ئەڤرۆ نیوز:
یانا ئەتلەتیکو مەدرید دەست ب لڤینا کر بوو دەستڤە ئینانا ستێر و گولکەرێ یانا سپورتینگ لەشبونا یا پورتوگالی پشتی تەکید بووی چەند یاریزانێن ئەوی ل ڤەگوھاستنێن ھاڤینا ئەڤ سالە دێ پێکھاتیێ وێ یانێ ب جە ھێلن.
رۆژناما سپورت یا ئیسپانی دیارکریە یانا ئەتلەتیکو مەدرید ل سەر داخوازیا راھێنەرێ خوە دیگو سیمیونی دخوازیت ھەڤبەستێ ل گەل ستێرا سپورتینگ لەشبونا برونو فرناندێز ئیمزا بکەت پشتی وی یاریزانێ ناڤبری شیای ئاستەکێ بلند ل وەرزێ ئەڤ سالە ل گەل یانا خوە پێشکێش بکەت کو نوکە ئەو یاریزان بوویە ئارمانجا ھژمارەکا یانێن مەزن ل ئورۆپا.
ئەوێ رۆژناما ئیسپانی ئەو چەندە ژی دیارکریە ئەرکێ ئەتلەتیکو یێ ب سانەھی نابینت بوو دەسڤە ئینانا فرناندێز ژبەرکو ھەردو یانێن مانچێستەر یوناید و مانچێستەر سیتی ژی نوکە ئارمانجا خوە کریە ئەو یاریزان تایبەت یانا مان سیتی پشتی راھێنەرێ وێ یانێ گواردیولا بەرپرسێن یانا خوە ئاگادارکری بزیترین دەم ھەڤبەستێ ل گەل وی ستێرا پورتوگالی ئیمزا بکەن.
ھەژی گوتنێ یە برونو فرنادێز یێ ٢٤ سالی ئەوێ ل ھێلا ناڤین پشت ھێرشبەران دکەت ل وەرزێ ئەڤ سالە پشکداری د ٥٣ یاریان دا کر بوو ل گەل یانا خوە د ھەموو قارەمانیێن یانا وی پشکدار و شیابوو ٢٠ گولان توماربکەت و ل گەل ١٨ گولا بوو ھەڤالێن خوە بەرھەڤبکەت

ئەڤرۆ نیوز:
یانا ئیڤەرتون یا ئنگلیزی راگەھاند ئەو ھەتا رادەیەکێ ھەرە مەزن ئەو ل گەل یاریزانێ یانا بەرشەلۆنا و ھەلبژارتیێ پورتوگال ئەندری گومێز رێککەفتی نە بوو ئیمزاکرنا ھەڤبەستا ئەوی یاریزانی ب شێوەیەکێ فەرمی پشتی ل وەرزێ ئەڤ سالە ئەوی یاریزانی ب شێوەیێ خواستن یاری ل وێ یانێ دکری.
رۆژناما سپورت یا ئیسپانی دیارکریە بەرپرسێن یانا ئیڤەرتون گەھشتی نە رێککەفتنێ ل گەل یاریزانێ یانا بەرشەلۆنا ئەندری گومێز پشتی وی یاریزانی حەزا مانا خوە ل وێ یانێ دیارکری و ھەردو یانێن بەرشەلۆنا و ئیڤەرتون ژی ل سەر ڤەگوھاستنا ئەوی یاریزانی ھەتا رادەیەکێ ھەرە مەزن رێککەفتی نە بتنێ مایە ل ماوێ چەند رۆژێن بھێت ھەڤبەستا ئەوی ب فەرمی بھێتە راگەھاندن .
ئەوێ رۆژنامێ ئاشکراکریە ژی یانا ئیڤەرتون ل سەر مەرجەیێ ئەوی یاریزانی رازی بوویە پشتی ئوی یاریزانی داخوازیا ١٢٠ ھەزار جێنێ ئێسترلینی کری وەکو موچەیێ حەفتیانە کو ب ڤێ چەندێ ئەو یاریزان دێ بیتە خودانێ گرانترین موچە د مێژویا وێ یانێ دا.

ئەڤرۆ نیوز:
ستێرا ھێلا ناڤینا ئیسپانی و یانا ناپولی یا ئیتالی فابیان رویز ئەو ھەموو دەنگوباس رەتکرن ئەوێن بەری نوکە ل سەر ئەوی ھاتینە بەلاڤەکرن کو دێ پێکھاتیێ یانا خوە ب جهـ ھێلت و بەر ب ریال مەدرید ڤە چیت .
زێدەتر ئەوی یاریزانی د دووماھیی داخویانیا خوە بۆ کەنالێ سکای ئیتالیا دیارکریە ئەو نوکە گرێدای ھەڤبەستا خوە یە ل گەل یانا ناپولی و ئەو گەلەک یێ کەیفخوشە ل ڤێ یانێ ئەو ناخوازیت د ڤی دەمی دا پێکھاتیێ یانا خوە ب جهـ ھێلت .
ھەردیسان ئاماژە ب وێ چەندێ ژی کریە پێدڤی ناکەت جەماوەرێ یانێ ھەست ب مەترسیا چوونا ئەوی بکەن ژبەرکو ئەو نوکە گەلەک یا ئارامە ل یانا خوە نوکە ئەوی ھزر ل چوونا خوە نەکریە .
ژلایەکێ دیڤە ل ماوێ چەند رۆژێن بوری رۆژناما “کوریری دیلو سپورت” یا ئیتالی بەلاڤەکر بوو فابیان رویز دێ ھەڤبەستا یانا ریال مەدرید ئیمزا کەت پشتی یانا ریال مەدرید نەشیای شیانێن پول پوکپای ب دەستخوڤە بینت .

ھەژی گوتنێ یە فابیان رویز یێ ٢٣ سالی ل ڤەگوھاستنێن ھاڤینا بوری پەیوەندی ب یانا ناپولی کریە پشتی ژ یانا ریال بتیس ھاتیە ڤەگوھاستن و ھەتا نوکە پشکداری د ٤٠ یاریان دا ل گەل ناپولی کریە و شیای یە خەفت گولان توماربکەت .

ئەڤرۆ نیوز:
چاڤەرێ دھێتەکرن ل ماوێ بھێت یانا ریال مەدرید ھژمارەکا یاریزانێن خوە بفروشیت و دەستا ژ شیانێن ئەوان بەردەت ب مەرەما دەستڤە ئینانا کوژمەکێ مەزنتر یێ پارەی و ب وی کوژمی ھەڤبەستێ ل گەل چەند یاریزانێن نوو ئیمزا بکەت.
رۆژناما مارکا ئیسپانی بەلاڤەکریە بەرپرسێن یانا ریال مەدرید دەرگەھێ چوونێ بۆ یاریزانێ خوە یێ ئیسپانی لوکاس ڤاسکێز ڤەکریە تایبەت پشتی ھەڤبەستا ھەر ئێک ژ یاریزانان ھازارد و رودرێگو یێ بەرازیلی ئیمزاکری کو ستایلی کرنا ھەردو یاریزانان گەلەک نێزیکی یێ ئەوان ھەردو یاریزانانە لەورا وەسا دھێتە چاڤەرێکرن ب ھەر شێوەکێ ھەبیت ئەوی یاریزانێ خوە ل مێرکاتویا نوکە بفروشن .
ھەردیسان ئەوێ رۆژنامێ ئاشکراکریە ژی بریارا فروتنا ڤاسکێز ھاتیە دانێ پشتی بەرپرسێن یانا ریال بریار دای یاریزانێ خوە یێ گەنچ ئیبراھیم دیاز وەکو پێگوھورێ ھەردو یاریزانێن خوە یێن نوو بدان و ڤاسێکیز بفروشن داکو پتر یا مفاداربیت ب دەستڤە ئینانا کوژمەکێ پارەی .
ھەژی گوتنێ یە لوکاس ڤاسکێز ئێک یاریزانێن قوتابخانەیا ریال مەدرید ھەر ژ دەستپێکا خوە وەرە ل گەل یانا ریال مەدرید پشکداری د ١٨٣ یاریان دا کریە ل گەل یانا ریال مەدرید و ل وەرزێ ئەڤ سالە پشکداری د ٤٧ یاریان دا کریە .