ب گیان ژ دەستدانا سەرۆك كۆمارێ ئیرانێ گەلەك خەمگین بووم
دوهی دوشەمبی 20/5/2024، سەرۆك بارزانی پەیامەك ل دۆر روودانا كەفتنا هێلیكۆپتەرا سەرۆك كۆمارا ئیسلامییا ئیرانێ پەیامەكا بەهیداریێ ئاراستەی رێبەرێ بلند یێ كۆمارا ئیسلامییا ئیرانێ و حوكمەت و كەسوكارێن سەرۆك كۆماری و وەزیرێ دەرڤەیێ ئیرانێ كر.
دەقێ پەیاما بەهیداریێ یا سەرۆك بارزانی:
ب گوهلێبوونا دەنگوباسێ وەغەركرنا ئیبراهیم رەئیسی، سەرۆك كۆمار و عەبدوللاهیان، وەزیرێ دەرڤە یێ كۆمارا ئیسلامییا ئیرانێ د روودانا دلتەزین یا كەفتنا هێلیكۆپتەرا وان دا گەلەك خەمگین بووم.
بەهیداری و سەرەخوەشییا خوە ئاراستەی رێبەرێ كۆمارا ئیسلامییا ئیرانێ و حوكمەت و مالبات و كەسوكارێن قوربانیێن ئەوێ روودانێ دكەم، خودایێ مەزن هەدارێ بدەتە هەموو ئالییەكی.
