ئەڤرۆ نیوز:
راھێنەرێ کرواتی و یانا بایرن میونیخ نیکو کوڤاتیچ بەرپرسێن یانا باڤاری ئاگادارکرینە ئەوی پێدڤی ب ئیمزاکرنا چار یاریزانێن دی ھەیە سەرەرای ئەوێ یانێ ل ماوێ بوری ھەڤبەست ل گەل ھەر ئێک ژ یاریزانان لوکاس ھێرناندیز و بینیامێن بافارد و ڤیتی ئارب ئیمزاکری لێ راھێنەرێ وێ یانێ داخوازیا چار یاریزانێن دی ژی ژ بەرپرسێن وێ یانێ کریە.
رۆژناما کیکر یا ئەلمانی دیارکریە یانا بایرن میونیخ پشتی نەشیای د بزاڤێن ڤەگوھاستنا ھەردو یاریزانان لیرو سانی ژ مانچێستەر سیتی و رودریگو ھێرناندیز ژ ئەتلەتیکو مەدرید بیتە دناڤ رێزێن یانا خوە دا پشتی یانێن ئەوان رەتکری دەستا ژ یاریزانێن خوە بەردەت راھێنەرێ بایرن ناڤێ چار یاریزانێن نوو پێشکێشی بەرپرسێن یانا خوە کرینە بوو ئیمزاکرنا ھەڤبەستێ ل گەل ئەوان ل مێرکاتویا ھاڤینا ئەڤ سالە.
ئەوێ رۆژنامێ ئاشکراکریە ژی راھێنەرێ بایرن چار ناڤ پێشکێشی بەرپرسێن یانا بەرشەلۆنا کرینە ئەوژی ھەر ئێک ژ عوسمان دێمبلی یاریزانی بەرشەلۆنا و ھێرشبەرێ یانا چێلسی یا ئنگلیزی کالوم ھودسون و یاریزانێ ھێلا ناڤین ئایندھوڤن ستیفن بیرگوین و بەرەڤانێ یانا شوتگارت ئوزان کاباک

ئەڤرۆ نیوز:
یانا ئەتلەتیکو مەدرید ب ھێز ھاتنە دناڤ بازارێ ڤەگوھاستنا یاریزانێن ھاڤینا ئەڤ سالە پشتی ئەڤرۆ ب فەرمی گەھشتی یە رێککەفتنێ ل گەل یانا بەنفیکا یا پورتوگالی بوو ڤەگوھاستنا ستێرا وێ یا گەنچ جواو فیلیکس بەرامبەر ١٢٦ ملیون یورۆیا.
دیگو سیمیونی راھێنەرێ ئەرژەنتینی یێ یانا ئەتلەتیکو مەدرید پشتی چوونا ئەنتونیو کرێزمان داخوازی ژ بەرپرسێن یانا خوە کرن ب زیترین دەم ھەڤبەستێ ل گەل ستێرا گەنچ یا پورتوگالی جواو فیلیکس ئیمزا بکەن ل جھێ ئەوی یاریزانێ فرەنسی و پشتی ھەڤرکیەکا ب ھێز یانا ئەتلەتیکو شیا د ھەڤرکیا دەستڤە ئینانا ئەوی یاریزانی دا ب سەرکەڤیت ل سەر یانێن مان یوناید و مان سیتی و یوڤانتوس .
جواو فیلیکس یێ ١٩ سالی ھەڤبەستا خوە ل گەل یانا ئەتلەتیکو مەدرید بۆ ماوێ ٥ سالان ئیمزاکریە کو وێ یانا ئیسپانی ١٢٠ ملیون یورۆ وەکو بھایێ ھەلوەشاندنێ پێشکێشی ئەوێ یانا بەنفیکا کریە ل گەل شەش ملیون یورۆ ژی وەکو موچەیێ سالانە.

ئەڤرۆ نیوز:

کارگێریا یانا بەرشەلۆنا ب فەرمی ھەڤبەستا گولچیەکێ نوو راگەھاند پشتی گولچیێ ئەوان سیلیسین پێکھاتیێ ئەوی یانێ ب جھێلای و بەر ب ڤالنسیا ڤە چووی .
راپورتێن رۆژنامەڤانی ل ئیسپانیا وەسا دیارکرینە یانا بەرشەلۆنا ب فەرمی گەھشتە رێککەفتنێ ل گەل یانا ڤالنسیا بوو ڤەگوھاستنا گولچیێ وێ یێ بەرازیلی نوربرتو موارا یێ بەرنیاس ب نیتو بۆ ئیمزاکرنا ھەڤبەستا ئەوی گولچیێ ناڤبری ھەتا ھاڤینا ٢٠٢٣ بەرامبەر ٣٥ ملیون یورۆیا .
ھەردیسان ئەوان رۆژناما ئاشکراکریە ژی نیتو دێ بیتە گولچیێ دوێ ل یانا بەرشەلۆنا ھەردیسان دێ ل قارەمانیا کاسا شاھێ ئیسپانیا پشت بەستنێ ل سەر ئەوی کەن .

ئەڤرۆ نیوز:
ل دیڤ راپورتێن رۆژنامەڤانی ل ئورۆپا وەسا دھێتە چاڤەرێکرن ستێرا بەرازیلی و یانا پاریس سانجێرمان نیمار ب ڤەگەریتە یانا خوە یا بەری نوکە بەرشەلۆنا .
ل دیڤ ھاتنا نیماری جێگرێ سەرۆکێ یانا بەرشەلۆنا جوردی کاردونێر دوپاتکر ئەو دەنگوباس راستە و نیماری حەزا ڤەگەراندنێ ھەیە لێ ھەتا نوکە ئەوان چ پێنگاڤێن فەرمی نە ھاڤێتی نە.
جێگرێ سەرۆکێ یانا بەرشەلۆنا ئاماژە ب وێ چەندێ ژی کر نیماری حەزا ڤەگەراندنێ ھەیە و ئەوی یاریزانی داخوازی کریە جارەکا دی ب ڤەگەریتە پێکھاتیێ یانا بەرشەلۆنا لێ چ راستی بوو ئەوان دەنگوباسان نینە کو بەرشەلۆنا داخوازی ژ نیماری کریە .