ئەڤرۆ نیوز:
ئەڤرۆ رۆژا چارشەمبی ٨-٥-٢٠١٩ پەرلەمانێ کوردستانێ قانوونا سەرۆکاتیا ھەرێما کوردستانێ راستڤەکر و دەنگدان ل سەر ھاتە کرن و پەسەند کرن.
ل دووڤ قانوونا نوو یا سەرۆکاتیا ھەرێمێ چەند مەرج داناناینە بۆ وان کەسێن حەز ھەبیت بۆ ڤی پوستی دڤێت ئەڤ مەرجە ھەبن:
١. دڤێت تەمەنێ وی ژ ٤٠ سالیێ کێمتر نەبیت.
٢. چو تاوان بەری نوکە ئەنجام نەدابن.
٣. دڤێت خەلکێ ھەرێما کوردستانێ بیت.
٤. د ھەموو مافێن شارستانی و سیاسی بەھرەمەند بیت.
ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 8ى گۆلانا 2019ێ بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 100 دولارێ ئه‌مريكى | 120.000 دينار |
| 100 يۆرۆيێ ئه‌ورۆپى | 134.500 دينار |
| 100 ليرێ توركى | 20.000 دينار |
بۆ وه‌رگرتنا نووترين پێزانينان ل سه‌ر ره‌وشا دراڤى ژماره “2” بۆ شورتكودێن “KOREK “2279 يان “Asiacell “4593 يان ژى ب ره‌نگه‌كێ به‌رده‌وام سه‌ره‌دانا مالپه‌رێ ئه‌ڤرۆ نيوز www.evronews.net بكه.
ئه‌ڤرۆ نيوز:
په‌رله‌مانێ كوردستانێ د روونشتنا ئه‌ڤرۆ رۆژا چارشه‌مبى 8ى گۆلانا 2019ێ خواندنا سيێ و دووماهيێ بۆ پرۆژێ راستڤه‌كرنا قانوونا سه‌رۆكاتيا هه‌رێمێ كر و په‌سه‌ند كر.
پشتى خواندن و ده‌نگدان ل سه‌ر برگه و ماددێن پێشنيازكرى، ل دووماهيێ هه‌موو پرۆژه خسته ده‌نگدانێ و ب پتريا ده‌نگێن په‌رله‌مانتاران، كو 89 ده‌نگێن به‌لێ بوون، پرۆژه هاته په‌سه‌ندكرن.
ب گۆره‌ى قانوونێ، سه‌رۆكێ هه‌رێما كوردستانێ، دێ د ناڤ هۆلا په‌رله‌مانى دا ب پتريا ده‌نگێن ره‌ها يێن په‌رله‌مانتاران ئانكو 56 ده‌نگان هێته هه‌لبژارتن و هه‌كه ئه‌و ده‌نگ ب ده‌ست ڤه نه‌ئينان دێ هه‌لبژارتن چينه خولا دويێ و بۆ سه‌رۆكاتيا هه‌رێمێ به‌ربژارى ب تنێ پێدڤى ب 1+50 هه‌يه.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا پێنجشه‌مبى رێکەفتی 9ى گۆلانا 2019ێ دهێته پێشبينكرن ئه‌سمان دێ ساهى و ئه‌و بيت و هنده‌ك جاران ئه‌و ئه‌ور زێده‌تر لێ هێت.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ساهى و ئه‌و بيت و هنده‌ك جاران ئه‌و ئه‌ور زێده‌تر لێ هێت.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی دێ د ناڤبه‌را 9 بۆ 10کم دا بیت، پلێن گەرمێ ژی دێ د ناڤبەرا 16 بۆ 23 پلان دا بن.
ئەڤرۆ نيوز:
بڕیاردەرێ لیژنا قانوونی ل پەرلەمانێ کوردستانێ ئاشکرا کر کو لایەنێن سەرەکی گەھشتینە سازانێ ل سەر راستڤەکرنا قانوونا سەرۆکاتیا ھەرێما کوردستانێ و راپۆرتا دووماھیێ دێ دەنە دەستەیا سەرۆکاتیا پەرلەمانی.
جەلال محەمەد ئەمین، بڕیاردەرێ لیژنا قانوونی ل پەرلەمانێ کوردستانێ بۆ باسنیوز دیار کر کو ب پشکداریا فراکسیۆنێن پارتی، گۆران، ئێکەتی و پێکھاتان و پشکەکا حزبێن دی پێشبینیێ دکەن کو ئەڤرۆ زێدەتری 85 پەرلەمانتاران دەنگی ل سەر قانوونا سەرۆکاتیا ھەرێما کوردستانێ بدەن.
ل دووڤ پێزانینێن باسنیوز کومەلا ئیسلامی ھەلویستێ فەرمی ل سەر دەنگدانێ ب ڤێ قانوونێ ئاشکرا نەکریە و بڕیارە ئەڤرۆ بەری کۆمبوونێ ھەلویستێ خوە یێ فەرمی ئاشکرا بکەن، ھەروەسا فڕاکسیۆنا ئێکگرتوو ژی مەرج بۆ دەنگدان ب قانوونێ ھەیە ئەو ژی دڤێت سەرۆک بۆ لێپرسینێ بھێتە پەرلەمانی.
ئەڤرۆ نیوز:
چاڤدێر و رەوشەنبیرێ پارێزگەھا سلێمانیێ، عینایەت نامق ل دۆر ھەبوونا حزبێن سیاسی ل سلێمانیێ باڵ بالانەیا دناڤا وان حزباندا ھەی، دبێژیت زیانەکا مەزن ب پێشکەفتن و گەشەکرنا باژێرێ سلێمانیێ دایە.
عینايەت نامق د ھەڤدیتنەکا تایبەت دا بۆ رۆژناما ئەڤرۆ راگەھاند، ھەبوونا فرە حزبی ل دونیایێ نیشانا دیموکراسیێ یی ل ھەموو وەلاتان ژی وەلاتی دئازادن حزبا دروست بکەن، بەلی کێشە ل وێرێ ھەیە ئازادیا رەھا ل چ وەلاتەکێ نینە، بەلێ ل باژێرێ مە دروستکرنا حزبی یا بوویە بازرگانی یا سکسی، کو ھەر ئەو حزب دژی سەربخوەیا کوردستانێ بوویە، ئەڤ رەنگێ حزبان دبێژنێ توانباریا مەزن، کو ل سلێمانیێ 70 ھەتا 80 بارەگایێن حزبی تێدا ھەنە و بارەگایێن لایەنێن دەرەکی ژی تێدا سیخۆڕیێ دکەن.
عینایەت نامق گۆت: ل چ وەلانێن دونیایێ نەبوویە حزب دژی سەربلندی و سەربخوەیا وەلاتێ خوە بیت، ب مخابنی ڤە نوکە سلێمانی د رەوشەکا قورسدایە کو سلێمانی ھەردەم یا ئامادەیە بەر ب پێشڤە بچیت داھێنانێ بکەت.
ناڤبری سەبارەت ژێرخانا ئابووری ل سلێمانیێ دبێژت، ب ئەگەری ھەبوونا وان ھەموو حزبان ل سلێمانیێ دەست دانایە سەر ھەموو جەمکێن ئابووری ل پارێزگەھێ لورا رەوشا ئابووری یا باژێری گەلەک خراب بوویە، کار یێ کێم بووی وەکی پێدڤی نەشێن گەشەکرنا ئابووری ھەبیت، ھەروەسا دیارکر، خرابیا رەوشا ئابووری ل پارێزگەھا سلێمانیێ کارتێکرن ل سەر رێژا گونەھباری ل سلێمانیێ بەرب زێدەبوونی بچیت، کو گرۆپێن کوشتن و دزی و تلانکرنێ زێدەبووینە، ب مخابنی ڤە رۆژانە دەنگوباسێن گونەھباریێن گەلەک حیبەتی دبھیسین.
ھەمان چاڤدێرێ سیاسی دووپاتکر و گۆت: نوکە سلێمانیێ ب ئەگرەێ ھەوبوونا فرە حزبی و فرە کویخاتیێ و باڵ بالانێ یا ناڤخوەیا حزبان، فەوزایەکا سیاسی و ئابووری و جڤاکی ل سلێمانیێ پەیدا کریە، رەوش یا بەرب خرابتریێ ڤە پێنگاڤان دھاڤێت، زێدەتر دبێژیت، ب دیتنا من سیاسەت ژێرخانەیە، ئانکو رەوشەنبیری و ئابووری و کەلتور و جڤاک و ئامادەباشی سیاسەتە، ئانکو دەمێ سیاسەت و قانوون ھەبوون وەلاتی دێ ھەست ب ئارامی و رەحەتیێ د ھەموو بوارێن ژیانێ دا کەت، ژیانا رەوشەنبیری و جڤاکی و ئابووری و ھەتا دووماھیێ، کو دێ بەر ب پێشکەفتنێ ڤە چیت، بەلێ بەرۆڤاژی ھەموو دێ ھێتە تێکدان.
نيشاندان