ئەڤرۆ نیوز:
ئێکەتیا تەپا پێ یا ئوروپا بریار دا ڤەکولینێ دگەل ستێرا پرتوگالی یێ یانا یوڤانتوس کرستیانو رونالدۆ ل دۆر شێوازێ ئاھەنگیرانا وی د یاریا بەرامبەر ئەتلەتیکو مەدرید دا.
یوێفا ئەو چەندە ژی راگەھاندیە ئەو دێ ڤەکولینێ دگەل کرستیانو رونالدوی کەن و دبیت بھێتە سزادان ل سەر شێوازێ ئاھەنگ گێرانا وی بێ رێزی و دور ژ گیانێ وەرزشی بوویە و دێ کەڤیتە ژێر ڤەکولینێ ل دووڤ مادێ ٥٥ ژ رێنمایێن سزادانێ.
ئەڤرۆ نیوز:
کەمال عاکیف پەیڤدارێ رێڤەبەریا خوەسەر یا رۆژئاڤایێ کوردستانێ راگەهاند کو مە بۆ شاندێ نەتەوێن یەکگرتی دیار کرینە هەر چارەسەریەکا کو بۆ سووریێ بهێتە دیتن دڤێت رێڤەبەریا خوەسەر تێدا پشکدار بیت و بێی پشکداریا مە ئەم چو پرۆژێن دی قەبوول ناکەین.
ناڤهاتی راگەهاند کو دڤێت د چارەکرنا قەیرانێن سووریێ دا کورد ژی خوەدان رۆل بن و بێی کوردان قەیرانا سووریێ ناهێتە چارەکرن.
ئەڤرۆ نیوز، نەوزاد ھلۆری:
بۆ جارا دویێ ل دێرەلووکێ کەرنەڤالا ھەلکرنا ئاکرێ نەورۆزێ ب پشکداریا گەنج و لاو و قوتابی و ئافرەتان ب شێوازێ پیادە بۆ سەر گێرا چەلکێ دێ برێڤە چیت، کو تێدا ٨٠٠ خەتیر ھاتینە بەرھەڤکرن.
سەفەر سارکی ژ لژنا ناوچا دێرەلووک یا پارتی بۆ ئەڤرۆ نیوز گۆت: (ب مەرەما ھەلکرنا ئاگرێ نەورۆزێ، لژنا مە ب ھەڤکاری ل گەل دام و دەزگەھێن میری و گەنج و لاو و قوتابی و ئافرەتان دێ رابیت ب گێرانا گەرنەڤالێ دویێ یێ ھەلکرنا ئاگرێ نەورۆزێ بۆ سەر گێرا چەلکێ).
زێدەتر گۆت: (د کەرنەڤالێ دا ٨٠٠ خەتیر ھاتینە بەرھەڤکرن و کچ و کور پێکڤە دێ ھەلگرن و ب پیا بۆ سەر گێرا چەلکێ بەن، ل پێشیا وان خەتیرا ھەسپ ھاتینە بەرھەڤکرن و دووڤ دا ژی دێ کەسایەتی و پشکدار ب پیا چن، دیسان ل سەرێ گێرا چەلکێ دێ ئاگرەکێ مەزن ھێتە ھەلکرن، زێدەباری وێ یەکێ دێ تابلویێ I LOVE DELELUK ژی ھێتەدانان کو ژلایێ کومەکا گەنجێن خوبەخش ھاتیە بەرھەڤکرن).
بارین حەسەن بەرپرسا ئەنجوومەنێ ئافرەتێن دێرەلووک بۆ ئەڤرۆ نیوز گۆت: (ئافرەتا دێرەلووک ژی مینا ئافرەتێن دەڤەرێن دی، دێ د کەرنەڤالێ نەورۆزێ دا ل دێرەلووک پشکدار بیت، ئەو ژی ب ھەلگرتنا خەتیرا، ئەڤە زێدەباری دێ پشکدارێ ئاھەنگا نەورۆزێ ل سەرێ گێرا چەلکێ ژی کەت).
ئەڤرۆ نیوز، نەوزاد ھلوری:
ھژمارەکا وەلاتیان ب مەرەما کرین و فروتنێ بازارەکێ نوو ل بەردەرگەھێ بانکا شێلادزێ ڤەکر، وەکو ئەو ددەن دیارکرن ئەو روژا موچە دھێت بازارێ وان زور باشە.
ئیسماعیل عومەر، وەلاتیەکێ دەڤەرێ یە و کەلوپەل دفروتن بۆ ئەڤرۆ نیوز گۆت: (ل شێلادزێ گەلەک بازار ھەنە، بەلێ مە ھژمارەکا کەسان ڤیا بازارەکێ نوو ل بەردەرگەھێ بەنکا شێلادزێ ڤەکەین، چونکی ھەند جھەکێ خوش و ستراتیجی یە و ھەند ژی جھێ پارایە و دەما ماموستا و فەرمانبەر موچەیێن خوە وەردگرن پێدڤیێن خوە ژ مە دکرن).
زێدەتر گۆتک (ل ڤێرە نێزیکێ 10 بازارەکان ھەنە و ھندەک رۆژان پترە و ھندەک رۆژان کێمترن، پێدڤیێن وەکو چەرەزات و جلوبەرگ و ناڤمالێ دھێنە فروتن و بھایێ وان ژی گەلەک ئەرزانترە ژ بازاری).
ھاریوان نیوار، ئەو ژی وەلاتیەک بو و ل بازارێ وان کەلوپەل دکرین بۆ ئەڤرۆ نیوز گۆت: (چەند جاران ئەز ھاتنووچۆنێ ل بەردەرگەھێ بانکێ بکەم ئەز سەرەدانا بازارێ وان ژی دکەم، سەحدکەمێ کا چ تشتێ نوو ھەیە، ھندەک جاران کەلوپەلان دکرم و ھندەک جاران ژی ناکرم، بەلێ ب شێوەیەکێ گشتی بھایێن وان ئەرزانن).
ئه‌ڤرۆ نيوز:
له‌يزينا كچه‌كا به‌نده‌رى ل سه‌ر ستوونا كاره‌بێ ل وه‌لاتێ ئيرانێ و ل به‌نده‌ر عه‌باس ل پارێزگه‌ها هورمۆزگان د رۆژه‌كێ دا چار مليۆن بينه‌ر هه‌بوون.
سه‌مايا ڤێ كچا به‌نده‌رى يا ئيرانى د چارچۆڤێ دابونه‌ريته‌كى دايه كو ل به‌رى نه‌ورۆزێ ئێك ژ وان كچان دچيته سه‌ر جهه‌كێ بلند و د له‌يزيت و كچ و كوڕێن دژى وه‌كو وێ ل جهه‌كێ نزمتر د له‌يزن.
ئه‌ڤ نه‌ريتێ خه‌لكێ باشوورێ ئيرانێ نيشانه‌كه بۆ هاتنا سالا نوو يا نه‌ورۆزێ ب خۆشى و شادى.
ئه‌ڤرۆ نيوز:
ئەنجامێن ڤەکۆلینەکا زانستی یا نوو ئاشکرا کر، پەیوەندیا سیکسی یا رێکخستی ساخلەمیا مەژی ب ھێز دئێخیت دەمێ مرۆڤ پیر دبیت.
ڤەکۆلەران ئاشکرا کر، پەیوەندیا سیکسی یا رێکخستی کارتێکرنەکا ئەرێنی ل سەر ساخلەمیا مەژی دکەت ل نک ھەڤژینێن دانعەمر، ئەو کارتێکرن ژی ل سەر ئاخفتن و تێگەھشتنا وان دیار بوویە.
ل گۆرەی گۆتنا ڤەکۆلەران، ئەنجامێن وێ ڤەکۆلینێ لسەر بنیاتێ شرۆڤەکرنا داتا و پێزانینان ھاتینە دیار کرن و ئاشکرا بوویە، ژن و زەلامێن دانعەمر و یێن سیکس ب شێوەیەکێ رێکخستی کری، شیانێن زانینێ ل نک وان باشتر بوون ژ نک یێن دی.
ڤەکۆلەران ئاشکرا کر، تا نھا وان ئەگەرێ دروست یێ وێ باشیێ نەزانیە، لێ ھەبوونا سیکسی د گەل پەیوەندیێن جڤاکی و چالاکیێن جەستەیی، ھەموو شیانێن زانینێ ل نک مرۆڤان زێدە دکەن دەمێ ب ناڤسال ڤە دچن.
ڤەکۆلەر پێشبینی دکەن کو ھورمۆنێ دۆبامین یێ د گەل سیسکی دھێتە بەردان، رۆلەکێ کارا بۆ باشترکرنا ساخلەمیا مەژی ھەیە.
ئه‌ڤرۆ نيوز:
رێڤەبەریا گشتیا کەشناسی و بیڤەلەرزێ ل ھەرێما کوردستانێ راگەھاند کو سوبەھی رۆژا چارشه‌مبى رێکەفتی 19ى ئادارا 2019ێ ئەسمان دێ ئه‌وره‌كێ كێم و جاران ناڤه‌ندى و جاران ژى ته‌مام بيت ل گه‌ل ئه‌گه‌رێ باران بارينێ ل ده‌ڤه‌رێن بلند و چيايى.
پشکا پێشبینیان ل رێڤەبەریا گشتیا کەشناسی و بیڤەلەرزێ ل ھەرێما کوردستانێ د نڤیسارەکێ دا کو دانەک بۆ ئەڤرۆ نیوز رەوانە کرینە راگەھاند کو دهێته پشبينيكرن ئه‌سمان ئه‌وره‌كێ كێم و جاران ناڤه‌ندى و جاران ژى ته‌مام بيت ل گه‌ل ئه‌گه‌رێ باران بارينێ ل ده‌ڤه‌رێن بلند و چيايى.
پشکا پێشبینیان دایە زایە زانین کو دێ لەزاتیا بایی د ناڤبەرا 5 ھەتا 15کم دا و ماوێ دیتنێ ژی د ناڤبه‌را 8 بۆ10کم دا بیت، پلێن گەرمێ ژی دێ د ناڤبەرا 6 بۆ 15 پلان دا بن.
نيشاندان