ئه‌ڤرۆ نيوز:

ژێده‌ره‌كى ژ وه‌زاره‌تا دارايى و ئابوورى يا هه‌رێما كوردستانێ راگه‌هاند كو پێنجى هه‌يڤا بهێت دێ ده‌ست ب به‌لاڤكرنا مووچه‌ى هێته‌ كرن و هێشتا به‌لاڤكرنا دو مووچان ل سه‌ر ئێك ژى نه‌بوويه‌ بڕيار.

ژێده‌ره‌كى ژ وه‌زاره‌تا دارايى و ئابوورى يا حوكمه‌تا هه‌رێما كوردستانێ راگه‌هاند پێنجى گۆلانێ دێ ده‌ست ب به‌لاڤكرنا مووچێ هه‌يڤا شوباتێ يا ئه‌ڤ ساله‌ هێته‌ كرن و وه‌زاره‌تا ئێكێ ژى دێ پێشمه‌رگه‌ بيت و پاشان ژى هه‌ر ئێك ژ په‌روه‌رده‌ و ساخله‌ميێ ژى مووچێ خوه‌ وه‌رگرن.

د به‌لاڤكرنا مووچه‌ى دا، حوكمه‌تا هه‌رێمێ پشت به‌ستنێ ل سه‌ر وى داهاتى دكه‌ت يێ ژ سامانێن سرۆشتى دهێته‌ دابينكرن كو 378 مليار ديناره‌ ل گه‌ل داهاتێ ناڤخۆ، ئه‌ڤه‌ و ل گه‌ل 522 مليار دينارێن دى كو ژ لايێ به‌غدا بۆ هه‌رێمێ هاتينه‌ ره‌وانه‌كرن.

ئه‌وى ژێده‌رى ئاماژه‌ ب وێ چه‌ندێ ژى كر كو دره‌نگ هنارتنا وى پاره‌ى ل هنده‌ك ده‌مان دبيته‌ ئه‌گه‌ر كو به‌لاڤكرنا مووچه‌ى هنده‌ك جاران ژ ژڤانێ خوه‌ يێ سرۆشتى دوور بكه‌ڤيت.

ل دووماهيێ ژى نه‌ڤه‌شارت كو نڤيسار بۆ وه‌زاره‌تا سامانێن سرۆشتى ره‌وانه‌ كريه‌ كو پاره‌ى بۆ ب هنێريت دا كو دو مووچان پێكڤه‌ به‌لاڤ بكه‌ن، به‌لێ هه‌تا نها به‌رسڤا وان نه‌هاتيه‌ دان.