ئەڤرۆ نیوز، عەلی حاجی :

ئەڤرۆ ل روژا دوشەمبێ رێکەڤتی ۲۷/۷/۲۰۱۹ ل هولا باژێرڤانیا زاخۆ ۱۰ پارچە زەڤی ل سەر شەهیدێن شەر دژی رێکخراوا داعش و حەشد شەعبی هاتنە بەلاڤ کرن.

بژار مونیب سەروکێ باژێرڤانیا زاخۆ بۆ ئەڤرۆ نیوز دیار کر ئەڤ پرچە زەفی ب هەڤکاری دگەل رێڤەبەریا گشتی یاشەهیدان و ئەنفالکریان ل پارێزگەها دهوکێ ب سەر ۱۰ خزانێن پێشمەرگەێن دشەرێ دژی رێکخراوا تیروریستیا داعش و حەشد شەعیشەهید بوین هاتنە بەلاڤ کرن ئەڤ پارچە زەڤیێ ل دەڤەرا دەشتمێرێ هاتینە دان ژبەر کو مە دەڤەرا دەشتمێرێ ژهەژی ڤان خێزانان دیتن ئەو پارچە زەڤی ل وێ دەڤەرێ بەلاڤکرن ئەڤە دبیتە گەرا سیێ یا بەلاڤکرنا پارچە زەڤیان لسەر خێزانێن شەهیدێن شەرێ دژی داعش .

ناڤهاتی گوت ژی : وەکو باژێرڤانیا زاخۆ پێشتر مە دیارکر بو زێدەباری گەهاندنا خزمەت گوزاریان بۆ وان دەفەرێن پارچە زەڤی ب کەس و کارێن شەهیدان هاتینە دان مە دو ئەندازیارێن سەر ب باژێرڤانیا زاخۆڤ ئێخستینە دخزمەتا وان دا داکو ددەما ئاڤاکرنا ئاڤاهیێن خوە دا هاریکاریا وان بهێتە کرن هەر دیسان پێدڤیێن ئاڤاکرنا ئاڤاهیان ژی بۆ وان ژلایێ مەڤە بهێنە دابین کرن.

ئه‌ڤرۆ نیوز، عه‌لى حاجى :

د داخویانیه‌كێ سه‌رۆكێ باژێرڤانیا باتیفا بۆ ئه‌ڤرۆ نیوز ئاشكه‌را كر ژبه‌ر نه‌بونا ڤاڤارتنا پارچه‌ زه‌ڤیان ل باتیڤا هه‌تا نوكه‌ مه‌ نه‌شیایه‌ جهه‌كێ بۆ خودانێن گوڤێن په‌زى په‌یدا بكه‌ین، نه‌قه‌ره‌بوونا كرنا هاولاتیان بوویه‌ ئه‌گه‌ر دو پروژێن سه‌ره‌كى نه‌هێنه‌ دروست كرن.

زێده‌تر جندى حاجى گۆت: سه‌ره‌راى هه‌بونا ژماره‌یه‌كا گوڤێن په‌زى دناڤ سه‌نته‌رێ ناحیا باتیفا دا، لێ ئه‌ڤ گوڤه‌ ژكه‌ڤندا هاتینه‌ دروست كرن، گه‌له‌ك جاران مه‌ هه‌ولدایه‌ وان گوڤان ژناڤ سه‌نته‌رێ باژێرى دا راكه‌ین، لێ ژبه‌ر نه‌بوونا ڤاڤارتنا پارچه‌ زه‌ڤیان، هه‌تا نوكه‌ دشیاندا نه‌بوویه‌ وان گوڤان راكه‌ین، پێشتر ژى رێكخراوه‌كێ گه‌له‌ك هه‌ولدان وان گوڤان ب هه‌ڤكارى دگه‌ل باژێرڤانیا باتیفا راكه‌ین و جهه‌كێ بۆ ده‌ست نیشان بكه‌ن، لێ بێ مفا بون پێشتر ژى هنده‌ك گازنده‌ هه‌بون كو بێهنه‌كا نه‌خوه‌ش ژێ دهات و هاولاتیان نه‌خوه‌شى ژێ دیت لێ مه‌ شیا وان راكه‌ین، ئه‌ڤه‌ ماوه‌یه‌كه‌ نێزیكى 25% ئه‌و گوڤه‌ هاتینه‌ كێم كرن و هنده‌ك ژى تنێ جهێ وان چێكرى یه‌ ئه‌گه‌ر چو تشته‌ك تێدا نینه‌.

دا زانین ژى هه‌كه‌ جهه‌ك بهێته‌ ده‌ست نیشان كرن دێ وان هه‌مى گوڤان ڤه‌گوهێزینه‌ جهه‌كێ ژده‌رڤه‌ى ناحیێ و گۆت : ئه‌ڤ ئاریشه‌ نه‌بتنێ ل سنورێ باژێرڤانیا ناحیا باتیفا هه‌یه‌ به‌لكو ل باژێرڤانیێن ناحیێن دیتر ژى گوڤ ل ناڤ سه‌نته‌رێ باژێرى دا هه‌نه‌ و پێدڤى ب چاره‌سه‌ركرنێ نه‌.
ناڤبرى گوت ژى: ژبه‌ر نه‌بونا قاره‌بوكرنێ هاولاتیان ژلایێ حكومه‌تێ ڤه‌ ،هه‌تا نوكه‌ مه‌ نه‌شیایه‌ پروژێ جوت سایدكرنا جادده‌یا ناڤ سه‌نته‌رێ باتیفا دا دروست بكه‌ین و ئه‌ڤه‌ ژى په‌یوه‌ندى ب قه‌یرانا دارایى ڤه‌ هه‌یه‌، هه‌ر چه‌نده‌ پشكه‌كا وان هاولاتیان ب نه‌یاسایى ئه‌و خانى ئاڤا كرینه‌ به‌لێ ئه‌ڤه‌ ماوه‌یه‌كێ درێژه‌ ئه‌و خانى بوخوه‌ ئاڤا كرینه‌ و پێدڤى ب قه‌ره‌بوكرنێ نه‌، زێده‌بارى وێ چه‌ندێ دپلانێ دا هه‌یه‌ پاركه‌ك ل سه‌ر رووبه‌رێ 13 هزار مه‌تران بهێته‌ دروست كرن لێ دشیان دا نینه‌ دنوكه‌ دا ئه‌م خه‌لكه‌كێ قه‌ره‌بوو بكه‌ین، هه‌ر ده‌ما ئه‌و خه‌لكه‌ هاته‌ قه‌ره‌بو كرن دێ ئێكسه‌ر ده‌ست ب دروست كرنا وان پروژه‌یان كه‌ین.