ئەڤرۆ نیوز:
بەرپرسێن عیراقێ دیار کرن کو هێزێن حەشدا شەعبی دەست ب ڤەکێشانا هێزێن خوە ژ دەڤەرێن رۆژئاڤایێ نەینەوا و سنورێ سووریا کرینە و هێزێن پۆلیس و لەشکرێ عیراقێ دێ ل وان دەڤەران هێنە بجهکرن.
بەرپرسەکێ لەشکرێ عیراقێ ژی بۆ رۆژناما عەرەبی ئەلجەدید دیار کریە کو هێزێن حەشدا شەعبی شەڤێ دی هەتا نها دەست ب ڤەکێشانێ ژ رۆژئاڤایێ نەینەوا و دەڤەرێن سنوری یێن سووریا کرینە و هێزێن پۆلیس و لەشکرێن عیراقێ دێ ل وان دەڤەران هێنە بجهکرن و دێ پاراستنا خەلکی کەن.
ئەڤرۆ نیوز، قائید میرۆ:
پشتی بڕیارا فەڕەنسا بۆ نافبژیڤانیا لایەنێن سیاسیێن رۆژئاڤایێ کوردستانێ، بتایبەتی بۆ رێککەفتنا د ناڤبەرا لایەنێن ناڤا ئەنەکەسێ و پەیەدێ دا بەرپرسێ نوونەرایەتیا ئەنجوومەنێ نیشتیمانیا کوردی ل سووریا ئاشکرا کر، بێی گەرەنتی ئەو بەرھەڤ نینە دگەل لایەنێ پەیەدێ دەست ب دانوستانان بکەن.
نەواف حەسەن، سەرۆکێ نوونەرایەتیا ئەنەکەسێ ل ھەرێما کوردستانێ ل دۆر پێشنیا.ا فەڕەنسا بۆ ئەڤرۆ نیوز دبێژیت” لایەنێن سیاسی یێن ناڤا ئەنجوومەنی نیشتیمانی یێ کوردی ئەنەکەسێ مەرجێن خوە ھەنە ژ بۆی دەستپێکرنا دانوستانان دگەل لایەنێ پەیەدێ دا، ھەتا بگەھنە رێککەفتنێ، ژ بەر کو بەری نوکە مە ئەزموونەک دگەل پەیەدێ ھەیە لدۆر رێککەفتنێ و چەندین رێککەفتن دناڤبەرا ئەنەکەسێ و پەیەدێ دا ھاتینە کرن و پەیەدە پێگیریێ ب رێککەفتنان ناکەت، ب تایبەتی ل ھەولێر و دھۆکێ بن چاڤدێریا سەرۆک بارزانی چەند جار ئەم گەھشتینە رێککەفتنێ و چو ئەنجام نەبووینە، لەوڕا لایەنێن ناڤا ئەنەکەسێ بێی ھەبوونا مەرجێن بەروەخت بەرھەڤ نینە چو رێککەفتنان دگەل پەیەدێ بکەن.
نەواف حەسەن دیارکر” مەرجێ سەرەکی یێ لایەنێن ئەنەکەسێ بۆ دانوستاندنێن دگەل پەیەدێ ئەڤە، پێدڤیە وەلاتەکێ زلھێز بھێنە ناڤا دانوستانێن ناڤبەرا ھەر دو ئالیان دا و ئەم باش دزانین بێی ھەبوونا لایەنەکێ بھێز یێ دەرەکی چو رێککەفتن سەرناگرن دگەل پەیەدێ، ھەر رێککەفتنەک ژی بھێتەکرن ئەڤە دێ مینا رێککەفتنێن بەرێ بن و ناھێنە بجەئینان، چونکو ئەم دزانین پەیەدە بڕیارێن خوە ل دەرڤە وەردگریت و د دەستێ وێ دا نینە، ئەڤە ژی ئەگەرەکە باوەری دناڤبەرا مەدا نەبیت، لەوڕا ژی بێی ھەبوونا گەرەنتیێ ئەم ب چو شێوەیەکی بەرھەڤی دانوستانان نابین بەرۆڤاژی گەرەنتی ھەبیت ئەم ھەموو دەمەکی بەرھەڤین بۆ دەستپێکرنا دانوستاندنان و گەھشتن ب رێککەفتنێ.
ئەڤرۆ نیوز:
راپورتێن رۆژنامەڤانی ل ئیسپانیا وەسا داینە دیارکرن یانا ئەتلەتیکو مەدرید دخوازیت ل ھاڤینا بھێت چەند یاریزانێن خوە بفروشیت کو ژ ئەوانان دو بەرنیاسترین ستێرێن وێ نەکو ئێک ژ ئەوان ژبەر بلند بوونا موچەیێ وی ل سەر وێ یانێ پێدڤی یە موچەیێ وی ل سالا بھێت بلند بکەت و یێ دوێ ژی فروشن داکو یانە یا مفاداربیت ژ وی کوژمێ فروتنا وی.
رۆژناما مارکا ئیسپانی دیارکریە بەرپرسێن ئەتلەتیکو مەدرید ل سەر فروتنا دو ستێرێن خوە رازی بوویە کو یێ ئێکێ دیگو کوستا یە ئەوژی ژبەر موچەیێ ئەوی کو ل سەر وێ یانێ پێدڤێ یە ل وەرزێ بھێت موچەیێ ئەوی یاریزانی زێدەبکەن و ئەو یانە ژی ناخوازیت موچەیێ زێدەتر بدەتێ و دخوازیت ل جھێ ئەوی ھەڤبەستێ ل گەل یاریزانەکێ دی ئیمزا بکەت و یاریزانێ دوێ ستێرا یانێ و ھەلبژارتیێ ئیسپانیا ساول نێگیز کو ئەو یانە دخوازیت وی ستێرا خوە بفروشیت داکو یا مفاداربیت ژ فروتنا ئەوی کو نوکە چەندین ھەڤبەستێن بھا گران ل بەر دەستێ وێ یانێ نە بوو فروتنا ئەوی یاریزانێ خوە.
ھەردیسان ئەوێ رۆژنامی ئاشکراکریە ژی ھەردو یانێن مانچێستەر یوناید و مانچێستەر سیتی ھەڤرکیەکا ب ھێز ل گەل ئێک کەن بوو دەستڤە ئینانا ساول نێکیز لێ یانا ئەتلەتیکو داخوازیا ١٥٠ ملیون یورۆیا کریە لێ ئەوان ھەردو یانان رەتکریە ھەڤبەستێ ب وی کوژمی ل گەل ئەوی یاریزانی ئیمزا بکەن لێ دبیت ب کوژمەکێ کێمتر ئەتلەتیکو مەدرید ئەوی یاریزانێ خوە بفروشیت.
ساول
كوستا
ئەڤرۆ نیوز:
ھەردو یانێن ئەرسینال و مانچێستەر یوناید ھەڤرکیا ب دەستڤە ئینانا یاریزانەکێ یانا ریال مەدرید دکەن بوو مێرکاتویا ھاڤینا بھێت پشتی یانا ریال مەدرید دیارکری نابیتە رێگر د رێیا فروتنا ئەوی یاریزانێ خوە دا .
رۆژناما زەسەن یا برێتانی دیارکریە ھەتا نوکە یاریزانێ ئیسپانی و یانا ریال مەدرید لورینتی نە شیا باوەریا راھێنەرێ یانا ریال مەدرید یێ نوو زێدان ب دەستخوڤە بینت تایبەت پشتی ئەو یاریزان ژ ھنگافتنێ ڤەگەریا نەشیا جھێ خوە دناڤا پێکھاتیێ سەرەکی دا بینت و ھەر چەندە بەری ھاتنا زێدان ئەو یاریزان ل چەندین یاریێن خولێ و کاسا مەلەک ئیسپانیا و قارەمانیا چامپیونیز لیگ دا شیا بوو پشکداری تێدا بکەت لێ ھەر ژ ھاتنا زێدان بتنێ ل ئێک یاری ئەو یاریزان شیا پشکداری ل گەل یانێ بکەت .
زێدەتر وی مالپەری دیارکریە ژی ھەر ئێک ژ یانێن ئەرسینال و مانچێستەر یوناید نوکە یێن ھەڤرکیا ئێک کەن بوو دەستڤە ئینانا ئەوی یاریزانی یانا ئەرسینال پشتی چوونا ئارون رەمزی دخوازیت ھەڤبەستێ ل گەل ئەوی یاریزانی ئیمزا بکەت و مانچێستەر یوناید ژی دخوازیت لورینتی بینتە دناڤ رێزێن پێکھاتیێ خوە دا ل جھێ یاریزانێ خوە ھیریرا یێ ئیسپانی ئەوێ چاڤەرێ دھێتەکرن ل ھاڤینا بھێت بەر ب یانەکا دی ڤە بچیت پشتی ھەڤبەستا ئەوی ل ھاڤینا بھێت ب دووماھیی بھێت.
ھەردیسان وێ رۆژنامێ ئاشکرا کریە ژی لورینتی ژی ئێک ژ ئەوان یاریزانانە کو د پلانا یانا ریال مەدرید دا بوو فروتنێ ل ھاڤینا بھێت کو چاڤەرێ دھێتەکرن ئەو یانا مەلەکی پشتی ب دووماھیی ھاتنا خولێ دەستدا ژ حەفت ھەتا ھەشت یاریزانان بەردەت.
ئەڤرۆ نیوز:
چاڤەرێ دھێتەکرن ئەڤرۆ پشتی مەغرەب ل دەمژمێر ٧:٣٠ ھەموو یاریێن گەرا ٣٧ ژ خۆلا لالیگا ئیسپانیا بھێنەکرن کو بریارە یانا ریال مەدرید بیتە مێڤانا یانا ریال سوسیداد کو دڤێ یاریێ دا خودا ئەرد و یاریگەھێ یانا سوسیداد پتر پێدڤی ب سەرکەفتنێ یە ژبەرکو ئەو نوکە ھەڤرکیێ بوو دەستڤە ئینانا پلێتا دەربازبوونێ بۆ قارەمانیا یورۆپا لیگ دکەت بەرامبەر یانا ریال مەدرید ھەر ئەنجامەکی چ کارتێکرن ل سەر رێزبەندیا وێ ناکەت .
راھێنەرێ یانا ریال مەدرید بوو ڤێ یاریێ حەفت یاریزانان داخوازی پێکھاتیێ یانێ نەکرینە ژبەر ئەگەرێن جودا جودا و بۆ یاریا دوێ ل دیڤ ئێک ستێرا وێلزی گارس بێل بۆ پێکھاتیێ یانێ داخوازنەکریە کو ئەو یاریزانێن نە ھاتینە داخوازکرن ھەر ئێک ژ یاریزانان ناڤاس، راموس، گارس بێل، ڤاران، ، ئودریزلاو ، ریگیلون و سیبایوس ,
ئەو یاریزانێن ھاتینە داخوازکرن پێکھاتی نە ژ یاریزانان
ئەو یاریزانێن ھاتینە داخوازکرن بوو یاریا ئەڤرۆ پێکھاتی نە ژ یاریزانان
گولچی: کورتوا، لوکا و ئالتوبی
ھێلا بەرەڤانیێ کارڤاخال ،فابیخو، ناچو و مارسێلو .
ھێلا ناڤین کروس، مودرێچ ،کاسمێرو، ڤالڤێردی،لورێنتی ،ئەسینسیو، براھیمی و ئیسکو.
ھێلا پێشیێ ماریانو، کەریم بن زیما، ڤازکێز و ڤینسیوس.
ئەڤرۆ نیوز ، زنار تۆڤی:
فلمێ دكیومێنتاری یێ (ئالان) کو ژ دەرهێنانا (محەمەد ژووری) یە، ئەڤرۆ دێ پشکداریێ د فیستیڤالا كەلتووری ل باژێرێ پالێرمۆ یێ وەلاتێ ئیتالیا دا کەت.
دەرهێنەرێ فلمێ دکیۆمێنتاری یێ (ئالان) محەمەد ژووری بۆ ئەڤرۆ نیوز گۆت: فلمێ ئالان کو دوویەم کارێ من یێ دەرهێنانێ یە، هەروەسا د نووترین پشکداریا خوە دا ل فیستەڤالێن نێڤدەولەتی دا، دێ ل فیستەڤالا كەلتووری ل باژێرێ پالێرمۆ ل وەلاتێ ئیتاڵیا هێتە نشاندان، وەسا بریارە ئەڤرۆ ئەڤ فلمە 12/5/2019، د وێ فیستەڤالێ دا بهێته نیشاندان و دخوازم ببیتە جهێ رەزامەندیا بینەر و دەرهێنەران.
ئەو ژی گۆت: چیرۆكا ڤی فلمی بەحسێ زارۆیەکێ دکەت بناڤێ ئالان، كو نەخۆشیەكا درێژخایەن هەیە، ل گەل خێزانا خوە ل كەمپەکێ دژیت، هەروەسا بابێ وی ژی نەخۆشیا پەنجەشێرێ هەیە، حەزا ئالانی ئەوە مۆزیکێ بژەنیت، داکو پارا کۆم بکەت و هاریکاریا مالا خوە بکەت، ل ناڤا بازارێ وێ كەمپێ مۆزیکێ دژەنیت هەتا خەلک د بەرامبەر دا پاران بدەنێ، دیسا دیمەنێن ڤی فلمی ل كەمپا ئاوارێن (دۆمێز) ل سالا 2016 هاتینە گرتن و هەتا نوکە پشکداری د (64) فیستەڤالێن نافخۆ و ژ دەرڤە کریە و د وان فیستەڤالان دا (8) خەڵات وەرگرتینە.
ئه‌ڤرۆ نیوز، نه‌وزاد هلۆرى:
ب مه‌ره‌ما خزمه‌تكرنا كه‌رتێ گه‌شتوگۆزارى و سیمایه‌كێ جوانتر بۆ هاڤینگه‌هێ ب تایبه‌تى پشتى كو له‌هیان كارتێكرن لێ كرى، 34 كه‌پرێن گه‌شتیاریێن سه‌رده‌م ل هاڤینگه‌ها گه‌لێ عه‌لى به‌گ دهێنه چێكرن.
بارزان محه‌مه‌د، رێڤه‌به‌رێ گه‌شتوگۆزارا سۆران بۆ ئه‌ڤرۆ نیوز گۆت: (گه‌لێ عه‌لى به‌گ ئێكه ژ خوشترین و بناڤوده‌نگترین جهێن گه‌شتوگۆزارى ل كوردستان و پارێزگه‌ها هه‌ولێر و سوران، ژبه‌رڤێ ب مه‌ره‌ما زێده‌تر خزمه‌تكرنا كه‌رتێ گه‌شتوگۆزارى 34 كه‌پرێن گه‌شتگۆزارى و نێزیكێ 20 كافیتریا و خوارنگه‌هێن نوو و سه‌رده‌م دهێنه چێكرن).
زێده‌تر گۆت: (ئه‌ڤ خزمه‌تگوزارییه ژلایێ كه‌رتێ تایبه‌ت دهێنه چێكرن و دێ سمایه‌كێ جوان و خزمه‌ته‌كا باش بۆ كه‌رتێ گه‌شتوگۆزار و هاڤینگه‌ها گه‌لێ عه‌لى به‌گ كه‌ن ب تایبه‌تى پشتى وێ پێلا له‌هى و بارانێن چه‌ند روژێن بورى ب هاڤینگه‌هێ كه‌فتى و زیانێن زۆر گه‌هاندینێ).
ل بارا قه‌ره‌بوكرنا خودانێن جهى ل گه‌لێ عه‌لى به‌گ، ناڤبرى گۆت: (به‌ره‌ڤانیا باژێرى هه‌موو خه‌ملاندنێن زیانان كرینه، مه‌ژى ژلایێ خوڤه بو جهێن په‌یوه‌ندیدار بلندكریه، به‌لێ هه‌تا نوكه چ به‌رسڤ نینه و ئه‌م ژى چاڤه‌رێ دكه‌ین كو خودانێن جهى بهێنه قه‌ره‌بوكرن).
ئەڤرۆ نیوز، رێوار مزیری:
بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ دیار کر کو روودانەکا هاتنوچوونێ ئەڤرۆ رۆژا 12/5/2019 ل سەر جادا سەرەکیا سێمێل – زاخۆ پەیدابوو و د ئەنجامدا سێ کەس برینداربوون.
موقەدمێ مافپەروەر ئازاد تەها، بەرپرسێ پشکا پەیوەندی و راگەهاندنێ ل رێڤەبەریا هاتنوچوونا پارێزگەها دهۆکێ بۆ ئەڤرۆ نیوز دیار کر کو ژ ئەگەرێ پەیدابوونا روودانەکا هاتنوچوونێ د ناڤبەرا دو ترۆمبێلان دا ژ جۆرێن (بارهەلگر تویۆتا پیک ئاب) و (کیا سیراتو) ل سەر جادا سەرەکیا سێمێل – زاخۆ پەیدابوو و د ئەنجام دا سێ کەس برینداربوون و زیانێن مەزنێن ماددی ژی ب هەر دو ترۆمبێلان کەفتن.
ئەڤرۆ نیوز:
بەرپرسەکێ حوکمەتا ھەرێما کوردستانێ ئاشکرا کر کو بڕیارە ھەموو رێ یێن سەرەکی ل سەرانسەری ھەرێما کوردستانێ بھێنە نووژەنکرن و وەزارەتا ناڤخۆ ژی بڕیارەک ل دۆر ھاتنچوونا بارھەلگرێن پارێزگەھا دھۆکێ دەرکریە.
سدقی ئامێدی، بریکارێ وەزارەتا ئاڤاکرنێ بۆ رێکو پران بۆ رۆژناما ئەڤرۆ دیار کر کو وەزارەتا ئاڤاکرن و ئاکنجیکرنێ ل رۆژێن بۆری بڕیاردایە ھەموو رێ یێن سەرەکی یێن پێدڤی ب سەخبێرکرنێ ھەی بھێنە سەخبێرکرن و ل سنوورێ پارێزگەھا دھۆکێ ژی ھژمارەکا رێ یێن سەرەکی و دەڤەرێن جودایێن پارێزگەھێ دێ پارێ پێدڤی بۆ ھێتە مەزاختن و ھێنە دەستپێکرن، ھەروەسا بڕیارە ھژمارەکا رێ یێن نوو یێن ھاتینە راگرتن دەست ب تەمامکرنا وان بھێتەکرن و بودجەکا بلەز حوکمەت دێ مەزێخیت.
ناڤھاتی ئاماژە دا وێ چەندێ کو ژ بەر ئەوان روودانێن ل دھۆکێ پەیدابووین وەزارەتا ناڤخۆ یا حوکمەتا ھەرێما کوردستانێ بڕیارەکا تایبەت ل دۆر پارێزگەھا دھۆکێ دەرکریە و ل گورەی بڕیارێ تڕۆمبێلێن بارھەلگر، ب تایبەتی یێن ژ دھۆکێ بەر ب ھەولێرێ دچن پشتی دەمژمێر دوازدەی شەڤێ کار بکەن و نابیت ددەمێ رۆژێ و ئاسایی ببنە ئەگەرێ چێکرنا قەلەبالغی و روودانێن ھاتنچوونێ، بەلێ ھووردەکاری ل وەزارەتا ناڤخۆنە.
ئەڤرۆ نیوز:
پەرلەمانێ عیراقێ ل روونشتنا خوە یا بھێت دێ وەزیرێ گەھاندنا عیراقێ گازی کەت سەبارەت خرابیا ھێلا ئەنترنێتێ ل عیراقێ.
راگەھاندنا عیراقێ ئەو چەندە ژی دیارکریە ل روونشتنا بھێت دا نەعیم روبێعی وەزیرێ گەھاندنێ ھاتیە داخوازکرن ل پەرلەمانێ عیراقێ ئامادە بیت سەبارەت بابەتێ خرابیا ھێلێن ئەنترنێی پشتی چەندین وەلاتیان سکالا ل سەر ڤێ چەندێ تومارکرین، لاوازیا ھێلا ئەنترنێتێ دێ تەوەرەکێ دی بیت کو ڤەکولینێ تێدا بکەن دگەل وەزیرێ گەھاندنێ.
نيشاندان