ئەڤرۆ نیوز، مەحمود نھێلی:

د نڤیسارەکێ دا وەزارەتا رەوشەنبیری یا حوکمەتا ھەرێما کوردستانێ کومپانیا میکس میدیا ئاگادار کریە کو وەشانا پەخشێ کەنالێnrt3 یێ زارۆیان دناڤ وەشانێن ناڤخوەیی دا رابگریت.

 د وێ نڤیسارێ دا کو ھژمارا وێ ٢١٥ یە و ل رۆژا ٦\٣\٢٠١٩ دەرچوویە و تێدا ھاتیە، ئاگەھداریا ھەوە دکەین کو پەخشێ کەنالێ nrt3 بھێتە راگرتن ژ بەرکو تا نوکە مولەتا یاسایی نینە و ھەر د وێ نڤیسارێ دا ئاگەهداریا کومپانیا ناڤھاتی کریە کو نابیت چو کەنالەکێ مولەتا یاسایی نەبیت بھێتە پەخشکرن.

ئەڤە د دەمەکی دایە کو بەری نوکە ژی کارگێریا کەنالێ ناڤھاتی ھاتبوو ئاگەھدارکرن پێدڤیە ئەڤ کەنالە مولەتا یاسایی دروست بکەت ھەکە نە دێ پێرابوونێن یاسایی دگەل دا ھێتە کرن.

ئەڤرۆ نیوز، بارزان مزووری:

کومیسەر سەوری نەعمان ژ پشکا ھاتنوچوونا ناحیا ئەلقوش بۆ ئەڤرۆ نیوز دیار کر کو ئەڤرۆ دەمژمێر ١١ سپێدێ رێکەفتی ٦ی شوباتێ ٢٠١٩ ل سەر رێیا سەرەکی یا بەدریک بۆ شێخان ل نێزیک دوریانا ئەلقۆش ترومبێلەک ژ جورێ بارھەلگر وەرگەریایە د ئەنجام دا رێ ب تەمامی ھاتیە داخستن.

 ناڤھاتی ئەو یەک ژی دیار کر کو رێ هەتا نھا نەھاتیە ڤەکرن ھزارەھا ترومبێلێن بارھەلگر و تایبەت راوەستیاینە ئەم چاڤەرێینە کو دگەل بەرگریا شارستانی کو رێ بھێتە ڤەکرن ژ بەر کو ئەڤ رێیە رێیەک نیڤدەولەتی دھێتە ھژمارتن چو رێیێن دی یێن بەدیل نینن ترومبێلێن بارھەلگر لێ دەرباز ببن.