژێ گەنج سالح عەبدولواحد بۆ ئەڤرۆ نیۆز گۆت كركو بەری چار سالان وی بەرهەمەك توماركریە بناڤێ (مامز) كو ژ 9 تراكان پێك هاتبوو كو دو ستران ژوی بەرهەمی یێن هونەرمەند عەبدولواحد زاخولی بوون و ل وەلاتێ توركیا هاتبوو تۆماركرن، بەلێ ژبه‌ر نەبوونا سپونسەران ئەڤ بەرهەمە بەلاڤ نەكر، بەلێ ژڤانە ئەڤ بەرهەمە ل رۆژا ئێكێ یا جەژنا قوربانی بهێتە بەلاڤكرن.
زێدەتر گۆت: من ل بەرە دو سترانێن ڤی بەرهەمی كلیپ بكەم.
ئه‌ڤرۆ نیوز:
رێڤه‌به‌ریا پاسه‌پۆرتێن هه‌ولێرێ ئه‌ڤرۆ ئێكشه‌مبى 4/8/2019 راگه‌هاند كو شانده‌كێ وێ رێڤه‌به‌ریێ ل گه‌ل رێڤه‌به‌رێ پاسه‌پۆرتێن دهۆكێ سه‌ره‌دانا به‌غدا كریه.
رێڤه‌به‌ریا ناڤبرى د به‌یاننامه‌كێ دا به‌لاڤكر كو هه‌ردو رێڤه‌به‌رێن پاسه‌پۆرتێن هه‌ولێرێ ودهۆكێ ل گه‌ل رێڤه‌به‌رێ گشتیێ ره‌گه‌زنامێ ل عیراقێ كۆمبووینه. مه‌ره‌ما سه‌ره‌دانا شاندێ ناڤبرى بۆ به‌غدا بۆ ڤه‌كرنا هه‌ر ئێك ژ نڤیسینگه‌ها پاسه‌پۆرتان ل قه‌زا سۆران ل هه‌ولێرێ ونڤیسینگه‌ها پاسه‌پۆرتان ل قه‌زا زاخۆ ل دهۆكێ.
دیاركر ژى كو ب مه‌ره‌ما چاوانیا دانانا ئامیران وپێدڤیێن هه‌ر نڤیسینگه‌هێن سۆران وزاخۆ یێن پاسه‌پۆرتان، د ده‌مه‌كێ نێزیك دا شانده‌ك ژ رێڤه‌به‌ریا گشتى یا ره‌گه‌زنامێ ل عیراقێ دێ سه‌ره‌دانا هه‌رێما كوردستانێ كه‌ت و هه‌ردو نڤیسینگه‌هێن ناڤبرى دێ هێنه ڤه‌كرن.
ئه‌ڤرۆ نیوز:
ئێڤاره دره‌نگیا ئه‌ڤرۆ دناڤ سه‌نته‌رێ باژێرێ دهۆكێ ل نێزیك ئه‌ڤه‌ر پاسا كوردستان روودانه‌كا ترافیكێ د ناڤبه‌را سێ ترومبێلان دا روودا و د ئه‌نجامدا كه‌سه‌كى گیانێ خوه ژ ده‌ست دا و دو كه‌س ژى بریندار بوون.
ئازاد ته‌ها، به‌رپرسێ راگه‌هاندنا هاتنوچوونا پارێزگه‌ها دهۆكێ گۆت: (ئه‌ڤرۆ نێزیكێ ده‌مژمێر شه‌شێ ئێڤارى ژ ئه‌نجامێ روودانه‌كا هاتنوچوونێ د ناڤبه‌را سێ ترومبێلان دا، كه‌سه‌كى گیانێ خوه ژ ده‌ست دا ودو كه‌س بریندار بوون).
زێده‌تر گۆت: (روودان د ناڤبه‌را سێ ترومبێلێن ژ جورێ ته‌كسى سه‌نى، ته‌كسى بیكاجو و كامرى تایبه‌ت دروستبوویه، بریندارێن روودانێ بۆ نه‌خوه‌شخانا ته‌نگاڤیان هاتنه هنارتن).
ئەڤرۆ نیوز:
ئەڤرۆ ل باژێرێ ئامەدێ یێ باکورێ کوردستانێ د کۆنفرانسەکێ دا هەڤسەرۆکێ هەدەپێ سەزایی تەمەللی راگەهاند کو ئەم داخواز ژ دەستهەلاتا تورکیا و پارتێن ئۆپۆزسیۆنێ دکەین کو بزاڤێ بکەن ب رێیێن سیاسی و ب ئاشتیێ هەموو پرسێن تورکیا ب تایبەتی ژی پرسا کوردی چارە بکەن، چونکو ب شەری چو پرسەک ناهێتە چارەکرن.
ناڤهاتی راگەهاند کو دو رێ ل پێشبەری تورکیا هەنە، یان دێ پرسێن خوە ب رێیا ئاشتیێ چارە کەت یان ژی دێ رەوشا نها یا ئالۆز بەردەوام بیت.
به‌رده‌ره‌ش، ڕەزوان رۆژبەیانی:
چاڤدێریا بازرگانی ل قەزا بەردەڕەش ئاشکراکر ل ماوێ دو حەفتیان دا شیاینە سێ هزار كه‌ره‌سته‌یێن خارنێ یێن ئێکسپایەر ل قەزا بەردەرەش کوم ڤەبکەن و ب سەرپەرشتییا لژنا ناف بازاری ژناف ببەن.
کامیران نورەدین موحەمەد، بەرپرسێ چاڤدێریا بازرگانی ل قەزا بەردەڕەش بۆ ئەڤرۆنیوز خویاکر ژ پێخەمەت ساخلەمیا وەلاتین و پاقژکرنا بازاری ژ کەل و پەلێین دەم ب سەر ڤە چووی ل ماوێ دو حەفتیان دا ل قەزا بەردەڕەش ئەم شیاینە سێ هەزار کەل وپەلێن خارنێ یێن ئێکسپایەر ل دوکان و مارکێتێن ناف بازاری دەست ب سەر دا بگرین و هەموو پێکڤە کومڤە بکەین و ژلایێ لژنا ناف بازاری هاتینە ژناڤبرن.
ئاشکرا ژی كر کو ل ماوێ هەیڤەکێ دا پێنچ دوکان ژ ئەگەرێ نەپێگیری ب رێنماییان هەبوونا و کەل و پەلێین دەم ب سەر ڤەچووی دناف دوکانێیت وان هاتینە دائێخستن
گوت ژی هەندەک دوکان ب پارەی هاتینە سزادان و 85 دوکان ژی هاتینە ئاگەهدارن وەکی هۆشداری و 105بەلێننامە ژی ژ خودیێ دوکانان هاتینە وەرگرتن داكو پێگیریێ ب رێنمایێن ساخله‌میێ بكه‌ن.
ئەڤرۆ نیوز:
ئاژانسا فارس نیوز و چەندین رۆژنامێن دی یێن ئیرانێ ئەڤرۆ بەلاڤکرن کو شەرەکێ دژوار ل باکورێ سووریێ د ناڤبەرا یەپەگێ و هێزێن تورکیا دا دەستپێکریە و هەر دو ئالی ب چەکێن گران و سڤک هێرشی هەڤدو دکەن.
ئەو یەک د دەمەکێ دایە کو دەزگەهێن راگەهاندنا تورکیا ژی دیار دکەن ئامادەکاریێن تورکیا بۆ هێرشەکا سەربازی ل سەر رۆژهەلاتێ فراتێ ب دووماهی هاتینە.
ئه‌ڤرۆ نيوز:
وه‌زاره‌تا دارايى و ئابوريا هه‌رێما كوردستانێ ژڤانێ به‌لاڤكرنا مووچێ وه‌زاره‌تا په‌روه‌ردێ دياركر.
ل دووڤ وێ ليستا بۆ گه‌نجينيه‌يا وه‌زاره‌تا دارايى هاتيه هنارتن دياركريه رۆژا سێشه‌مبى 6-8-2019 دێ مووچێ هه‌يڤا گۆلانا 2019 هێته به‌لاڤ كرن، كوژمێ مووچێ وه‌زاه‌رتا په‌روه‌ردێ ژى حوكمه‌تا هه‌رێمێ پێدڤى ب كوژمێ زێده‌تر ژ 158 مليار دينارايه.
هه‌ژى گۆتنێ يه ئه‌ڤرۆ رۆژا ئێكشه‌مبى 4-8-2019 وه‌زاره‌تا دارايى ده‌ست ب به‌لاڤكرنا مووچێ وه‌زاره‌تا پێشمه‌رگه‌ى كريه يێ هه‌يڤا 5.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 4ى ته‌باخا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.200 دينار |
| 100 يۆرۆيێ ئه‌ورۆپى | 134.000 دينار |
| 100 ليرێ توركى | 21.500 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
نێچيرڤان بارزانى، سه‌رۆكێ هه‌رێما كوردستانێ و جێنين پلاسخارت هنارتيا تايبه‌ت يا نه‌ته‌وێن ئێكگرتى ل عيراقێ، سه‌قامگێريا ده‌ڤه‌رێ و چاره‌يا كێشێن ئاواران ل شنگال گه‌نگه‌شه كر.
د كۆمبوونه‌كێ نێچيرڤان بارزانى سه‌رۆكێ هه‌رێما كوردستانێ ل گه‌ل جێنين پلاسخارت هنارتيا تايبه‌ت يا نه‌ته‌وێن ئێكگرتى ل عيراقێ كۆمبوو و د ديدارێ دا، پلاسخارت به‌حس ل سه‌ره‌دانا مه‌يدانى يا خوه بۆ ده‌ڤه‌را شنگال كر ديسا ئه‌و كاره‌ساتا ب سه‌رێ وێ ده‌ڤه‌رێ هاتى، بنه‌جهكرنا سه‌قامگێريێ ل ده‌ڤه‌رێ و ڤه‌گه‌راندنا ئاواران و چاره‌كرنا كێشه‌يان ژى گه‌نگه‌شه كر.
د كۆمبوونه‌كێ دا سپێده‌هيا ئه‌ڤرۆ ئێكشه‌مبى 4ى تيرمه‌ها 2019ێ ل دهۆكێ ب رێڤه چوو، سه‌رۆكێ هه‌رێما كوردستانێ ته‌كست ل سه‌ر وێ چه‌ندێ كر كو هه‌رێما كوردستانێ هه‌موو بزاڤان دكه‌ت كو بڕينا قوربانيێن خه‌لكى شنگال و ده‌وروبه‌ران سارێژ بكه‌ت و د ڤێ ده‌ربارێ دا رۆلێ كۆمه‌لگه‌ها نێڤده‌وله‌تى د بنياتنان و ئاڤه‌دانكرن و فه‌راهمكرنا ئاسايشێ ل وان ده‌ڤه‌ران ب پێدڤى زانى.نێ
نيشاندان