بەرێ بنیاتی بۆ چەندین پڕۆژەیان ل ناوچەداریا باتێلێ هاتە دانان
زاخۆ، دلۆڤان هالۆ:
ل سەر فەرمانا مەسرور بارزانی، سەرۆكێ حكومەتا هەرێما كوردستانێ، دوهی 2/11/2025 د ڕێوڕەسمەكێ تایبەت دا ب ئامادەبوونا گوهدار شێخۆ، سەرپەرشتێ ئیدارەیا سەربخوە یا زاخۆ، ب گوژمێ دو ملیار دیناران بەرێ بنیاتی بۆ چەندین پڕۆژەیێن خزمەتگوزاری ل ناوچەداریا باتێلێ یا سەر ب ئیدارەیا سەربخوە یا زاخۆ ڤە هاتە دانان.
پڕۆژە ژ چێكرن و قێركرنا رێكێن ناڤخۆیی ل سەنتەرێ ناوچەداریا باتێلێ، قووناغا دووێ یا چێكرنا رێكا ئاسیهێ، دیسا ئاڤاكرنا قوتابخانەیەكا نەه پۆلی ل گوندێ گرڕەش و ئاڤاكرنا بنگەهێ وەرزش و لاوان پێك دهێن.
گوهدار شێخۆ د پەیڤەكێ دا بەحس ل گرنگییا دەڤەرا باتێلێ كر، پاشی بابەتێ پێشكێشكرنا خزمەتگوزارییان ب هەموو تەوەرێن خوەڤە بەحس كر.
دیسا د ڕێوڕەسمەكێ تایبەت دا ژی ڕێڤەبەرێ نوو یێ ناوچەداریا باتێلێ ئەیاد تارق دەست ب كاربوو.
