ئەڤرۆ نیوز:
ئەڤرۆکە ب بریارەکا فەرمی ژ ئالیێ دادگەها تورکیا ڤە ٤ ئەندامێن جڤاتا پارێزگەها دێرسمێ ل گەل دو موختاران ب بەهانا هندێ کو ئاریشێن وان یێن قانوونی هەنە ژ کاری هاتنە دوورخستن.
بریارا دادگەهێ پشتی هندێ هات کو کۆمیسیۆنا بلند یا هەلبژارتنان ل تورکیا پەسەندنامە ژ وان کەسان وەرگرتبوو و پشتی ڤێ یەکێ ژی ب فەرمی ژ کاری هاتنە دوورخستن.
ئەڤرۆ نیوز:
ئەڤرۆکە ژ بەر بیڤەلەرزەکا بهێز سلێمانی و دەوروبەرێن وێ هەژیان و ل گۆر زانیاریێن کو زانکۆیا تەهرانێ بەلاڤ کرینە ناڤەندا بیڤەلەرزێ پارێزگەها کرمانشان یا رۆژهەلاتێ کوردستانێ بوویە و ل پارێزگەهێن هەلەبجە و سلێمانی و دەوروبەرێن وان ژی هەست پێ هاتیە کرن.
ل گۆر زانیاریان هەتا نها ژ بەر بیڤەلەرزێ چو کەسەکێ جانێ خوە ژ دەست نەدایە لێ ل پارێزگەها کرمانشانێ چەند ئاڤاهی خراب بووینە.
ئەڤرۆ نیوز:
ئه‌ڤرۆ سپێدێ 11-5-2019 ل كوچكا مێهڤانداریا فه‌رهاد ئه‌مین ئه‌تروشى پارێزگه‌رێ دهوكێ پێشوازیا به‌رێز (د. ئەحمەد تاڵب) وه‌زیرێ وه‌رزش ولاوێن ئیراقێ وشاندێ دگه‌لدا كر.
دهه‌ڤدیتنه‌كێدا ب ئاماده‌بونا د. شاكر ئەحمەد سمو رێڤه‌به‌رێ گشتى یێ وه‌رزش ولاوان ل هه‌رێما كوردستانێ به‌حسێ ره‌وشا دام وده‌زگه‌هێن وه‌رزشى ل ئیراقا فیدرال ول هه‌رێما كوردستانێ وچاوانیا خورتكرن و پێشئێخستنا كار وچالاكیێن وه‌رزشى دناڤبه‌را هه‌ردوو ئالیان دا هاته كرن.
پارێزگه‌رێ دهوكێ خوشحالیا خو ب سه‌ره‌دانا شاندى دیاركر وته‌كه‌زى ل سه‌ر هه‌ڤكارى وهاریكاریێ كر بو پێشئێخستنا كار وچالاكیێن وه‌رزشى دناڤبه‌را هه‌ردوو لایه‌نان دا وچه‌ند پێشنیار به‌رچاڤكرن وه‌كو دورئێخستنا كارو چالاكیێن وه‌رزشى ژململانێن سیاسى وپشته‌ڤانیكرنا هه‌موو سازى وبوارێن وه‌رزشى ب یه‌كسانى دچارچوڤێ ئیراقا فیدرال دا هه‌روه‌سا پشته‌ڤانیكرنا بوارێن وه‌رزشى یێن بچوك كو گه‌له‌ك جاران هنده‌ك كه‌سا شیانێن باش هه‌نه ئه‌نجامێن مه‌زن ل سه‌ر ئاستێن وه‌رزشا جیهانى ب ده‌ستڤه بینین وگه‌له‌ك جارا ململانا سیاسى كارتێكرنه‌كا مه‌زن یا ل سه‌ر بوارێن وه‌رزشى كرى وبوینه هوكار بو پاشئێخستنا بزاڤا وه‌رزشى ونوكه پێدڤى یه هاریكاریا مادى ومه‌عنه‌وى بو سازى وكه‌سانێن وه‌رزشى یێن خودان شیان بهێته كرن دا وه‌كو جاران بزاڤا وه‌رزشى پێشكه‌فتنێ بخوڤه ببینیت.
ژلایێ خوڤه وه‌زیرێ وه‌رزش ولاوێن ئیراقا فیدرال ته‌كه‌زكر كو دێ هه‌موو هه‌ولدانا كه‌ن كو بزاڤا وه‌رزشى دناڤبه‌را ئیراقا فیدرال وهه‌رێمێ دا بهێته پێشئێخستن چونكو به‌رى نوكه هه‌رێما كوردستانێ جهه‌كێ گرنگ بو ، بو ئه‌نجامدانا چالاكیێن وه‌رزشى وگه‌له‌ك جاران وه‌رزش و وه‌رزشڤانێن هه‌رێما كوردستانێ سه‌ركه‌فتنێن مه‌زن بناڤێ ئیراقا فیدرال بده‌ستڤه ئینانینه وبه‌رده‌وامى دایه وان سه‌ركه‌فتنێن وه‌رزشى .
هه‌روه‌سا گوت:ئه‌م ب هه‌ڤره دگه‌ل سازیێن وه‌رزشى ل ئیراقى وهه‌رێما كوردستانێ دێ پلانه‌كا وه‌رزشى یا ئێكگرتى به‌رهه‌ڤكه‌ین وهه‌موو بوچونا كه‌ینه ئێك وپشته‌ڤانیا پروژێن مه‌زن یێن وه‌رزشى ل هه‌رێمێ كه‌ین بو وێ یه‌كێ بزاڤا وه‌رزشى ل سه‌ره‌نسه‌رى ئیراقێ وهه‌رێمێ پێشبێخین .
پاش كونگره‌كێ روژنامه‌انی بو پارێزگه‌رێ دهوكێ و وه‌زیرێ وه‌رزش ولاوان هاته سازكرن وهه‌ردوو لا ته‌كه‌زى ل سه‌ر هه‌ڤكارى وهاریكاریێ كر بو پێشئێخستنا بزاڤا وه‌رزشى ل هه‌رێما كوردستانێ ول ئیراقێ.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا ئه‌ينى رێکەفتی 10ى گۆلانا 2019ێ دهێته پێشبينكرن ئه‌سمان دێ ساهى بيت ل گه‌ل هنده‌ك ئه‌ورێن جودا جودا.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى بيت ل گه‌ل هنده‌ك ئه‌ورێن جودا جودا.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ 10کم بیت، پلێن گەرمێ ژی دێ د ناڤبەرا 15 بۆ 28 پلان دا بن.
ئه‌ڤرۆ نیوز:
رێڤه‌به‌ریا هاتن وچوونێ ل پارێزگه‌ها دهۆكێ به‌لاڤكر كو ئه‌و وه‌لاتیێن پارێزگه‌ها دهۆكێ یێن ترومبێلێن بێ باده‌ك هه‌ین، دشێن سه‌ره‌دانا باره‌گایێ رێڤه‌به‌ریا هاتن وچوونێ ل كومه‌لگه‌ها دومیز بكه‌ن بۆ ب رێڤه‌برنا مامه‌لێن وان ترومبێلان.
رێڤه‌به‌ریا ناڤبرى دیاركریه ژى كو ئه‌ڤ بریاره ترومبێلێن مودێل 1994 هه‌تا مودێل 2016 ب خوه‌ڤه دگریت.
ئه‌ڤرۆ نیوز:
كارڤه‌دانێن هه‌ردو ریمونتادا یێن لێڤه‌رپۆل وتوتنهام ل به‌رامبه‌ر به‌رشه‌لونا وئه‌یاكس ئه‌مستردام د هه‌ردو یاریێن پێش دووماهیا خۆلا قاره‌مانێن ئورۆپا د به‌رده‌وامن.
ئێكه‌تیا ئاسیا یا ته‌پا پێى د به‌رپه‌رێ خۆلا قاره‌مانێن ئاسیا دا به‌لاڤكر” مه‌زنترین ریمونتادا د هه‌ڤركیێن كێشوه‌ران دا ل كێشوه‌را ئاسیا هاتیه ئه‌نجامدان ب ناڤێ یانا اتحاد جه‌ده یا سعودى”.
ئێكه‌تیا ته‌پا پێى یا ئاسیا به‌لاڤكر” بۆ ئێكه‌تیا ته‌پا پێى یا ئورۆپا، مه خوه‌شیه‌كا مه‌زن ژ دیتنا هه‌ردو ریمونتادا یێن هه‌وه دیت، به‌لێ مه‌زنترین ریمونتادا ب ناڤێ یانا اتحاد جه‌ده یا سعودى ل سالا 2004 هاتیه تۆماركرن ده‌مێ ل یاریا دووماهیا خۆلا قاره‌مانێن ئاسیا ل سه‌ر ئه‌ردێ خوه ب ئه‌نجامێ 1-3 ل گه‌ل یانا سیونجنام یا كوریا باشوور هاتیه دوراندن، به‌لێ ل یاریا دوێ ب ئه‌نجامێ 5 -0 ب یانا كورى ب سه‌ركه‌فت و قاره‌مانى ب ده‌ستخوه‌ڤه ئینا”.
ئه‌ڤرۆ نيوز:
گۆژمێ 48 مليۆن دينار ژ چه‌ند په‌رله‌مانتاران دێ هێنه وه‌رگرتن ولژنه‌كا ڤه‌كۆلينێ دێ هيته پێكئينان.
ل دووڤ نڤيساره‌كا لژنا تۆماكرنا داخوازا مافێ گشتى ل فه‌رمانگه‌ها داواكارێ گشتىى يێ هه‌ولێرێ، داخوازا وه‌رگرتنا گۆژمێ 48 مليۆن ديناران ژ هنده‌ك ئه‌ندامێن به‌رێ يێن په‌رله‌مانێ كوردستانێ هاتيه كرن.
ئه‌و كه‌سێن ل خۆلێن بۆرى په‌رله‌مانتار بوون وپشتى هاتينه خانه‌نشين كرن وگۆژمێ 48 مليۆن دينار پێ هاتينه دان، بووينه په‌رله‌مانتار ومووچه‌ى وه‌ردگرن، كو ئه‌ڤه به‌رۆڤاژى قانوونێ يه وهه‌ده‌ردانا سامانێ گشتى يه.
لژنا ناڤبرى نڤيسارا خوه ئاراسته‌ى سه‌رۆكاتيا داواكارێ گشتيێ هه‌رێما كوردستانێ كريه وداخواز ژێ كريه داخوازێ ژ وه‌زاره‌تا دارايى وئابوورى ل هه‌رێما كوردستانێ بكه‌ت لژنه‌كێ پێكبينيت بۆ دياركرنا لايه‌نێ خه‌مسار وئاشكراكرنا ناڤێن وان په‌رله‌مانتاران ووه‌رگرتنا گۆژمێ 48 مليۆن ديناران.
هه‌روه‌سا ل دووڤ نڤيساره‌كا دى، وه‌زاره‌تا دارايى فه‌رمان كريه كو لژنه‌ك ژ وه‌زاره‌تێ بهێته پێكئينان بۆ ڤه‌كۆلينێ وده‌رخستنا ناڤێن وان په‌رله‌مانتارێن پارێ خانه‌نشينبوونا خوه وه‌رگرتين ونوكه ى په‌رله‌مانتارن.
ئه‌ڤرۆ نيوز:
د ياريێن گه‌را 26 ژ خۆلا پلا ناياب يا عيراقێ، ئه‌ڤرۆ ئه‌ينيێ 10/5/2019 ل ياريگه‌ها فرانسو حه‌ريرى ل هه‌ولێرێ هه‌ردو يانێن هه‌ولێر وجه‌ويه ب ئه‌نجامێ 0-0 وه‌كهه‌ڤ بوون.
ب ڤى ئه‌نجامى يانا هه‌ولێر خالێن خوه گه‌هاندنه 29 خالان ول رێزا 13 دهێت ل رێزبه‌ندا خۆلا عيراقێ و يانا جه‌ويه ب 55 خالان ل رێزا دويێ دهێت.
ئه‌ڤرۆ نیوز، نه‌وزاد هلۆرى:
پارچه‌كا زه‌ڤیێ ب رووبه‌رێ 200×50م ل گوندێ (هاریكا شێخا) یا سه‌ر ب ناحیا دێره‌لووكێ هه‌یه، ئه‌ڤه 100 ساله كه‌س نه‌وێریت بكێلیت هه‌تا خوه ب خودان نابینن، ئه‌گه‌ر ژى دزڤریت چونكى دێ ژنا وى كه‌سى یان كه‌سه‌ك ژ خێزانا وى مریت یێ دكێلیت، ئێك ژ وان كه‌سێن كو شه‌ڤه‌كێ دناڤ وێ زه‌ڤیێ دا نڤستى و خه‌ونه‌كا نه‌خوش ب زه‌ڤیێ ڤه دیتى چێرۆكا زه‌ڤیا ژن مریێ بۆ ئه‌ڤرۆ نیوز دبێژیت.
ئه‌ڤرۆ نیوز، نه‌وزاد هلۆرى:
خووشكا سێ شه‌هیدێن بوردومانا فرۆكێن توركیا كو پارسال ل ده‌ڤه‌را دوسكى هاتبونه شه‌هیدكرن، بازاره‌كێ شیریناهیان بۆ هه‌یڤا ره‌مه‌زانا پیروز ڤه‌كر و تێدا ئه‌و و هه‌ڤژین و زاروكێن خوه وه‌كو هوستا و كرێكار كاردكه‌ن، وه‌كو ئه‌و دده‌ت دیاركرن پشتى ره‌مه‌زانێ ژى دێ به‌رده‌وام بن نوكه پتر گرنگیێ ب چێكرنا شه‌ربه‌ت و شیریناهیان دده‌ن.
نيشاندان