ئه‌ڤرۆ نيوز، نيوار محه‌مه‌د سه‌ليم:
ژماره‌كا زۆر يا حه‌جيێن هه‌رێما كوردستانێ نها گه‌هشتينه وه‌لاتێ سعودى.
هنده‌ك ژ حه‌جيێن هه‌رێمێ ل سعودى به‌حس ل جهێ مانه‌ڤا خوه دكه‌ن و ئاماژێ ب وێ چه‌ندێ دكه‌ن كو ژبلى كو جهێ وان پيچه‌كێ يێ دوورى كه‌عبێ يه، هه‌كه ژ هه‌موو لايێن دى ڤه خزمه‌تێن گه‌له‌ك باش پێشكێشى وان دهێنه كرن و د ره‌وشه‌كا باش دانه.
ئه‌ڤرۆ نيوز:
سوبه‌هى كۆمبوونا دويێ يا جڤاتا وه‌زيران دێ هێته ئه‌نجام دان.
سوبه‌هى رۆژا دوشه‌مبى 22ى تيرمه‌ها 2019ێ كۆمبوونا دويێ يا جڤاتا وه‌زيرێن هه‌رێما كوردستانێ دێ هێته ئه‌نجام دان. د كۆمبوونێ دا دانوستاندن د ده‌رباره‌ى رێكار و ميكانيزمێن بجهئينانا هێلێن گشتى يێن كارناما حوكمه‌تا هه‌رێما كوردستانێ هێنه كرن.
حه‌فتيا بۆرى هه‌موو وه‌زيرێن كابينا نوهێ يا حوكمه‌تا هه‌رێما كوردستانێ ده‌ست ب كاربوون.
ئه‌ڤرۆ نيوز:
سه‌رۆك وه‌زيرێن حوكمه‌تا هه‌رێما كوردستانێ ب نڤيساره‌كا فه‌رمى ئاشتى هه‌ورامى وه‌كو هاريكارێ سه‌رۆك وه‌زيران بۆ كاروبارێن وزێ ده‌ست نيشان كر.
د فه‌رمانێ دا هاتيه كو عه‌بدولا عه‌بدولره‌حمان عه‌بدولا به‌رنياس ب ئاشتى هه‌ورامى وه‌كو هاريكارێ سه‌رۆكێ حوكمه‌تا هه‌رێما كوردستانێ ده‌ست ب كار بوو.
ئه‌ڤرۆ نيوز:
حه‌فتيه‌كه نێزيكى 50 په‌نابه‌رێن كورد د رێيا چوونا وان بۆ ئيتاليا ژ توركيا بێ سه‌روشوون بووينه و چو پێزانين ل سه‌ر نينه.
فيدراسيۆنا په‌نابه‌ران ل سه‌رانسه‌رى هه‌رێما كوردستانێ و عيراقێ به‌لاڤكر، ماوێ حه‌فتيه‌كێ يه نێزيكى 50 وه‌لاتيێن كورد ل وه‌لاتێ توركيا به‌ر ب وه‌لاتێ ئيتاليا ب رێ كه‌فتينه و هه‌تا نها چو پێزانين ل سه‌ر نينن.
ئاماژه ب وێ چه‌ندێ ژى كريه كو قاچاخچيان گۆتيه كه‌سوكارێن وان كو د ماوێ دو رۆژێن دى دا ئه‌و دێ گه‌هنه ئيتاليا، به‌لێ هه‌تا نها دبێ سه‌روشوونن.
رۆژ عه‌زيز، نوونه‌رێ فيدراسيۆنا سه‌رانسه‌رى هه‌رێما كوردستانێ و عيراقێ ل توركيا پشت راستى دايه كه‌سوكارێن وان په‌نابه‌ران كو چو روودانێن نه‌خواستى نه ل توركيا و نه‌ژى ل ده‌ريا ناڤه‌راست روو نه‌داينه، به‌لكو دبيت ژ لايێ پۆليسێن توركيا ڤه هاتبنه ده‌سته‌سه‌ركرن و د زيندانێن توركيا دا بن و د وێ ده‌ربارێ دا ده‌ست ب ڤه‌كۆلينان كريه.
ئەڤرۆ نیوز، عەلی حاجی:
درەنگیا شەڤا دەرباز بویی ل تاخێ بێدارێ ل باژێرێ زاخۆ، ژ ئەگەرێ روودانەکێ چار ترومبێل ل ئێک دەن و تێدا سنێلەکێ 16 سالی گیانێ خوە ژدەست دەت ، روودان ژئەگەرێ لەزاتیا شوفێرەکێ بو .
شاھد حالەکێ روودانێ بناڤێ ئەلند بۆ ئەڤرۆ نیوز ئاشکەرا کر ئەو روودان ل دەمژمێر 12:30 ی شەڤ روودا ل سەر جاددەیا سەرەکی یا بێدارێ ، دەما شوفێرێ ترومبێلەکا کامری سپی ژئەگەرێ ھەڤرکیێ دگەل ماتور سکلەکێ لەزاتیێ ب کار دئینیت ، دبیتە ئەگەر ل دەست پێکێ خوە ل ترومبێلەکا راوەستیایی دەت و ل دووڤ را ئەو ترومبێل خوە ل دو ترومبێلێن دیتر ددەت و پاش خوە ل سنێلەکێ 16 سالی بناڤێ ئەیمەن ددەت و ئێکسەر گیانێ خوە ژدەست ددەت ، ئەڤە ددەمەکێ دا بو ئەو سنێلێ گیانێ خوە ژدەست دایی ب مەرەما دەربازبونێ بو لایێ دیێ جاددێ ترومبێلا لەزاتی ب کار دئینیت خوە لێدەت.
ھەر شاھد حالی دیار کر ژی من ئەو روودان دیتی یە و ترومبێلا کامری ژ رەنگێ سپی لەزاتیەکا زیدە ب کار ئیناتیە ژبەر کو دھەڤرکیێ دا بو دگەل ماتور سکلەکێ و ئەگەرێ وێ روودانێ ژی ھەر ئەو ھەڤرکی یە بو دناڤبەرا وان ھەردوو شوفێران دا و زێدەباری وێ چەندێ ژی زیانێن ماددی بەر ب ھەر چار ترومبێلان ژی کەفتن.
ئەڤرۆ نیوز، عەلی حاجی :
رێڤەبەرێ رەوشەنبیری و هونەری ل زاخۆ بۆ ئەڤرۆ نیوز راگه‌هاند، بریارە ل 24-25 ڤێ هەیڤێ بۆ ئێكەم جار مەزنترین پێشانگەها شێوەكارى ل زاخۆ بهێتە ڤەكرن و بریارە ژ سەرانسەری عێراقێ هونەرمەندێن شێوەكار پشكدار ببن .
دلخاز موسایی زێدەتر گوت ژی : ئەڤ پێشانگەهە دێ ل بن درووشمێ (ب ڤیانێ دێ گەهین ئێك و ل گەلەریا زاخۆ دێ داهێنانێ كه‌ین) بیت ، ئەڤ پێشانگەهە دێ ب هەڤكاری دگەل دەزگه‌هێ (هەواجس) یێ رەوشەنبیری و هونەری ل بەغدا هێتە ڤەكرن و دێ بۆ ده‌مێ دو روژان بەردەوام بیت كو تێدا دێ 100 هونەرمەندێن عێراقی پشكداریێ تێدا كەن و بەرهەمێن وان هێنە نیشاندان و ئەڤ چەندە بۆ ئێكەم جارە ل باژێرێ زاخۆ دهێتە ئەنجام دان و دێ پەیوەندیێن باش ژی د ناڤبەرا هونەرمەندێن هه‌رێما كوردستانێ و عێراقێ پەیدا كەت ، ژبەر ڤێ چەندێ مە هەموو بەرهەڤی كرینە بۆ ڤەكرنا وێ پێشانگەهێ.
گوت ژی : د نوكە دا هولا گەلەریا زاخۆ هاتیە سەخبێریكرن و ب شێوەیەكێ هونەری هاتیە نەخشاندن و ئەو هولە یا دبەرهەڤیێن تەمام دایە بۆ پێشوازی كرنا وێ پێشانگەهیِ ، ژلایێ خوەڤە ژی وەكو رێڤەبەریا رەوشەنبیری وهونەری دێ چەندین مێهڤانان ل سەرانسەری كوردستانێ داخاز كەین و دەزگایێ هەواجس ژی دێ چەندین مێهڤانێن عێراقێ مێهڤانی باژێرێ زاخۆ كەت و ئەڤ پێشانگەهە دێ بیتە پرەك بۆ پەیداكرنا پەیوەندیان .
ئەڤرۆ نیوز،ھەژار مەعروف:
پشتی یاریزانێ کورد و یانا ھەولێر ئەحمەد سەرتیب د پوستەکێ ئینستگرامێ خوە دا ھێرشکریە سەر سەرۆکێ ئێکەتیا تەپا پێ یا کوردستانێ و عیراقێ و کارگێریا یانا ھەولێرێ ژبەرکو وی نە خواست یاری بوو ھەلبژارتیێ لاوێن کوردستانێ بکەت دژاتیا وی ھاتەکرن .
سەرۆکێ ئێکەتیا تەپا پێ یا کوردستانێ سەفین کانەبی د داخویانیەکا تایبەت دا بۆ ئەڤرۆ نیوز دیارکر پشتی ئەحمەد سەرتیب ژلایێ راھێنەرێ ھەلبژارتیێ لاوێن کوردستانێ ڤە ھاتیە داخوازکرن پێکھاتیێ ھەلبژارتیێ کوردستانێ بۆ قارەمانیا وەلاتێ نەرویچ ل سەر ئاستێ لاوان و وی یاریزانی ژی بەرھەڤیا خوە دیارکر یاری بوو ھەلبژارتیێ لاوێن کوردستانێ بکەت و ھەردیسان ئەوان ئەحمەد ئاگادارکر ھەکە ناڤێ وی بھێتە ھنارتن بۆ قولسولخانەیا نەرویج وی دەمی ئەو بریارا خوە لێڤەبیت و پاش نەھێت ل گەل شاندی دێ ماڤێ یاریزانەکێ دی خوت لێ وی یاریزانی بوو ئەوان دیارکر بوو ئەو دێ ل سەر سوزا خوە بیت و چ ئاریشە نین دێ پشکداری ل گەل ئەوان کەت .
ھەردیسان سەرۆکێ ئێکەتیا تەپا پێ دیارکر ژی پشتی ئەوان ناڤێ شاندێ ھەلبژارتیێ کوردستانێ بوو پشکداریا قارەمانیا نەرویج ھنارتی وی یاریزانی بوو ئەوان دیارکر ئەو دێ بەر ب وەلاتێ تورکیا ڤە چیت بوو ماوێ کێمتر ژ حەفتیەکێ و ڤەگەریت لێ ھەتا نوکە ئەو یاریزان نە ڤەگەریایە و ماڤێ یاریزانەکی ژی خوار و ئەوان ژی وەکو ئێکەتیا تەپا پێ ئەو سزادایە ل خۆلا کوردستانێ ماڤ نینە یاری بوو چ یانێن کوردستانێ بکەت ھەتا سزایێ ئەوی ب دووماھیی بھێت .
سەفین کانەبی ئاماژە ب وێ چەندێ ژی کر سەبارەت سزایێ خۆلا عیراقێ یان دەست بەردانا ئەوی ژ یانا ھەولێرێ ئەو کارێ ئەوان نینە بتنێ ئەوان وەکو خۆلا کوردستانێ سزادایە و سەبارەت ھەلبژارتیێ کوردستانێ یاری بو بکەت یان نەکەت ، ھەلبژارتیێ کوردستانێ ل سەر ئەوی نامینتە راوستای ژبەرکو سوپاس بوو خودێ سەدان گەنچ و یاریزانێن خودان شیان ل ھەرێما کوردستانێ ھەنە .
ئەڤرۆ نیوز ؍ عەلی حاجی :
پشتی تیما یانا زاخۆ یا تەپا پێ ی شیایی ل خولا پلا ئێك یا عیراقێ یا تەپا پێ دا شیایی سەرکەڤتنا خوە بۆ وەرزێ بهێت یا خولا نایابا عێراقێ یا تەپاپێ مسوگەر بکەت و پلا دویێ د خولا پلە ئێکا عێراقێ دا ب دەست خوەڤە بینیت ؍ ب به‌رهه‌ڤبوونا چەندین بەرپرسێن حزبی و حکومی ل زاخۆ و جەماوەرەکێ مەزن ؍ پێشوازییەکا گەرم ل شاندێ یانێ هاتە گرتن .
ئه‌ڤرۆ نيوز:
دژه تيرۆرا كوردستانێ ئه‌ڤرۆ شه‌مبيێ 20/7/2019 ده‌سته‌سه‌ركرنا كه‌سه‌كێ دى ژ تۆمه‌تبارێن ته‌قه‌كرنا د ناڤ رێستۆرانته‌كا باژيرێ هه‌ولێرێ يێ ناڤدار ب ( دژوار مامه‌ند يوسف) راگه‌هاند.
دژه تيرۆرا كوردستانێ د به‌ياننامه‌كێ دا دياركر” ئێك ژ هه‌ڤكارێن (مه‌لووم داغ) يێ تاوانبار ب كريارا تيرۆرستى يا ته‌قه‌كرنێ ل رێستۆرانته‌كا باژێرێ هه‌ولێرێ ب ناڤێ ( محه‌مه‌د بيسكسز) كو يێ ناڤداره ب ( دژوار مامه‌ند، يوسف).
ئەڤرۆ نیوز:
کارگێریا یانا دھۆک پشتی ھەموو ئاریشەیێن خوە ل ئێکەتیا فیفا ب دووماھیی ئینان و دخوازیت ل وەرزێ بھێت ب ھێز بھێتە دناڤ ھەڤرکیێن خولا پلا ئێک یا عیراقێ .
ژێدەرەکێ نێزیک ژ یانا دھۆک بۆ ئەڤرۆ نیوز دیارکر کارگێریا یانا دھۆک دەست ب دانوستاندنان کریە ل گەل راھێنەرێ بەرنیاس یێ عیراقی و یانا نەفت یێ بەری نوکە حەسەن ئەحمەد بوو وەرگرتنا پوستێ راھێنەریا یانا دھۆک بوو وەرزێ بھێت و ئەوی راھێنەری ژی حەزا خوە دیارکریە بوو وەرگرتنا پوستێ راھێنەریا یانا دھۆک.
ھەردیسان وی ژێدەری دیارکریە چاڤەرێ دھێتەکرن ھەردو لایەن ب گەھنە رێککەفتنێ ژبەرکو کارگێریا یانا دھۆک پلانەک ھەیە وی راھێنەری بوو ماوەکێ درێژ ھەڤبەستێ ل گەل ئیمزا بکەت کو وەرزێ نوو سەربێخن بوو خۆلا پلا نایاب و ل وەرزێ دویڤدا ژی ھەمان راھێنەر یێ بەردەوام بیت ل گەل ئەوان .
ل دووماھیێ ئەوی ژێدەری ئاماژە ب وێ چەندێ ژی کریە ھەکە حەسەن ئەحمەد ھەڤببەستا خوە ل گەل دھۆک ئیمزاکر ئەو دێ سەرپەرشتیا ھەردو تیمێن خۆلا کوردستانێ و عیراقێ کەت.
ھەژی گوتنێ یە حەسەن ئەحمەد دھێتە ھژمارتن ئێک ژ باشترین راھێنەرێن بەرنیاس نوکە ل سەر ئاستێ عیراقێ ل سێ وەرزێن بوری شیابوو باشترین ئاست ل گەل یانا نەفت ب دەستخوڤە بینت ھەردیسان سەرپەرشتیا چەندین یانێن عیراقی کریە بەری نوکە و ھەلبژارتیێ پێگەھشتین عیراقێ و لاوێن عیراقێ ژی .
نيشاندان