ئەڤرۆ نیوز:

یانا بروسیا مونشنگلادباگ یا ئەلمانی ب فەرمی ھەڤبەستا ھێرشبەرێ فرەنسی مارکوس تورام کورێ ستێرا بەری نوکە یا ھەلبژارتیێ فرەنسا لیلیان تورام ئیمزاکر .
یانا مونشنگلادباگ یا ئەلمانی گەھشتە رێککەفتنێ ل گەل یانا گانگون یا فرەنسی بوو ڤەگوھاستنا وی ھێرشبەرێ فرەنسی مارکوم تورام بەرامبەر ١٠ ملیون یورۆیا و ھەڤبەستا ئەوی ھاتیە ئیمزاکرن ھەتا ٢٠٢٣.
مارکوس تورام یێ ٢١ سالی ل وەرزێ ٢٠١٨-٢٠١٩ پشکداری د ٣٢ یاریان دا کر بوو دخۆلا پلا ئێک یا فرەنسا و شیابوو ٩ گولان توماربکەت ھەردیسان ل گەل ھەلبژارتیێ فرەنسا یێ ٢١ سالی پشکداری د ٣٨ یاریان دا کربوو شیابوو ١٣ گولان توماربکەت کو ئێک ژ ستێرێن ھەلبژارتیێ فرەنسا بوو د موندیالا جیھانی دا ل سەر ئاستێ لاوان.
ھەژی گوتنێ یە بابێ مارکوس ولیلیان تورام دھاتە ھژمارتن ئێک ژ بەرنیاسترین یاریزان د مێژویا فرەنسا دا و پشکداری د ١٤٢ یاریان دا کربوو ل گەل ھەلبژارتیێ فرەنسا و شیابوو ل گەل ھەلبژارتیێ دو بھاترین قارەمانی ل سەر ئاستێ وی وەلاتی ب دەستخوڤە بینت ئەوژی قارەمانیا موندیالا جیھانی یا ١٩٩٨ و قارەمانیا نەتەوەیێن ئورۆپا ٢٠٠٠.

ئەڤرۆ نیوز،ھەژار مەعروف:
یاریزانێ نێڤدەولەتی یێ کورد و ھەلبژارتیێ لوبنان و یانا نەسر یا ئیماراتی جوان عومەری ب فەرمی ھەڤبەستا یانا ڤیسل کوبی یا ژاپونی ئیمزاکر کو ھەمان یانە یە ئەوا ستێرا ئیسپانی و یانا بەرشەلۆنا یا بەری نوکە ئێنستا یاری لێ دکەت.
جوان نوکە دھێتە ھژمارتن ئێک ژ بەرنیاسترین و بھاترین یاریزانێن ھەلبژارتیێ لوبنان کو بەری نوکە یاری ل چەندین یانێن بەرنیاس کریە ژ ئەوانان فرانکفورت ل خۆلا بوندس لیگا و سیڤاس سپور یا تورکی و یانێن نەسر یا ئیماراتی و ساجان توسو یا ژاپونی.
جوان ئەوێ ٢٢ یاریێن نیڤدولەتی ل گەل ھەلبژارتیێ لوبنان ھەین ب کوژمێ ئێک ملیون یورۆ ھەڤبەستا یانا ڤیسل کوبی یا ژاپونی ئیمزاکریە.