ئەڤرۆ نیوز:
مەسرۆر بارزانی راسپاردیێ پێکئینانا کابینا نوو یا حوکمەتا هەرێما کوردستانێ ل هەولێر ل گەل بەرەی تورکمانی کۆمبوو.
ب مەرەما پشکداریپێکرن د کابینا نوو یا حوکمەتا هەرێما کوردستانێ دا، مەسرۆر بارزانی راسپاردیێ پێکئینانا کابینا نوو یا حوکمەتا هەرێما کوردستانێ ل هەولێر ل گەل بەرەی تورکمانی کۆمبوو.
ئەڤرۆ نیوز ؍ عەلی حاجی :
بریارە سوباهی شەمبیێ ۲۲/٦/۲۰۱۹ ل دەمژمێر ۸ی سپێدێ رۆژا چایخانان ل ئێک ژ چایخانێن باژێرێ هەولێرێ بۆ ئێکەم جار ئاهەنگەک ب رێڤە بچیت.
شێرزاد رەسول ؍ سەرپەرشتێ ئاهەنگێ بۆ ئەڤرۆ نیوزگۆت” سوباهی ب پشکداریا چەندین کەسایەتی و هونەرمەندان ل چایخانا کەلتوری یا مام خەلیلی رۆژا چایخانان ل ئێک ژ بازارێن هەولێرێ دێ ب رێڤەبچیت ؍ ژبەر کو پرانیا بالوێز و کونسولێن وەلاتان سەره‌دانا ڤێ چایخانا کەلتوری دکەن”.
گۆت ژى” د وێ ئاهەنگێ دا دێ چەندین برگێن هونەری ب رێڤەچن” دیاركر ژى كو ل حەفتیا بوری ئەڤ رۆژه ل جەندین بازارێن عێراقێ هاتبوو ساخكرن و ئەڤە دبیتە جارا ئێكێ کارەکێ ب ڤی رەنگی ل هەولێرێ دهێتە ئەجامدان”.
ئەڤرو نیوز، نەوزاد هلوری:
جۆرە بەلاتینکەکا سەرنجراکێش و نوو کو بێهنەکا خوش ددەت و رەنگ سیمایەکێ جوان هەیە ل شکەفتەکا گوندێ سەڤرە یا سەر ب دەڤەرا بارزان هاتە دیتن.
کامیرا ئەڤرو نیوز ژ نێزیک سەرەدانا شکەفتێ کر ژ بو گرتنا چەند دیمەنێن ئەڤێ بەلاتینکێ.
ب گورەی ئاخفتنێن خەلکێ دەڤەرێ پێشتر ئەڤ جورێ بەلاتینکێ ل دەڤەرێ نەهاتیە دیتن، رەنگ و سیمایێ بەلاتینکێ ل خوارێ ڤە وەکو کولیە و ل سەری ژ بەلاتینکا ئاسایی یە، هەموو پێکڤە دنڤن، پرانیا دەمێ خوە ژی دنڤیت.
ئەڤرۆ نیوز،عەلی حاجی :
ئەڤرۆپێنچ شەمبێ 20/6/2019 ب هەلكەڤتا روژا جیهانی یا پەنابەران ، رێڤەبەریا رەوشەنبیری و هونەری ل زاخۆ ب هەڤكاری دگەل قوتابخانا نێڤدەولەتی ، رابون ب ڤەكرنا پێشانگەهەكا شێوەكاری بۆ هونەرمەند و دەرهێنەر كامیران بێتاسی .
ئەڤرۆ نیوز ؍ عەلی حاجی :
ب هەلکەڤتا رۆژا جیهانی یا موزیکێ؍ئەڤرۆ ل باژێرێ زاخۆ تیپا رۆژ یا هونەری و موزیکێ ب هەڤکاری رێڤەبەریا رەوشەنبیری و هونەری ل زاخۆ رابون ب ساخکرنا وێ ل پارکا شەهیدان.
دلخاز موسا، رێڤەبەرێ رەوشەنبیری و هونەری ل زاخۆ بۆ ئەڤرۆ نیوز دیار کر ئەو ب خوە سوباهی رۆژا ئەینیێ ۲۱/٦/۲۰۱۹ دبیتە رۆژا جیهانی یا موزیکێ بەلێ ژبەركو دەواما فەرمی نینە له‌وما مە دئەڤرۆ پێنچ شەمبێ ساخکر؍ تیپا رۆژ یا هونەری و موزیکێ ب پشکداریا چەندین موزیکژەنان چەندین ئاوازێنکوردیبۆ خەلکێ ئامادەبووی هاتە پێشکێش کرن و سالێن بوری ل زاخۆ ئەڤ بیره‌وریه هاتە ساخکرن بەلێ دناڤ هولان دا بوو ؍ لەورا بۆ ئەڤ سالە مە دڤیا تشتەکێ نوو بکەین؍ مە ئەڤ یادە دناڤ پارکا شەهیدان دا ساخ کر.
ناڤبری گوت ژی : هەر دڤێ روژێ دا مە رێز ل چەندین موزیکژەنێن بەرێ گرتن کو وان ژی بو ماوەیەکێ درێژ ب رێیا موزیکێ خزمەتا هونەرێ کوردی کر بوون؍ لەورا مە هێژای وێ چەندێ دیتن خەلاتەکێ رێزلێنانێ پێشکێشی وان بکەین .
ئەڤرۆ نیوز، نەوزاد ھلۆری:
ژێدرەکێ ژ نوژداران ل نەخوشخانەکا باژێرێ وێگان یا گرێدای باژێرێ مانشستەر یا بەریتانی دیارکر کو ئەوان پێشنیار ل سەر داوەتا خوە کر کو ژڤانێ وێ بھێتە گوھرین و زووتر بھێتەکرن، چونکی ساخلەمیا ئێک ژ وان بوک و زاڤا تێکچویە.
دەیلی مەیلی، دیارکر کو غلوڤەرێ زاڤا کو دژیێ 51 سالیێ دایە و ژڤانێ داوەتا وی ھەیڤا بهێت بوو، بەلێ ژ بەر نەخوشیێ ژلایێ نەخوشخانێ ڤە ژڤان ھاتە گوھرین چونکی توشی نەخوشیا پەنجەشێرا پەنکریاسێ ببو، لەورا گرنگە د نێزیکترین دەلیڤەدا شەھیانا خوە بکەت ژبەر تێکچونا رەوشا ساخلەمیا زاڤایی، زاڤایی پێشنیاران وان وەرگرت و ھەر ل کەنیسا نەخوشخانێ ب بەرھەڤبوونا ھژمارەکا کەس و کار و ھەڤالان و ب بەرھەڤبوونا ھژمارەکا نوژدار و سستەران داوەتا خوە کر.
دەیلی ددەت دیارکرن ژی کو پشتی دو دەمژمێران ژ داوەتێ زاڤاى گیانێ خوە ژ دەست دا.
ئه‌ڤرۆ نيوز:
به‌رى ده‌مه‌كێ كێم سه‌رۆكێ هه‌رێما كوردستانێ گه‌هشته به‌غدا و بڕياره پشتى ده‌مه‌كێ كێم ل گه‌ل سه‌رۆك وه‌زيرێن عيراقێ كۆم بيت و بڕياره هه‌ر ئه‌ڤرۆ ل گه‌ل هه‌ر ئێك ژ سه‌رۆك كۆمار و سه‌رۆكێ جڤاتا نوونه‌ران ژى كۆم ببيت.
نێچيرڤان بارزانى، سه‌رۆكێ هه‌رێما كوردستانێ دێ ل گه‌ل هه‌ر ئێك ژ ڤان مه‌زنه به‌رپرسێن عيراقى كێشێن هه‌لاويستى يێن ناڤبه‌را هه‌رێما كوردستانێ عيراقێ بن كو هه‌ر ئێك ژ كه‌رتێ په‌ترۆل و بوودجه و به‌ركه‌فتيێن دارايى يێن فه‌رمانبه‌ران و كێشا پێشمه‌رگه‌ى و گه‌له‌ك ته‌وه‌رێن دى بن.
ئەڤرۆ نیوز ، نەوزاد ھلۆری:
سوتنا گەنمێ جوتیاران رۆژ بو رۆژێ د زێدەبوونێ دانە، ب گورەی ئامارێن بەرەڤانیا باژێری ل عیراقێ ئەڤ سالە نێزیکێ 300 روودانێن ئاگربەربوونا گەنمی رووداینە و ھزاران دونەمێن عەردی ھاتینە سوتن و زیانێن زور ب جوتیاران کەفتینە، نڤیسەرەکێ ھەولێرێ ئەگەرێن پشت سوتنا گەنمێ جوتیاران ئاشکرا دکەت.
باز ئەحمەد نڤیسەرێ ناسیارێ ھەولێرێ کو رولەکێ کارا د پرسێن نیشتمانی و نەتەوەی دناڤبەرا ھەرێما کوردستان و عیراقێ ھەیە بۆ ئەڤرۆ نیوز گۆت: (ددەما بوری دا چەندین ھەلویست و سووز ژلایێ خەلکی ھەمبەری سوتنا گەنمێ جوتیاران ھاتینەکرن و ھەموو داخبارن ب سوتنا گەنمی و پرانیا روودانان ژی ب قەزا و قەدەر دھێنە بێدەنگ کرن، بەلێ کێم کەس ھەیە ئەگەرێن سوتنا گەنمی بزانن، ئەگەرا سوتنا گەنمی چەقماقەک نینە کو ب ھەلگری و پاشان ئاگری بەردەیە گەنمی و ھەموو بسوژیت و پاشان بەرەڤانیا باژێری و جھێن شولەژێ بھێن ئەوان کەسان بگرن و بکەن زیندانێ، بەلکو ھندەک ئەگەرێن دن ھەنە و پێدڤی یە ژێدەرێ ئەوان بھێتەگرتن، جھێ داخێ یە کو ھەتا نھا دوڤچون لسەر نەھێلانا وان ئەگەران نەھاتیەکرن، بڤێ یەکێ تنێ جوتیار زیاندارە).
زێدەتر گۆت: (ئێک ژ وان ئەگەرێن سوتنا گەنمێ جوتیاران ئەوە کو ئاریشە و ناکوکیا چەند سالی یا کورد و عەرەبان کورتربیت، ژ ناکوکیان ببیتە شەرێن زێدەتر و برایەتی و پێکڤە ژیان نەمینیت، ئەگەرەکا دن ژی نەھێلانا نەتەوەیا کوردە ل عیراقێ ب تایبەتی دەڤەرێن کوردستانیێن دەرڤەیێ کارگێریا ھەرێما کوردستانێ و ڤەگەراندنا ئێکجارەکی بو باوەشا عیراقێ، دیسان نەھێلانا دیروک و شارستانیا چەند سالایە کورد قوربانیێ بو ددەت و خەباتێ بو دکەن).
ناڤبری دیارکر ژی کو نوکە رێژا چاندنا گەنمێ نافخوەیا عیراقێ دگەھیتە شەش ملیون تەنان، دیسان عیراق سالانە کێمتر ژ سێ ملیون تەنێن گەنمی ل دەرڤە دئینیت کو ھیچ پێدڤی یەک پێ نینە و زێدەتر گۆت: (دوزا نھێنی یا عیراقێ دڤێ یەکێ دا ئەوە کو عیراق مفای ژ گەنمێ جوتیارێن نافخوە ژ بەر ھەر ئەگەرەکێ ھەبیت وەرناگریت، بەلکو پشت بەستنێ ب گەنمێ ھاوردە دکەت ب تایبەتی ئوسترالیا و ئەمریکا و کەنەدا و تورکیا و روسیا، ھەبونا رێژەکا زور یا گەنمێ نافخوە دێ بیتە ئەگەرێ ھندێ کو دەنگەکێ نەرازیبوونێ ل پشت ھەبیت و عیراق نەچاربیت کو گەنمی ژ جوتیاران وەربگریت، ئێدی گڤاشتن لسەر بھێنەکرن کو نەشێت گەنمێ دەرڤە بکریت کو سالوخەتێن وان باشترە، ئەڤە زێدەباری وێ یەکێ کو دێ بارزگانیا دناڤبەرا وان وەلات و عیراقێ راوستیت و گەندەلی کێمتر بیت و بازرگان ژی زیانداربن، ژبەرڤێ نەچارن کو ژ ئەگەرێن سوتنا گەنمی بگەریێن، چونکی تەنا گەنمی ب 100 دولاران دگەھیتە عیراقێ و بازرگانێن عیراقی ب 600 دولاران د فروشن کو ئەڤ یەک ژی گەندەلیەکا گەلەک مەزنە و نەبوونا وێ دێ زیانێن زور ب بارزگان و گەندەلکاران کەڤیت).
باز ئەحمەد، ددرێژاھیا ئاخفتنێن خودا دیارکر ژی کو پشتی سالا 2003 ملیونان دولار ھاتینە خەرجکرن داکو عیراق ببیتە وەلاتەکێ خوەژین ئانکو ئەو بخوە پشت بەستنێ بخوە بکەت ب تایبەتی گەنم و جەھی، بەلێ رۆژ بو رۆژێ بارودوخێ خوەژینا وەلاتیان خراپتر لێ دھێت و زێدەتر گۆت: (نوکە عیراق بزاڤان دکەت ب شێوازەکێ نێھنی و بێ دیارکرنا ئەگەرا رێژا چاندنا گەنمی کێم بکەت، چونکی گەندەلی ل پشت ھەیە، ب تایبەتی عیراق دخوازیت گەنمی ل ھەرێما کوردستانێ کێم بکەت، ژبەرڤێ گرنکە دەستھەلاتدارێن ھەرێما کوردستانێ ھزرێ د وێ یەکێ دا بکەن کو ئەو کرین و فروتنا گەنمێ جوتیاران ب جیھانا دەرڤە ب ستویێ خوڤە بگرن، باشترین چارەسەری بو ڤێ یەکێ ئەوە کو کورد سەر بزاڤێن خوە بو دەولەتبوون خورت بکەن و ئەڤرۆ یان سوبەھی تنێ چارەسەری سەرخوبوونە).
نيشاندان