ئەڤرۆ نیوز:
پشتی کارگێریا یانا ھەولێر بەری دو ھەیڤان ھەڤبەست ل گەل راھێنەرێ خوە ئەکرم سەلمان و ستاڤێ ل گەل دا ئیمزاکری و راھێنەرێ ناڤبری ل سەرجەمێ ١٢ یاریێن بوری شیای ٢٠ خالان کوم بکەت کارگێریا وێ یانێ بریارا دووماھیێ ل سەر مانا ئەوی راھێنەری دا.
ژێدەرەکێ نێزیک ژ کارگێریا یانێ بۆ ئەڤرۆ نیوز راگەھاند ب فەرمی کارگێریا یانێ بریارا مانا ئەکرم سەلمان و ستاڤێ ل گەل دا دایە بۆ وەرزێ ٢٠١٩-٢٠٢٠ ژی ل گەل یانێ د بەردەوام بن و چاڤەرێ دھێتەکرن بەری ب دووماھیی ھاتنا خولێ ھەڤبەستا ئەوان بوو وەرزەکێ دی ژی بھێتە درێژکرن.
ھەژی گوتنێ ئەکرم سەلمان و ستاڤێ ل گەل دا ھەڤبەستا ھەولێر ل ١-٥-٢٠١٩ ئیمزاکر بوو پشتی کارگێریا یانێ ھەڤبەستا راھێنەرێ بەرێ نازم شاکر ھەلوەشاندی.

ئەڤرۆ نیوز:
یانا بایرن میونیخ یا ئەلمانی کوژمەکێ مەزن بەرھەڤکریە بۆ ئیمزاکرنا دو ھەڤبەستان ل ڤەگوھاستنێن ھاڤینا ئەڤ سالە .
مالپەرێ توتو مێرکاتو یێ ئیتالی دیارکریە بەرپرسێن یانا بایرن میونیخ کوژمێ ١٦٥ ملیون یورۆیا بەرھەڤکرینە بوو دو ھەڤبەستێن بھاگران ئەوژی ل گەل ستێرا ئەلمانی و یانا مانچێستەر سیتی لیرو سانی و یاریزانێ لیل یا فرەنسی نیکولاس پیپی .

ھەردیسان وی مالپەری دیارکریە ژی یانا بایرن ب فەرمی دەست ب دانوستاندنان کریە ل گەل یانێن ئەوان ھەردو یاریزانان بوو دەستڤە ئینانا ئەوا ل ڤەگوھاستنێن نوکە.

ئەڤرۆ نیوز:
ھێرشبەرێ ئەرژەنتینی و یانا یوڤانتوس گونزالو ھیگواین ناخوازیت ل ڤی دەمی پێکھاتیێ یانا خوە بجە بھێلت سەرەرای چەندین داخوازی گەھشتی نە بەر دەستێ ئەوی لێ ئەوی یاریزانی ئەو داخوازی ھەموو رەتکرینە.
مالپەرێ سکای سپورتس یێ ئیتالی ئاشکراکریە یانا یوڤانتوس دخوازیت ب شێوەیێ خواستن یاریزانێ خوە یێ ئەرژەنتینی بدەتە یانەکا دی لێ ئەوی یاریزانی ئەو چەندە رەتکریە و دخوازیت بەردەوام بیت ل وەرزێ ئەڤ سالە ل گەل وێ یانێ و یێ رازی یە وەکو یاریزانەکێ پێگوھور ژی ل وێ یانێ مینت.
ھەردیسان ئەوی مالپەری دیارکریە ژی چەندین داخوازی نوکە گەھشتی نە بەردەستێ وی یاریزانی ئەوژی ژ یانێن روما ئیتالی و وێستھام یوناید یا ئنگلیزی ھەردیسان ھەڤبەستەکا بلند ژ یانەکا چینی لێ ئەوی یاریزانی ھەموو داخوازی رەتکرینە .

ئەڤرۆ نیوز:
یانا ئەنتر میلان یا ئیتالی ب فەرمی ھەڤبەستا خوە یا شەشێ ل مێرکاتویا ھاڤینا ئەڤ سالە راگەھاند پشتی ب فەرمی گەھشتی یە رێککەفتنێ ل گەل یاریزانێ نیڤدەولەتی یێ ئیتالی و یانا کالیاری نیکولو باریلا بۆ ماوێ پێنچ سالان .

ب ئیمزاکرنا ھەڤبەستا نیکولو باریلا دبیتە ھەڤبەستا شەشێ ل ڤەگوھاستنێن نوکە یانا ئەنتر میلان ئیمزا دکەت پشتی ھەر ئێک ژ یاریزانان دیگو گودین و ستیڤانو سینسی یێن ئورگوای و ڤالنتینو لازارو یێ نەمساوی و لوسیان یێ فرەنسی و گابریێل برازو یێ بەرازیلی .