ئەڤرۆ نیوز:
وەسا دھێتە چاڤەرێکرن ستێرا بەرازیلی و یانا بەرشەلۆنا ڤلیپ کوتینھو ل ڤەگوھاستنێن ھاڤینا ئەڤ سالە پەیوەندی ب چ یانێن دی ناکەت و ب رێژەیا ھەرە مەزن دێ بەردەوامی دەتە یانا بەرشەلۆنا بوو وەرزێ نوو.
رۆژناما موندو دیپورتیڤو یا ئیسپانی دیارکریە چوونا کوتینھو ل ڤەگوھاستنێن ھاڤینا ئەڤ سالە دێ یا ب زەحمەت بیت ژبەرکو ھەتا نوکە چ ھەڤبەستێن ب فەرمی نە گەھشتی نە بەر دەستێ ئەوان و دەرگەھێ ڤەگوھاستنێن یاریزانان دێ ل ٨ مەھا بھێت ھێتە گرتن و ب ڤێ چەندێ دبیت ب رێژەیا ھەرە مەزن کوتینھو یێ بەردەوام بیت ل یانا بەرشەلۆنا.
ھەردیسان وێ رۆژنامێ ئاشکراکریە ژی ھەر چەندە ھەر ئێک ژ یانێن لیڤەرپول و مانچێستەر یوناید گرنگی ب ئینانا ئەوی یاریزانی دایە لێ ھەتا نوکە چ داخوازیێن فەرمی پێشکێشی یانا بەرشەلۆنا نەکرینە.
ھەژی گوتنێ ھژمارەکا یانا ل سەر ئاستێ ئورۆپا حەزا خوە دیارکریە بوو ڤەگوھاستنا ئەوی یاریزانی لێ ژبەر ھەلوەشاندنا ھەڤبەستا ئەوی نێزیکی ١٢٠ ھەتا ١٤٠ ملیون یورۆیانە ھژمارەکا یانان خوە ژ ھەڤرکیا دەستڤە ئینانا ئەوی ڤەکێشا.

ئەڤرۆ نیوز:
یانا پاریس سانجێرمان  ل سەر مالپەرێ خوە یێ فەرمی ھەڤبەستا یاریزانێ شەشێ ل وەرزێ ئەڤ سالە راگەھاند پشتی ئەڤرۆ ب فەرمی ھەڤبەستا یاریزانێ سینگالی و یانا ئیڤەرتون ئەدریسا جای ھەتا ٢٠٢٣ راگەھندی بەرامبەر ٣٢ ملیون یورۆیان.
ھەژی گوتنێ ب ئیمزاکرنا ھەڤبەستا ئەدریسا ژ ئیڤەرتون دبیتە ھەڤبەستا شەشێ ل ڤەگوھاستنێن ھاڤینا ئەڤ سالە پاریس سانجێرمان ئیمزا دکەت کو بەری نوکە ھەڤبەستا ھەر ئێک ژ پابلو سارابیا ژ سییڤلیا و مارسێن بولکا ژ چێلسی یا ئنگلیزی و ئەندرێ ھێریرا ژ مانچێستەر یوناید و متشێل پێکر ژ تیما دوێ یا ئەیاکس ئەمستردام و عەبدو دیالو ژ بروسیا دورتموند.

ئەڤرۆ نیوز:
چاڤەرێ دھێـتەکرن ل چەند دەمژمێرێن بھێت یانا ئەرسینال ھەڤبەستەکا سوپەر ل مێرکاتویا نوکە راگەھینت پشتی گەھشتی یە رێککەفتنێ ل گەل ئێک ژ ستێرێن خۆلا فرەنسا.
رۆژناما زەسەن یا برێتانی دیارکریە ستێرا کوت دیڤواری و یانا لیل یا فرەنسی نیکولاس پیپی گەھشتی یە لەندەن بوو ئیمزاکرنا ھەڤبەستا یانا ئەرسینال یا ئنگلیزی پشتی ھەردو یانێن لیل و ئەرسینال گەھشتی نە رێککەفتنێ بوو ڤەگوھاستنا ئەوی یاریزانی بەرامبەر ٧٢ ملیون جێنێ ئیسترلینی بۆ ماوێ پێنچ سالان کو ٢٠ ملیون یورۆیا ئەو یانا فرەنسی دێ پێشیێ وەرگریت و ٥٢ ملیون ب شێوەیێ قست وەرگریت.

ھەژی گوتنێ یە نیکولاس ل وەرزێ بوری ئێک ژ باشترین ئاست پێشکێشکر دخۆلا فرەنسا دا و ل ڤەگوھاستنێن ھاڤینا ئەڤ سالە چەندین یانێن بەرنیاس ل سەر ئاستێ ئورۆپا ھەڤرکیا ب دەستڤە ئینانا ئەوی دکر لێ ل دووماھیێ ئەرسینال شیا شیانێن ئەوی ب دەستخوڤە بینت.