بەرێ بنیاتی بۆ چەندین پڕۆژەیان ل زاخـۆ هاتە دانان
زاخۆ، دلۆڤان هالۆ:
ل سەر ڕاسپاردەیا مەسرور بارزانی، سەرۆكێ حكومەتا هەرێما كوردستانێ و ل ژێر چاڤدێریا گوهدار شێخۆ، سەرپەرشتێ ئیدارەیا سەربخوە یا زاخۆ، بەرێ بنیاتی بۆ چەندین پڕۆژەیێن خزمەتگوزاری ل ئیدارەیا سەربخوە یا زاخۆ هاتە دانان.
ژ وان پڕۆژەیان، ب گوژمێ دو ملیار و 807 و 690 هزار دیناران بەرێ بنیاتی بۆ چێكرن و قێركرنا جاددەیێن ناڤخۆیی ل تاخێ سەرهلدان و قووناغا چارێ یا چێكرنا جادەیان ل تاخێ گولان هاتە دانان، دیسا ب گوژمێ چار ملیار و 314 ملیۆن و 600 هزار دیناران بەرێ بنیاتی بۆ چێكرن و قێركرنا جادەیێن تاخێ ئەردەوان هاتە دانان، زێدەباری بەرێ بنیاتی بۆ چێكرن و قێركرنا جادەیان ل تاخێ ئەیاز ژی هاتە دانان.
دیسا ئێك ژ پڕۆژەیێن دی بەرێ بنیاتی بۆ ئاڤاكرنا باخچەیەكێ زارۆكان ل تاخێ دێرەبوونێ ل ناوچەداریا ڕزگاری هاتە دانان.
