ئەڤرۆ نیوز:
نوونەرا عیراقێ د قارەمانیا یانێن ئاسیا بو قارەمانێن خۆلا یانا زەورا دەلیڤەیا دەربازبوونێ بۆ قوناغا ١٦ ژ دەستدا پشتی ل یاریگەھا خوە وەکھەڤبووی ل گەل یانا زوبەھان ئەسفھان یا ئیرانی ب دو گولان ژ چارچوڤێ یاریێن گەرا پێنجێ ژ کوما ئێکێ .
دەستپێکێ یانا زوبەھان یا ئیرانی ب گولا یاریزانێ خوە یێ کورد محەمەد زبێر پێشکەڤت و بەری ب دووماھیی ھاتنا نیڤا ئێکێ یانا زەورا ب رێیا علا عەباس گولا وەکھەڤیێ تومارکر و ل نیڤا دوێ ھێرشبەرێ وێ موھند عەبدورحیم گولا دوێ ل دەقیقا ٦١ تومارکر و ل دەمێ زێدەکری یێ یاریێ و ل دەقیقەیا ٩٢ یانا ئیرانی ب رێیا یاریزانێ خوە رزا حەبیب یانا زەورا بێ ئومێد کر پشتی شیای گولا دوێ و وەکھەڤیێ ل سەر توماربکەت و نوونەرا عیراقێ دەلیڤەیا دەربازبوونێ بۆ قوناغا ١٦ ژ دەستدا پشتی خالێن وێ بووینە ٥ خال و ھەردو یانێن زوبەھان ئەسفھان یا ئیرانی ب ١١ خالان و نەسر یا سعودی ب ٩ خالان دەربازی قوناغا ١٦ بوون و چاڤەرێ دھێتەکرن ھەردو یانە ل یاریا بھێت ھەمبەری ئێک بەن بوو دەست نیشانکرنا رێزا ئێکێ و قارەمانا کومێ .

ئەڤرۆ نیوز:
یانا پاریس سانجێرمان ھزر ل دەست بەردانا یاریزانێ خوە یێ ئەرژەنتینی ئەنخێل دی ماریا کریە بوو ڤەگوھاستنێن ھاڤینا ئەڤ سالە .
رۆژناما لیکیپ یا فرەنسی ئاشکراکریە کارگێریا یانا پاریس سانجێرمان بۆ مێرکاتویا ھاڤینا بھێت ھزر ل فروتنا چەند ژ ستێرێن خوە کریە و ل جھێ ئەوان ھەڤبەستێ ل گەل چەند یاریزانێن دی ئیمزا بکەت کو ئێک ژ ئەوان یاریزانان ستێرا ھێلا ناڤینا یانێ ئەنخێل دی ماریا یە تایبەت پشتی ل ماوێ بوری چەند داخوازی گەھشتی نە بەر دەستێ یانا پایتەختێ فرەنسا.
وێ رۆژنامێ ئاشکرا ب وێ چەندێ ژی کریە ھەر ئێک ژ یانێن ئەتلەتیکو مەدرید و ئەنتر میلان ب ھێز ھاتینە دناڤ ھەڤرکیا ب دەستڤە ئینانا ئەوی یاریزانی دا بۆ مێرکاتویا ھاڤینا ئەڤ سالە ھەردیسان بەرشەلۆنا ژی ھزر ل ئینانا ئەوی یاریزانی کریە کو میسی یێ یێ بزاڤێن مەزن دکەت کارگێریا یانێ رازی بکەت بوو ئیمزاکرنا ھەڤبەستا دی ماریای .

ئەڤرۆ نیوز:
ئێکەتیا تەپا پێ یا ئیتالی یانا میلان ئاگادارکریە یاریزانێ وێ یێ بەرازیلی لوکاس باکێتا پشتی کارتا سور ل یاریا شەڤا بوری بەرامبەر بولونیا وەرگرتی دێ ھێتە سزاکرن ژبەر ئەو رافتارا ل گەل دادڤانێ یاریێ کری پشتی کارتا سور وەرگرتی.
مالپەرێ کاتشیو مێرکاتو یێ ئیتالی دیارکریە ئێکەتیا تەپا پێ یا ئیتالیا بریار دایە ستێرا بەرازیلی و یانا پاریس سانجێرمان لوکاس باکێتا بوو سێ یاریان بھێتە راوستاندن پشتی کارتا سور ل نیڤا دوێ ل یاریا بەرامبەر بولونیا وەرگرتی و پشتی کارتا سور ھێرشکریە سەر دادڤانێ یاریێ .

ئەڤرۆ نیوز:
وەکو بەری نوکە ژی ھاتیە چاڤەرێکرن یاریزانێ ئیسپانی و ھێلا ناڤینا یانا مانچێستەر یوناید یا ئنگلیزی خوان ماتا ئەوێ دێ ھەڤبەستا ئەوی ل ھاڤینا ئەڤ سالە ب دووماھیی ھێت و بەر ب یانا بەرشەلۆنا ڤە چیت ب ھەڤبەستەکا سەربەست کو رۆژنامەیەکا نێزیکی یانا بەرشەلۆنا دیارکریە ل ماوێ چەند رۆژێن بوری بەرپرسێن وێ یانا کەتەلونی و ماتا گەھشتی نە رێککەفتنێ و بریارە پشتی دووماھیی ھاتنا یاریێن قارەمانیا چامپیونیز لیگ ھەڤبەستا ئەوی بھێتە راگەھاندن.
رۆژناما سپورت یا کەتەلونی دیارکریە کارگێریا یانا بەرشەلۆنا ل گەل خوان ماتا ل سەر ھەموو بەندێن ھەڤبەستێ رێککەفتی یە بتنێ مایە ئەو یاریزان بەر ب ئیسپانیا بچیت بوو ئیمزاکرنا ھەڤبەستا خوە ب فەرمی ل گەل یانا بەرشەلۆنا و چاڤەرێ دھێتەکرن پشتی یاریێن قارەمانیا چامپیونیز لیگ ئەو یاریزان بەر ب ئیسپانیا ڤە بچیت بوو ئیمزاکرنا ھەڤبەستا وێ یانا کەتەلونی .
ئەوێ رۆژنامێ دیارکریە ژی یانا مانچێستەر یوناید ھەموو بزاڤکرن بوو رازی کرنا ئەوی یاریزانێ خوە لێ ئەوی یاریزانی حەزا چوونێ ھەبوو .
ھەژی گوتنێ یە خوان ماتا بەری نوکە یاری ل تیما تازە پێگەھشتی و لاوێن ریال مەدرید و تیما دوێ یا وێ یانێ کریە و ھەردیسان ل سەر ئاستێ یانان یاری ل یانا ڤالنسیا و چێلسی و نوکە ل یانا مانچێستەر .