ئه‌ڤرۆ نیوز، نه‌وزاد هلۆرى:
دده‌ما دو رۆژێن جه‌ژنا ره‌مه‌زانا پیرۆز ل سنوورێ پارێزگه‌ها دهۆكێ 58 روودانێن ئاگربه‌ربوونێ روویداینه كو پتريا وان ژى پوش و په‌له‌خ بوو،
به‌ره‌ڤانیا باژێرى ل دهوكێ دیاركر كو د روودانا چیایێ زاوا دا نێزیكێ پێنج هزار دونه‌مێن ئه‌ردى هاتینه سوتن.
بێوار عه‌بدولعه‌زیز، به‌رپرسێ راگه‌هاندنا به‌ره‌ڤانيا باژێرى ل پارێزگه‌ها دهۆكێ بۆ ئه‌ڤرۆ نیوز گۆت: (ل رۆژێن ئێكێ و دویێ يێن جه‌ژنا ره‌مه‌زانێ هه‌تا نوكه 58 روودانێن ئاگربه‌ربوونێ ل سنوورێ پارێزگه‌ها دهۆكێ رووداینه و پتريا وان ژى ل پوش و پاوانى بوو).
زێده‌تر گۆت: (ژبلى پوش و پاوانى دهه‌مان ده‌م دا چه‌ند روودان ل بازار و خانى و گوڤێن ته‌رش و كه‌والى و جهێن گشتى رووداینه و زیانێن مه‌زن يێن دراڤى گه‌هاندینه وه‌لاتیان و ژینگه‌هێ، تنێ چیایێ زاوا نێزیكێ پێنج هزار دونه‌مێن ئه‌ردى هاتینه سوتن، دیسان ئاگر به‌ربوویه چه‌ند زه‌ڤیێن ده‌خلودانى ب تایبه‌تى ل سنورێ قه‌زا شێخان).
ناڤبرى دیاركر ژى كو به‌شه‌ك ژ وان روودانان ب ئه‌نقه‌ست ژلایێ وه‌لاتیان دورست بووینه، ئه‌گه‌رێ هنده‌كا ژى يێ ديار نينه، ژبه‌رڤێ گرنگه جهێن شوله‌ژێ دووڤچوونێ بكه‌ن، چونكى روودان يێن زۆر بووين و وه‌رزێ هاڤینێ یه و گه‌رمه.
نيشاندان
