ئه‌ڤرۆ نیوز:
ژێده‌ره‌كێ رۆژنامه‌ڤانى ل باژێرێ مووسل بۆ ئه‌ڤرۆ نیوز دیاركر كو ئاگره‌كێ گه‌له‌ك مه‌زن به‌ربوویه ده‌خلودانى ل ناحیا گه‌یاره ل باشوورێ مووسل وهێزێن له‌شكرێ عیراقێ وپۆلیسان وحه‌شدا شه‌عبى ووه‌لاتیێن ده‌ڤه‌رێ یێ بزاڤا كونترۆلكرنا ئاگرى دكه‌ن.
گۆت ژى” ئه‌ڤه چار ده‌مژمێره ئاگر به‌ربووى وهه‌تا نوكه نه‌هاتیه كونترۆلكرن”.
ئه‌ڤرۆ نیوز:
سه‌رۆك مه‌سعود بارزانى ئه‌ڤرۆ دوشه‌مبى 10/6/2019 ل گه‌ل مه‌ولود چاوش ئوگلۆ وه‌زیرێ ده‌رڤه یێ توركیا كۆمبوو و د دیداره‌كێ دا وه‌زیرێ توركى پیرۆزباهیا هه‌لبژارتنا نێچیرڤان بارزانى سه‌رۆكێ نوو یێ هه‌رێما كوردستانێ ل سه‌رۆك بارزانى كر وهیڤیا سه‌ركه‌فتنێ بۆ خواست ودوپاتى ل پێگه‌هێ هه‌رێما كوردستانێ بۆ وه‌لاتێ توركیا وگرنگیا سه‌قامگیریا هه‌رێمێ كر.
هه‌ر د وێ دیدارێ دا زێده‌بارى ئاماژه‌دان ب په‌یوه‌ندیێن دیرۆكى د ناڤبه‌را هه‌رێما كوردستانێ وتوركیا، هه‌ردولا ل سه‌ر پێشڤه‌برنا وان په‌یوه‌ندیان د هه‌ڤرا بوون، هه‌روه‌سا وه‌زیرێ ده‌رڤه یێ توركى به‌رهه‌ڤیا وه‌لاتێ خوه بۆ پشكداریكرنێ د ئاڤه‌دانكرنا مووسلێ وده‌ڤه‌رێن دى به‌رچاڤكر.
ئەڤرۆ نیوز:
بریارە ئەڤرۆ ھژمارەکا یاریێن نێڤدەولەتی ژ چارچوڤێ ڤاڤارتنێن قارەمانیا ئوروپا ٢٠٢٠ و یێن موندیالا کچان بھێنە کرن ب ڤی شێوەی.
ڤاڤارتنێن ئوروپا ٢٠٢٠
٩:٤٥ چیک vs مونتینیگرو
٩:٤٥ بلگاریا vs کوسوڤو
٩:٤٥ ئیرلەندا vs جەبەل تارق
٩:٤٥ دانیمارک vs جورجیا
٩:٤٥ مەقدونیا vs نەمسا
٩:٤٥ لاتڤیا vs سلوڤینیا
٩:٤٥ پولەندا vs ئسرائیل
٩:٤٥ گزیرتیچن فارو vs نرویژ
٩:٤٥ ئسپانیا vs سوید
٩:٤٥ مالتا vs رومانیا
٩:٤٥ سربیا vs لیتوانیا
٩:٤٥ ئوکرانیا vs لوکسنبورگ
موندیالا کچان ٢٠١٩
٧:٠٠ ئەرژەنتین vs ژاپون
١٠:٠٠ کەنەدا vs کامیرون
یاریێن ھەڤالینی یێن نێڤدەولەتی
١٢:٠٠ پاراگوای vs گواتیمالا
٢:٣٠ مەکسیک vs ئیکوادور
ئەڤرۆ نیوز:
ئەکرەم حوسۆ ئەندامێ سەرکردایەتیا جڤاتا سووریا دیموکرات راگەهاند کو هەڤدیتنێن مە ل گەل تورکیا ل دۆر ئاڤاکرنا دەڤەرا ئارام ل سووریێ بەردەوامن و هەتا نها نەگەهشتینە چو ئەنجامەکێ.
ناڤهاتی راگەهاند کو ئەمریکا رۆلەکێ سەرەکی بۆ ئاڤاکرنا دەڤەرا ئارام دگێریت و هەتا نها گوهۆرینەک باش د هەلویستێ تورکیا دا هەیە، لێ جارێ ئەم نەشێین بێژین رێککەفتنا دووماهیێ هاتیە کرن.
ئەڤرۆ نیوز:
یاریزانەکێ یانا بایرن میونیخ یا ئەلمانی ھەڤبەستا یانا ڤلامینگو یا بەرازیلی ئیمزاکر ھەتا دووماھیا ھاڤینا ٢٠٢١ پشتی ھەڤبەستا ئەوی ل گەل یانا ئەلمانی ب دووماھیی ھاتی.
رۆژناما بلێد یا ئەلمانی ئاشکراکریە پشتی کرنا ھەشت سالان ل یانا بایرن میونیخ و شیای ئاستەکێ بلند ل گەل وێ یانێ پێشکێش بکەت یاریزانێ بەرازیلی رافینا پشتی ھەڤبەستا ئەوی ل گەل وێ یانا باڤاری ب دووماھیی ھاتی بەر ب خۆلا بەرازیلێ ڤە چوو ئەڤ جارە ھەڤبەستا یانا ڤلامیینگو بۆ ماوێ دو سالان ئیمزاکر.
رافینا یێ ٣٣ سالی نوکە خودان رەگەزنامەیا ئەلمانی و بەرازیلی یە پشتی ھەڤبەستا ئەوی ل گەل بایرن ب دووماھیی ھاتی چەندین داخوازی ژ یانێن ئیتالی و ئنگلیزی ئەلمانی بوو ھاتبوون لێ ئەوی یاریزانی بریار دا جارەکا دی ڤەگەریتە خۆلا بەرازیل .
ھەژی گوتنێ یە رافینا ل گەل بایرن میونیخ ل ماوێ ھەشت سالێن بوری دا شیا ٧ جاران ناسناڤێ بوندس لیگا ب دەستخوڤە بینت ل گەل ٤ ناسناڤێن کاسا ئەلمانیا و کاسا سوپەرا ئەلمانیا سێ جاران و جارەکێ قارەمانیا چامپیونیز لیگ ل گەل ناسناڤەکێ کاسا سوپەرا ئورۆپی ل گەل ئێک جار موندیالا یانێن جیھانی.
ئەڤرۆ نیوز:
ل گۆر دووماهی راپرسێن دوبارەکرنا هەلبژارتنێن باژێرڤانیا ئستەنبولێ هەتا نها دەنگێ ئەکرەم ئیمام ئوگلۆ بەربژارێ پارتا کۆماریا گەل ژ یێ بینالی یلدرم بەربژارێ ئاکپارتیێ زێدەترە.
ل ئالیێ دی چاڤدێرێن سیاسی دیار دکەن هەکە کورد ل ئستەنبولێ پشتەڤانیێ ل بەربژارێ جەهەپێ نەکەن رەنگە بینالی یلدرم ببیتە سەرۆک باژێرڤانیا ئستەنبولێ، چونکو دەنگێ کوردان دێ کاریگەریەکا مەزن ل ئەنجامێ هەلبژارتنان کەت.
ئەڤرۆ نیوز:
کارلو ئەنشیلوتی راھێنەرێ یانا ناپولی دخوازیت ل ڤەگوھاستنێن بھێت یانا وی ھەڤبەستێ ل گەل یاریزانەکێ یانا ریال مەدرید ئیمزا بکەت.
مالپەرێ کاتشیو مێرکاتو یێ ئیتالی دیارکریە ئەنشیلوتی شیا سەرۆکێ یانا ناپولی ئوریلیو دی لورینتیس رازی بکەت بوو ئیمزاکرنا ھەڤبەستێ ل گەل یاریزانێ یانا کولومپی و یانا ریال مەدرید خامێس رودرێگیز ئیمزا بکەن .
ئەنشیلوتی ئەوێ بەری نوکە ل یانا ریال مەدرید سەرپەرشتیا رودرێگیز کری بزاڤێن مەزن کرن ھەتا شیای بەرپرسێن یانا ناپولی رازی بکەت بوو دەست ب لڤینا بوو دەستڤە ئینانا وی یاریزانێ ریال مەدرید.
ئەوی مالپەری ئاماژە ب وێ چەندێ ژی کریە دبیت کوژمێ ڤەگوھاستنا رودرێگیز ل سەر یانا ناپولی ب گەھیتە ٤٠ ھەتا ٥٠ ملیون یورۆیا ل گەل موچەیەکێ سالانە یێ شەش ھەتا حەفت ملیون یورۆیا.
ھەژی گوتنێ یە خامێس رودرێگیز ماوێ دو وەرزان بوو ب شێوەیێ خواستن ژ یانا ریال مەدرید بەر ب یانا بایرن میونیخ یا ئەلمانی چوبوو ل دووماھیا وەرزێ ئەڤ سالە ڤەگەریا ریال مەدرید ڤە و نوکە یانا ریال مەدرید ھزر ل فروتنا ئەوی یاریزانی کریە .
ئەڤرۆ نیوز:
مەسروور بارزانی ب ھەلکەفتا دەستبکاربوونا سەرۆکێ ھەرێما کوردستانێ پیروزباھی ل نێچیرڤان بارزانی کر و پشتەڤانی و ھەڤکاریا خوە راگەھاند.
بەری دەمەکێ کێم ئەڤرۆ رۆژا دوشەمبی ١٠-٦-٢٠١٩ د پەیامەکی دا مەسروور بارزانی ب ھەلکەفتا دەستبکاربوونا نێچیرڤان بارزانی وەک سەرۆکێ نوو یێ ھەرێما کوردستانێ پیروزباھیێن گەرم لێ کرن، ھیڤی خواست بشێت ئەرکێ خوە یێ پیروز ب باشترین شێوە برێڤەببەت لژێر رێبەراتیا سەرۆک مەسعود بارزانی پێکڤە کوردستانەکا بھێز ئاڤابکەین د خزمەت و بەرژەوەندیێن بلند یێن گەل و نشتیمانی و بەر ب پێش پێنگاڤان بھاڤێژین.
ئەڤرۆ نیوز:
بریارە د ڤێ حەفتیێ دا عادل عەبدولمەھدی سەرۆک وەزیرێن عیراقێ پێخەمەت پیروزباھیکرنا سەرۆکێ نوو یێ ھەرێما کوردستانێ بگەھیتە ھەولێرێ و دگەل سەرکردایەتیێن سیاسیێن کوردستانێ کومبیت.
ل دووڤ زانیاریێن بەلاڤ بووین، رۆژا ١٣ یان ١٤ ڤێ ھەیڤێ سەرۆک وەزیرێن عیراقێ دێ سەرەدانا ھەولێرێ کەت بۆ پیروزباھیکرنا نێچیرڤان بارزانی پشتی ب فەرمی سویندا قانوونی ئه‌ڤرۆ رۆژا دوشه‌مبى 10-6-2019 خواری و دەستبکاربووی وەک سەرۆکێ نوو یێ ھەرێما کوردستانێ، دیسان د ڤێ سەرەدانێ دا دێ چەندین کومبوونێن جودا دگەل سەرکردەیێن سیاسی یێن ھەرێمێ کومبیت دەربارەی پەیوەندیێن بەغدا و ھەولێرێ.
ئەڤرۆ نیوز:
بەرەڤانێ نیڤدەولی یێ ئنگلیزی و یانا لیستەر سیتی ھاری ماگوایر بوویە ئارمانجا ھەردو یانێن مانچێستەر یوناید و مانچێستەر سیتی بوو مێرکاتویا ھاڤینا ئەڤ سالە بۆ ب ھێز ئێخستنا ھێلا بەرەڤانیا خوە بۆ وەرزێ بھێت.
رۆژناما زەسەن یا برێتانی ئاشکراکریە ھەردو یانێن مان یوناید و مان سیتی یێ بزاڤێن مەزن دکەن بوو ب دەستڤە ئینانا یاریزانێ ھەلبژارتیێ ئنگلتەرا ماگوایر لێ یانا وی ناخوازیت ب سانەھی دەستا ژ بەرەڤانێ خوە بەردەت و کوژمەکێ مەزن یێ پارەی داخوازکریە بەرامبەر دەست بەردانا وی.
ھەردیسان وێ رۆژنامێ ئاشکراکریە ژی دبیت کوژمێ پارەی بیتە رێگر د رێیا ھەردو یانان دا ژبەرکو یانا لیستەر سیتی کوژمەکێ مەزن بەرامبەر دەست بەردانا وی دخوازیت ئەوژی ٨٠ ملیون جێنێ ئیسترلینی یە .
نيشاندان