ئەڤرۆ نیوز:
راپورتێن رۆژنامەڤانی ل وەلاتێ ژاپونێ ئاشکراکریە یانا بەرشەلۆنا جارەکا دی دەست ب دانوستاندنان کریە بوو ڤەگوھاستنا یاریزانێ گەنچ یێ ھەلبژارتیێ ژاپون تاکیفوسا کوبو
ئەوێ بەرنیاس ب میسی وی وەلاتی پشتی ل حەفتیا بوری دانوستاندن ھاتینە راوستاندن ژ بەر چەند ئەگەران.
رۆژناما سپورتس ھوتشی یا ژاپونی دیارکریە رێڤەبەرێ کاروبەرێن یاریزانێ ناکیفوسا کوبو بەر ب وەلاتێ ئیسپانیا چویە بۆ دەست ب دانوستاندن ل گەل بەرپرسێن یانا بەرشەلۆنا پشتی ل حەفتیا بوری ئەو دانوستاندن ھاتینە راوستاندن لێ ڤێ جارێ ھەتا رادەیەکێ مەزن ھەردو لایەن ل سەر ڤەگوھاستنا ئەوی یاریزانی رێککەفتی نە دبیت ل حەفتیا بھێت ب فەرمی ھەڤبەستا ئەوی یاریزانێ ناڤبری ژلایێ یانا کەتەلونی ڤە بھێتە راگەھاندن.
ژلایەکێ دیڤە رۆژناما موندو دیپورتیڤو یا ئیسپانیا ئاشکراکریە رێڤەبەرێ کارێن کوبو مەرجەک پێشکێشی یانا بەرشەلۆنا کریە ھەر دەمێ ھەڤبەستێ ئەوی یاریزانی ھاتە ئیمزاکرن پێدڤی یە ل گەل تیما ئێکێ بیت نە تیما دوێ و بھایێ ڤەگوھاستنا ئەوی ژی ئێک ملیون یورۆ ل گەل پاداشێن زێدەکرنا موچەیێ وی یێ سالانە .
ھەردیسان ئەوێ رۆژنامێ ئاشکراکریە ژی یانا بەرشەلۆنا دێ ھەڤبەستا ئەوی یاریزانێ ژاپونی بۆ ماوێ پێنج سالان ئیمزاکەت و دێ موچەیەکێ سالانە پێشکێشی ئەوی یاریزانی کەت .
تاکیفوسا کوبو ل ژیێ ١٠ سالی پەیوەندی ب یانا بەرشەلۆنا کربوو لێ ل ھاڤینا ٢٠١٥ ڤەگەریابوو وەلاتێ خوە ژبەر ئەو سزایێن یانا بەرشەلۆنا ل وێ سالێ توش بوویێ ژلایێ فیفا ڤە پشتی ھەڤبەست ل گەل یاریزانێن ل بن ١٨ سالی دا ئیمزاکری .
ھەژی گوتنێ یە تاکیفوسا کوبو یێ ١٨ سالی نوکە یاریزانێ یانا توکیو یا ژاپونی یە و گرێدای ھەڤبەستا خوە یە ل گەل وێ یانێ ھەتا ٢٠٢٠ و ئەو یانە دخوازیت ئەوی یاریزانی بفروشیت بەری ھەڤبەستا ئەوی ب دووماھیی بھێت و یاری بۆ ھەموو ھەلبژارتیێن وەلاتێ خوە کرینە و دو یاریێن نێڤدەولەتی ژی ل گەل ھەلبژارتیێ ئێکێ یێ وەلاتێ خوە ھەنە.

https://www.youtube.com/watch?v=D2murVGwZmE

ئەڤرۆ نیوز:
یانا مانچێستەر یوناید ب فەرمی ھەڤبەستا خوە یا ئێکێ ل ڤەگوھاستنێن ھاڤینا ئەڤ سالە راگەھاند پشتی ھەڤبەست ل گەل یاریزانێ گەنچ یێ وێلزی و یانا سوانزی سیتی دانیێل جێمس ئیمزاکری.
جێمس یێ ٢١ سالی ھەڤبەستا یانا مانچێستەر یوناید بوو ماوێ پێنج سالان ئیمزاکر د داخویانیەکێ دا بۆ مالپەرێ وێ یانێ یێ فەرمی دیارکر ئەو گەلەک یێ کەیفخوشحالە ھەڤبەستا مان یوناید ئیمزاکری و خەونا ھەر یاریزانەکی ئەو یاریێ ل یانەکا وەکو مانچێستەر یوناید بکەت و دێ بزاڤێ کەت بشێت ئاستەکێ باشتر ل گەل ڤێ یانێ پێشکێش بکەت.
دانیێل جمێس ل وەرزێ ئەڤ سالە ٣٣ یاریان دا پشکداری ل گەل یانا سوانزی سیتی کریە د خۆلا پلا ئێک یا ئنگلتەرا دا و ھەردیسان دو یاریێن نێڤدەولەتی ژی ھەنە ل گەل ھەلبژارتیێ وێلز.