ئەڤرۆ نیوز:
پشتی یانا لیڤەرپول یا ئنگلیزی ل شەڤا بوری شیای سەرکەفتنەکا مێژوی ل سەر یانا بەرشەلۆنا توماربکەت ب چار گولان بێ بەرامبەر و ل سەر کیستێ وێ یانێ دەربازی یاریا دووماھیا قارەمانیا چامپیونیز لیگ بووی یاریزانێ وێ یێ ھولەندی وینالدومی ئەوێ ل نیڤا دوێ ھاتیە دناڤ یاریێ دا وەکو یاریزانێ پێگوھور و پاش د ماوێ دو دەقیقان دا شیای دو گولان توماربکەت پشتی یاریێ بۆ دەزگەھێن راگەھاندنێ دیارکر ئەو گەلەک یێ کەیبخوشحالە ب تومارکرنا دو گولان و شیا ھاریکاریا یانا خوە بکەت بوو دەستڤە ئینانا پلێتا دەربازبوونێ راستی دا ئەو دەستپێکا یاریێ یێ تورە بوو دەمێ زانی راھێنەرێ یانێ بوو یاریا بەرامبەر بەرشەلۆنا پشت بەستنێ ل سەر ئەوی ناکەت وەکو یاریزانەکێ سەرەکی ژبەرکو ئەوی گەلەک حەز دکر دڤێ یاریێ دا پشکداربیت و ئەوی باوەری ب خوە ھەبوو ئەو دێ گولێ تومارکەت .
زێدەتر ئەوی یاریزانی دیارکر راھێنەرێ ئەوان یورگن کلوپ بەری یاریێ بوو ھەموو یاریزانان دیارکربوو ھزر ل تومارکرنا گولان بکەن و ھزرا یاریا دورتموند و ریال مەدرید بکەن و ھەکە دەلیڤە ھەبیت بەرێ خوە بدەنە وێ یاریێ لێ راستی دا ئەوی نە بەرێ خوە دا وێ یاریێ .
ئەوی یاریزانێ ھولەندی دیارکر ژی راھێنەرێ ئەوان یورگن کلوپ بەری یاریێ گەلەک یێ گەشبینن بوو تیما وی دێ شێت ئەنجامەکێ مەزن ب دەستخوڤە تومارکەت و دەربازی یاریا دووماھیا قارەمانیێ بەن.
ھەژی گوتنێ یە ڤینالدوم ل دەقیقا ٤٦ ژ نیڤا دوێ ھاتە وەکو یاریزانەکێ پێگوھور ھاتە دناڤ یاریێ دا ل جھێ روبرتسون پشتی ئەو یاریزان توشی ھنگافتنێ بووی پشتی ھاتنا خوە دناڤ یاریێ دا کێمتر ژ ١٠ دەقیقان ئەو یاریزان شیا دو گولان توماربکەن .

ئەڤرۆ نیوز:
یانا یوڤانتوس یا ئیتالی دخوازیت ل ھاڤینا بھێت ھەڤبەستێ ل گەل ھژمارەکا یاریزانێن بەرنیاس ئیمزا بکەت بوو ب ھێز ئێخستنا پێکھاتیێ خوە و ھەڤرکیێ ل سەر دەستڤە ئینانا قارەمانیا چامپیونیز لیگ و پاراستنا ناسناڤێ خولا ئیتالیا بو جارا نەھێ ل دیڤ ئێک.
راپورتێن رۆژنامەڤانی ل ئیتالیا ئاشکراکریە ل ماوێ بوری دا یانا یوڤانتوس ب فەرمی داخوازیەک پێشکێشی بەرەڤانێ فرەنسی و یانا بەرشەلۆنا ساموێل ئومتێتی کربوو بۆ دەستڤە ئینانا شیانێن ئەوی ل ھاڤینا بھێت لێ ئەوی یاریزانی ئەو داخوازیا یانا یوڤانتوس رەتکر بوو .
ھەژی گوتنێ یە ھەڤبەستا ئومتێتی دێ ل ھاڤینا ٢٠٢٠ ب دووماھیی ھێت و یانا بەرشەلۆنا چاڤەرێ بریارا ئەوی یە بۆ نووکرنا ھەڤبەستا خوە ھەکە ل ماوێ بھێت ئەوی بریار ل سەر نووکرنا ھەڤبەستا خوە نەدا دبیت ب رێژەیا ھەرە مەزن ئەو یانا کەتەلونی ل ھاڤینا بھێت ئەوی یاریزانی بفروشیت بەری ئەو یاریزان ل وەرزێ دویڤدا ب ھەڤبەستەکا سەربەست بەر ب یانەکا دیڤە بچیت.

ئەڤرۆ نیوز:
یانا لیڤەرپول یا ئنگلیزی د یاریا خوە یا ھاتنێ دا ژ قوناغا پێش دووماھیا قارەمانیا چامپیونیز لیگ شیا ریمونتادایەکێ توماربکەت و سەرکەفتنەکا مەزن ل سەر یانا بەرشەلۆنا توماربکەت ب چار گولان بێ بەرامبەر پشتی شیای سەرکەفتنەکا مەزن ل سەر توماربکەت ب چار گولان بێ بەرامبەر و لسەر کیستێ ئەوان دەربازی یاریا دووماھیا قارەمانیێ بووی بوو سالا دوێ ل دیڤ ئێک و ٩ د مێژویا خوە دا .
راھێنەرێ یانا لیڤەرپول یورگن کلوپ پشتی ڤێ یاریێ بۆ دەزگەھێن راگەھاندنێ دیارکر د راستی دا ئەو نزانیت دڤێ یاریێ دا چ رویدا لێ ئەو یێ گەشبین بوو ئەو دێ شێن سەرکەفتنێ ل سەر بەرشەلۆنا تومارکەن و ئەوی بەری یاریێ ژی دیارکر بوو د یاریا تەپا پێ دا چ تشت مەحال نینە و ئەوی ھەموو دەمان دڤیا ل گەل یاریزانان یێ راستگوبیت کو بەری یاریێ بوو یاریزانان دیارکر دەستڤە ئینانا ئەنجامەکێ مەزن ل سەر بەرشەلۆنا یێ بزەحمەتە لێ بزاڤێ بکەن زیکا گولێ توماربکەن و خوە رادەستی تیما بەرامبەر نەکەن و سوپاس بوو یاریزانان شیان ب ئێک گیان و بێ پشکداریا چەند ستێرێن یاریێ ئەنجامەکێ مەزن توماربکەن.
ناڤبری ئاماژە ب وێ چەندێ ژی کر ھەکە ئەو بخوازن ب گەھنە یاریا دووماھیا قارەمانیێ پێدڤی یە گولا خوە ب پارێزین لێ راستی دا ئەوی پێشبینی نەتکر ئەو دێ شێن وێ چەندێ بەرامبەر بەرشەلۆنا بکەن ژبەرکو خودانا چەندین ستێرێن بەرنیاس ل سەر ئاستێ جیھانێ لێ بەرەڤانێن ئەوان و تایبەت گولچیێ ئەوان ئەلیسون دڤێ یاریێ دا د باشترین رەوشا خوە دا بوون.